(VOVWORLD) - ພ້ອມກັບການສອນໜັງສື, ອ້າຍຄູ ເງິນວັນເອິນ ສັງກັດໂຮງຮຽນປະຖົມຕາມຈຸງ ເມືອງ ເມື່ອງລ໊າດ ແຂວງແທງຮ້ວາ ຍັງເອົາໃຈໃສ່ເຖິງແຕ່ລະຄາບເຂົ້າ, ການກິນການນອນໃຫ້ແກ່ນັກຮຽນທຸກຍາກເຂດພູສູງ. ດ້ວຍຄວາມຜູກພັນກັບເຂດພູສູງ ຊາບແດນເປັນເວລາ 17ປີ, ອ້າຍຄູ ເງິນວັນເອິນ ໄດ້ຮັບຄວາມຮັກແພງຈາກນັກຮຽນ ແລະ ພໍ່ແມ່ນັກຮຽນຢູ່ແຫງນີ້ ຍ້ອນຄວາມສຸດຈິດສຸດໃຈກັບອາຊີບ ແລະ ຄວາມຮັກເດັກ.
 ຄາບເຂົ້າຂອງນັກຮຽນທີ່ໂຮງຮຽນປະຖົມເຄີ່ງກິນນອນ ບ້ານ ອ໋ອນຕາແສງຕາມຈຸງ |
ແຕ່ລະວັນຂະນະທີ່ສຽງກະດິ່ງດັງຂຶ້ນບົ່ງບອກເວລາພັກຜ່ອນຢູ່ໂຮງຮຽນ ບ້ານອ໊ອນ ຕາແສງ ຕາມຈຸງ ເມືອງ ເມື່ອງລ໊າດ, ອ້າຍຄູ ເງິນວັນເອິນ ພ້ອມກັບບັນດາອ້າຍເອື້ອຍຄູຢູ່ໂຮງຮຽນ ໄດ້ສະຫຼະເວລາພັກຜ່ອນຂອງນັກຮຽນ ເພື່ອກະກຽມປຸງແຕ່ງຄາບເຂົ້າທ່ຽງໃຫ້ແກ່ພວກລູກ
ພາຍຫຼັງຊົ່ວໂມງຮຽນທີສາມ ແລະ ທີສີ່ ອ້າຍຄູກໍ່ໄດ້ກັບຄືນເຮືອນຄົວໂດຍໄວ ເພື່ອສືບຕໍ່ປຸງແຕ່ງອາຫານ ແລ້ວກໍ່ຈັດແປ່ງເຂົ້າກິນແຕ່ລະພູດ ເພື່ອໃຫ້ພວກນ້ອງນັກຮຽນຮັບປະທານໃນຕອນທ່ຽງ
“ລູກເອົາເຂົ້າຕື່ມຫວະ.ລູກກິນແຊບບໍ່ ຖ້າຫາກກິນແຊບກໍ່ຕ້ອງຂອບໃຈນຳພໍ່ລ້ຽງ ແມ່ລ້ຽງເດີ”
ເມື່ອພວກນັກຮຽນກິນແລ້ວ ອ້າຍຄູ ແລະ ເພື່ອນຮ່ວມອາຊີບກໍ່ລ້າງຖ້ວຍ ປັດກວາດທຳຄວາມສະອາດ ແລ້ວຈຶ່ງໄດ້ກິນເຂົ້າທ່ຽງ. ບາງມື້ຂາດໄຟຟ້າກໍ່ຕ້ອງປຸງແຕ່ງອາຫານດ້ວຍເຕົາຟືນອ້າຍຄູ ເງິນວັນເອິນ ເວົ້າວ່າ:
“ ໃນເບື້ອງຕົ້ນ ເມື່ອໄດ້ຮັບໂຄງການລ້ຽງເດັກຢູ່ເມື່ອງລ໋າດ ກໍປະສັບກັບຄວາມຫຍຸ້ງຍາກຫຼາຍຢ່າງ ສຳລັບອ້າຍເອື້ອຍຄູ່ກ່ຽວກັບພື້ນຖານດ້ານວັດຖຸ, ເຄື່ອງໃຊ້ປຸງແຕ່ງອາຫານ, ພື້ນຖານໂຄງລ່າງຮັບໃຊ້ການແຕ່ງກິນໃຫ້ແກ່ພວກຫຼານ”
ເມື່ອກ່ອນນີ້ຍ້ອນໄປຮຽນຢູ່ໄກ ດັ່ງນັ້ນນັກຮຽນເບິ່ງຄືວ່າຢູ່ໂຮງຮຽນປະຖົມ ຕາມຈຸງ ເຂົ້າຮຽນພຽງຕອນໜຶ່ງ. ໂດຍມີຄວາມເປັນຫ່ວງຕໍ່ການຮ່ຳຮຽນຂອງພວກລູກ, ອ້າຍຄູ ເອິນ ໄດ້ຮຽນກຮ້ອງໃຫ້ຮ່ວມແຮງຮ່ວມໃຈຂອງຜູ້ໃຈບຸນໃຈກຸສົນ. ຜົນມີຢູ່ວ່າ ນັບແຕ່ສົກຮຽນ 2022 – 2023, ໂຄງການລ້ຽງເດັກ ເມື່ອງ
