(vovworld)- ໃນຊຸມມື້ນີ້, ດ້ຽນບຽນ-ເຂດດິນແດນທາງທິດຕາເວັນຕົກສ່ຽງເນື້ອຫວຽດນາມ ໄດ້ກາຍເປັນສະຖານທີ່ດຶງດູດຄວາມສົນໃຈຈາກຫາງສຽງພາຍໃນ ແລະ ຕ່າງປະເທດ. ຍ້ອນວ່ານີ້ບໍ່ພຽງແຕ່ແມ່ນແຫ່ງເກີດບັ້ນຮົບປະຫວັດສາດ, ສີ້ນສຸດການຕໍ່ຕ້ານຕ້ານພວກລ່າເມືອງຂຶ້ນຝະລັ່ງຂອງຊາດຫວຽດນາມ ຢ່າງມີໄຊເທົ່ານັ້ນ, ຫາກພາຍຫລັງຊຸມປີແຫ່ງສົງຄາມທີ່ທຸກຍາກລຳບາກນາໆປະການ, ຊີວິດທີ່ອີ່ມໜຳສຳລານພວມປະກົດໃນເຂດດິນແດນແຫ່ງນີ້. ຕໍ່ໄປແມ່ນບົດຂຽນຂອງນັກຂ່າວຮົ່ງຫວຽດທີ່ມີຫົວຂໍ້ວ່າ: “ພະລັງຊີວິດຢູ່ດ້ຽນບຽນໃນທຸກວັນນີ້“.
ເຍົາວະຊົນດ້ຽນບຽນຢູ່ອະນຸສາວະລີດ້ຽນບຽນຝູ
(ພາບ: Thanh Hà TTXVN)
ໄຊຊະນະປະຫວັດສາດເມື່ອວັນທີ 7/5 ກ່ອນນີ້ 60 ປີໄດ້ເປີດໜ້າໃໝ່ໃຫ້ແກ່ ດ້ຽນບຽນ-ບ້ານເກີດເມືອງນອນ ຂອງຊາວເຜົ່າໄທ, ມົ້ງ, ຢາວ… ຜູ້ໃດມາດ້ຽນບຽນໃນທຸກວັນນີ້ ກໍ່ໄດ້ເຫັນປະຈັກຕາພະລັງຊີວິດໃໝ່ຢູ່ເຂດຕົວເມືອງທີ່ໃຫ່ຍໂຕໂອຖົງ ແລະ ບັນດາກິດຈະກຳໃຫ່ຍນ້ອຍໄດ້ຮັບການກໍ່ສ້າງຂຶ້ນຢູ່ຄ້າງສາກລົດຕັງ ແລະ ຮົ້ວເຫລັກລວດໜາມໝາກຈັບຂອງສັດຕູໃນເມື່ອກ່ອນ. ດ້ຽນບຽນຝູໃນຊຸມມື້ນີ້ເຕັມໄປດ້ວຍປ້າຍໂຄສະນາ, ທຸງ, ດອກໄມ້ຂ່ຳນັບຊົມເຊີຍວັນໄຊຊະນະດ້ຽນບຽນຝູຄົບຮອບ 60 ປີ. ທ່ານເລວັນເລີນ, ອາຍຸ 83 ປີ, ຢູ່ເມືອງທໍ້ຊວນ ແຂວງແທງຮວາ ແບ່ງປັນວ່າ:
“ຂ້າພະເຈົ້າ ມາດ້ຽນບຽນ ເທື່ອນີ້ແມ່ນເທື່ອທີ 2 ແລ້ວແຕ່ຍັງມີຄວາມຮູ້ສຶກຕື້ນຕັນໃຈ, ເອກອ້າງທະລົງໃຈທີ່ສຸດ ແລະ ເຄົາລົບບັນດາການເສຍສະລະຂອງບັນດານັກວິລະຊົນ, ນັກຮົບທີ່ເສຍສະຫຼະຊີວິດ, ເລືອດເນື້ອຂອງຕົນເພື່ອປົດປ່ອຍບ້ານເກີດເມືອງນອນ. ນຄະອນມີການປ່ຽນແປງຫຼາຍຢ່າງ, ນັບແຕ່ເຮືອນຊານ, ຕະຫຼອດຮອດຖະໜົນຫົນທາງລ້ວນແຕ່ມີການປ່ຽນແປງເມື່ອທຽບກັບເມື່ອກ່ອນ“
ຂົວເມື່ອງແທງ
(ພາບ: Trọng Đạt TTXVN)
ທ່ານຟ້າມບາມ່ຽວ, ຢູ່ເມືອງເຕີຍແທງ, ນະຄອນດ້ຽນບຽນຝູ, ຜູ້ມີໜ້າໃນບັ້ນຮົບດ້ຽນບຽນຝູ ກ່ອນນີ້ 60 ປີ ຮູ້ສຶກເອກອ້າງທະລົງໃຈທີ່ສຸດເມື່ອໄດ້ເຫັນປະຈັກຕາການປ່ຽນແປງໃນແຕ່ລະວັນຂອງແຂວງດ້ຽນບຽນ. ທ່ານມ່ຽວ ໃຫ້ຮູ້ວ່າ:
“ໃນຄາວນັ້ນຍັງທຸຍາກລຳບາກທີ່ສຸດ, ທາງໄປມາບໍ່ທັນມີ, ພວກຂ້າພະເຈົ້າເຂົ້າບ້ານຊ່ວຍປະຊາຊົນທຳການຜະລິດຕ້ອງນຳເອົາເຂົ້າປັ້ນ ແລະ ຖົງຢາໄປຕາມ. ປະຈຸບັນ, ຊີວິດມີການປ່ຽນແປງຫຼາຍແລ້ວ, ໃຜກໍ່ອີ່ມໜຳສຳລານ, ມີຄວາມຜາສຸກ“.
60 ປີໄດ້ລ່ວງເລີຍໄປແລ້ວ, ດ້ຽນບຽນໄດ້ກ້າວຂຶ້ນບົນເສັ້ນທາງລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກໃນແຕ່ລະວັນ ຍ້ອນໄດ້ຮັບການໜູນຊ່ວຍຈາກບັນດາແຫຼ່ງລົງທຶນຂອງລັດຄື: ໂຄງການໜູນຊ່ວຍທີ່ດິນທຳການຜະລິດ, ເຮືອນຢູ່ ແລະ ນ້ຳສະອາດໃຫ້ປະຊາຊົນຊົນເຜົ່າສ່ວນໜ້ອຍທີ່ທຸກຍາກ, ໂຄງການພັດທະນາເສດຖະກິດສັງຄົມຢູ່ບັນດາຕາແສງເຂດຊົນເຜົ່າສ່ວນໜ້ອຍ ແລະ ເຂດພູດອຍທີ່ປະສົບກັບຄວາມຫຍຸ້ງຍາກພິເສດ; ໂຄງການໜູນຊ່ວຍເຮືອນຢູ່ໃຫ້ແກ່ຄອບຄົວທຸກຍາກ…. ປ້າລໍ່ທີ່ເຊ ຢູ່ຕາແສງເມື່ອງຟັງ, ເມືອງດ້ຽນບຽນ ໃຫ້ຮູ້ວ່າ:
“ປະຈຸບັນ, ບ້ານມີໄຟຟ້າໃຊ້, ນ້ຳສະອາດໄຫຼຮອດຕິນຂັ້ນໄດ, ພາເຂົ້າກໍ່ມີຊີ້ນ, ມີປາ, ພໍຢູ່ພໍກິນບໍ່ຖືກອຶດຫິວອີກແລ້ວ. ເມື່ອກ່ອນບໍ່ພໍຢູ່ພໍກິນທຸກຍາກລຳບາກຫຼາຍ “.
