(vovworld)- ເມືຶ່ອຮອດຍາມຄ່ຳຄືນບັນຍາກາດຢູູ່ຄຸ້ມເມືອງເກົ່າໂຮ້ຍອານແມ່ນສ້າງຄວາມປະທັບໃຈ , ດ້ວຍແສງໂຄມໄຟທີ່ມີສີສັນຫລາກຫລາຍໃນທ່າມກາງສຽງດົນຕີທີ່ມ່ວນ,ສຽງຫົວ, ສຽງໂຮ່ຮ້ອງຂອງເດັກນ້ອຍທີ່ພວມເຂົ້າຮ່ວມການລະຫລິ້ນພື້ນເມືອງ, ໃນນັ້ນ ພິເສດກວ່າແມ່ນສຽງຂັບຈ່ອຍຢູ່ແຄມແມ່ນ້ຳຮວ່າຍ.
ບັນດານັກສິລະປະກອນສະແດງຂັບຈ່ອຍ
|
ບຸນແຂ່ງຂັບຈ່ອຍດຳເນີນໄປໃນຍາມຄ່ຳຄືນຂອງທຸກວັນ ຢູ່ໂຮ້ຍອານ ໄດ້ກາຍເປັນຄວາມຊິນເຄີຍຂອງຊາວ ໂຮ້ຍອານກໍຄືນັກທ່ອງທ່ຽວພາຍໃນ ແລະ ຕ່າງປະເທດ ເມື່ອມາຢ້ຽມຢາມໂຮ້ຍອານ. ໃນຍາມຄ່ຳຄືນ, ນັກທ່ອງທ່ຽວເຄີຍພາກັນຍ່າງມາບໍລິເວນສະຫນາມລະຫວ່າງ ຄຸ້ມເມືອງເກົ່າໂຮ້ຍອານ ແລະ ແມ່ນ້ຳຮ່ວາຍເພື່ອຮັບຊົມ ແລະ ເຂົ້າຮ່ວມການລະຫລິ້ນພື້ນເມືອງຕ່າງໆທີ່ເປັນເອກະລັກສະເພາະຂອງປະຊາຊົນພາກກາງຫວຽດນາມ. ສຽງຂັບຮ້ອງທີ່ອ່ອນຊອນຂອງບັນດານັກສິລະປະກອນ, ສຽງຫົວມ່ວນຊື່ນຂອງນັກທ່ອງທ່ຽວເມື່ອໄດ້ຮັບຊົມບັນດາການລະຫລິ້ນພື້ນເມືອງ ໄດ້ເຮັດໃຫ້ແຂກທ່ອງທ່ຽວຫລາຍຄົນຮູ້ສຶກສະບາຍໃຈເມື່ອມາພັກຜ່ອນຢູ່ທີ່ນີ້.
ໃນເບື້ອງຕົ້ນ, ບຸນແຂ່ງຂັບຈ່ອຍພຽງແຕ່ແມ່ນຫນຶ່ງໃນບັນດາການເຄື່ອນໄຫວໂດຍສູນວັດທະນະທຳກິລາຂອງນະຄອນ ໂຮ້ຍອານ ຈັດຂຶ້ນ ເພື່ອວາດພາບບັນຍາກາດຄ່ຳຄືນພະຈັນຂອງຄຸ້ມເມືອງເກົ່າໂຮ້ຍອານ ດ້ວຍຈຸດປະສົງແມ່ນດຶງດູດນັກທ່ອງທ່ຽວພັກຜ່ອນຢູ່ໂຮ້ຍອານໃຫ້ຍາວກວ່າ. ແຕ່ມາຮອດປະຈຸບັນ, ຂັບຈ່ອຍໄດ້ກາຍເປັນການລະຫລິ້ນຂອງຄຸ້ມເມືອງເກົ່າໂຮ້ຍອານໃນຍາມຄ່ຳຄືນ. ທ່ານ ຫວໍຟຸ່ງ, ຜູ້ອຳນວຍການສູນວັດທະນະທຳກິລາ ນະຄອນໂຮ້ຍອານໃຫ້ຮູ້ວ່າ:
“ປະຈຸບັນ ມີການລະຫລິ້ນ 2 ຢ່າງໄດ້ຢືນຢັນການຄົງຕົວ ແລະ ດຶງດູດນັກທ່ອງທ່ຽວ ນັ້ນແມ່ນການລະຫລິ້ນທັບໝໍ້ໃຫ້ແຕກ ແລະ ການແຂ່ງຂັບຈອ່ຍ. ປີ 1998 ເມື່ອພວກຂ້າພະເຈົ້າປະຕິບັດລາຍການບຸນຄ່ຳຄືນຢູ່ຄຸ້ມເມືອງເກົ່າໂຮ້ຍອານ, ການລະຫລິ້ນນີ້ພຽງແຕ່ປະຊາຊົນເຂົ້າຮ່ວມເທົ່ານັ້ນ. ແຕ່ມາຮອດປະຈຸບັນ, ການລະຫລິ້ນນີ້ຖືກຈັດຂຶ້ນໃນຍາມຄ່ຳຄືນຂອງທຸກມື້ ແລະ ໄດ້ດຶງດູດນັກທ່ອງທ່ຽວເຂົ້າຮ່ວມເປັນຈຳນວນຫລວງຫລາຍ, ໃນນັ້ນມີນັກທ່ອງທ່ຽວຕ່າງປະເທດຫລາຍຄົນ.”
