(vovworld)- ຕາແສງເມື່ອງຟັງ-ເມືອງດ້ຽນບຽນ ແມ່ນຖານທີ່ໝັ້ນຂອງກອງບັນຊາການບັ້ນຮົບດ້ຽນບຽນຝູ ຊື່ງແມ່ນແຫ່ງທີ່ທ່ານພົນເອກຫວໍ້ງວຽນຢາບ ໄດ້ດຳລົງຊີວິດ ແລະ ເຮັດວຽກໃນຖານະເປັນຜູ້ບັນຊາການສູງສຸດຂອງບັ້ນຮົບດ້ຽນບຽນຝູ ກ່ອນນີ້ 60 ປີ. ປະຈຸບັນ, ຮູບພາບທ່ານພົນເອກຫວໍ້ງວຽນຢາບ ຄືດັ່ງຍັງຄົງຕົວຢູ່ທຸກແຫ່ງ, ໃນປ່າດົງ, ໃນຕຸບແຄມຫ້ວຍຫຼືໃນດວງໃຈຂອງຊາວເມື່ອງຟັງ. ໃນລາຍການຄົ້ນຫາຫວຽດນາມ ພາກນີ້, ນັກຂ່າວທູຮວາຈະແນະນຳເມື່ອງຟັງ ແລະ ອາລົມຈິດຂອງ ປຊຊ ແຫ່ງນີ້ ທີ່ມີຕໍ່ທ່ານພົນເອກຫວໍ້ງວຽນຢາບ.
ສຳນັກບັນຊາບັ້ນຮົບດ້ຽນບຽນຝູ
(ພາບ: http://vietq.vn)
ເມື່ອງຟັງ ຫ່າງຈາກນະຄອນດ້ຽນບຽນ ໄປທາງທິດຕາເວັນອອກ ປະມານ 30 ກມ ເທົ່ານັ້ນ ແຕ່ເສັ້ນທາງພັດລະອິດລະອ້ຽວ, ທຸລະກັນດານ, ຕ້ອງຂ້າມພູຫຼາຍໜ່ວຍ ແລະ ປ່າຫຼາຍແຫ່ງ, ສະນັ້ນ, ຖ້າຂີ່ລົດໂອໂຕກໍ່ເສຍເວລາ 2 ຊົ່ວໂມງຈຶ່ງມາຮອດ.
ກ່ອນນີ້ 60 ປີ, ເມື່ອງຟັງແມ່ນບ່ອນຕັ້ງທັບຂອງຂຸມບັນຊາການບັ້ນຮົບດ້ຽນບຽນຝູ ທັງແມ່ນບ່ອນດຳລົງຊີວິດ ແລະ ເຮັດວຽກຂອງທ່ານພົນເອກຫວໍ້ງວຽນຢາບ. ຂຸມບັນຊາການຕັ້ງຢູ່ຄວາມສູງ 1000 ມ ເມື່ອທຽບກັບໜ້ານ້ຳທະເລ, ໂດຍຊ້ອນຕົວຢູ່ໃນປ່າດົງຊື່ງຊາວເມື່ອງຟັງເຄີຍເອີ້ນດ້ວຍຄວາມນັບຖືທີ່ວ່າ “ປ່າພົນເອກ“ ແລະ ເອີ້ນຜູ້ບັນຊາການສູງສຸດກອງທັບ ປຊຊ ຫວຽດນາມ ໃນຄາວນັ້ນແມ່ນ “ເຈົ້າກົກຫວໍ້ງວຽນຢາບ“, ເອີ້ນຂຸມຄອງຂອງທ່ານພົນເອກແມ່ນ “ເຮືອນຂອງເຈົ້າກົກຫວໍ້ງວຽນຢາບ“. ຈາກຂຸມຄອງບັນຊາຂອງທ່ານພົນເອກຫວໍ້ງວຽນຢາບ ໄປຕາມເນີນພູເບື້ອງຫຼັງ, ແລ້ວຂຶ້ນຈອມພູ ປູກາ ສາມາດສັງເກດທັງນະຄອນດ້ຽນບຽນຝູ, ຮ່ອມພູເມື່ອງແທງ ແລະ ບັນດາຈຸດທີ່ໝັ້ນຂອງທະຫານຝະລັ່ງ ໃນເມື່ອກ່ອນໄດ້ຄື: ໂນນພູ ຮີມລາມ, ໂນນພູເອກະລາດ, ໂນນພູ D1, ໂນນພູ C1, ໂນນພູ A1, ຂົວເມື່ອງແທງ… ບ່ອນຢູ່ຂອງທ່ານພົນເອກຫວໍ້ງວຽນຢາບ ແລະ ຫົວໜ້າເສນາທິການ ຮ່ວາງວັນທາຍ ຢູ່ໃກ້ທາງອຸມົງໃຕ້ດິນທີ່ມີລວງຍາວ 320 ມ ຊື່ງຂຸດຜ່ານໃຕ້ໂນນພູແຫ່ງ 1 ເພື່ອຫລີກລ້ຽງລະເບີດ ແລະ ລູກປືນໃຫ່ຍ. ເອື້ອຍຟານທິຮົ່ງຮ່າ ແຂກທ່ອງທ່ຽວມາຈາກນະຄອນດ່ານັງ ໄປຢ້ຽມຢາມເຂດປູສະນີຍະສະຖານພົນເອກ ໃຫ້ຮູ້ວ່າ:
