(ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນມ້າຍ)

ກ່າວຄຳເຫັນຊີ້ນຳທີ່ກອງປະຊຸມໃນຕອນບ່າຍວັນທີ 13 ກັນຍາ ຂອງຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ -19 ນະຄອນ ໂຮ່ຈີມິນ, ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນມ້າຍ ເນັ້ນໜັກວ່າ: ອຳນາດການປົກຄອງນະຄອນຍາມໃດກໍ່ພິຈາລະຈາບັນຫາຮັບປະກັນຊີວິດສັງຄົມໃຫ້ແກ່ປະຊາຊົນແມ່ນເປົ້າໝາຍ ແລະ ຄຳສັ່ງ. ປະຈຸບັນ, ນະຄອນພວມຮີບເຮັ່ງກວດກາສ້າງບັນຊີລາຍຊື່ຜູ້ທີ່ພວມອາໄສຢູ່ໃນບໍລິເວນ ເພື່ອສືບຕໍ່ຜັນຂະຫຍາຍບ້ວງເງິນໜູນຊ່ວຍຄັ້ງທີ 3 ທີ່ມີມູນຄ່າ 10.000 ຕື້ດົ່ງ.

 “ພວກຂ້າພະເຈົ້າຮູ້ວ່າພໍ່ແມ່ປະຊາຊົນພວມປະສົບກັບຄວາມຫຍຸ້ງຍາກທີ່ສຸດ, ຕ້ອງໄດ້ຮັບການໜູນຊ່ວຍຄືກັນ ແລະ ມີຄວາມຍຸຕິທຳ. ເຖິງຢ່າງໃດກໍ່ຕາມ, ໃນການສ້າງບັນຊີລາຍຊື່ຈະບໍ່ສາມາດຄົບໄດ້. ພວກຂ້າພະເຈົ້າຈະສືບຕໍ່ລວບລວມບັນດາບັນຊີທີ່ຂາດນັ້ນເຂົ້າໃນບ້ວງເງິນຄັ້ງທີ 3 ນີ້. ບ້ວງເງິນໜູນຊ່ວຍນີ້ບໍ່ແມ່ນຫຼາຍ, ແຕ່ມັນກໍ່ແມ່ນຄວາມມານະພະຍາຍາມຂອງນະຄອນ ແລະ ພໍ່ແມ່ປະຊາຊົນພ້ອມກັນແບ່ງປັນກັບນະຄອນໃນເງື່ອນໄຂເກີດໂລກລະບາດ, ເພື່ອພ້ອມກັບນະຄອນປະຕິບັດການແຍກຫ່າງ, ປະຕິບັດບັນດາມາດຕະການປ້ອງກັນ ຕ້ານໂລກລະບາດໃຫ້ເປັນຢ່າງດີກວ່າໃນໄລຍະຈະມາເຖິງ”.

ໃນວຽກງານປ້ອງກັນ ຕ້ານໂລກລະບາດໃນໄລຍະຈະມາເຖິງ, ນະຄອນ ໂຮ່ຈີມິນ ມີແຜນນະໂຍບາຍນຳໃຊ້ “ບັດຂຽວໂຄວິດ -19” ເພື່ອຄວບຄຸຸມບັນດາພາກສ່ວນພົນລະເມືອງໃນວິວັດການເປີດປະຕູ, ຟື້ນຟູເສດຖະກິດ.