ອ້າຍ ບໍບໍ່ຂາ ກັບຕົ້ນໝາກຖົ່ວລຽນອາຍຸ 10 ປີ

     ນັບແຕ່ຮຸ່ງເຊົ້າ ອ້າຍ ບໍບໍ່ຂາ ໄດ້ໄປບົວລະບັດສວນໝາກຖົ່ວລຽນຂອງຕົນ, ສວນໝາກຖົ່ວລຽນຂອງອ້າຍມີເນື້ອທີກວ່າ 2 ເຮັກຕາ ດ້ວຍໝາກຖົ່ວລຽນ 400 ຕົ້ນທີ່ມີອາຍຸແຕ່ 4 ຫາ 10 ປີ. ອ້າຍໃຫ້ຮູ້ວ່າ ການດຳລົງຊີວິດຂອງຄອບຄົວໃນເບື້ອງຕົ້ນກໍ່ປະສົບກັບຄວາມຫຍຸ້ງຍາກຫຼາຍຢ່າງ, ທັງຄອບຄົວໄປເຮັດຮັບຈ້າງ ແຕ່ກໍ່ບໍ່ພໍກິນ. ເມື່ອເຮັດຮັບຈ້າງໃຫ້ແກ່ບັນດາຄອບຄົວປູກໝາກຖົ່ວລຽນ, ລາວໄດ້ຮຽນຮູ້ກ່ຽວກັບວິທີບົວລະບັດຕົ້ນຖົ່ວລຽນ ແລ້ວກໍ່ກ້າຫານກູ້ຢືມທຶນປູກທົດລອງຕົ້ນຖົ່ວລຽນ 40 ຕົ້ນ. ຍ້ອນການຮຽນຮູ້ ແລະ ຊອກຮຸ້ທາງດ້ານເຕັກນິກຄວາມກ້າວໜ້າດັ່ງນັ້ນສວນຕົ້ນໝາກຖົ່ວລຽນໄດ້ເຕີບໂຕດີ. ປີນີ້ສວນໝາກຖົ່ວລຽນຄອບຄົວອ້າຍ ຂາ ໃຫ້ລາຍໄດ້ 1 ຕື້ກວ່າດົ່ງ. ພ້ອມກັນນັ້ນກໍ່ສາມາດແກ້ໄຂວຽກເຮັດງານທຳໃຫ້ແກ່ບັນດາແຮງງານທ້ອງຖິ່ນ. ອ້າຍສາມາດຊຳລະໜີ້ ແລະ ລົງທຶນເປີດກວ້າງເນື້ອທີ່ປູກໝາກຖົ່ວລຽນ, ພ້ອມກັນນັ້ນ ອ້າຍກໍໍ່ຮ່ວມກັບພໍ່ແມ່ພີ່ນ້ອງປະຕິບັດການປົກປ້ອງກາໝາຍສິນຄ້າໃຫ້ແກ່ຜະລິດຕະພັນ. ອ້າຍ ບໍບໍຂາ ໃຫ້ຮູ້ວ່າ:

     “ຂ້າພະເຈົ້າທັງເຮັດດ້ານເຕັກນິກຕັດໝາກຖົ່ວລຽນ ທັງແນະນນຳວິທີໃສ່ຝຸ່ນໃຫ້ຕົ້ນໄມ້. ເມື່ອຄົ້ນພົບຕົ້ນໄມ້ຖຶກສັດຕູພືດທຳລາຍກໍ່ແນະນນຳໃຫ້ພໍ່ແມ່ພີ່ນ້ອງຊື້ຢາ ເພື່ອປົວພະຍາດກໍ່ຄືວິທີປູກ,ບົວລະບັດ. ພໍ່ແມ່ພີ່ນ້ອງກໍ່ມີຄວາມພາກພູມໃຈທີ່ສຸດ ເມື່ອໄດ້ຮັບການແນະນຳດ້ານ ເຕັກນິກ”.

       ຊາວສວນປູກໝາກຖົ່ວລຽນຫຼາຍຄົນຢູ່ເທດສະບານ ໂຕຮາບ ເມືອງ ແຄັ໊ງເຊີນ ໄດ້ໄປຫາເຮືອນອ້າຍຂາ ເພື່ອຮຽນວິທີປູກໝາກຖົົ່ວລຽນ ແລະ ນຳໃຊ້ວິທະຍາສາດເຂົ້າໃນການບົວລະບັດຕົ້ນໄມ້ກິນໝາກປະເພດນີ້. ອ້າຍ ຂາ ໄດ້ແບ່ງປັນບົດຮຽນ ແລະ ໜູນຊ່ວຍບັນດາຄອບຄົວຢູ່ໃກ້ຄຽງພັດທະນາເສດຖະກິດ. ທ່ານ ເໝົ໊າຫງວຽນ ຊາວເຜົ່າຣາລາຍເຊິ່ງແມ່ນຜູ້ຢູ່ບ້ານໃກ້ຄຽງກັບອ້າຍບໍບໍ່ຂາ ໃຫ້ຮູ້ວ່າ:

