(vovworld) – ເຖິງວ່າບໍ່ທັນໄດ້ພົບປະກັບ ປະທານ ໂຮ່ຈີມິນ ຈັກເທື່ອກໍ່ຕາມ, ແຕ່ໃນຈິດໃຈຂອງ ຈິດຕະກອນ ເຈິ່ນຮ່ວາບິ່ງ, ຮູບພາບຜູ້ນຳທີ່ແສນເຄົາລົບຮັກຂອງຊາດຫວຽດນາມ, ຍາມໃດກໍ່ແມ່ນແຫຼ່ງສະອອນໃຈໃນການປະດິດແຕ່ງຂອງທ່ານ. ກວ່າ 40 ປີ ທີ່ຕິດພັນກັບສິລະປະແຕ້ມຮູບ, ຍາມໃດຈິດຕະກອນ ເຈິ່ນຮ່ວາບິ່ງ ກໍ່ເມົາມົວກັບການແຕ້ມຮູບປະທານ ໂຮ່ຈີມິນ. ໃນລາຍການປະເທດຊາດ ແລະ ຊາວຫວຽດນາມພາກນີ້, ພວກເຮົາຂໍແນະນຳບົດຂອງເຮືອງລານ, ນັກຂ່າວວິທະຍຸກະຈາຍສຽງຫວຽດນາມ ທີ່ມີຫົວຂໍ້ວ່າ:” ຈິດຕະກອນ ເຈິ່ນຮ່ວາບິ່ງ, ຜູ້ແຕ້ມຮູບປະທານ ໂຮ່ຈີມິນ ໄດ້ເກືອບ 600 ແຜ່ນ”
ຈິດຕະກອນ ເຈິ່ນຮ່ວາບິ່ງ ພ້ອມກັບບັນດາພາບແຕ້ມກ່ຽວກັບລຸງໂຮ່
(ພາບອິນເຕີແນດ)
ປະຈຸບັນ, ຈິດຕະກອນ ເຈິ່ນຮ່ວາບິ່ງ ພວມດຳລົງຊີວິດຢູ່ເທດສະບານ ຟາດຢ້ຽມ ເມືອງ ກິມເຊີນ, ແຂວງ ນິງບິ່ງ (ຮ່າງຈາກຮ່າໂນ້ຍໄປທາງທາງທິດໃຕ້ປະມານ 100 ກ.ມ). ໃນຫ້ອງວາງສະແດງຮູບແຕ້ມຂອງຕົນ, ຈິດຕະກອນ ເຈິ່ນຮ່ວາບິ່ງ ໄດ້ເລົ່າສູ້ຟັງວ່າ: ທ່ານໄດ້ຮຽນແຕ້ມຈາກພໍ່ (ແມ່ນນັກຈິດຕະກອນ ນາມຟອງ) ນັບແຕ່ເວລາມີອາຍຸ 10 ປີ. ເມື່ອມີອາຍຸ 16 ປີ, ທ່ານໄດ້ແຕ້ມສຳເລັດຮູບປະທານ ໂຮ່ຈີມິນ ທີ່ພວມເຮັດວຽກ ແລະມອບໃຫ້ຄະນະກຳມະການປະຊາຊົນເມືອງ ກິມເຊີນ. ໂດຍໄດ້ຮັບການສົ່ງເສີມຈາກທຸກຄົນ, ທ່ານສືບຕໍ່ແຕ້ມຮູບ ປະທານ ໂຮ່ຈີມິນ ໃນຫຼາຍແງ່ມູມທີ່ແຕກຕ່າງກັນຄື: ປະທານ ໂຮ່ຈີມິນ ພວມນັ່ງເຮັດວຽກຢູ່ລັດເຊຍ, ຢູ່ສຳນັກງານປະທານປະເທດ; ປະທານ ໂຮ່ຈີມິນ ພວມລະຫຼິ້ນກັບພວກຫຼານເຍົາວະຊົນ… ເມື່ອແຕ້ມຮູບປະທານ ໂຮ່ຈີມິນ ໃນບໍ່ວ່າແງ່ມູມໃດ, ທ່ານກໍ່ເອົາໃຈໃສ່ທີ່ສຸດເຖິງ ຈິດນະສິນ, ວາດຊົງຂອງເພິ່ນ. ທ່ານ ບິ່ງ ຍັງສະຫງວນເວລາສ່ວນຫຼາຍ ເພື່ອອ່ານບັນດາເລື່ອງລາວ ແລະ ຊອກຫາຮູບຖ່າຍ ກ່ຽວກັບຊີວິດຂອງປະທານ ໂຮ່ຈີມິນ ເພື່ອແຕ້ມຮູບຂອງເພີ່ນໃຫ້ງາມກວ່າ.
