ສາດສະດາຈານ, ປະລິຍາເອກ ຟານກົງເຫງັຍ (Phan Cong Nghia) ຮອງຫົວໜ້າອະທິການບໍດີ ເສດຖະກິດແຫ່ງຊາດໄດ້ເວົ້າເຖິງພັນເອກ ຫງວຽນດັງຢາບ (Nguyen Dang Giap) ໃນບົດບາດເປັນຫົວໜ້າການປະມູນກໍ່ສ້າງອາຄານຫຼາຍໜ້າທີ່, ວ່າ:
”ນີ້ແມ່ນຜູ້ທີ່ສຸດຈິດສຸດໃຈກັບພາລະກິດສຶກສາບຳລຸງສ້າງ. ໂດຍລະອຽດຄື, ສູນບຳລຸງສ້າງຂອງມະຫາວິທະຍາໄລເສດຖະກິດແຫ່ງຊາດ ແມ່ນກິດຈະກຳໃຫຍ່ຂອງຂະແໜງສຶກສາບຳລຸງສ້າງ. ເມື່ອປະຕິບັດຊອງປະມູນຊັ້ນໃຕ້ດີນຂອງກິດຈະກຳ. ອ້າຍຢາບ ( Giap) ໄດ້ຊອກຫາມາດຕະການກໍ່ສ້າງດ້ວຍເຕັກໂນໂລຢີທີ່ທັນສະໄໝ, ເຊິ່ງໄດ້ຮັບການຕີລາຄາຈາກຜູ້ຊ່ຽວຊານຝລັ່ງວ່າ ແມ່ນມາດຕະການທີ່ມີປະສິດທິຜົນ ແລະ ຮັບປະ ກັນຄວາມປອດໄພ”.
ໃນໄລຍະເວລາ 3 ປີ, ຈາກວິສາຫະກິດໜຶ່ງທີ່ມີໄພຈະຖືກລົ້ມທະລາຍ, ແຕ່ພາຍໃຕ້ການຊີ້ນຳນຳພາຂອງທ່ານ, ມູນຄ່າຜະລິດຕະພັນຂອງບໍລິສັດໄດ້ເພີ່ມຂຶ້ນທົບ 10 ເທົ່າ. ໜີ້ສິນກໍ່ຊຳລະ, ທະຫານ ກຳມະກອນມີວຽກເຮັດງານທຳ, ບໍລິສັດມີບາດກ້າວຫັນປ່ຽນຢ່າງວ່ອງໄວແລະ ບໍລິສັດ 36 ໄດ້ກາຍເປັນບໍລິສັດທີ່ມີເຄື່ອງໝາຍໃຫຍ່ຂອງຂະແໜງກໍ່ສ້າງຫວຽດນາມ. ທ່ານ ຢາບ (Giap) ແບ່ງປັນວ່າ:
”ຄວາມຈິງແລ້ວ, ບໍລິສັດ 36 ໄດ້ຮັບຜົນງານຄືປະຈຸບັນ, ແມ່ນຍ້ອນມີຍຸດທະສາດພັດທະນາກ່ອນນີ້ແຕ່ 5, 7 ປີແລ້ວ. ພວກຂ້າພະເຈົ້າໄດ້ມີບັນດາບາດກ້າວບຸກທະລຸ ກ່ຽວກັບສິດທິມະນຸດ, ພາຫະນະອຸປະກອນ, ວິທະຍາສາດເຕັກນິກ ແລະ ຍາມໃດກໍ່ປັບປຸງວິທີການຄຸ້ມຄອງຢ່າງເໝາະສົມ”.
ໂດຍແມ່ນທະຫານເສຍອົງຄະໜັກຜູ້ໜຶ່ງ, ໃນ 5 ປີມໍ່ໆມານີ້ ທ່ານໄດ້ລະດົມເພື່ອນຮ່ວມກົມກອງກໍ່ສ້າງເຮືອນແຫ່ງສາຍຈິດມິດໃຈກວ່າ 50 ຫຼັງ, ມອບປື້ມປະຢັດກວ່າ 300 ປື້ມ, ບຸລະນະສ້ອມແປງທາງ, ສຸກສາລາ, ໂຮງຮຽນ, ອະນຸສາວະລີນັກຮົບທີ່ເສຍສະຫຼະຊີວິດເພີ່ອຊາດນັບຮ້ອຍແຫ່ງ… ດ້ວຍຈຳນວນເງິນເກືອບ 25 ຕື້ດົ່ງ. ທ່ານຢາບ (Giap)ເວົ້າວ່າ.
