(VOVWORLD) - ຕອນເຊົ້າວັນທີ 6 ມັງກອນ ຢູ່ຫໍສະພາແຫ່ງຊາດ (ຮ່າໂນ້ຍ) ໄດ້ໄຂກອງປະຊຸມຄັ້ງທີ 41 ຂອງຄະນະປະຈຳສະພາແຫ່ງຊາດ. ໂດຍໄດ້ດຳເນີນໃນ 1 ມື້ເຄິ່ງ, ກອງປະຊຸມ ຈະພິຈາລະນາ, ປະກອບຄຳເຫັນໃສ່ຫຼາຍເນື້ອໃນສຳຄັນ.
ກ່ຽວກັບວຽກງານສ້າງກົດໝາຍ, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບການອະພິປາຍ, ຮັບເອົາ, ປັບປຸງຮ່າງກົດໝາຍວ່າດ້ວຍອຸດສາຫະກຳເຕັກໂນໂລຢີດີຈີຕອນ; ຮ່າງກົດໝາຍວ່າດ້ວຍວຽກເຮັດງານທຳ (ສະບັບປັບປຸງ), ຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການໂຄສະນາ; ຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍມາດຕະຖານ ແລະ ຂໍ້ກຳນົດມາດຖານດ້ານເຕັກນິກ.