“ສຳຫຼັບຂ້າພະເຈົ້າແລ້ວ, ປະທານ ໂຮ່ຈີມິນ ແມ່ນແບບຢ່າງກ່ຽວກັບການເສຍສະຫຼະທຸກສິ່ງທຸກຢ່າງເພື່ອມວນມະນຸດ. ຂ້າພະເຈົ້າໄດ້ຄົ້ນຄ້ວາຫຼາຍທີ່ສຸດກ່ຽວກັບຮູບພາບລຸງໂຮ່, ໃບໜ້າຂອງລຸງງາມ, ມີບຸນວາດສະໜາ, ນັບແຕ່ແວວຕາ, ສົບປາກລ້ວນແຕ່ມີຄວາມກົມກຽວທີ່ສຸດ, ຕ່າງກັບການນຳຜູ້ອື່ນໆ. ເມື່ອແຕ້ມຮູບລູງ ໂຮ່, ຄວາມງາມຂອງເພີ່ນໄດ້ຝັງເລິກໃນຫົວໃຈຂອງຕົນ, ດັ່ງນັ້ນຂ້າພະເຈົ້າຈຶ່ງແຕ້ມຢ່າງມີຊີວິດຊີວາ ແລະ ງາມຫຼາຍ”.
ຈິດຕະກອນ ເຈິ່ນຮ່ວາບິ່ງກຳລັງແຕ້ມຮູບປະທານ ໂຮ່ຈີມິນ
(ພາບອິນເຕີແນດ)
ຈິດຕະກອນ ເຈິ່ນຮ່ວາບິ່ງ ໄດ້ເວົ້າຄວາມໃນໃຈສູ່ຟັງວ່າ, ແຕ້ມຮູບປະທານ ໂຮ່ຈີມິນ ຍາກຫຼາຍ. ນອກຈາກແຕ້ມແວວຕາຄືແນວໃດເພື່ອສ້າງເປັນ ຈິດນະສິນ ຂອງເພິ່ນແລ້ວ, ຕ້ອງແຕ້ມໃຫ້ໄດ້ຄວາມງາມສົດໃສຂອງ ຮອຍຍິ້ມ ແລະ ຄວາມອ່ອນນວນຂອງໜວດ. ປ້າ ເຈິ່ນທິເກື່ອງ, ເມຍຂອງ ຈິດຕະກອນ ເຈິ່ນຮ່ວາບິ່ງ, ຖືວ່າຜົວຂອງລາວ,ມີສະເໜກັບປະທານໂຮ່ຈີມິນ, ດັ່ງນັ້ນຈຶ່ງສາມາດແຕ້ມຮູບຂອງເພີ່ນໄດ້ຫຼາຍຄືແນວນັ້ນ.
“ເມື່ອແຕ້ມຮູບປະທານ ໂຮ່ຈີມິນ, ຜົວຂອງຂ້າພະເຈົ້າຍາມໃດກໍ່ເມົາມົວ, ບໍ່ຮູ້ອິດບໍ່ຮູ້ເມື່ອຍ, ຍິ່ງແຕ້ມກໍ່ຍິ່ງງາມ, ຮູບແຕ້ມໃດກໍ່ງາມ, ບາງເທື່ອ 10 ແຜ່ນ, 20 ແຜ່ນກໍ່ງາມຄືກັນບໍ່ສາມາດຊອກເຫັນຈຸດທີ່ແຕກຕ່າງກັນໄດ້”
ຈິດຕະກອນ ເຈິ່ນຮ່ວາບິ່ງ ໃຫ້ຮູ້ວ່າ, ເມື່ອແຕ້ມຮູບປະທານ ໂຮ່ຈີມິນ, ທ່ານຕ້ອງນຶກຄິດເຖິງການກະທຳຂອງເພິ່ນຜ່ານເລື່ອງລາວຕ່າງໆ, ຕົວຢ່າງຄື, ເມື່ອແຕ້ມໜວດ , ທ່ານຄິດເຖິງຮູບປະທານພວມລະຫຼິ້ນກັບພວກຫຼານເຍົາວະຊົນ; ເມື່ອແຕ້ມຕາ, ທ່ານຄິດເຖິງຮູບພາບຂອງເພິ່ນເວລາພວມຄົ້ນຄິດເຖິງວຽກງານຂອງລັດ... ໃນ 40 ປີຜ່ານມາ, ທ່ານສາມາດແຕ້ມຮູບປະທານ ໂຮ່ຈີມິນໄດ້ເກືອບ 600 ແຜ່ນ, ທ່ານບິ່ງ ມີຄວາມສະອອນໃຈທີ່ສຸດຕໍ່ຮູບພາບປະທານ ໂຮ່ຈີມິນ ພວມນັ່ງເຮັດວຽກຢູ່ລັດເຊຍ:
“ແຕ້ມຮູບປະທານໂຮ່ຈີມິນ ທັງງ່າຍ, ທັງຍາກທີ່ສຸດ, ເພາະວ່າທຸກຄົນຜູ້ໃດກໍ່ຮູ້ດີກ່ຽວກັບຮູບພາບຂອງເພິ່ນ, ບັນດາຮູບແຕ້ມປະທານ ໂຮ່ຈີມິນ, ຂ້າພະເຈົ້າຈະຮັກສາໄວ້ໃຫ້ຄົນລຸ້ນຫຼັງ. ດັ່ງນັ້ນຕ້ອງແຕ້ມຄືແນວໃດໃຫ້ມີຊີວິດຊີວາ. ໃນຊຸມປີມໍ່ໆມານີ້, ຂ້າພະເຈົ້າໄດ້ຊອກເຫັນຮູບຂອງລຸງທີ່ໜຸ່ມກວ່າ, ທ່ານັ່ງກໍ່ງາມກວ່າ ແລະ ມີຊີວິດຊີວາກວ່າ. ຂ້າພະເຈົ້າຄິດວ່າຮູບແຜ່ນນີ້ແມ່ນໜຶ່ງໃນບັນດາຮູບພາບສວຍງາມທີ່ສຸດ ແລະ ໄດ້ຮັບຄວາມນິຍົມຈາກຫຼາຍຄົນ. ຂ້າພະເຈົ້າແຕ້ມຮູບຂອງເພິ່ນດ້ວຍອາລົມຈິດ, ຄວາມຮັກທີ່ລົ້ນເຫຼືອຂອງຕົນ, ດັ່ງນັ້ນຍິ່ງຊົມຍິ່ງເຫັນໄດ້ຄວາມງາມຂອງລຸງ”.