ພ້ອມກັບການລົງທຶນຂອງພັກ, ລັດ ແລະ ຄວາມມານະພະຍາຍາມຂອງປະຊາຊົນເອງ, ມາຮອດຈຸດເວລານີ້, ຈຳນວນຄອບຄົວທຸກຍາກຂອງແຂວງດ້ຽນບຽນຍັງເຫຼືອພຽງ 35 % ເທົ່ານັ້ນ. ລະດັບການເຕີບໂຕ GDP ໄລຍະ 2011-2013 ບັນລຸກ່ວາ 9,6%, ລາຍຮັບສະເລັ່ຍຕໍ່ຫົວຄົນບັນລຸກ່ວາ 20 ລ້ານດົ່ງ/ຄົນ/ປີ. ວັດທະນະທຳ, ສັງຄົມກໍ່ພວມໃນທ່າພັດທະນາ. ລະບົບຄົມມະນາຄົມພື້ນຖານໄດ້ຮັບການຍົກລະດັບ, ບູລະນະສ້ອມແປງ, ການຄົມມະນາຄົມມີຄວາມສະດວກສະບາຍກ່ວາ. ທັງໝົດ 10 ເມືອງ, ເທດສະບານເມືອງ ແລະ ນະຄອນລ້ວນແຕ່ມີຕາໜ່າງໄຟຟ້າແຫ່ງຊາດ, ອັດຕາສ່ວນຄອບຄົວໄດ້ໃຊ້ໄຟຟ້າບັນລຸເກືອບ 76%. ແຕ່ນີ້ຮອດປີ 2015, ດ້ຽນບຽນກຳນົດສຸມໃສ່ຍູ້ແຮງການຫັນປ່ຽນໂຄງປະກອບເສດຖະກິດ, ຮັກສາລະດັບເຕີບໂຕເສດຖະກິດສະເລ່ຍແມ່ນ 12%/ປີ, ລາຍຮັບສະເລັ່ຍຕໍ່ຫົວຄົນບັນລຸກ່ວາ 1100 USD/ປີ, ອັດຕາສ່ວນຄອບຄົວທຸກຍາກຫລຸດລົງຕ່ຳກ່ວາ 15%. ເພື່ອບັນລຸໄດ້ບັນດາຈຸດໝາຍດັ່ງກ່າວ, ແຂວງດ້ຽນບຽນ ໄດ້ຊອກຫາຫຼາຍທິດເພື່ອລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກແບບຍືນຍົງ. ທ່ານຟ້າມຊວນໂກຍ, ຮອງປະທານຄະນະກຳມະການປະຊາຊົນແຂວງດ້ຽນບຽນ ຊີ້ແຈ້ງວ່າ:
“ວຽກງານລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກແມ່ນໜ້າທີ່ຈຸດສຸມຂອງແຂວງໃນໄລຍະຈະມາເຖິງ. ດ້ານໜຶ່ງແຂວງສືບຕໍ່ກວດກາຄືນອັດຕາສ່ວນຜູ້ທຸກຍາກອຶດຫິວ, ຄຽງຄ້າງນັ້ນຈະໂຄສະນາໃຫ້ປະຊາຊົນເຂົ້າໃຈຄວາມຮັບຜິດຊອບຂອງຕົນແມ່ນຕ້ອງບື່ນຕົວຂຶ້ນຫລຸດພົ້ນອອກຈາກຄວາມທຸກຍາກ, ປະຕິບັດບັນດາໂຄງການຢ່າງມີໄຊ. ນອກຈາກນັ້ນຕ້ອງເອົາໃຈໃສ່ເປັນພິເສດເຖິງຄວາມສາມາດນຳພາຂອງລະບົບການເມືອງຢູ່ຮາກຖານ“.
ເຖິງວ່າຍັງປະສົບກັບຄວາມຫຍຸ້ງຍາກຫຼາຍຢ່າງ, ສິ່ງທ້າທາຍນາໆປະການກໍ່ຕາມ, ແຕ່ບັນດາຜົນງານທີ່ດ້ຽນບຽນ ບັນລຸໄດ້ໃນມື້ນີ້ ຈະສືບຕໍ່ແມ່ນພື້ນຖານໝັ້ນຄົງເພື່ອໃຫ້ເຂດດິນແດນວິລະຊົນປະຫວັດສາດແຫ່ງນີ້ ຍູ້ໄວພາລະກິດລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ, ກາຍເປັນໜຶ່ງໃນບັນດາແຂວງພັດທະນາຢູ່ທາງທິດຕາເວັນຕົກສຸດຂອງປະເທດຫວຽດນາມ./.