(vovworld) - ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ ໂທລະສັບ 170 ສະບັບຈາກທ່ານຜູ້ຝັງຢູ່ຫຼາຍປະເທດໃນໂລກ. ໃນນັ້ນລາຍກະຈາຍສຽງພາກພາສາລາວ ໄດ້ຮັບອີແມວ, ໂທລະສັບ 4 ສະບັບຈາກທ່ານຜູ້ຟັງລາວ. ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍແບ່ງປັນຂໍ້ມູນເຖິງທ່ານຜູ້ຟັງກ່ຽວກັບການເຄື່ອນໄຫວສິລະປະລະຫວ່າງຫວຽດນາມ - ລາວ, ກໍຄືຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ.
ໃນຕອນບ່າຍວັນທີ 16/10, ຢູ່ຮ່າໂນ້ຍ, ໄດ້ຈັດງານມະໂຫລານທຳນອງເພງສັນຕິພາບ, ມິດຕະພາບຫວຽດນາມ - ລາວ ປີ 2016, ໂດຍສະມາຄົມມິຕະພາບຫວຽດນາມ - ລາວ ນະຄອນຮ່າໂນ້ຍ ຈັດຕັ້ງ. ລາຍການແມ່ນໜຶ່ງໃນບັນດາການເຄື່ອນໄຫວປະຈຳປີຂອງສະມາຄົມມິດຕະພາບຫວຽດນາມ - ລາວ ດ້ວຍຈຸດປະສົງເສີມຂະຫຍາຍມູນເຊື້ອຄວາມສາມັກຄີທີ່ສະໜິດຕິດພັນລະຫວ່າງ 2 ຊາດຫວຽດນາມ - ລາວ, ທັງແມ່ນການເຄື່ອນໄຫວຂ່ຳນັບຮັບຕ້ອນພິທີສະເຫຼີມສະຫຼອງ 41 ປີແຫ່ງວັນຊາດປະເທດສປປລາວ (02/12/1975 – 02/12/2016). ມຸ່ງໄປເຖິງປີ 2017, ຫວຽດນາມ ແລະ ລາວ ຈະພ້ອມກັນສະເຫຼີມສະຫຼອງ 40 ປີແຫ່ງວັນເຊັນສົນທິຍັນຍາມິດຕະພາບ ແລະ ຮ່ວມມື (18/07/1977 – 18/07/2017) ແລະ 55 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ລາວ (05/09/1962 – 05/09/2017). ນີ້ແມ່ນໂອກາດເພື່ອໃຫ້ສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ ຈັດຕັ້ງການເຄື່ອນໄຫວຫຼາຍຢ່າງ ຢ່າງເລິກເຊິ່ງ, ກ້ວາງຂວາງກວ່າອີກໃນໝູ່ປະຊາຊົນ, ພິເສດແມ່ນໄວໜຸ່ມນະຄອນຫຼວງ.
ເພື່ອນສຸຂະວົງ ແຂວງ ຄຳມ່ວນ, ໄດ້ສົ່ງອີແມວເຖິງລາຍການ ຢາກຮູ້ແຈ້ງກວ່າກ່ຽວກັບການເຄື່ອນໄຫວສະເຫຼີມສະຫຼອງ 60 ປີແຫ່ງວັນສ້າງຕັ້ງສູນກາງສະຫະພັນຊາວໜຸ່ມຫວຽດນາມ (15/10/1956 – 15/10/2016) ແລະ ພິທີມອບລາງວັນ “15 ເດືອນ 10” ໃຫ້ພະນັກງານ, ສະມາຊິກຊາວໜຸ່ມຮ່າໂນ້ຍ.
