ພິທີໄຂງານວາງສະແດງຮູບພາບ “ສາຍພົວພັນ ຫວຽດນາມ - ລາວ ໜັກແໜ້ນ, ຍືນຍົງກວ່າພູເຂົາກ້າ, ກວ່າແມ່ນ້ຳລຳເຊ”

ຕອນເຊົ້າວັນທີ 06 ທັນວາ, ທີ່ຫໍວັດທະນະທຳແຫ່ງຊາດລາວຢູ່ນະຄອນຫລວງ ວຽງຈັນ, ສຳນັກຂ່າວສານ ຫວຽດນາມ ແລະ ສຳນັກຂ່າວສານ ລາວ ໄດ້ຈັດຕັ້ງພິທີໄຂງານວາງສະແດງຮູບພາບ “ສາຍພົວພັນ ຫວຽດນາມ - ລາວ ໜັກແໜ້ນ, ຍືນຍົງກວ່າພູເຂົາກ້າ, ກວ່າແມ່ນ້ຳລຳເຊ”. ນີ້ແມ່ນເຫດການໂດຍສຳນັກຂ່າວສານ 2 ປະເທດຮ່ວມກັນຈັດຕັ້ງ ເພື່ອສະເຫຼີມສະຫຼອງປີມິດຕະພາບ, ສາມັກຄີ ຫວຽດນາມ - ລາວ, ລາວ - ຫວຽດນາມ 2017. ງານວາງສະແດງໄດ້ສະແດງເອກະສານພາບຖ່າຍທີ່ມີຄ່າຂາວດຳ ແລະ ສີກວ່າ 100 ແຜ່ນ ໂດຍບັນດານັກຂ່າວສຳນັກຂ່າວສານ ຫວຽດນາມ ໄດ້ຖ່າຍເອົາ, ໃນນັ້ນ ມີບັນດາຮູບພາບລ້ຳຄ່າຄື ຮູບຖ່າຍປະທານໂຮ່ຈີມິນ ພົບປະແລກປ່ຽນກັບປະທານ ສຸພານຸວົງ ຢູ່ເຂດຖານທີ່ໝັ້ນ ຫວຽດບັກ, ຢູ່ທາງຂ້າງແມ່ນຮູບຖ່າຍປະທານໂຮ່ຈີມິນ ແລະ ທ່ານເລຂາທິການໃຫຍ່ ໄກສອນ ພົມວິຫານ ຢູ່ ຮ່າໂນ້ຍ ປີ 1966…

ຫໍວັດທະນະທຳແຫ່ງຊາດລາວຢູ່ນະຄອນຫລວງ ວຽງຈັນ

ລາຍການສະແດງສິລະປະ

ພາຍຫລັງງານວາງສະແດງຮູບພາບໄດ້ສິ້ນສຸດລົງ, ຮູບພາບໃນງານວາງສະແດງທັງໝົດນັ້ນ ຈະຖືກສຳນັກຂ່າວສານ ຫວຽດນາມ ມອບໃຫ້ສຳນັກຂ່າວສານ ລາວ ເພື່ອເປັນເອກະສານວັດຖຸພັນນຳໃຊ້ໃຫ້ແກ່ວຽກງານໂຄສະນາເຜີຍແຜ່ກ່ຽວກັບການພົວພັນແບບພິເສດລະຫວ່າງ 2 ປະເທດ ລາວ - ຫວຽດນາມ, ຫວຽດນາມ - ລາວ.

        ງານວາງສະແດງຈະອັດລົງໃນວັນທີ 09 ທັນວາ .