(ລາຍການສະແດງທີ່ສັບປະດາວັດທະນະທຳ ຫວຽດນາມ ຢູ່ ລາວ)

        ພິທີໄຂສັບປະດາວັດທະນະທຳ ຫວຽດນາມ ຢູ່ ລາວ ຈັດຂຶ້ນໃນວັນທີ 10 ທັນວາ, ຢູ່ນະຄອນຫຼວງ ວຽງຈັນ. ກ່າວຄຳເຫັນທີ່ພິທີ, ທ່ານ ຮ່ວາງດ້າວເກືອງ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ເຊື່ອໝັ້ນວ່າ, ເລື່ອງຈັດສັບປະດາວັດທະນະທຳ ຫວຽດນາມ ຢູ່ ລາວ ປີ 2024 ໄດ້ປະກອບສ່ວນປັບປຸງ, ເພີ່ມທະວີການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ.

        ກໍ່ທີ່ພິທີ, ທ່ານ ວັນສີ ກົວມົວ, ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ຢືນຢັນວ່າ, ສັບປະດານີ້ບໍ່ພຽງແຕ່ສະແດງໃຫ້ເຫັນມູນເຊື້ອຂອງສາຍພົວພັນມິດຕະພາບທີ່ແໜ້ນແຟ້ນລະຫວ່າງ 2 ປະເທດເທົ່ານັ້ນ, ຫາກຍັງແມ່ນການເຄື່ອນໄຫວຈັດຕັ້ງການຜັນຂະຫຍາຍແຜນການຮ່ວມມືດ້ານວັດທະນະທຳ, ສີລະປະ ແລະ ທ່ອງທ່ຽວ ລາວ - ຫວຽດນາມ ໄລຍະ 2021 – 2025 ອີກດ້ວຍ.

        “ຂ້າພະເຈົ້າເຊື່ອໝັ້ນວ່າ, ສັບປະດາວັດທະນະທຳ ຫວຽດນາມ ຢູ່ ລາວ ຈະສ້າງຄວາມປະທັບໃຈ ແລະ ເປັນຂົວເຊື່ອມຕໍ່ໃນການເພີ່ມທະວີການແລກປ່ຽນ ແລະ ການຮ່ວມມືດ້ານວັດທະນະທຳຢ່າງເລິກເຊິ່ງລະຫວ່າງປະຊາຊົນ 2 ປະເທດ; ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ ລາວ - ຫວຽດນາມ, ຫວຽດນາມ - ລາວ ໃຫ້ນັບມື້ນັບແໜ້ນແຟ້ນ ແລະ ພັດທະນາຢ່າງບໍ່ຢຸດຢັ້ງ”.

        ສັບປະດາວັດທະນະທຳ ຫວຽດນາມ ຢູ່ ລາວ ຈະຈັດຂຶ້ນຮອດວັນທີ 13 ທັນວາ.