ເພື່ອນສຸຂະວົງ ທີ່ຮັກແພງ, ວັນທີ 13/10 ຜ່ານມາ, ຢູ່ຮ່າໂນ້ຍ, ສະຫະພັນຊາວໜຸ່ມຫວຽດນາມ ໄດ້ຈັດພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງສູນກາງສະຫະພັນຊາວໜຸ່ມຫວຽດນາມ (15/10/1956 – 15/10/2016) ແລະ ພິທີມອບລາງວັນ “15 ເດືອນ 10”. ເຂົ້າຮ່ວມພິທີສະເຫຼີມສະຫຼອງນີ້ມີບັນດາການນຳພັກ, ລັດ, ກະຊວງ, ຂະແໜງການສູນກາງ ແລະ ທ້ອງຖິ່ນຕ່າງໆ, ການນຳສູນກາງຊາວໜຸ່ມ, ສູນກາງສະຫະພັນຊາວໜຸ່ມຫວຽດນາມ ແລະ ສະມາຊິກ, ຊາວໜຸ່ມນະຄອນຫຼວງ 3000 ຄົນ. ດ້ວຍບົດບາດເປັນແກ່ນສານການເມືອງຂອງຄະນະຊາວໜຸ່ມກອມມູນິດໂຮ່ຈິມິນ, ສະຫະພັນຊາວໜຸ່ມຫວຽດນາມ ໄດ້ ໄດ້ເຕີບໂຫຍ່ຂະຫຍາຍອອກຢ່າງບໍ່ຢຸດຢັ້ງ, ນັບທັງຂອບຂະໜາດ ແລະ ຄຸນນະພາບ. ປະຈຸບັນ, ສະຫະພັນຊາວໜຸ່ມຫວຽດນາມ ມີລະບົບ 4 ຂັ້ນຈາກຂັ້ນສູນກາງລົງຮອດທ້ອງຖິ່ນ ດ້ວຍສະມາຊິກກວ່າ 7,3 ລ້ານຄົນ. ບັນດາສະມາຊິກລວມໝູ່ຂອງກຸ່ມຄື: ສະມາຄົມທ່ານໝໍໜຸ່ມ, ສະມາຄົນນັກທຸລະກິດໜຸ່ມ… ໄດ້ຮັບການກໍ່ສ້າງປັບປຸ່ງ ແລະ ຂະຫາຍຕົວຢ່າງບໍ່ຢຸດຢັ້ງ. ຢູ່ທ້ອງຖິ່ນຕ່າງໆຍັງມີສະໂມສອນເລີ່ມດຳເນີນອາຊີບ, ຊາວໜຸ່ມອາສາສະໝັກ, ບໍລິຈາກເລືອດອາສາສະໝັກ, ປົກປັກຮັກສາສິ່ງແວດລ້ອມ, ປ້ອງກັນຕ້ານອາດຊະຍາກຳ: ບັນດາສະໂມສອນ, ກອງ, ກຸ່ມຕາມອາຊີບຄວາມນິຍົມ, ສ້າງເປັນຄວາມອຸດົມສົມບຸນໃນວຽກງານສະມາຄົມ ແລະ ຂະບວນການຊາວໜຸ່ມ… ທີ່ພິທີສະເຫຼີມສະຫຼອງ, ສູນກາງສະຫະພັນຊາວນຸ່ມຫວຽດນາມ ໄດ້ຍ້ອງຍໍມອບລາງວັນ “15 ເດືອນ 10” ໃຫ້ພະນັກງານສະມາຄົມ, ສະມາຊິກຊາວໜຸ່ມ, ຊາວໜຸ່ມ ທີ່ມີຜົນງານດີເດັ່ນ ໃນການປະຕິບັດງານຂອງສະມາຄົມ ແລະ ຂະບວນການຊາວໜຸ່ມ 80 ຄົນ. ໃນນັ້ນມີຊາວໜຸ່ມ 15 ຄົນເຊິ່ງແມ່ນບັນດາພະນັກງານ, ສະມາຊິກ, ຊາວໜຸ່ມທີ່ມີຜົນງານດີເດັ່ນໃນບັນດາຂົງເຂດເຄື່ອນໄຫວ ແລະ ມີການປະກອບສ່ວນຫຼາຍຢ່າງເຂົ້າໃນວຽກງານສະມາຄົມ, ຂະບວນການຊາວໜຸ່ມ.
