(vovworld) - ເມື່ອເວົ້າເຖິງປ່າໄມ້ໃຫຍ່ທີ່ມີອາຍຸຫຼາຍປີ, ຜູ້ຄົນທັງຫຼາຍເຄີຍຄິດເຖິງປ່າໄມ້ຢູ່ເຂດພູດອຍ. ແຕ່ຢູ່ເຂດທົ່ງພຽງທີ່ຂຶ້ນກັບເມືອງຈີ໋ລິງ, ຫ່າງຈາກຮ່າໂນ້ຍ ພຽງປະມານ 100 ກມ ພັດມີປ່າໄມ້ແດງແຫ່ງໜຶ່ງທີ່ມີອາຍຸນັບພັນປີຢູ່. ພິເສດ, ຢູ່ກາງປ່າໄມ້ແດງນັ້ນໄດ້ມີວິຫານ ໜຶ່ງທີ່ຕິດພັນກັບປະຫວັດແຫ່ງການຕໍ່ຕ້ານຕ້ານສັດຕູຕ່າງດ້າວຂອງຊາດຫວຽດນາມ. ຜ່ານການເວລາຫຼາຍສະຕະວັດ, ຊາວທ້ອງຖີ່ນໄດ້ປະກອບສີສັນດ້ານຈິດວີນຍານຕື່ມອີກໃຫ້ປູຊະນີຍະສະຖານແຫ່ງນີ້, ອັນໄດ້ສ້າງຄວາມດຶງດູດໃຫ້ແກ່ນັກທ່ອງທ່ຽວມາແຫ່ງນີ້.
ວິຫານກາວທີ່ມີມາກ່ອນນີ້ 1030 ປີ ຢູ່ແຂວງຫາຍເຢືອງ
(ພາບ: google.com.vn)
ປ່າໄມ້ແດງວິຫານກາວ ຂຶ້ນກັບຕາແສງອານລາກ, ເມືອງຈີ໋ລິງ, ແຂວງຫາຍເຢືອງ, ມີທັດສະນີຍະພາບທີ່ສວຍງາມ, ມີທາງຄົມມະນາຄົມ ໄປມາທັງທາງບົກ ແລະ ທາງນ້ຳສະດວກສະບາຍ, ດັ່ງນັ້ນນັບແຕ່ສະຕະວັດທີ 10, ດິນແດນແຫ່ງນີ້ໄດ້ກາຍເປັນແນວປ້ອງກັນ, ເປັນທີ່ໝັ້ນການທະຫານໃນປະຫວັດສາດ. ມີປູຊະນີຍະສະຖານຫຼາຍແຫ່ງຢູ່ທີ່ນີ້ໄດ້ສະແດງໃຫ້ເຫັນສາຍພົວພັນກັບໄລຍະຕໍ່ສູ້ຕ້ານເສິກຕ່າງດ້າວຕ່າງໆຂອງຊາດຫວຽດນາມ. ປ່າໄມ້ແດງທີ່ມີອາຍຸນັບພັນປີນີ້ໄດ້ຮັບຖືວ່າແມ່ນພະຍານຫຼັກຖານປະຫວັດສາດ. ປະຈຸບັນ, ຢູ່ປ່າໄມ້ແດງວິຫານກາວມີຕົ້ນໄມ້ແດງໃຫຍ່ 54 ຕົ້ນ ແມ່ນພາກສ່ວນໜຶ່ງຂອງປ່າໄມ້ແດງທີ່ກວ້າງໃຫຍ່ເຖິງແຂວງກວາງນິງ ໃນເມື່ອກ່ອນ. ຫຼາຍຄົນຖືວ່າ, ໄມ້ແດງເຫຼົ່ານັ້ນລ້ວນແຕ່ຢູ່ໃນປ່າໄມ້ແດງແຫ່ງດຽວ ແລະ ນີ້ອາດຈະແມ່ນຊຸດຫຼັງ ຂອງບັນດາຕົ້ນໄມ້ແດງເຊິ່ງພົນທະຫານໃນສະໄໝເຈົ້າຊີວິດ ໂງກວ່ຽນ (Ngo Quyen) ໄດ້ເຫຼົາໃຫ້ແຫຼມແລ້ວປັກລົງພື້ນແມ່ນ້ຳແບກດັ່ງ ເພື່ອຂັບໄລ່ສັດຕູ ທີ່ມາຈາກທິດໃຕ້ຂອງຈີນເມື່ອປີ 938. ພໍ່ຕູ້ ເຢືອງວັນລ້ວຽນ (Duong Van Luyen), ຊາວທ້ອງຖີ່ນ, ໃຫ້ຮູ້ວ່າ:
