ພາບປະກອບ |
ທ່ານ ເຈີນວັນເຈືອງປີນີ້ມີອາຍຸເກືອບ 80 ປີແລ້ວ, ລາວເຄີຍເປັນຊ່າງຕັດຫຍີບຊຸດແວັດທີ່ມີຊື່ສຽງຢູ່ນະຄອນຫຼວງວຽງຈັນ, ສປປ ລາວ. ບໍ່ພຽງແຕ່ຕັ້ງໜ້າກັບການທຳມາຫາກິນປະຈຳວັນເທົ່ານັ້ນ, ທ່ານຍັງມີຄວາມເມົາມົວຮັບຟັງບັນດາລາຍການຂອງວິທະຍຸກະຈາຍສຽງຫວຽດນາມອີກດ້ວຍ, ຜ່ານນັ້ນທ່ານໄດ້ເຜີຍແຜ່ຂ່າວຄາວຈາກພາຍໃນປະເທດຫວຽດນາມ, ບັນດາການເຄື່ອນໄຫວກ່ຽວກັບການຮ່ວມມືລະຫວ່າງ ຫວຽດນາມ-ລາວ ກໍຄືໂຄສະນາກ່ຽວກັບມູນເຊື້ອແຫ່ງຄວາມສາມັກຄີມິດຕະພາບລະຫວ່າງ ຫວຽດນາມ-ລາວ ໃຫ້ຊາວ ຫວຽດນາມ ອາໄສຢູ່ລາວໄດ້ຮັບຊາບ….ທ່ານ ເຈີນວັນເຈືອງ ໄດ້ກຳເນີດຢູ່ ລາວ, ມີລູກ 4 ຄົນ, ປະຈຸບັນເຂົາເຈົ້າໄດ້ໃຫ່ຍໂຕກັນໝົດແລ້ວ, ໃນນັ້ນມີຜູ້ເປັນທ່ານໝໍ, ຜູ້ເປັນຄູສອນ, ຜູ້ເຮັດວຽກໃນກົງຈັກລັດຖະບານ ລາວ. ລູກຂອງທ່ານກໍກຳເນີດຢູ່ ລາວ ເຊັ່ນດຽວກັນ ແຕ່ສາມາດເວົ້າທັງພາສາ ຫວຽດ ແລະພາສາ ລາວ ຢ່າງລຽນໄຫຼດີ, ທ່ານເລົ່າຄວາມໃນໃຈສູ່ຟັງວ່າ: ສິ່ງດັ່ງກ່າວແມ່ນຍ້ອນເຂົາເຈົ້າໄດ້ຮັບຟັງວິທະຍຸກະຈາຍສຽງ ຫວຽດນາມ ເປັນປະຈຳ. ທ່ານເຈືອງໃຫ້ຮູ້ວ່າ: ຊາວ ຫວຽດນາມ ອາໄສຢູ່ ລາວ ຫຼາຍພໍສົມຄວນແຕ່ບໍ່ແມ່ນວ່າໃຜກໍເຂົ້າໃຈຢ່າງເລິກເຊີ່ງກ່ຽວກັບຮີດຄອງປະເພນີ, ວັດທະນະທຳ ຫວຽດນາມ ກໍຄືປະຫວັດສາດແຫ່ງສາຍພົວພັນລະຫວ່າງ ຫວຽດນາມ-ລາວ:
“ຊາວ ຫວຽດນາມ ອາໄສຢູ່ທີ່ນີ້ຍາມໃດກໍຢາກຊອກຮູ້ກ່ຽວກັບຮີດຄອງປະເພນີ, ປະຫວັດສາດ, ວັດທະນະທຳ, ສັງຄົມຢູ່ ຫວຽດນາມ, ໂດຍສະເພາະແມ່ນປະຫວັດສາດແຫ່ງສາຍພົວພັນມິດຕະພາບແບບພິເສດ, ການຮ່ວມມືຮອບດ້ານລະຫວ່າງສອງປະເທດ ຫວຽດນາມ-ລາວ. ປະຊາຊົນຍັງໄດ້ຮັບຂ່າວຄາວກ່ຽວກັບບັນດາການເຄືອ່ນໄຫວພົວພັນລະຫວ່າງສອງປະເທດ, ກ່ຽວກັບການຮ່ວມມືໃນຂົງເຂດເສດຖະກິດ, ວັດທະນະທຳ… ວິທະຍຸກະຈາຍສຽງ ຫວຽດນາມ ແມ່ນພາຫະນະສື່ມວນຊົນທີ່ມີປະໂຫຍດທີ່ສຸດ ເພື່ອໃຫ້ປະຊາຊົນຮັບເອົາຂ່າວຄາວ ເພື່ອໂຄສະນາໃຫ້ວົງຄະນາຍາດຊາວ ຫວຽດນາມ ອາໄສຢູ່ ລາວ ກໍຄືປະຊາຊົນ ລາວ ບັນດາເຜົ່າ”
