(vovworld) - ອາທິດຜ່ານມາ, ພາກພາສາລາວ, ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, ອີແມວ, ໂທລະສັບຫຼາຍສະບັບຈາກທ່ານຜູ້ຟັງ, ຜູ້ອ່ານລາວ. ໃນຈົດໝາຍຜູ້ຟັງ, ຜູ້ອ່ານມີຄວາມສົນໃຈຫຼາຍເຖິງເນື້ອໃນຂ່າວ, ບົດຕ່າງໆທີ່ໄດ້ອອກອາກາດໃນສັບປະດາ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງ, ຜູ້ອ່ານສົນໃຈ.
ເພື່ອນ ໄຊສົມພອນ, ແຂວງ ຫຼວງພະບາງ ໄດ້ຝາກອີແມວເຖິງລາຍການໂດຍແບ່ງປັນວ່າ: ອາທິດຜ່ານມາ, ຂ້າພະເຈົ້າໄດ້ຮັບຂ່າວວ່າ ລາວ ແລະ ຫວຽດນາມ ຈັດຕັ້ງ “ກອງປະຊຸມປະຈຳປີກ່ຽວກັບຂົງເຂດຄົມມະນາຄົມຂົນສົ່ງ” ແຕ່ບໍ່ໄດ້ຮູ້ລະອຽດເນື້ອໃນຂອງກອງປະຊຸມນີ້. ດັ່ງນັ້ນຂໍໃຫ້ລາຍການພາກພາສາລາວ VOV ແນະນຳລະອຽດກ່ຽວກັບກອງປະຊຸມດັ່ງກ່າວ
ລົດໂດຍສານເສັ້ນທາງ ເຫ້ວ - ວຽງຈັນ
|
ເພື່ອນ ໄຊສົມພອນ ທີ່ຮັກແພງ, “ກອງປະຊຸມປະຈຳປີກ່ຽວກັບການສ້າງເງື່ອນໄຂສະດວກໃຫ້ການຂົນສົ່ງທາງບົກລະຫວ່າງ ຫວຽດນາມ ແລະ ລາວ ປີ 2015” ໄດ້ດຳເນີນໃນວັນທີ 14/10 ຢູ່ນະຄອນ ດົງຮ່າ, ແຂວງ ກວາງຈີ້, ສສ ຫວຽດນາມ. ບົດລາຍງານທີ່ກອງປະຊຸມໃຫ້ຮູ້ວ່າ: ໃນຊຸມປີຜ່ານມາ, ເລື່ອງຜັນຂະຫຍາຍການປະຕິບັດສັນຍາ ແລະ ສົນທິສັນຍາກ່ຽວກັບການສ້າງເງື່ອນໄຂສະດວກໃຫ້ການຂົນສົ່ງໄປມາທາງບົກຢູ່ເຂດຊາຍແດນລະຫວ່າງ ຫວຽດນາມ ແລະ ລາວ. ໄດ້ເຮັດໃຫ້ການເຄື່ອນໄຫວຄົມມະນາຄົມຂົນສົ່ງສະດວກກ່ວາ, ຈຳນວນວິສາຫະກິດ, ພາຫະນະຂົນສົ່ງສິນຄ້າ ແລະ ຜູ້ໂດຍສານເຂົ້າຮ່ວມຂົງເຂດນີ້ລະຫວ່າງ 2 