”ຕາມຂ້າພະເຈົ້າແລ້ວ, ປ່າໄມ້ແດງນີ້ມີອາຍຸປະມານ 1 000 ປີແລ້ວ. ຕົ້ນໄມ້ແດງ(ບັນພະບຸລຸດ)ແມ່ນມີອາຍຸປະມານ 850 ປີ, ນອກນັ້ນຍັງມີຕົ້ນໄມ້ແດງທີ່ມີອາຍຸ ແຕ່ 600 - 700 ປີຫຼາຍຕົ້ນ. ເອີ້ນວ່າ ຕົ້ນໄມ້ແດງ (ບັນພະບຸລຸດ) ເພາະວ່າຕາມເລື່ອງລາວທີ່ເລົ່າຂານກັນມາແລ້ວ, ໃນແຕ່ລະປີ, ຊາວທ້ອງຖີ່ນເຄີຍເຕົ້າໂຮມມາແຫ່ງນີ້ເພື່ອຈັດຕັ້ງພິທີບູຊາບັນພະບຸລຸດທີ່ໄດ້ກຳເນີດ 12 ຕະກຸນ. ແລະ ວັນທີ 15 ເດືອນ 10 ໄລ່ຕາມຈັນທະປະຕິທິນແມ່ນວັນທີ່ບັນພະບຸລຸດສິ້ນຊີວິດ, ດັ່ງນັ້ນ, 12 ວົງຕະກຸນລ້ວນແຕ່ມາຈັດພິທີບູຊາຢູ່ກົກໄມ້ແດງນີ້, ສະນັ້ນຈຶ່ງເອີ້ນວ່າ ຕົ້ນໄມ້ແດງ(ບັນພະບຸລຸດ)”
ພໍ່ຕູ້ Duong Van Luyen ແລະຕົ້າໄມ້ແດງທີ່ມີອາຍຸຫຼາຍປີ
(ພາບ: google.com.vn)
ໂດຍຊ້ອນຕົວໃນປ່າໄມ້ແດງທີ່ຂຽວອຸ່ມທູ່ມ, ວິຫານກາວ ແມ່ນກິດຈະກຳ ສະຖາປັດຕະຍະກຳທີ່ສວຍງາມ, ຕັ້ງຢູ່ຈອມພູທຽນບົ່ງ, ຂຶ້ນກັບສາຍພູວອຍ (ຊ້າງ). ທາງໜ້າວິຫານແມ່ນແມ່ນ້ຳ ງວຽດຢາງ. ວິຫານລວມມີເຮື້ອນ 3 ຫ້ອງຢູ່ທາງໜ້າ , ຢູ່ກາງບໍລິເວນມີເຮືອນ 2 ຫ້ອງ ແລະທາງຫຼັງມີເຮືອນ 1 ຫ້ອງ. ໃນເດີນວິຫານແມ່ນບູຊາຊ້າງຫີນ ແລະ ມ້າຫີນ. ຢືນຢູ່ວິຫານຫຼຽວລົງມາ, ນັກທ່ອງທ່ຽວຈະເຫັນພູຮູບເສືອເຝົ້າ, ຊ້າງຄຸເຂົ່າ 99 ໜ່ວຍຢູ່ອ້ອມຮອບ. ສຳຫຼັບຊາວທ້ອງຖີ່ນແລ້ວ, ວິຫານກາວ ໃນເມື່ອກ່ອນ ພຽງແຕ່ແມ່ນຫໍບູຊາເທົ່ານັ້ນ ແຕ່ມີສັກສິດທີ່ສຸດ, ເພາະວ່ານີ້ແມ່ນແຫ່ງບູຊາພົນທະຫານ 5 ຄົນໃນສະໄໝ. ພໍ່ຕູ້ ເຢືອງວັນລ້ວຽນ (Duong Van Luyen), ໃຫ້ຮູ້ວ່າ:
