ເວທີປາໄສຕຳຫຼວດຈະລາຈອນອາຊຽນຄັ້ງທີ1
ທ່ານລັດຖະມົນຕີກະຊວງຕຳຫຼວດຫວຽດນາມ ໂຕເລີມ
ກ່າວຄຳເຫັນໄຂເວທີປາໄສ
(ພາບ: cand.com.vn)
(vovworld) - ເວທີປາໄສຕຳຫຼວດຈໍລະຈອນອາຊຽນ ຄັ້ງທີ 1 ຖືກໄຂຂຶ້ນໃນຕອນເຊົ້າວັນທີ 21/11, ຢູ່ຮ່າໂນ້ຍ. ກ່າວຄຳເຫັນໄຂເວທີປາໄສ, ທ່ານລັດຖະມົນຕີກະຊວງຕຳຫຼວດຫວຽດນາມ ໂຕເລີມ ຊີ້ແຈ້ງວ່າ ເວທີປາໄສຕຳຫຼວດຈະລາຈອນບັນດາປະເທດອາຊຽນ ແມ່ນມີຄວາມຈຳເປັນ ເພື່ອແນໃສ່ເພີ່ມທະວີການຮ່ວມມື, ແບ່ງປັນບົດຮຽນໃນວຽກງານຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ, ສ້າງເງື່ອນໄຂສະດວກໃຫ້ການຂົນສົ່ງຜ່ານຊາຍແດນລະຫວ່າງບັນດາປະເທດໃນພາກພື້ນອາຊຽນ.
“ສຳລັບເວທີປາໄສນີ້, ກະຊວງຕຳຫຼວດຫວຽດນາມ ປາດຖະໜາວ່າ ກຳລັງຕຳຫຼວດຈະລາຈອນບັນດາປະເທດ ຈົ່ງຕັ້ງໜ້າແລກປ່ຽນບົດຮຽນ ປະຕິບັດບັນດາມາດຕະການແກ້ໄຂເພື່ອຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ, ການຈັດຂັ້ນປະຕິບັດໜ້າທີ່ຄຸ້ມຄອງລັດ ກ່ຽວກັບຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ. ບັນດາບັນຫາຮ່ວມມື ແລະ ນຳເຂົ້າເນື້ອໃນປຶກສາຫາລືບົດບັນທຶກຊ່ວຍຈຳຂອງເວທີປາໄສນີ້ ແມ່ນເພື່ອຜັນຂະຫຍາຍຢ່າງມີປະສິດທິຜົນໃນໄລຍະຈະມາເຖິງ, ປະກອບສ່ວນຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມຂອງແຕ່ລະປະເທດ ກໍຄືຂອງພາກພື້ນອາຊຽນ”.
ທີ່ເວທີປາໄສ, ບັນດາຜູ້ແທນໄດ້ສຸມໃສ່ປຶກສາຫາລື, ແນະນຳກ່ຽວກັບຮູບແບບຈັດຕັ້ງ, ບົດບາດໜ້າທີ່, ສິດຂອງຕຳຫຼວດຈະລາຈອນບັນດາປະເທດ, ກົດໝາຍວ່າດ້ວຍຄົມມະນາຄົມຂອງບັນດາປະເທດອາຊຽນ…