(vovworld)-
ແຕ່ລະປີ, ພາກພື້ນອາຊີ-ປາຊີຟິກໄດ້ຖືກເສຍຫາຍເກືອບ 90 ຕື້ໂດລາສະຫະລັດ ເຊິ່ງເລີ່ມມາຈາກແມ່ຍິງ “ ພາດໂອກາດ ” ເຂົ້າຮ່ວມໃນຂະບວນການພັດທະນາເສດຖະກິດ. ສິ່ງດັ່ງກ່າວໄດ້ສະແດງໃຫ້ເຫັນວ່າ : ຄວນສົ່ງເສີມການປະກອບສ່ວນຂອງແມ່ຍິງ ໃນບັນດາການເຄື່ອນໄຫວເສດຖະກິດ ກວ່າອີກ. ໃນສະພາບການສ້າງຕັ້ງປະຊາຄົມເສດຖະກິດ ASEAN ຈະສຳເລັດໃນທ້າຍປີ 2015, ຈະຊຸກຍູ້ການຄ້າ ແລະ ການລົງທຶນເຂົ້າ ASEAN, ແລະແມ່ຍິງ ASEAN ຈະສາມາດເຂົ້າຮ່ວມ ແລະ ຍາດແຍ່ງກາລະໂອກາດທີ່ດີນີ້, ຈາກນັ້ນຈຶ່ງຍົກສູງບົດບາດຂອງແມ່ຍິງໄດ້ຫລືບໍ່.
ທ່ານ Hugh Borrowman, ເອກອັກຄະລັດຖະທູດອົດສະຕາລີປະຈຳຫວຽດນາມກ່າວຄຳເຫັນທີ່ກອງປະຊຸມ
ພາບ:congan.com.vn
|
ທີ່ເວທີປາໄສດ້ວຍຫົວຂໍ້ທີ່ວ່າ : “ເຊື່ອມໂຍງເຂົ້າກັບ ASEAN ແລະມອບສິດເສດຖະກິດໃຫ້ແມ່ຍິງໃນພາກພື້ນແມ່ນ້ຳຂອງ” ໂດຍລັດຖະບານອົດສະຕາລີຈັດຕັ້ງຫາກໍ່ດຳເນີນຢູ່ຮ່າໂນ້ຍ, ບັນດາຜູ້ແທນ ຢັ້ງຢືນວ່າ : ການເຊື່ອມໂຍງເຂົ້າກັບ ASEAN ອາດສາມາດແມ່ນກຳລັງກະຕຸກຊຸກຍູ້ທີ່ແຂງແຮງໃຫ້ແກ່ວິວັດການເຂົ້າຮ່ວມພັດທະນາເສດຖະກິດຂອງແມ່ຍິງ. ທ່ານ Hugh Borrowman, ເອກອັກຄະລັດຖະທູດອົດສະຕາລີປະຈຳຫວຽດນາມ ໃຫ້ຮູ້ວ່າ :
“ປີ 2015, ປະຊາຄົມເສດຖະກິດ ASEAN ຈະໄດ້ຮັບການສ້າງຕັ້ງຂຶ້ນ. ສິ່ງດັ່ງກ່າວຈະນຳມາການປ່ຽນແປງ, ບັນດາກາລະໂອກາດເສດຖະກິດໃຫ້ແກ່ ASEAN. ສິ່ງສຳຄັນແມ່ນບັນດາພື້ນຖານເສດຖະກິດຕ້ອງຫັນກຳລັງແຮງງານເຂົ້າຮ່ວມ ວິວັດການ ນີ້ເປັນຫຼາຍຮູບຫຼາຍແບບ, ໃນນັ້ນມີແມ່ຍິງເຊິ່ງກວມເອົາເຄິ່ງໜຶ່ງຂອງຈຳນວນພົນລະເມືອງ”
ເປັນທີ່ຈະແຈ້ງແລ້ວວ່າ : ບັ້ນລະດົມການເຂົ້າຮ່ວມຂອງທຸກກຳລັງໃນສັງຄົມ, ໃນນັ້ນມີແມ່ຍິງຈະບໍ່ພຽງແຕ່ພັດທະນາເສດຖະກິດຂອງບັນດາປະເທດສະມາຊິກເທົ່ານັ້ນ, ຫາກຍັງປະກອບສ່ວນຍົກສູງທີ່ຕັ້ງບົດບາດຂອງ ASEAN, ຊ່ວຍ ASEAN ເຊື່ອມໂຍງເຂົ້າກັບສາກົນກວ່າອີກ. ສະນັ້ນ ເລື່ອງການສ້າງຕາຫນ່າງນັກທຸລະກິດຍິງ ASEAN ຖືກເຕື້ອງເຖິງໃນແຜນການລວມຂອງປະຊາຄົມ ASEAN. ເມື່ອເດືອນ 4 ຜ່ານມາ, ຕາຫນ່າງນັກທຸລະກິດຍິງ ASEAN ໄດ້ຮັບການສ້າງຕັ້ງຂຶ້ນຢູ່ຫວຽດນາມ ເພື່ອແນໃສ່ສ້າງເວທີປາໄສໃຫ້ບັນດາວິສາຫະກິດໄດ້ແບ່ງປັນ, ຮ່ວມມື ແລະ ຊຸກຍູ້ທັກສະການທຳທຸລະກິດໃຫ້ບັນດານັກທຸລະກິດ, ມຸ່ງໄປເຖິງການເພີ່ມທະວີກຳລັງຄວາມສາມາດການດຳເນີນທຸລະກິດໃຫ້ແມ່ຍິງ. ປະຈຸບັນ, ຫຼາຍປະເທດສະມາຊິກ ASEAN ກໍ່ບັນລຸໄດ້ຜົນສຳເລັດໃນ ວິວັດການຍົກສູງບົດບາດຂອງແມ່ຍິງ. ດຣ Kantha Phavi, ລັດຖະມົນຕີກະຊວງແມ່ຍິງກຳປູເຈຍ ຢືນຢັນ : ຫຼາຍອົງການຈັດຕັ້ງທີ່ບໍ່ຂຶ້ນກັບລັດຖະບານຢູ່ກຳປູເຈຍໄດ້ຫັນປ່ຽນແຕ່ຮູບການຊ່ວຍເຫລືອ, ຜ່ານບັນດາໂຄງການພັດທະນາການກຸສົນ, ເປັນບັນດາອົງການ “ວິສາຫະກິດສັງຄົມ” ທີ່ມີອິດທິພົນຊື່ສຽງ :