     “ອ້າຍ ບໍບໍ່ຂາ ໄດ້ແນະນຳໃຫ້ຂ້າພະເຈົ້າຮູ້ວິທີໃສ່ຝຸ່ນ ຂະຫຍາຍກິ່ງໄມ້. ສອງສາມປີກ່ອນນີ້ ຕົ້ນໄມ້ບໍ່ເຕີບໂຕປານໃດ ແຕ່ປັດຈຸບັນຍ້ອນການນຳໃຊ້ເຕັກນິກ ດັ່ງນັ້ນຕົ້ນໄມ້ກໍ່ໄດ້ເຕີບໂຕດີກວ່າ. ເມື່ອໄປເນື້ອທີ່ໄຮ່ແຕ່ລະຄັ້ງຂ້າພະເຈົ້າກໍ່ສະຫຼະເວລາຮຽນຈາກຜູ້ກ້າວເດີນກ່ອນ ກໍ່ຄືຊອກຮູ້ດ້ານເຕັກນິກຕື່ມອີກ”.

      ເມືອງ ແຄັ໊ງເຊີນ ໃນແຂວງ ແຄັ໊ງຮວ່າ ມີຊື່ສຽງດ້ວຍໝາກໄມ້ຊະນິດຕ່າງໆຄື ໝາກຖົ່ວລຽນ, ໝາກມັງຄຸດ, ໝາກເງາະ, ໝາກສົ້ມໂອ, ໝາກກ້ວຍ. ປັດຈຸບັນເມືອງມີເນື້ອທີ່ປູກໝາກຖົ່ວລຽນ 2.600 ເຮັກຕາ ແລະ ຄາດວ່າປະລິມາໝາກຖົ່ວລຽນໃນປີນີ້ ຄາດວ່າຈະບັນລຸ 17.000 ໂຕນ. ໝາກຖົ່ວລຽນໄດ້ຄ່ອຍໆກາຍເປັນຕົ້ນໝາກກິນໝາກທີ່ເປັນປາຍແຫຼມຊ່ວຍໃຫ້ປະຊາຊົນຫຼຸດພົ້ນອອກຈາກຄວາມທຸກຍາກ. ທ່ານ ກາວມິງຫວີ ຮອງປະທານຄະນະກຳມະການປະຊາຊົນ ເມືອງ ແຄັ໊ງເຊີນ ແຂວງ ແຄັ໊ງຮວ່າ ຢືນຢັນວ່າ:

     “ກ່ຽວກັບຮູບແບບຂອງຜູ້ມີອິດທິພົນໃນບໍລິເວນເມືອງ ແຄັ໊ງເຊີນ ແມ່ນຕ້ອງເລົ່າເຖິງອ້າຍ ບໍບໍ່ຂາ. ລາວໄດ້ນຳໃຊ້ເຕັກນິກເຂົ້າໃນການປູກພືດອຸສາຫະກຳຢ່າງມີໄຫວພິບ ທັງເປັນການສ້າງເສດຖະກິດໃຫ້ແກ່ຄອບຄົວ ທັງແນະນນຳໃຫ້ບັນດາຄອບຄົວອື່ນເຮັດຕາມ”.

 ອ້າຍ ບໍບໍ່ຂາ ກໍ່ແມ່ນຜູ້ມີອິດທິພົນຊື່ສຽງຢູ່ແຂວງ ແຄັ໊ງຮວ່າ ໃນໄລຍະ 2023 – 2027. ບໍ່ພຽງແຕ່ສ້າງເສດຖະກິດເກັ່ງເທົ່ານັ້ນ ອ້າຍ ບໍບໍຂາ ຍັງເຂົ້າຮ່ວມວຽກງານສັງຄົມຢູ່ທ້ອງຖິ່ນອີກດ້ວຍ. ເຖິງວ່າຂ້ອງຄາກັບວຽກງານກໍ່ຕາມ ແຕ່ວຽກງານໃດອ້າຍກໍ່ເຮັດສຳເລັດເປັນຢ່າງດີ. ດ້ວຍບັນດາຜົນງານໃນການອອກແຮງງານທຳການຜະລິດສ້າງເສດຖະກິດ ແລະ ຊີວິດວັດທະນະທຳຢູ່ເຂດຊຸມຊົນ, ອ້າຍ ບໍບໍ່ຂາ ໄດ້ຮັບໃບຍ້ອງຍໍຈາກສູນກາງຄະນະຊາວໜຸ່ມຄອມມູນິດໂຮ່ຈີມິນປີ 2025, ໃບຍ້ອງຍໍຂອງຄະນະກຳມະການປະຊາຊົນແຂວງ ແຄ໊ງຮວ່າ ກ່ຽວກັບຜົນງານດີເດັ່ນໃນຂະບວນການທົ່ວຊົນສາມັກຄີສ້າງຊີວິດວັດທະນະທຳໄລຍະ 10 ປີ (2000 - 2010) ໃບຍ້ອງຍໍຂອງກະຊວງວັດທະນະທຳ ກິລາ ແລະ ທ່ອງທ່ຽວ ກ່ຽວກັບຜົນງານດີເດັ່ນໃນຂະບວນການທົ່ວປວງຊົນສາມັກຄີ ສ້າງຊີວິດວັດທະນະທຳປີ 2013.