ຈິດຕະກອນ ເຈິ່ນຮ່ວາບິ່ງ
ແລະພາບແຕ້ມປະທານໃນໂອກາດເພິ່ນໄປເຮັດວຽກຢູ່ລັດເຊຍ
(ພາບອິນເຕີແນດ)
ຈິດຕະກອນ ເຈິ່ນຮ່ວາບິ່ງ ໄດ້ເວົ້າຄວາມໃນໃຈສູ່ຟັງວ່າ: ຮູບແຕ້ມປະທານ ໂຮ່ຈີມິນ ໄດ້ຮັບຄວາມນິຍົມຈາກຫຼາຍຄົນ, ພິເສດ, ບັນດາຫ້ອງການ, ສຳນັກງານຂອງລັດ ໄດ້ຊື້ມາເພື່ອແຂວນ. ມີຫຼາຍຄົນນິຍົມຮູບແຕ້ມປະທານ ໂຮ່ຈີມິນ ຈາກ ກ່າເມົາ, ໄຊງ່ອນ, ແທນຮ໋ວາ, ຮ່າໂນ້ຍ, ຫາຍຝ່ອງ, ນິງບິ່ງ… ໄດ້ມາຄອບຄົວຂອງທ່ານເພື່ອຊື້ຮູບແຕ້ມປະທານ ໂຮ່ຈີມິນ ມາແຂວນ. ທ່ານ ຫງວຽນເທ໋ແອງ, ຢູ່ຖະໜົນຮ່າງຈົ໋ງ, ເມືອງ ຮ່ວານກ໋ຽມ, ຮ່າໂນ້ຍ, ຜູ້ຊີື້ຮູບແຕ້ມຂອງຈິດຕະກອນ ເຈິ່ນຮ່ວາບິ່ງ, ແບ່ງປັນວ່າ:
“ຂ້າພະເຈົ້ານິຍົມປະທານໂຮ່ຈີມິນໃນພາບແຕ້ມຂອງຈິດຕະກອນ ເຈິ່ນຮ່ວາບິ່ງ ຫຼາຍ. ເມື່ອຊົມພາບແຕ້ມຂອງເພິ່ນ, ຂ້າພະເຈົ້າເຫັນໄດ້ຄວາມເຄັ່ງຂຶມ, ຜຶງຜາຍ ແລະ ແວວຕາໃສແຈ້ງຂອງຜູ້ນຳທີ່ຍິ່ງໃຫຍ່. ຈິດຕະກອນ ເຈິ່ນຮ່ວາບິ່ງ ແມ່ນຜູ້ທີ່ມີຄວາມຮູ້ທີ່ສຸດກ່ຽວກັບປະທານ ໂຮ່ຈີມິນ, ດັ່ງນັ້ນທ່ານໄດ້ຝາກຝັງອາລົມຈິດ, ຄວາມຮັກແພງ ແລະ ຄວາມເຄົາລົບຂອງຕົນເຂົ້າໃນພາບແຕ້ມ”.
ໂດຍແມ່ນຜູ້ທີ່ໄດ້ສະຫງວນເວລາສ່ວນຫຼາຍ ເພື່ອແຕ້ມຮູບປະທານ ໂຮ່ຈີມິນໄດ້ຫຼາຍແຜ່ນນັ້ນ. ຈິດຕະອນ ເຈິ່ນຮ່ວາບິ່ງ ໃຫ້ຮູ້ວ່າ, ທ່ານຍັງຄົງສືບຕໍ່ແຕ້ມຮູບປະທານ ໂຮ່ຈີມິນ. ພິເສດ, ທ່ານຢາກຖ່າຍທອດອາຊີບໃຫ້ລຸ້ນຫຼັງ ເພື່ອໃຫ້ເຂົາເຈົ້າຮັກສາ ແລະ ຈື່ຈຳປະທານທີ່ແສນເຄົາລົບຮັກຂອງຊາດຫວຽດນາມ.