ທ່ານ ເຈີນວັນເຈືອງ ເລົ່າຄວາມໃນໃຈສູ່ຟັງວ່າ: ໃນ 10 ກ່ວາປີຜ່ານມາ, ຍາມໃດທ່ານກໍມີວິທະຍຸໜ່ວຍໜື່ງຕິດຕົວ ແລະ ຮັບຟັງວິທະຍຸກະຈາຍສຽງ ຫວຽດນາມ ກໍ່ແຈ້ງດີທີ່ສຸດ. ທ່ານເວົ້າວ່າ, ຢູ່ ລາວ, ມີຫຼາຍຄົນຢາກຟັງວິທະຍຸກະຈາຍສຽງຫວຽດນາມ. ເຂົາເຈົ້າຮັບຟັງດ້ວຍຈຸດປະ ສົງສະເພາະຂອງໃຜລາວ. ມີບາງຄົນຢາກຮັບຟັງຂ່າວກ່ຽວກັບການພັດທະນາຂອງປະເທດ ຫວຽດນາມ, ບາງຄົນຮັບຟັງເພື່ອຮ່ຳຮຽນເອົາຕາມແບບຢ່າງຂອງ ຫວຽດນາມ. ມີບາງຄົນພັດຢາກຮັບຟັງຂ່າວກ່ຽວກັບເຫດການຕ່າງໆຢູ່ ຫວຽດນາມ. ສຳລັບທ່ານ ເຈືອງ ແລ້ວ, ທ່ານໄດ້ຮັບຟັງວິທະຍຸເປັນປະຈຳ ເພື່ອກຳໄດ້ຂ່າວໃໝ່ກ່ຽວກັບບັນດານະໂຍບາຍຂອງພັກ ແລະລັດ ຫວຽດນາມ:
“ກ່ອນອື່ນໝົດ, ຂ້າພະເຈົ້າຟັງຂ່າວຢູ່ພາຍໃນປະເທດ. ນອກຈາກຟັງກ່ຽວກັບບັນດາວຽກດີຄົນເດັ່ນ, ການພັດທະນາຂອງ ຫວຽນນາມ ໃນປະຈຸບັນ, ການລົງທຶນ, ການຜະລິດສິນຄ້າ… ຂ້າພະເຈົ້າຍັງສົນໃຈເຖິງບັນດານະໂຍບາຍກ່ຽວກັບການລົງທຶນຂອງ ຫວຽດນາມ ເຂົ້າ ລາວ”
ທ່ານ ເຈືອງ ໃຫ້ຮູ້ວ່າ: ໃນໄລຍະມໍ່ໆມານີ້, ທ່ານໄດ້ຕິດຕາມຮັບຟັງ ແລະ ຮູ້ວ່າ, ວິທະຍຸກະຈາຍສຽງ ຫວຽດນາມ ມີເວບໄຊດ້ວຍຫຼາຍພາສາ, ໃນນັ້ນມີພາສາ ລາວ. ທ່ານ ແລະ ເພື່ອນຂອງທ່ານໄດ້ເຂົ້າອ່ານ, ເຫັນວ່າການອ່ານ ແລະ ຟັງສະດວກສະບາຍທີ່ສຸດ: “ຂ້າພະເຈົ້າຮັບຟັງວິທະຍຸກະຈາຍສຽງເປັນປະຈຳ. ວິທະຍຸກະຈາຍສຽງຫວຽດນາມ ມີຫຼາຍລາຍການທີ່ອຸດົມສົມບຸນ, ຂ່າວໃໝ່ໃນມື້ກໍທັນເຫດການ. ລູກຂອງຂ້າພະເຈົ້າມັກເຂົ້າອິນເຕີແນັດ ເພື່ອທັງອ່ານທັງຟັງວິທະຍຸໄດ້, ການຈັດແຕ່ງ ແລະ ຮູບພາບກໍສວຍງາມ, ມີຊີວິດຊີວາ”
ສຳລັບທ່ານ ເຈີນວັນເຈືອງ ແລ້ວ, ວິທະຍຸປຽບເໝືອນເພື່ອນຜູ້ສະໜິດສະໜົມ ເພື່ອໃຫ້ທ່ານ, ເພື່ອນມິດ, ຍາດຕິພີ່ນ້ອງຂອງທ່ານ ໄດ້ຮັບຟັງ, ປຶກສາຫາລືແລກປ່ຽນຂ່າວຄາວ ໃນທຸກຂົງເຂດເຊີ່ງເຂົາເຈົ້າມີຄວາມສົນໃຈ.