“ຂ້າພະເຈົ້າອ່ານບົດກະວີຂອງນັກກະວີໂຕຫິ້ວ ມີຕອນທີ່ວ່າ: ປ່າປົກປ້ອງທະຫານ, ປ່າປິດລ້ອມສັດຕູ. ມາຮອດກໍ່ເຫັນວ່າຖືກແທ້. ທ່ານພົນເອກໄດ້ເລືອກສະຖານທີ່ໄດ້ຮັບການປົກປ້ອງຈາກປ່າ ແລະ ປຊຊ. ພວກເຮົາທຸກຄົນຕ່າງກໍ່ເຄົາລົບນັບຖືລຸ່ນພໍ່ລຸ່ນອ້າຍໃນເມື່ອກ່ອນຍ້ອນວ່າ ໃນເງື່ອນໄຂມີ່ທຸກຍາກຂາດເຂີນເຊັ່ນນັ້ນແຕ່ພັດຕີເອົາຊະນະກອງທັບທີ່ເຂັ້ມແຂງຂອງສັດຕູໄດ້“.
ເຂດປູ່ສະນີຍະສະຖານເມື່ອງຟັງ
(ພາບ: nhandan.com.vn)
ກ່ວາເຄິ່ງສັດຕະວັດໄດ້ລ່ວງເລີຍໄປແລ້ວ, ແຕ່ ປຊຊ ເມື່ອງຟັງ ໄດ້ປົກປັກຮັກສາເຂດປູສະນີຍະສະຖານສຳນັກບັນຊາການບັ້ນຮົບດ້ຽນບຽນຝູ ແລະ ທິວທັດທຳມະຊາດຢູ່ອ້ອມຂ້າງໄວ້ຢ່າງລອບຄອບທີ່ຖ້ວນເໝືອນຫໍພິພິຕະພັນຂອງນະຄອນດ້ຽນບຽນຝູ. ແຂກທ່ອງທ່ຽວຫຼາຍຄົນມາແຫ່ງນີ້ເພື່ອຢ້ຽມຊົມ, ຄົ້ນຄ້ວາ. ແລະ ກໍ່ມີນັກຮົບເກົ່າຫຼາຍຄົນກັບມາສະໜາມຮົບເກົ່າເພື່ອຫວນຄືນບັນດາອະນຸສອນທີ່ທຸກຍາກລຳບາກແຕ່ເຕັມໄປດ້ວຍຄວາມກ້າຄົງອົງອາດໃນຍາມໄວໜຸ່ມຂອງຕົນ. ຖ້າມາຢາມເຮືອນຮ້ານຫຼັງໜຶ່ງແຄມພູ ແຂກທ່ອງທ່ຽວອາດສາມາດໄດ້ພົບກັບແມ່ຕູ້ ລໍ່ທິໂດຍ, ຜູ້ທີ່ໄດ້ຂົນຂວາຍແມ່ຍິງເມື່ອງຟັງ ປະກອບເຂົ້າສານ, ເຂົ້າເປືອກ, ງົວ, ຄວາຍສະໜັບສະໜູນໃຫ້ແກ່ການຕໍ່ຕ້ານ ແລະ ໄດ້ຮັບຟັງແມ່ຕູ້ເລົ່າເລື່ອງກ່ຽວກັບ ບັ້ນຮົບດ້ຽນບຽນຝູ ແລະ ທ່ານພົນເອກຫວໍ້ງວຽນຢາບ:
“ມື້ປົດປ່ອຍດ້ຽນບຽນວັນທີ 7/5 ຂ້າພະເຈົ້າກໍ່ຮູ້ຈັກ. ມີພະນັກງານຜູ້ໜຶ່ງໄດ້ແຈ້ງຂ່າວວ່າພວກເຮົາໄດ້ປົດປ່ອຍດ້ຽນບຽນ ແລ້ວ. ແຕ່ຄາວນັ້ນ ຊາວບ້ານບໍ່ໄດ້ອຳລາທ່ານພົນເອກຫວໍ້ງວຽນຢາບ, ພຽງແຕ່ໄດ້ພົບເພິ່ນເພິ່ນກັບມາດ້ຽນບຽນ ເຂົ້າຮ່ວມສະເຫຼີມສະຫຼອງໄຊຊະນະດ້ຽນບຽນຟູ ຄົບຮອບ 50 ປີເທົ່ານັ້ນ. ນີ້ແມ່ນຮູບທີ່ຂ້າພະເຈົ້າຖ່າຍກັບ ທ່ານພົນເອກຫວໍ້ງວຽນຢາບ“.