ປະເທດໄດ້ເພີ່ມຂຶ້ນ, ທາງຂົນສົ່ງໄດ້ຮັບການເປີດກ້ວາງ, ຈຳນວນພາຫະນະປອດການຄ້າກໍເພີ່ມຂຶ້ນທັງດ້ານຈຳນວນ ແລະ ອຸດົມສົມບູນກ່ຽວກັບເປົ້າໝາຍ, ຕອບສະໜອງຄວາມຕ້ອງການໄປ - ມາຂອງຜູ້ໂດຍສານ, ຂົນສົ່ງສິນຄ້າ… ໄລ່ມາຮອດວັນທີ 30/9/2015, ຝ່າຍ ຫວຽດນາມ ໄດ້ຈັດຕັ້ງ ການຂົນສົ່ງຜູ້ໂດຍສານຫວຽດນາມ - ລາວ, 52 ສາຍໂດຍ 46 ຫົວໜ່ວຍຈັດຕັ້ງດ້ວຍລົດໂດຍສານ 258 ຄັນ. ກົມໃຫຍ່ທາງບົກ ຫວຽດນາມ ແລະ ກົມຄົມມະນາຄົມຂົນສົ່ງ ລາວ ໄດ້ສົມທົບກັນສ້າງສຳເລັດແຜນຮ່າງຄົ້ນຄ້ວາລວມກ່ຽວກັບເພີ່ມທະວີການຂົນສົ່ງສິນຄ້າ 2 ຝ່າຍລະຫວ່າງ ຫວຽດນາມ ແລະ ລາວ, ກະຊວງຄົມມະນາຄົມຂົນສົ່ງ 2 ປະເທດໄດ້ຍື່ນສະເໜີລັດຖະບານພິຈາລະນາ, ອະນຸມັດຜ່ານ, ຈັດຕັ້ງການສຳຫຼວດ ທາງຂົນສົ່ງຜູ້ໂດຍສານຫວຽດນາມ - ລາວ 2 ສາຍ ແມ່ນ: ຮ່າໂນ້ຍ - ອຸດົມໄຊ ແລະ ລາວກາຍ - ຫຼວງພະບາງ. ພິເສດ, ຫວຽດນາມ ພວມເພີ່ມທະວີການກວດກາ, ຍູ້ແຮງການຄຸ້ມຄອງນ້ຳໜັກຂອງລົດຂົນສົ່ງສິນຄ້າ, ຍ້ອນການກຳນົດນ້ຳໜັກຂອງ ຫວຽດນາມ ແລະ ລາວ ແຕກຕ່າງກັນ, ດັ່ງນັ້ນສະເໜີໃຫ້ຝ່າຍລາວສືບຕໍ່ປະກາດ, ແນະນຳໃຫ້ບັນດາຫົວໜ່ວຍຂົນສົ່ງສິນຄ້າຂອງລາວໄດ້ຮັບຊາບບັນດາຂໍ້ກຳນົດກ່ຽວກັບນ້ຳໜັກຂອງ ຫວຽດນາມ ແລະ ປະຕິບັດການຂົນສົ່ງສິນຄ້າຖືກຕ້ອງກັບການກຳນົດ ເມື່ອຂົ່ງສົ່ງໄປມາຢູ່ເຂດດິນແດນ ຫວຽດນາມ ຢ່າງເຂັ້ມງວດ. ໃນໄລຍະຈະມາເຖິງ, ຕາມຂໍ້ສະເໜີຂອງບັນດາຫົວໜ່ວຍຂົນສົ່ງ ຫວຽດນາມ, ຝ່າຍ ຫວຽດນາມ ສະເໜີເປີດລາຍການຂົນສົ່ງຜູ້ໂດຍສານຖາວອນຫວຽດນາມ - ລາວ ຕື່ມອີກ 2 ສາຍ.