ລ໊າດໄດ້ຖືກຜັນຂະຫຍາຍຢູ່ເຂດບ້ານ ອ໊ອນ. ຄວາມໜູນຊ່ວຍຄາບເຂົ້າທ່ຽງຂອງພໍ່ແມ່ລ້ຽງ, ນັກຮຽນ 96 ຄົນຂອງ 5 ຫ້ອງຢູ່ທີ່ນີ້ກໍ່ໄດ້ກິນເຂົ້າທ່ຽງ. ອ້າຍຄູ ເອິນ ກໍ່ໄດ້ໃຫ້ຮູ້ຕື່ມອີກວ່າ:
“ອ້າຍເອື້ອຍຄູ່ຢູ່ໂຮງຮຽນກໍມານະພະຍາຍາມແນະນຳໃຫ້ພວກນ້ອງນັກຮຽນ ຈາກການລ້າງມື, ມາເອົາເຂົ້າກິນ, ທຳຄວາມສະອາດ…ປະຈຸບັນມີ ໂຄງການລ້ຽງເດັກຢູ່ເມື່ອງລ໋າດ, ພວກນ້ອງໄດ້ໄປໂຮງຮຽນ ແລະ ໄດ້ມີຄາບເຂົ້າກິນທີ່ມີສານອາຫານພຽງພໍ”
ດ້ວຍໄລຍະເຮັດວຽກໃນຂະແໜງສຶກສາເປັນເວລາ 17 ປີ, ອ້າຍຄູເງິນວັນເອິນ ໄດ້ມີຄວາມຜູກພັນກັບບ້ານ ອ໊ອນ ຕາແສງ ຕາມຈຸງ ເປັນເວລາ 15 ປີ. ອ້າຍຄູ ເອິນ ໄດ້ຮັບມອບໝາຍໜ້າທີ່ຮັບຜິດຊອບຫ້ອງປໍ1 ຍ້ອນວ່າທາງໂຮງຮຽນກໍ່ລ້ວນແຕ່ຮູ້ສຶກໄດ້ເຖິງຄວາມຮັກນັກຮຽນ ຮັກອາຊີບ ແລະສຸດຈິດສຸດໃຈກັບເດັກເຂດພູສູງ. ລຸງ ຢ່າງອາເຈຍ ມີຫຼານ 2 ຄົນພວມຮຽນຢູ່ທີ່ນີ້ ເປີດເຜີຍວ່າ:
“ ອ້າຍເອື້ອຍຄູ່ມີຄວາມລຳບາກທີ່ສຸດ. ຢູ່ທີ່ນີ້ກໍໄດ້ຮັບການຫນູນຊ່ວຍເຂົ້າສານ ແລ້ວກໍໜູນຊ່ວຍອ້າຍເອື້ອຍຄູ່ໃນການແຕ່ງກິນໃຫ້ພວກຫຼານນັກຮຽນ ”
ດ້ວຍຄວາມເອົາໃຈໃສ່ເຖິງນັກຮຽນຈາກການຮຽນ, ການກິນການນອນ ຍິ່ງກວ່ານັ້ນໃນຕອນຄ່ຳກໍ່ເຫັນອ້າຍຄູຜ່ານໄລຍະທາງປ່ານັບເປັນກິໂລແມັດ ໄປຮອດເຮືອນນັກຮຽນ ເພື່ອຢື້ຢາມຖາມຂ່າວແບ່ງປັນກັບພໍ່ແມ່ນັກຮຽນ. ອ້າຍຄູ ເລວັນວຽນ ຫົວໜ້າອຳນວຍການໂຮງຮຽນປະຖົມຕາມຈຸງ ໃຫ້ຮູ້ວ່າ:
“ອ້າຍຄູ ເອິນ ມີຄວາມຜູກພັນກັບໂຮງຮຽນບ້ານ ອ໊ອນ ເປັນເວລາຫຼາຍປີ. ວຽກງານທຸກຢ່າງຂອງຊາວບ້ານ, ອ້າຍຄູ່ ເອີນກໍເຂົ້າຮ່ວມ, ອ້າຍຄູ່ຍາມໃດກໍເອົາໃຈໃສ່ ແລະ ສຸດຈິດສຸດໃຈກັບນັກຮຽນ, ພໍ່ແມ່ພີນ້ອງຊາວບ້ານ ອ໊ອນ ຍາມໃດກໍຖືອ້າຍຄູ່ ເອີນ ແມ່ນຍາດພີນ້ອງຂອງຕົນ”
ອ້າຍຄູ ເອິນ ໄດ້ຮັບໃບຍ້ອງຍຫຼາຍໃບ ຍ້ອນມີຜົນງານການອຸທິດສ່ວນໃຫ້ແກ່ພາລະກິດການສຶກສາ. ແຕ່ໃບຍ້ອງຍໍທີ່ມີຄຸນຄ່າສູງກວ່າໝູ່ສຳລັບອ້າຍຄູກໍ່ແມ່ນການເຕີບໃຫຍ່ຂອງນັກທີ່ທຸກຍາກເຂດຊາຍແດນແຕ່ລະຄົນ ແລະ ໄດ້ຮັບຄວາມເຄົາລົບນັບຖືຈາກພໍ່ແມ່ພີ່ນ້ອງຊາວບ້ານເຂດພູຜາປ່າໄມ້ແຫ່ງນີ້.