”ວິຫານກາວ ມີມາກ່ອນປີ 981, ເວລານັ້ນພະລາຊາ ແລະ ພະລາຊີນີໄດ້ມາແຫ່ງນີ້ແລ້ວເກີດລູກ 5 ອົງຢູ່ທີ່ນີ້, ພາຍຫຼັງເຈົ້າຊີວິດ ເລດ້າຍແຮ່ງ (Le Dai Hanh) ຍ້າຍອອກຈາກ ຮວາລືນິງບິ່ງ ຜ່ານນາມແຊກ ມາແຫ່ງນີ້. ເມື່ອເຫັນອ້າຍນ້ອງ 5 ຄົນທັງແຂງແຮງ, ທັງສະຫຼາດສະຫຼຽວ, ເຈົ້າຊີວິດໄດ້ຮັບອ້າຍນ້ອງທັງ 5 ຄົນນີ້ພ້ອມກັບນາຍ ແລະ ພົນທະຫານ ເລຮ່ວານ (Le Hoan) ໄປຂັບໄລ່ສັດຕູ. ອ້າຍນ້ອງທັງ 5 ຄົນນັ້ນລ້ວນແຕ່ເກັ່ງວຽກງານການປົກຄອງ ແລະ ການທະຫານ, ເຂົາເຈົ້າລ້ວນແຕ່ກຳເນີດໃນເວລາດຽວກັນ ແລະ ເມື່ອສິ້ນຊີວິດກໍ່ໃນເວລາດຽວກັນ”
ປະຕູໂຂງວິຫານກາວ
(ພາບ: google.com.vn)
ເລື່ອງລາວແມ່ນຄືແນວນັ້ນ, ແຕ່ຮອດປີ 1988, ຄວາມປິດລັບຂອງວິຫານຈຶ່ງໄດ້ຮັບການເຜີຍອອກ, ເມື່ອເຂົາເຈົ້າຄົ້ນພົບພະລາຊະບັນຍັດທີ່ມີມາແຕ່ກ່ອນສະໄໝລາຊະວົງ ເລ (980-1009). ນັບແຕ່ນັ້ນວິຫານຈຶ່ງໄດ້ໄດ້ຮັບການຮັບຮອງວ່າແມ່ນປູຊະນີຍະສະຖານປະຫວັດສາດ ແລະ ລາຍຊື່ບັນດາພົນທະຫານທີ່ບູຊາໃນວິຫານຈຶ່ງໄດ້ຮັບການເຜີຍອອກ. ທ່ານ ຫງວຽນວັນຊົງ (Nguyen Van Song) ຫົວໜ້າຄະນະຄຸ້ມຄອງປູຊະນີຍະສະຖານເມືອງຈີ໋ລິງ ໃຫ້ຮູ້ວ່າ:
”ວິຫານແຫ່ງນີ້ບູຊາ 5 ອ້າຍນ້ອງຕະກຸນ ເວືອງ ໃນສະໄໝລາຊະວົງ ເລຮ່ວານ (Le Hoan) ເຊິ່ງມີຄູນງານຄວາມດີໃນການຂັບໄລ່ສັດ ຕູຕົ໋ງ, ນີ້ແມ່ນກຸ່ມປູຊະນີຍະສະຖານລວມມີ 5 ວິຫານຄື: ວິຫານບູຊາເຈົ້າຊີວິດ, ວິຫານກາ, ວິຫານກາວ, ວິຫານເບັ່ນຈ່າງ, ວິຫານເບັ່ນກາ. ໃນນັ້ນວິຫານກາວ ບູຊາ 3 ອ້າຍນ້ອງຕະກຸນ ເວືອງ… ນີ້ແມ່ນວິຫານສັກສິດທີ່ສຸດ ແລະ ມີວັດທະນະທຳທີ່ເປັນເອກະລັກສະເພາະທີ່ສຸດ”.
ປະຈຸບັນ, ໃນວິຫານຍັງຄົງຮັກສາພະລາຊະບັນຍັດ, ເຄື່ອງບູຊາ, ຄຳຜະຫຍາຫຼາຍຢູ່, ອັນໄດ້ສະແດງໃຫ້ເຫັນຄຸນງາມຄວາມດີອັນໃຫຍ່ຫຼວງຂອງອໍລະຫັນທີ່ໄດ້ຮັບການບູຊາຢູ່ທີ່ນີ້. ດ້ວຍຄຸນຄ່າດ້ານປະຫວັດສາດ ແລະ ວັດທະນະທຳພິເສດເຫຼົ່ານັ້ນ, ວັນທີ 25 /2/2001, ໄມ້ແດງໃຫຍ່ທີ່ມີອາຍຸຫຼາຍປີ 54 ຕົ້ນ ຢູ່ເຂດປູຊະນີຍະສະຖານລະດັບຊາດວິຫານກາວ ໄດ້ຮັບການຮັບຮອງວ່າແມ່ນຕົ້ມໄມ້ມໍລະດົກຂອງຫວຽດນາມ.