ປະຊາຊົນມາຢ້ຽມຊົມ ແລະ ຊື້ເຄື່ອງຢູ່ງານຕະຫຼາດນັດ (ພາບ: hanoimoi.com.vn)

ຕອນຄ່ຳວັນທີ 10 ຕຸລາ, ຢູ່ຖະໜົນຍ່າງ ຈ້ິງກົງເຊີນ, ໄຕໂຮ່, ຮ່າໂນ້ຍ, ໄດ້ຈັດຕັ້ງງານຕະຫຼາດນັດໂຄສະນາ, ແນະນຳ, ເຊື່ອມຕໍ່ການພົວພັນແລກປ່ຽນບັນດາຜະລິດຕະພັນທີ່ຂຶ້ນກັບໂຄງງານແຫ່ງຊາດ ໜຶ່ງຕາແສງໜຶ່ງຜະລິດຕະພັນ (OCOP) ແລະ ອາຫານທີ່ເປັນເອກະລັກສະເພາະຂອງບັນດາເຂດພາກໃນທົ່ວປະເທດໂດຍພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ, ສະຫະສະມາຄົມຟາມ ແລະ ວິສາຫະກິດ ກະສິກຳ ຫວຽດນາມ ແລະ ຄະນະກຳມະການປະຊາຊົນເມືອງ ໄຕໂຮ່ ສົມທົບກັນຈັດຕັ້ງ. ນີ້ແມ່ນໜຶ່ງໃນບັນດາເຫດການທີ່ໄດ້ຈັດຂຶ້ນເພື່ອສະເຫຼີມສະຫຼອງ 65 ປີແຫ່ງວັນປົດປ່ອຍນະຄອນຫຼວງ, ສະເຫຼີມສະຫຼອງ ວັນນັກທຸລະກິດ ຫວຽດນາມ. ງານຕະຫຼາດນັດມີການເຂົ້າຮ່ວມຂອງຮ້ານວາງຂາຍສິນຄ້າ ກ່ວາ 100 ຮ້ານ ດ້ວຍບັນດາຜະລິດຕະພັນ OCOP ແລະ ອາຫານທີ່ເປັນເອກະລັກສະເພາະຂອງ ບັນດາເຂດພາກໃນທົ່ວປະເທດ. ຜະລິດຕະພັນ OCOPທີ່ມາວາງຂາຍໃນງານລວມມີ: ຜະລິດຕະພັນກະເສດ, ສະບຽງອາຫານ, ຜະລິດຕະພັດຫັດຖະກຳ ສິລະປະກຳ, ອາຫານການກິນຂອງຊາວຮ່າໂນ້ຍ ແລະ ບັນດາແຂວງ, ນະຄອນໃນທົ່ວປະເທດ.