”ແຕ່ລະປີເມື່ອໄກ້ຈະຮອດວັນທະຫານເສຍອົງຄະ ແລະ ນັກຮົບທີ່ເສຍສະຫຼະຊີວິດເພື່ອຊາດ, ບັນດາຜູ້ທີ່ເປັນນັກຮົບຄືພວກຂ້າພະເຈົ້າຕ່າງກໍ່ຄິດເຖິງເລື່ອງ, ທະຫານຕ້ອງເຮັດແນວໃດເພື່ອມີຍຸດທະສາດກໍ່ສ້າງເສດຖະ ກິດປ້ອງກັນຊາດ, ປ້ອງກັນຄວາມສະຫງົບ. ສ້າງເສດຖະກິດເພື່ອຮັກສາກຳລັງປ້ອງກັນປະເທດ, ເພື່ອຕອບສະໜອງເງື່ອນໄຂດ້ານການເມືອງ, ເສດຖະກິດ ແລະ ຮັບປະກັນຊີວິດສັງຄົມ”.
( ພາບ: xaluan.com )
ຍາມໃດພົນເອກ ຢາບ (Giap) ກໍ່ຖືວ່າ, ບັນດາຜົນງານເຊິ່ງທ່ານ ໄດ້ຮັບໃນປະຈຸບັນນັ້ນ, ບໍ່ພຽງແຕ່ແມ່ນຍ້ອນມີຄວາມມານະພະຍາຍາມ, ສູ້ຊົນຂອງຕົວທ່ານເອງເທົ່ານັ້ນ, ຫາກຍັງມີການອຸທິດສ່ວນຂອງບັນດາອ້າຍນ້ອງພະນັກງານ, ກຳມະກອນທີ່ເຮັດວຽກໃນບໍລິສັດອີກດ້ວຍ. ຍາມໃດທ່ານກໍ່ສົ່ງເສີມຖັນແຖວນັກວິສາວະກອນຍົກສູງລະດັບຄວາມຮູ້ ກໍ່ຄືມີຄວາມເອົາໃຈໃສ່, ເບິ່ງແຍງເຖິງຊີວິດຂອງເຂົາເຈົ້າ. ຮ້ອຍເອກ ດັ້ງທ໋າຍຮຸ່ງ (Dang Thai Hung) ໄດ້ເວົ້າເຖິງຫົວໜ້າຜູ້ບັນຊາການຂອງຕົນດ້ວຍຄວາມນັບຖືວ່າ:
”ໂດຍແມ່ນນັກຮົບຜູ້ໜຶ່ງ, ຄວາມສາມາດເຮັດວຽກແມ່ນຫຼວງຫຼາຍທີ່ສຸດ. ກ່ອນນີ້ມີກິດຈະກຳກໍ່ສ້າງພຽງສອງ, ສາມແຫ່ງເທົ່ານັ້ນ, ມາບັດນີ້ໄດ້ມີກິຈະກຳນັບຮ້ອຍແຫ່ງ, ແຕ່ທ່ານຍັງຄົງມີໜ້າໃນທົ່ວທຸກແຫ່ງຂອງປະເທດຊາດ”.
ສຳຫຼັບວິລະຊົນແຮງງານຄືທ່ານ ຢາບ (Giap), ສິ່ງສຳຄັນກວ່າໝູ່ນັ້ນແມ່ນຄຸນນະພາບຂອງບັນດາກິດຈະກຳ, ຕິດພັນກັບຊີວິດທາງດ້ານວັດຖຸ ແລະ ຈິດໃຈຂອງຜູ້ອອກແຮງງານນັບພັນຄົນ ກໍ່ຄືຄອບຄົວຂອງບັນດາພະນັກງານ, ນັກຮົບໃນກົມກອງນັບໝື່ນຄົນ. ທ່ານຄິດວ່າ, ເພື່ອຍາດໄດ້ນາມມະຍົດກໍ່ແມ່ນເລື່ອງທີ່ຍາກແລ້ວ, ແຕ່ເພື່ອຮັກສາ ແລະ ເສີມຂະຫຍາຍນາມມະຍົດດັ່ງກ່າວໃຫ້ໄດ້ນັ້ນຍັງແມ່ນເລື່ອງທີ່ຫຍຸ້ງຍາກກວ່າ. ແລະ ຄຸນນະທາດນີ້ຂອງທ່ານໄດ້ຮັບການຮັບຮູ້ຈາກສັງຄົມທີ່ວ່າ: ສົມເປັນວິລະຊົນ