ຝລັ່ງຫວນຄືນດ້ຽນບຽນຝູແລະອິນດູຈີນ
ບັ້ນຮົບ ດ້ຽນບຽນຝູ
ພາບເອກະສານ:internet
|
(vovworld)-ແຕ່ວັນທີ 13-27/11, ຫໍພິພິດທະພັນກອງທັບ ຝລັ່ງ ສົມທົບກັບສະຖາບັນຄົ້ນຄ້ວາຍຸດທະສາດ ຂຶ້ນກັບກະຊວງປອ້ງກັນປະເທດ ຝລັ່ງ ໄດ້ຈັດກອງປະຊຸມສຳມະນາຫລາຍຄັ້ງກ່ຽວກັບອິນດູຈີນ ແລະ ດ້ຽນບຽນຝູ. ກອງປະຊຸມສຳມະນາຄັ້ງຕ່າງໆດັ່ງກ່າວແມ່ນເຕື້ອງເຖິງປະຫວັດສາດການທະຫານ, ປະຫວັດສາດການເມືອງ, ປະຫວັດສາດວັດທະນະທຳ ຊ່ວຍໃຫ້ຜູ້ຊົມເຫັນມີຄວາມເຂົ້າໃຈກ່ຽວກັບປະຫວັດສາດກວ່າ. ບັນດານັກຮຽນຮູ້, ຜູ້ຊ່ຽວຊານປະຫວັດສາດການທະຫານ ຝລັ່ງ ເຂົ້າຮ່ວມກອງປະຊຸມສຳມະນາລ້ວນແຕ່ມີທັດສະນະວ່າ: ສົງຄາມອິນດູຈີນ, ບັ້ນຮົບ ດ້ຽນບຽນຝູ ແມ່ນໄລຍະສຳຄັນທີ່ບໍ່ທັນເຕື້ອງເຖິງໃນປະຫວັດສາດ ຝລັ່ງ. ສະນັ້ນ ລົງເລິກຄົ້ນຄ້ວາປະຫວັດສາດ ດ້ວຍແຫລ່ງເອກະສານຫລາຍຢ່າງຈາກບັນດາຝ່າຍ ຍັງຄົງແມ່ນສິ່ງສຳຄັນທີ່ສຸດ.
ທີ່ກອງປະຊຸມສຳມະນາ “ດ້ຽນບຽນຝູ, ການກະທົບ ແລະ ຄວາມຊົງຈຳ”, ທ່ານ Pierre Journoud ນັກຄົ້ນຄ້ວາປະຫວັດສາດການທະຫານຊັ້ນນຳກ່ຽວກັບ ດ້ຽນບຽນຝູ ຢູ່ ຝລັ່ງປະຈຸບັນ ໄດ້ແນະນຳການສັງເກດທີ່ໃຫມ່ອ່ຽມ ແລະ ເປີດອົກເປີດໃຈຈາກຝ່າຍ ຝລັ່ງ ເມື່ອຫວນຄືນບັ້ນຮົບ ດ້ຽນບຽນຝູ. ເມື່ອຕອບຄຳຖາມຂອງຜູ້ແທນກ່ຽວກັບຍຸດທະສາດຂອງ ພົນເອກ ຫວໍງວຽນຢາບ ໃນບັ້ນຮົບດຽນບຽນຝູ, ທ່ານ Journoud ໃຫ້ຮູ້ວ່າ:
“ຍຸດທະສາດຂອງພົນເອກ ຫວໍງວຽນຢາບ ເປັນຫນ້າທີ່ສົນໃຈ ເພາະ ພົນເອກໄດ້ສືບທອດ, ຮຳ່ຮຽນເອົາບົດຮຽນຈາກຫລາຍແຫລ່ງ. ເພີ່ນເຂົ້າໃຈກ່ຽວກັບປະຫວັດສາດ, ການທະຫານຂອງ ຝລັ່ງ ຢ່າງຈະແຈ້ງ. ເພີ່ນໄດ້ຄົ້ນຄ້ວາຍຸດທະສາດການທະຫານຂອງນາຍພົນ Bonapart ຢ່າງລະອຽດ. ແຕ່ສິ່ງສຳຄັນກວ່າໝູ່ນັ້ນແມ່ນ ພົນເອກ ຖອດຖອນບົດຮຽນຈາກບັນດານັກຍຸດທະສາດການທະຫານທີ່ປີຊາສາມາດຂອງຫວຽດນາມໃນປະຫວັດສາດແຫ່ງການຕ້ານສັດຕູຮຸກຮານຂອງປະເທດຊາດແຕ່ສັດຕະວັດທີ 13,15…”