“ຕາມການເວລາ, ໂຄງການສິ້ນສຸດ, ແຫຼ່ງສະໜັບສະໜູນໝົດກຳນົດເວລາສ້າງ ອັນໄດ້ສ້າງຊ່ອງຫວ່າງໃນການສະໜອງບໍລິການເມື່ອຍັງມີຄວາມຕ້ອງການ. ນີ້ແມ່ນຈຸດເວລາເຊິ່ງບາງອົງການຈັດຕັ້ງບໍ່ຂຶ້ນກັບລັດຖະບານໄດ້ຕົກລົງກາຍເປັນວິສາຫະກິດສັງຄົມ. ປະຈຸບັນຢູ່ກຳປູເຈຍ ມີບາງວິສາຫະກິດສັງຄົມໄດ້ຮັບການຮູ້ຈັກເຖິງຄື: Hagar, Friends ຫຼື Artian Angkor ພວມປະສົບຜົນສຳເລັດໃນຂົງເຂດພັດຕະຄານເຂດຕົວເມືອງ, ບໍລິການກິນດຶ່ມລະດັບສູງ ຫຼືສົ່ງອອກ ສິນຄ້າສິລະປະຫັດຖະກຳມີຄຸນຄ່າສູງ. ທັງໝົດນີ້ລ້ວນແຕ່ສ້າງລາຍຮັບສູງ ແລະ ບໍລິການທີ່ດີສຳລັບແມ່ຍິງ”
ເຖິງຢ່າງໃດກໍ່ຕາມ, ປະຈຸບັນຈຳນວນແມ່ຍິງເປັນເຈົ້າຂອງວິສາຫະກິດໃຫຍ່ໃນພາກພື້ນ ASEAN ຍັງບໍ່ທັນມີຫຼາຍ. ທີ່ເວທີປາໄສ “ເຊື່ອມໂຍງເຂົ້າກັບ ASEAN ແລະມອບສິດເສດຖະກິດໃຫ້ແມ່ຍິງໃນພາກພື້ນແມ່ນ້ຳຂອງ”, ທ່ານນາງ Gillian Brown, ຊ່ຽວຊານເອກະລາດໄດ້ຍົກອອກບັນດາຂໍ້ສະເໜີເພື່ອເພີ່ມທະວີການເຂົ້າຮ່ວມຂອງແມ່ຍິງໃນບັນດາການເຄື່ອນໄຫວເສດຖະກິດ :
“ເປີດກວ້າງ ວິວັດການ ເຂົ້າຮ່ວມການປະມູນ, ຕິດພັນກັບການເພີ່ມລັກສະນະໂປ່ງໃສຈະສົ່ງເສີມແມ່ຍິງເຂົ້າຮ່ວມ. ດ້ານອື່ນແມ່ນ ສົ່ງເສີມບັນດາອົງການ, ບັນດາວິສາຫະກິດທີ່ນຳໃຊ້ແຮງງານຍິງ, ພິເສດແມ່ນໃນຂົງເຂດດຳເນີນທຸລະກິດ. ພວກເຮົາກໍ່ຄວນສະໜອງໃຫ້ແມ່ຍິງບັນດາຄວາມຮູ້ ແລະ ທັກສະດຳເນີນທຸລະກິດ. ນອກນັ້ນ ພວກເຮົາຄວນເອົາໃຈໃສ່ເຖິງບັນດາແມ່ຍິງທີ່ເຮັດວຽກຢູ່ບັນດາຟາມຕ່າງໆຕື່ມອີກ, ສົ່ງເສີມບັນດາບໍລິສັດຜະລິດ ຕອບສະໜອງຄວາມຕ້ອງການຂອງແຮງງານຍິງໃຫ້ດີກວ່າອີກ”
ເລື່ອງການສ້າງປະຊາຄົມເສດຖະກິດ ASEAN ສຳເລັດໃນປີ 2015 ຈະສ້າງຫຼາຍກາລະໂອກາດຮ່ວມມືລົງທຶນດຳເນີນທຸລະກິດລະຫວ່າງບັນດາປະເທດ ASEAN ນຳກັນ ແລະ ລະຫວ່າງບັນດາປະເທດ ASEAN ກັບບັນດາປະເທດຕ່າງໆໃນພາກພຶ້ນ ແລະ ໃນໂລກ. ເຖິງຢ່າງໃດກໍ່ຕາມ, ແມ່ຍິງ ASEAN ສາມາດຍາດແຍ່ງກາລະໂອກາດທີ່ດີນີ້ ເພື່ອພັດທະນາເສດຖະກິດ ແລະ ຍົກສູງບົດບາດ ຫຼື ບໍ່ແມ່ນອີງໃສ່ກັບການສະໜັບສະໜູນຂອງລັດຖະບານ, ບັນດາອົງການຈັດຕັ້ງບໍ່ຂຶ້ນກັບລັດຖະບານ ແລະ ຂອງບັນດາແມ່ຍິງ ASEAN ເອງ./.