(ທ່ານນາຍົກລັດຖະມົນຕີ ຫງວຽນຊວນຟຸກ ປຸກລະດົມການບໍລິ
ຈາກສະໜັບສະໜູນພໍ່ແມ່ປະຊາຊົນພາກກາງຖືກນ້ຳແກ່ງ)
(vovworld) - ຕອນເຊົ້າວັນທີ 18/10 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ປຸກລະດົມການບໍລິຈາກສະໜັບສະໜູນພໍ່ແມ່ປະຊາຊົນບັນດາແຂວງພາກກາງ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ ໃນຊຸມວັນຜ່ານມາ, ພະຍຸນ້ຳແກ່ງໄດ້ກໍ່ຄວາມເສຍຫາຍຢ່າງໜັກໜ່ວງກ່ຽວກັບຄົນ ແລະ ຊັບສິນຂອງພໍ່ແມ່ປະຊາຊົນພາກກາງ. ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງບັນດາອົງການ, ສ່ວມບຸກຄົນສະໜັບສະໜູນພໍ່ແມ່ປະຊາຊົນພາກກາງທີ່ຖືກເສຍຫາຍຢ່າງ ໜັກໜ່ວງຈາກພະຍຸນ້ຳແກ່ງ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີວ່າ:
“ໃນນາມລັດຖະບານ, ຂ້າພະເຈົ້າສະເໜີບັນດາອົງການສຳນັກງານ, ສ່ວນບຸກຄົນ ແລະ ພໍ່ແມ່ປະຊາຊົນໃນທົ່ວປະເທດ, ເພື່ອພໍ່ແມ່ປະຊາຊົນເລືອດເນື້ອເຊື້ອດຽວ, ແບ່ງປັນຄວາມທຸກຍາກຂອງປະຊາຊົນໃນບັນດາເຂດຖືກເສຍຫາຍ. ຂ້າພະເຈົ້າສະເໜີທຸກຄົນ, ທຸກອົງການສຳນັກງານປະກອບດ້ວຍຄວາມເມດຕາຂອງຕົນ ເພື່ອໜູນຊ່ວຍພໍ່ແມ່ປະຊາຊົນພວກເຮົາທີ່ພວມປະສົບກັບຄວາມຫຍຸ້ງຍາກ.”
(ທ່ານ ຫງວຽນເທ໋ກີ, ຜູ້ອຳນວຍການໃຫຍ່ VOV
ປຸກລະດົມການບໍລິຈາກ ແລະ ສະໜັບສະໜູນ“ເພື່ອພາກກາງທີ່ແສນຮັກ“)
ແລະ ກໍ່ໃນຕອນຕອນເຊົ້າວັນທີ 18/10, ຢູ່ສູນກະຈາຍສຽງແຫ່ງຊາດ 58 ກວ໋ານຊື໋, ຮ່າໂນ້ຍ, ວິທະຍຸກະຈາຍສຽງ ຫວຽດນາມ (VOV) ໄດ້ຈັດຕັ້ງພິທີປຸກລະດົມການບໍລິຈາກ ແລະ ສະໜັບສະໜູນ“ເພື່ອພາກກາງທີ່ແສນຮັກ“. ກ່າວຄວາມເຫັນນະພິທີ, ທ່ານ ຫງວຽນເທ໋ກີ, ຜູ້ອຳນວຍການໃຫຍ່ VOV ສະເໜີບັນດາຫົວໜ່ວຍຂອງ VOV ສືບຕໍ່ປຸກລະດົມພະນັກງານ, ລັດຖະກອນສະໜັບສະໜູນ, ຊ່ວຍເຫຼືອພໍ່ແມ່ປະຊາຊົນພາກກາງທີ່ຖືກຜົນສະທ້ອນຈາກນຳ້ຖ້ວມ. ທ່ານ ເນັ້ນໜັກວ່າ:
“ພ້ອມກັບແຫຼ່ງກຳລັງຂອງລັດ, ປະຈຸບັນແຫຼ່ງກຳລັງຂອງສັງຄົມກໍ່ມີຄວາມສຳຄັນທີ່ສຸດ. ພວກເຮົາແມ່ນບັນດາຜູ້ທີ່ເຮັດວຽກງານສື່ມວນຊົນ, ກ່ອນອື່ນໝົດຕ້ອງມີສະຕິຢ່າງເລິກເຊິ່ງ ແລະ ມີຄວາມເຫັນດີເຫັນພ້ອມຕໍ່ຊີວິດການເປັນຢູ່ຂອງປະຊາຊົນພາກກາງໃນປະຈຸບັນ“.
ທີ່ພິທິປຸກລະດົມ, ພະນັກງານ, ພາລະກອນ, ລັດຖະກອນ VOV ແຕ່ລະຄົນໄດ້ບໍລິຈາກເງິນເດືອນຢ່າງໜ້ອຍສຸດແມ່ນ 1 ວັນເພື່ອສະໜັບ ສະໜູນປະຊາຊົນພາກໃຕ້ທີ່ຖືກຜົນສະທ້ອນຈາກໄພທຳມະຊາດ.
ໃນວັນດຽວກັນ, ມີຫຼາຍທ້ອງຖີ່ນໃນທົ່ວປະເທດ, ບັນດາກະຊວງ, ຂະແໜງການຕ່າງໆ ລ້ວນແຕ່ຈັດຕັ້ງພິທີປຸກລະດົມການບໍລິຈາກເງິນ ສະໜັບສະໜູນປະຊາຊົນຜູ້ປະສົບໄພທຳມະຊາດຢູ່ພາກກາງເຊັ່ນດຽວກັນ.