ໂດຍແມ່ນເທດສະບານນ້ອຍນອນຢູ່ທາງທິດຕາເວັນຕົກສ່ຽງເໜືອຂອງແຂວງກຽນຢາງ, ຮ່າຕຽນແມ່ນຕອນດິນໃຕ້ສຸດຂອງຫວຽດນາມຕິດກັບອ່າວໄທ, ມີຝັ່ງທະເລຍາວປະມານ 22 ກິໂລແມັດ. ເທດສະບານຮ່າຕຽນແມ່ນເຂດດິນຕັ້ງຢູ່ແຄມທະເລດ້ວຍພູມີສັນຖານທີ່ອຸດົມສົມບູນ, ອັນໄດ້ສ້າງເປັນທັດສະນີຍະພາບແບບມະຫັດສະຈັນ, ເຮັດໃຫ້ແຂກທ່ອງທ່ຽວມີຄວາມປະທັບໃຈເມື່ອມາຢ້ຽມຢາມຮ່າຕຽນ.
ຮ່າຕຽນ - ສິ່ງມະຫັດສະຈັນຢູ່ດິນແດນພາກໃຕ້
|
ໃນກາງສະຕະວັດທີ 17, ຮ່າຕຽນຍັງແມ່ນເຂດດິນທີ່ຮົກເຮື້ອເປົ່າຫວ່າງ. ມາຮອດສະຕະວັດທີ 18, ຮ່າຕຽນໄດ້ກາຍເປັນທ່າກຳປັ່ນການຄ້າທີ່ມີການເຄື່ອນໄຫວຢ່າງຟົດຟື້ນ. ຮອດປີ 1714, ເມື່ອທ່ານ ໝາກກິ້ງກິວ ຊຶ່ງແມ່ນຜູ້ທີ່ມີຄຸນງາມຄວາມດີໃນການບຸກເບີກເຂດດິນຮ່າຕຽນ, ແລ້ວມອບໃຫ້ເຈົ້າພະຍາຫງວຽນ. ແລະ ເຈົ້າພະຍາຫງວຽນໄດ້ຕັ້ງຊື່ໃຫ້ດິນແດນນີ້ວ່າ ຮ່າຕຽນ ຊຶ່ງລວມທັງແຂວງກຽນຢ່າງ ແລະ ບາງບໍລິເວນໃກ້ຄຽງຄືໃນປະຈຸບັນ. ນັກຄົ້ນຄ້ວາປະຫວັດສາດທ້ອງຖິ່ນ ເຈືອງມິນດາດ ໃຫ້ຮູ້ວ່າ :
“ ຄຳວ່າ ຮ່າຕຽນ, ຕາມພາສາຫວຽດເດີມແລ້ວ, ຮ່າໝາຍເຖິງແມ່ນ້ຳ, ສ່ວນຕຽນໝາຍເຖິງເທວະດາ. ຕຽນກໍຍັງມີຄວາມໝາຍວ່າ ຜູ້ຄົນໄດ້ພົ້ນຈາກຊີວິດໃນໂລກມະນຸດ. ແລະ ຮ່າຕຽນແມ່ນແມ່ນ້ຳທີ່ມີນາງເທວະດາລົງອາບນ້ຳເມື່ອພະຈັນເຕັມດວງ ”
ແຕ່ດົນນານມາແລ້ວ, ເທດສະບານຮ່າຕຽນແມ່ນສະຖານທີ່ລືຊື່ຂອງແຂກທ່ອງທ່ຽວດ້ວຍທິວທັດທີ່ງົດງາມ 10 ແຫ່ງໄດ້ເຂົ້າສູ່ພື້ນຖານກາບກອນເຊັ່ນ: ບຶງດົງໂຮ່ ຊຶ່ງແມ່ນທິວທັດທີ່ສວຍງາມແບບລຶກລັບມະຫັດສະຈັນ. ອ້ອມຮອບເນື້ອທີ່ໜ້ານ້ຳທີ່ກ້ວາງໃຫຍ່ແມ່ນບັນດາຕົ້ນໝາກພ້າວປົ່ງລຽບຕາມເນື້ອທີ່ດິນນ້ຳຖ້ວມ. ມຸ້ຍນາຍ, ແມ່ນໜຶ່ງໃນບັນດາຫາດຊາຍທະເລທີ່ມີຄວາມງາມດັ່ງໃນຝັນຂອງແຂວງກຽນຢາງ ຊຶ່ງຫ່າງຈາກໃຈກາງ ຮ່າຕຽນ ປະມານ 5 ກິໂລແມັດເທົ່ານັ້ນ. ມຸ້ຍນາຍມີ 2 ຫາດຊາຍທະເລຄື : ຫາດຊາຍໜ້າ ແລະ ຫາດຊາຍຫຼັງ, ຢູ່ 2 ຫາດຊາຍທະເລນີ້ມີນ້ຳທະເລຂຽນ ແລະ ໃສເຢັນ. ຫ່າງຈາກມຸ້ຍນາຍບໍ່ໄກປານໃດ, ແຂກທ່ອງທ່ຽວກໍສາມາດໄປຄົ້ນຫາຕໍ່ຢູ່ສະຖານທີ່ທ່ອງທ່ຽວຕ່າງໆເຊັ່ນ: ພູແຖກດົ້ງ, ດອນຮ່ອນຈົງ, ວັດຮາງ…
ພູແຖກດົ້ງທີ່ຂຶ້ນກັບບ້ານເວີນ ຊຶ່ງແມ່ນແຫ່ງທີ່ມີທັດສະນີຍະພາບທີ່ຈັບໃຈ. ໂດຍນອນຢູ່ຫ່າງຈາກໃຈກາງເທດສະບານຮ່າຕຽນບໍ່ຮອດ 5 ກິໂລແມັດ, ພູແຖກດົ້ງມີຮູບຮ່າງທີ່ເປັນເອກະລັກສະເພາະ, ມີຄວາມສູງກວ່າ 90 ແມັດເມື່ອທຽບໃສ່ໜ້ານ້ຳທະເລ. ຢູ່ທາງໃນຂອງພູມີວັດຕຽນເຊີນ ຖຶກປຸກສ້າງດ້ວຍໄມ້ນັບແຕ່ປີ 1790. ເມື່ອຢືນຢູ່ເນີນພູ, ແຂກທ່ອງທ່ຽວສາມາດເຫັນທິວທັດທັງໝົດຂອງ ເທດສະບານຮ່າຕຽນທີ່ສວຍງາມດັ່ງໃນຝັນ.
ຮ່າຕຽນແມ່ນສະຖານທີ່ແຫ່ງໜຶ່ງນອນໃນທ່າມກາງບັນດາທິວທັດທຳມະຊາດຢູ່ອ້ອມແອ້ມ, ອັນໄດ້ສ້າງເປັນເຂດທ່ອງທ່ຽວພາກໃຕ້ທີ່ດູດດື່ມ ແລະ ສວຍງາມແບບມະຫັດສະຈັນ. ນາງດາວທິເນືອງ ໃຫ້ຮູ້ວ່າ ແຂກທ່ອງທ່ຽວເມື່ອມາທ່ອງທ່ຽວຢູ່ຮ່າຕຽນ ກໍລ້ວນແຕ່ຮູ້ສຶກໄດ້ເຖິງຄວາມສະຫງົບສຸກຢູ່ແຫ່ງນີ້ຢ່າງຈະແຈ້ງ, ແຂກທ່ອງທ່ຽວໄດ້ພັກຜ່ອນ, ສູບເອົາອາກາດທີ່ປອດໂປ່ງຂອງຮ່າຕຽນ. ນາງດາວທິເນືອງເວົ້າວ່າ :