ບ່ອນຢູ່ແລະເຮັດວຽກຂອງທ່ານພົນເອກຫວໍ້ງວຽນຢາບ
(ພາບ: http://vietq.vn)
ປະຈຸບັນ, ໃນຄວາມຊົມຈຳຂອງຊາວເມື່ອຟັງ, ໂດຍສະເພາະແມ່ນຜູ້ມີອາຍຸ 100 ປີເຕັມຄືແມ່ຕູ້ ລໍ່ທິໂດຍ ແມ່ນອະນຸສອນໃນໄລຍະເວລາທີ່ທ່ານພົນເອກຫວໍ້ງວຽນຢາບດຳລົງຊີວິດ ແລະ ຕໍ່ສູ້ຢູ່ທີ່ນີ້ແມ່ນຄວາມຄິດຮອດຄິເຖິງ ແລະ ຮັກແພງເພິ່ນ. ແມ່ຕູ້ ລໍ່ທິໂດຍ ຢືນຢັນວ່າ: ຖ້າບໍ່ມີທ່ານພົນເອກຫວໍ້ງວຽນຢາບ, ຊີວິດຂອງຊາວເມື່ອງຟັງ ຈະບໍ່ມີຄວາມຜາສຸກຄືໃນທຸກວັນນີ້. ສ່ວນເອື້ອຍ ລໍ່ທີ່ຈຸງ ຊາວເມື່ອງຟັງ ໃຫ້ຮູ້ວ່າ:
“ອາລົມຈິດຄວາມຮັກແພງຂອງລູກຫຼານຊາວເມື່ອຟັງ ທີ່ມີຕໍ່ທ່ານພົນເອກຫວໍ້ງວຽນຢາບ ແມ່ນເໜືອກ່ວາພໍ່ຄິງ. ພໍ່ຄິງພຽງແຕ່ລ້ຽງລູກໃຫ້ເຕີບໃຫ່ຍເທົ່ານັ້ນ, ສ່ວນທ່ານພົນເອກຢາບ ພັດມີຄວາມຮັກແພງອັນໃຫ່ຍຫຼວງ ທີ່ມີຕໍ່ຊາວເມື່ອງຟັງ. ຄຸນງາມ ຄວາມດີຂອງເພິ່ນແມ່ນໃຫ່ຍຫຼວງທີ່ສຸດ, ເໜືອກ່ວາຄຸນງາມຄວາມດີຂອງພໍ່ແມ່ຕົນ, ຍ້ອນເພິ່ນໄດ້ປົກປັກຮັກສາ ແລະ ປົດປ່ອຍເມື່ອງຟັງ ແລະ ທັງດ້ຽນບຽນອີກ“
ປະຈຸບັນ, ຊາວເມື່ອງຟັງ ຍັງມີຄວາມເອກອ້າງທະນົງໃຈຍ້ອນໄດ້ພ້ອມກັບທ່ານພົນເອກຫວໍ້ງວຽນຢາບແບ່ງທຸກແບ່ງສຸກໃນບັ້ນຮົບດ້ຽນບຽນຝູ ກ່ອນນີ້. ໃນຫຼາຍປີມານີ້, ເມື່ອງຟັງ ໄດ້ກາຍເປັນບ້ານເກີດເມືອງນອນແຫ່ງທີ 2 ຂອງ ທ່ານພົນເອກຫວໍ້ງວຽນຢາບ. ເທບນິຍາຍກ່ຽວກັບທ່ານພົນເອກຫວໍ້ງວຽນຢາບ ແລະ ໄຊຊະນະດ້ຽນບຽນຝູ ຈະຍົນຍົງຄົງຕົວຕະຫຼອດໄປພ້ອມກັບດິນແດນເມື່ອງຟັງ./.