 ນາຂັ້ນໄດຢູ່ເຂດໄຕບັກ
|
ເພື່ອນ ວັນຄຳ, ນະຄອນຫຼວງ ວຽງຈັນ ໄດ້ຂຽນຈົດໝາຍເຖິງລາຍການໂດຍແບ່ງປັນວ່າ: “ອາທິດຜ່ານມາ, ຂ້າພະເຈົ້າໄດ້ຊົມພາບສາລະຄະດີໃນແວບໄຊ vovworld.vn ແລະ ຮູ້ສຶກປະທັບໃຈທີ່ສຸດຕໍ່ບັນດາພາບຖ່າຍກ່ຽວກັບນາຂັ້ນໄດຂອງຫວຽດນາມ. ຂ້າພະເຈົ້າໄດ້ຟັງເພື່ອນຂອງຕົນທີ່ພວມຮ່ຳຮຽນຢູ່ ຫວຽດນາມ ເວົ້າກ່ຽວກັບການໄປທ່ຽວດ້ວຍລົດຈັກຢູ່ເຂດໄຕບັກ (ທາງທິດຕາເວັນຕົກສ່ຽງເໜືອ) ຍ້ອນຢູ່ທີ່ນີ້ມີທິວທັດທຳມະຊາດສວຍງາມຫຼາຍແຫ່ງ. ພິເສດແມ່ນໃນຍາມເຂົ້າສຸກເຫຼືອງ. ຂ້າພະເຈົ້າຫວັງວ່າຈະໄດ້ໄປທ່ຽວເຂດໄຕບັກໃນໂອກາດນີ້. ດັ່ງນັ້ນຂໍຖາມວ່າເມື່ອມາຢາມເຂດໄຕບັກຂ້າພະເຈົ້າສາມາດໄປທ່ຽວຢູ່ບ່ອນໃດຈະເຫັນນາຂັ້ນໄດສວຍງາມທີ່ສຸດ?”
ໃນຍາມລະດູໃບໄມ້ຫຼົ່ນ ໄລຍະທ້າຍເດືອນ 9 ຫຼື ຕົ້ນເດືອນ 10 ເພື່ອນສາມາດໄປທ່ຽວບາງສະຖານທີ່ຢູ່ເຂດໄຕບັກ, ບ່ອນທີ່ມີນາຂັ້ນໄດສວຍງາມແຫ່ງຕ່າງໆຄື: ມູ່ກັງຈ໋າຍ, ຊາປາ, ຮ່ວາງຊູຟີ່… ຖ້າຫາກມາຊາປາ (ແຂວງ ລາວກາຍ) ເພື່ອນຄວນຢ້ຽມຊົມ, ຄົ້ນຫານາຂັ້ນໄດເຫຼືອງສຸກທີ່ງາມດັ່ງໃນຝັນຂອງຊາວເຜົ່າມົ້ງ ຢູ່ ລາວຈ໋າຍ, ຊາວເຜົ່າຢ້າວຢູ່ເຂດ ຈູງຈ໋າຍ… ນາຂັ້ນໄດຢູ່ເຂດພູສູງ ມູ່ກັງຈ໋າຍ (ແຂວງ ອຽນບ໋າຍ) ກໍແມ່ນຈຸດທ່ອງທ່ຽວທີ່ຂາດບໍ່ໄດ້ຂອງແຂກທ່ອງທ່ຽວໜຸ່ມ ແລະ ບັນດານັກຖ່າຍຮູບເມື່ອກ້າວເຂົ້າສູ່ຍາມປັກດຳຕົ້ນລະດູຮ້ອນ ແລະ ຍາມເກັບກ່ຽວເຂົ້າ ເຊິ່ງແມ່ນລະດູ ງາມທີ່ສຸດໃນປີ ຢູ່ເຂດພູສູງ ໄຕບັກ. ນອກຈາກນັ້ນຍັງມີສະຖານທີ່ແຫ່ງໜຶ່ງທີ່ມີຄວາມງາມຄ້າຍຄືກັນກັບນາຂັ້ນໄດຢູ່ຊາປາ ແລະ ມູ່ກັງຈ໋າຍ, ນັ້ນແມ່ນ ຮ່ວາງຊູຟີ່ (ແຂວງ ຮ່າຢາງ). ຫວັງວ່າເພື່ອນຈະມີການທ່ອງທ່ຽວເຕັມໄປດ້ວຍ ຄວາມໝາຍ ແລະ ຄວາມປະທັບໃຈຢູ່ເຂດພູສູງ ໄຕບັກ ແດ່ເດີ.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com.