“ ຢູ່ນີ້ ກໍມີຮູບແບບທ່ອວທ່ຽວວັດທະນະທຳ. ແລະ ສິ່ງທີ່ສຳຄັນແມ່ນຮ່າຕຽນ ຕິດກັບຟູ້ກ໋ວກ ແລະ ກຳປູເຈຍ, ດັ່ງນັ້ນໃນປະຈຸບັນມັນໄດ້ປະກົດມີແລວທາງຊຶ່ງສາມາດເດີນທາງຈາກຮ່າຕຽນໄປຍັງຟູ້ກ໋ວກ ແລະ ກຳປູເຈຍ, ກົງກັນຂ້າມ ກໍສາມາດໄປຮ່າຕຽນ, ແລ້ວຜ່ານແດນກຳປູເຈຍ ກັບຄືນຟູ້ກ໋ວກ, ອັນໄດ້ສ້າງເປັນເຂດທ່ອງທ່ຽວທັງມີເກາະທະເລ, ທັງໄດ້ເຂົ້າໄປທັດສະນະສຶກສາຢູ່ເຂດດິນໃໝ່ຊຶ່ງມີຄວາມແຕກຕ່າງກັບ 9 ແຂວງເຂດທົ່ວພຽງແມ່ນ້ຳຂອງທາງພາກໃຕ້ຫວຽດນາມ ”
ຮ່າຕຽນ ກໍຍັງແມ່ນແຫ່ງເຕົ້າໂຮມ, ດຳເນີນການພົບປະແລກປ່ຽນຂອງປະຊາຊົນທັງເຂດພາກໃຕ້. ຄວາມປະທັບໃຈ ແລະ ດູດດື່ມສຳລັບແຂກທ່ອງທ່ຽວເມື່ອມາຢ້ຽມຢາມຮ່າຕຽນ ແມ່ນຍັງຢູ່ບອ່ນວ່າ ນີ້ແມ່ນເທດສະບານນ້ອຍ, ດັ່ງນັ້ນຈຳນວນແຂກມາຢາມກໍບໍ່ຫຼາຍເກີນໄປ, ດັ່ງນັ້ນໄດ້ສ້າງໃຫ້ມີບັນຍາກາດທີ່ສະຫງົບສຸກ, ບໍ່ຟົດຟື້ນເນື່ອງນັນແຕ່ຢ່າງໃດ. ນາງດາວທິເນືອງເປີດເຜີຍວ່າ :
“ ນີ້ແມ່ນເຂດທີ່ມີຈຸດພິເສດສະເພາະ, ທັງມີທະເລ, ທັງມີພູຜາ ແລະ ແມ່ນ້ຳລຳເຊ. ດັ່ງນັ້ນ ຖ້າຫາກສາມາດຂຸດຄົ້ນຈຸດພິເສດສະເພາະໄດ້ທັງ 3 ຢ່າງນີ້, ພວກເຮົາຈະມີສາຍທ່ອງທ່ຽວ ທັງໄດ້ອາບນ້ຳທະເລ, ທັງໄດ້ປີນພູ ແລະ ລ່ອງເຮືອຕາມລຳແມ່ນ້ຳ ”
ເມື່ອການທ່ອງທ່ຽວພັດທະນາ, ແຂກເຂົ້າມາທ່ອງທ່ຽວຢູ່ຮ່າຕຽນນັບມື້ນັບຫຼາຍຂຶ້ນ, ຢູ່ຮ່າຕຽນບໍ່ມີອາຄານສູງຫຼາຍຊັ້ນ, ບໍ່ມີສຽງເນືອງນັນລົບກວນຂອງຍານພາຫະນະ, ບໍ່ມີແຂກທ່ອງທ່ຽວແບບຄັບຄາໜາແໜ້ນ. ຮ່າຕຽນຍັງຄົງສາມາດຮັກສາຄວາມສະຫງົບງຽບ ຮົກເຮື້ອເປົ່າຫວ່າງໂດຍທຳມະຊາດດົນບັນດານໃຫ້ ຊຶ່ງບໍ່ພຽງແຕ່ແມ່ນແຫ່ງທີ່ມີທິວທັດທຳມະຊາດສວຍງາມແບບມະຫັດສະຈັນ ດ້ວຍທ້ອງຟ້າແຈ່ມໃສ,ທະເລກ້ວາງໃຫຍ່ໄພສານ, ອາກາດປອດໂປ່ງເທົ່ານັ້ນ, ຫາກຍັງແມ່ນແຫ່ງທີ່ປະຊາຊົນມີຈິດໃຈຮັກແພງແຂກ, ແລະ ຈຸດວັດທະນະທຳທີ່ເຂັ້ມຂົ້ນໄປດ້ວຍສີສັນເຂດແດນພາກໃຕ້ອີກດ້ວຍ.