(vovworld)- ຍົກສູງລະດັບຄວາມຮູ້ດ້ານວິຊາສະເພາະໃນການຂຽນຂ່າວ, ຂຽນບົດ, ເພີ່ມທະວີການພົວພັນແລກປ່ຽນດ້ານວັດທະນະທຳ, ການເມືອງ, ສັງຄົມລະຫວ່າງບັນນາທິການ ແລະ ນັກຂ່າວຂອງວິທະຍຸກະຈາຍສຽງແຫ່ງປະເທດໄທ ( NBT ) ແລະ ວິທະຍຸກະຈາຍສຽງຫວຽດນາມ ( VOV ) ແມ່ນເນື້ອໃນຕົ້ນຕໍຂອງແຜນການແລກປ່ຽນພະນັກງານ ລະຫວ່າງ VOV ແລະ NBT. ແຜນການນີ້ໄດ້ຮັບຖືວ່າ ແມ່ນຂົວເຊື່ອມຕໍ່ຊ່ວຍເພີ່ມທະວີການພົວພັນມິດຕະພາບລະຫວ່າງປະຊາຊົນ 2 ປະເທດຫວຽດນາມ ແລະ ໄທ, ໃນນັ້ນມີບັນນາທິການ ແລະ ນັກຂ່າວຂອງ VOV ແລະ NBT.
ການນຳວິທະຍຸກະຈາຍສຽງຫວຽດນາມເຮັດວຽກກັບ
ຄະນະຜູ້ແທນກົມປະຊາສຳພັນໄທເມື່ອປີ 2013
ພາບ:vov
|
ແຜນການແລກປ່ຽນບັນນາທິການ ແລະ ນັກຂ່າວລະຫວ່າງ VOV ແລະ NBT ແມ່ນເລີ່ມມາຈາກບົດບັນທຶກຊ່ວຍຈຳ ( MOU ) ເຊິ່ງໄດ້ລົງນາມເປັນປະຈຳປີລະຫວ່າງກົມປະຊາສຳພັນໄທ ( PRD ) - ກັບ VOV. ຕາມນັ້ນແລ້ວ, ແຕ່ລະປີ PRD ແລະ VOV ຈະຮ່ວມມືໃນຫຼາຍຂົງເຂດຄື: ແລກປ່ຽນຂ່າວ, ບົດ, ຈັດຕັ້ງການໄປຢ້ຽມຢາມຂອງພະນັກງານສອງຝ່າຍ, ໃນນັ້ນມີການບຳລຸງກ່ຽວກັບວິຊາສະເພາະໃຫ້ບັນນາທິການ ແລະ ນັກຂ່າວ. ການບຳລຸງນີ້ໄດ້ມອບໃຫ້ວິທະຍຸກະຈາຍສຽງແຫ່ງປະເທດໄທຮ່ວມມືກັບວິທະຍຸກະຈາຍສຽງຫວຽດນາມຮັບຜິດຊອບ. ທ່ານນາງ ພິຈາ ເມືອງນາວ, ອຳນວຍການວິທະຍຸກະຈາຍສຽງແຫ່ງປະເທດໄທ, ໃຫ້ຮູ້ວ່າ :
ສຽງທ່ານນາງພິຈາ ເມືອງນາວ
ນອກຈາກເລື່ອງຮັບເອົາຄວາມຮູ້, ຍົກສູງຄວາມສາມາດ, ທັກສະໃນການຂຽນຂ່າວ, ບົດ, ແຜນການດັ່ງກ່າວຍັງຊ່ວຍໃຫ້ບັນດານັກຂ່າວ, ບັນນາທິການ ຂອງສອງວິທະຍຸ ຂຽນຂ່າວ ແລະ ບົດສ່ອງແສງສະພາບຕົວຈິງຢູ່ແຕ່ລະປະເທດຢ່າງຊັດເຈນ. ທ່ານນາງ ພິຈາ ເມືອງນາວ ໃຫ້ຮູ້ຕື່ມອີກວ່າ:
ສຽງທ່ານນາງ ພິຈາ ເມືອງນາວ
ທ່ານ ຣັກທະນີ ນອນປະເສີດ, ນັກຂ່າວຂອງ NBT ຊື່ງແມ່ນຜູ້ໄດ້ມີໂອກາດໄປຝືກຫັດ ຢູ່ VOV ເມື່ອເດືອນ 7/2014 ຜ່ານມາ ໃຫ້ຮູ້ວ່າ: ຊ່ວງເວລາຝຶກຫັດຢູ່ VOV ພຽງໃນ 1 ເດືອນເທົ່ານັ້ນ ແຕ່ໄດ້ເປັນອະນຸສອນກ່ຽວກັບວຽກງານກໍຄືໃນຊີວິດຍາກທີ່ຫລົງລືມໄດ້, ນອກນັ້ນ ທ່ານມີຄວາມເຂົ້າໃຈຕື່ມອີກກ່ຽວກັບວັດທະນະທຳຫວຽດນາມ.
ສຽງຂອງທ່ານ ຣັກທະນີ ນອນປະເສີດ
ສຳລັບນາງ ຫງວຽນທິອຽນ, ບັນນາທິການພາກພາສາໄທຂອງ VOV ແລ້ວ, ເລື່ອງໄດ້ເຂົ້າຮ່ວມລາຍການຮ່ວມມືລະຫວ່າງສອງວິທະຍຸແມ່ນກາລະໂອກາດດີທີ່ສຸດ ເພື່ອຝືກຝົນຫລໍ່ຫລອມດ້ານພາສາໄທ, ວິຊາສະເພາະ ແລະ ໄດ້ສຳພັດກັບວິທີຂຽນຂ່າວ, ບົດ, ຜະລິດລາຍການກະຈາຍສຽງຂອງ NBT ກໍຄືມີໝູ່ເພື່ອນໃຫມ່ຕື່ມອີກ.
“ແຕ່ລະມື້ໄດ້ໂອ້ລົມກັບບັນດາເພື່ອນໄທ ສະນັ້ນ ຄວາມສາມາດນຳໃຊ້ພາສາໄທຂອງຂ້າພະເຈົ້າກໍດີກວ່າ. ບັນດາເພື່ອນໄທໄດ້ຊ່ວຍເຫລືອຂ້າພະເຈົ້າດ້ານວິຊາສະເພາະຢ່າງສຸດອົກສຸດໃຈ. ຊ່ວງເວລາຝືກອົບຮົມຢູ່ NBT ໄດ້ສ້າງ ຄວາມປະທັບໃຈອັນດີງາມຫລາຍຢ່າງ ໃຫ້ຂ້າພະເຈົ້າ.”
ອາດຈະເວົ້າໄດ້ວ່າ ການຮ່ວມມືໃນຂົງເຂດກະຈາຍສຽງລະຫວ່າງ VOV ແລະ NBT ໄດ້ປະກອບສ່ວນບໍ່ຫນ້ອຍ ຊ່ວຍໃຫ້ປະຊາຊົນຫວຽດນາມ ແລະ ໄທ ເຂົ້າໃຈກັນກວ່າ, ພິເສດ ແມ່ນລະຫວ່າງຜູ້ເຮັດວຽກງານກະຈາຍສຽງຂອງສອງປະເທດ. ລາຍການດັ່ງກ່າວແມ່ນການຮ່ວມມືຢ່າງມີປະສິດທິຜົນຂອງສອງປະເທດໃນການຫັນບັນດາຈຸດໝາຍທີ່ໄດ້ວາງອອກເປັນລະອຽດ ເພື່ອມຸ່ງໄປເຖິງປະຊາຄົມອາຊຽນໃນປີ 2015.