ນັກທ່ອງທ່ຽວເຂົ້າຊົມການຂັບຈອ່ຍເປັນຈຳນວນຫລວງຫລາຍ
ພາບ:internet
|
ໂດຍເຂົ້າຮ່ວມການແຂ່ງຂັບຈ່ອຍໃນຊຸມມື້ທຳອິດ, ນັກສິລະປະກອນ ເລືອງດາງ, ສັງກັດສູນວັດທະນະທຳກິລາ ຂອງນະຄອນ ໂຮ້ຍອານ ແມ່ນຜູ້ເຂົ້າຮ່ວມການຂັບຈ່ອຍທຸກຄ່ຳ. ທ່ານ ດາງ ໃຫ້ຮູ້ວ່າ: ຂັບຈ່ອຍແມ່ນການລະຫລິ້ນທີ່ຂາດບໍ່ໄດ້ໃນການດຳລົງຊີວິດດ້ານຈິດໃຈຂອງຊາວໂຮ້ຍອານ. ຈາກຜູ້ເຖົ້າຜູ້ແກ່ຕະຫລອດຮອດຊາວຫນຸ່ມ, ເດັກນ້ອຍ ລ້ວນແຕ່ສາມາດຂັບຈ່ອຍໄດ້.
“ສຳລັບຊາວໂຮ້ຍອານ ວັດທະນະທຳພື້ນເມືອງແມ່ນສິ່ງທີ່ຂາດບໍ່ໄດ້ໃນຊີວິດດ້ານຈິດໃຈ. ນັບແຕ່ຄາວຍັງນ້ອຍ ຂ້າພະເຈົ້າໄດ້ຮັບຟັງສຽງຂັບຈ່ອຍຈາກແມ່ເຖົ້າແລ້ວ ສະນັ້ນ ຂັບຈ່ອຍຄ່ອຍໆເປັນຄວາມຊິນເຄີຍໃນຊີວິດຂອງຂ້າພະເຈົ້າ.”
ສຽງຂັບຈ່ອຍ
ເນື້ອໃນຂອງບັນດາທຳນອງເພງໃນບຸນແຂ່ງຂັບຈ່ອຍລ້ວນແຕ່ມີຄວາມໝາຍວັດທະນະທຳມະນຸດ ແລະ ມີລັກສະນະສຶກສາສູງ. ບັນດາທຳນອງເພງ ແມ່ນເວົ້າເຖິງຄວາມຮັກແພງບ້ານເກີດເມືອງນອນ, ນ້ຳໃຈຮັກຊາດ, ຍ້ອງຍໍອາລົມຈິດຄວາມຮັກແພງຂອງຜູ້ເປັນພໍ່ເປັນແມ່, ຂອງພົວເມຍ, ເຊີດຊູ ຄຸນສົມບັດ, ຄຸນນະທາດອັນດີງາມຂອງມະນຸດ, ຕຳນີບັນດາໄພສັງຄົມ, ຮີດຄອງປະເພນີຫລ້າຫລັງ. ອາດຈະເວົ້າໄດ້ວ່າ ບຸນແຂ່ງຂັບຈ່ອຍ ແມ່ນເວທີສະແດງບັນດາທຳນອງເພງພື້ນເມືອງທີ່ເປັນເອກະລັກສະເພາະຂອງທາງທິດໃຕ້ພາກກາງຫວຽດນາມ. ສະນັ້ນ ບຸນແຂ່ງຂັບຈ່ອຍ ບໍ່ພຽງແຕ່ດຶງດູດຊາວທ້ອງຖິ່ນເຂົ້າຮ່ວມເປັນຈຳນວນຫລວງຫລາຍເທົ່ານັ້ນ ຫາກນັບທັງນັກທ່ອງທ່ຽວມາຈາກທຸກສາລະທິດເມື່ອມີໂອກາດມາຢ້ຽມຢາມ ໂຮ້ຍອານ. ນັກທ່ອງທ່ຽວຕ່າງປະເທດນັບຮ້ອຍຄົນ ບໍ່ເຂົ້າຮ່ວມໂດຍກົງໃນບຸນແຂ່ງຂັບຈ່ອຍ ແຕ່ເຂົາເຈົ້າກໍຢືນຢູ່ນອກເພື່ອຮັບຊົມ, ລະດົມກຳລັງໃຈແກ່ຜູ້ຂັບຈ່ອຍ, ເຈືອຈານກັບບັນຍາກາດມ່ວນຊື່ນຢູ່ທີ່ນີ້. ເມື່ອສິ້ນສຸດບຸນແຂ່ງຂັບຈ່ອຍ, ຜູ້ຊະນະຈະໄດ້ຮັບຂອງຂວັນພູດຫນື່ງ ຄື: ໂຄມໄຟ, ຊື່ງແມ່ນຂອງຂວັນທີ່ເປັນເອກະລັກສະເພາະຂອງໂຮ້ຍອານ. ແຕ່ສິ່ງສຳຄັນສຳລັບນັກທ່ອງທ່ຽວ ນັ້ນແມ່ນເຂົາເຈົ້າໄດ້ເຈືອຈານເຂົ້າກັບບັນຍາກາດທີ່ຟົດຟື້ນແລະດູດດື່ມຂອງຄຸ້ມເມືອງເກົ່າໂຮ້ຍອານ.