ເພື່ອນວັນວິໄລ ວິໄລວົງ, ຢູ່ແຂວງ ຫົວພັນ ໄດ້ໄທລະສັບເຖິງລາຍການແບ່ງປັນວ່າ: ໃນອາທິດຜ່ານມາ, ຢູ່ນະຄອນຫຼວງວຽງຈັນ, ໄດ້ດຳເນີນພິທີມອບໃບຕົກລົງມອບທຶນສຶກສາຂອງລັດຖະບານຫວຽດນາມ ໃຫ້ລູກຫຼານພໍ່ແມ່ຊາວຫວຽດນາມ ອາໄສຢູ່ລາວ. ຜ່ານລາຍການ, ຂ້າພະເຈົ້າຢາກຮູ້ເປົ້າໝາຍໄດ້ຮັບທຶນສຶກສາ? ມີນັກຮຽນຈັກຄົນໄດ້ຮັບທຶນສຶກສາມາຮ່ຳຮຽນຢູ່ຫວຽດນາມ ໃນຄັ້ງນີ້?.
ເພື່ອນວັນວິໄລ ວິໄລວົງ ທີ່ຮັກແພງ, ຕອນບ່າຍວັນທີ 14/10 ຜ່ານມາ, ຢູ່ສະຖານທູດຫວຽດນາມ ປະຈຳນະຄອນຫຼວງວຽງຈັນ, ປະເທດລາວ, ໄດ້ດຳເນີນພິທີມອບໃບຕົກລົງມອບທຶນສຶກສາຂອງລັດຖະບານຫວຽດນາມ ໃຫ້ລູກຫຼານຊາວຫວຽດນາມ ອາໄສຢູ່ລາວ. ເຂົ້າຮ່ວມພິທີມີເອກອັກຄະລັດຖະທູດຫວຽດນາມ ປະຈຳລາວ, ຜູ້ຕາງໜ້າສະມາຄົມໃຫຍ່ຊາວຫວຽດນາມ ອາໄສຢູ່ລາວ ແລະ ສະມາຄົມນະຄອນຫຼວງວຽງຈັນ, ພ້ອມກັບພໍ່ແມ່ນັກຮຽນທີ່ໄດ້ຮັບທຶນສຶກສາ. ຜູ້ຕາງໜ້າສະຖານທູດຫວຽດນາມ ປະຈຳລາວ ໃຫ້ຮູ້ວ່າ, ຄະນະຈັດຕັ້ງໄດ້ເລືອກເອົາສຳເນົາຈົດທະບຽນ 35 ໃນຈຳນວນ 66 ສຳເນົາໄດ້ຮັບບຸລິມະສິດຄື: ເປັນລູກຫຼານຂອງຜູ້ທີ່ມີຄຸນງາມຄວາມດີຕໍ່ການປະຕິວັດ, ຄອບຄົວມີການປະກອບສ່ວນຫຼາຍຢ່າງໃຫ້ປະຊາຄົມ, ບັນດານັກຮຽນໄດ້ຮັບຄະແນນສູງໃນການເສັງຈົບໂຮງຮຽນມັດທະຍົມຕອນປາຍ… ຢູ່ທົ່ວທຸກແຂວງ, ນະຄອນຂອງລາວ ເພື່ອມອບຂໍ້ຕົກລົງໃຫ້ໄປຮຽນຢູ່ບັນດາໂຮງຮຽນຂອງຫວຽດນາມຄື: ການເງິນ, ທະນາຄານ, ການແພດ, ການຄ້າຕ່າງປະເທດ, ການຢາ, ສ້າງຄູ… ເລື່ອງຜັນຂະຫຍາຍທຶນສຶກສາຂອງລັດຖະບານ ທີ່ສະຫງວນໃຫ້ປະຊາຄົມຊາວຫວຽດນາມ ອາໄສຢູ່ລາວ ໄດ້ນຳມາເຊິ່ງຜົນປະໂຫຍດຢ່າງແທດຈິງສຳລັບພໍ່ແມ່ປະຊາຊົນ, ນີ້ແມ່ນຂອງຂວັນທີ່ມີມູນຄ່ານັບທັງດ້ານການເງິນ ແລະ ຈິດໃຈຢ່າງແທ້ຈິງ, ເພື່ອຊ່ວຍໃຫ້ພໍ່ແມ່ປະຊາຊົນມີຄວາມອຸ່ນອ່ຽງໃຈທຳມາຫາກິນ, ດຳລົງຊີວິດຢູ່ລາວ ແລະ ຍາມໃດກໍ່ອວ່າຍໜ້າເມືອຫາບ້ານເກີດເມືອງນອນ.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການ ເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ.