ໂດຍນຳໃຊ້ໄມ້ໄຜ່ແມ່ນວັດຖຸຕົ້ນຕໍເພື່ອສະແດງໃນບົດລະຄອນກາຍຍະສິນ “ບ້ານຂ້ອຍ”, ບັນດານັກສິລະປີນໜຸ່ມໄດ້ວາດພາບເຖິງເຂດບ້ານນາທີ່ອົບອຸ່ນ, ເປັນໜ້າຈັບຈົກຈັບໃຈ. ບົດລະຄອນກາຍຍະສິນ “ບ້ານຂ້ອຍ”ແມ່ນການປະສົມປະສານຂອງຫຼາຍປະເພດສິລະປະສະແດງບົນເວທີ່ຄື: ກາຍຍະສິນ, ລະຄອນກືກ, ຂັບຮ້ອງ....ນີ້ແມ່ນສິລະປະປະເພດທີ່ໃໝ່ອຽມພໍສົມຄວນຢູ່ຫວຽດນາມ, ດັ່ງນັ້ນ, ໃນໄລຍະເວລາພຽງສັ້ນໆເທົ່ານັ້ນ, ບົດລະຄອນກາຍຍະສິນ “ບ້ານຂ້ອຍ” ໄດ້ສ້າງຄວາມປະທັບໃຈໃຫ້ແກ່ທັງຊາວຫວຽດນາມ ແລະ ຕ່່າງປະເທດ.
ລາຍການສະແດງລະຄອນກາຍຍະສິນ “ບ້ານຂ້ອຍ”
(ພາບ:ຕ້ວນເລ)
|
ລາຍການສະແດງລະຄອນກາຍຍະສິນ “ບ້ານຂ້ອຍ” ໄດ້ຖືກເປີກສາກດ້ວຍທັດສະນີຍະພາບທີ່ມິດງຽບຢູ່ເຂດບ້ານນາຫວຽດນາມຍາມຮຸ່ງເຊົ້າ. ຮູບພາບຊາວກະສີກອນພວມ ກະກຽມກະຈາດເຂົ້າ, ຈົກ, ຄັນໄຖ ພ້ອມດ້ວຍເຄື່ອງມືຕ່າງໆເພື່ອຮັບໃຊ້ການອອກແຮງງານຂອງມື້ໃໝ່ໃນທ່າມກາງສຽງໄກ່ຂັນຍາມຮຸ່ງເຊົ້າ. ສິ້ນສຸດການສະແດງບົດລະຄອນກາຍຍະສິນແມ່ນຮູບພາບຄ່ຳລົງມາ, ພາຍຫຼັງອອກແຮງງານໃນເວລາມື້ໜຶ່ງດ້ວຍຄວາມອິດເມື່ອຍ, ຜູ້ເປັນແມ່ນນອນຂ້າງອູ່ກອມລູກນອນ, ນາງສາວພວມນັ່ງຫຍິບປັກຖັກແສ່ວ, ອ້າຍບ່າວຂັບຮ້ອງຄຳກອນກ່ຽວກັບຄຸນງາມຄວາມດີຂອງພໍ່ແມ່. ສ່ອນຢູ່ອ້ອມແອ້ມແມ່ນຮູບພາບການເຄຶ່ອນໄຫວຊີວິດປະຈຳວັນໃນໝູ່ບ້ານຂອງຊາວຫວຽດນາມນັບຕັ້ງແຕ່ໃດໆມາເຊັ່ນ: ການງົມຈັບຫອຍ, ກະປູ, ໄຖນາໃຕ້ແສງຈັນ, ເລາະຂາຍເຄື່ອງ, ຕະຫຼາດນັດ, ຕີກະລໍສວດມົນ, ພວກບ່າວສາວນັດກັນຂັບກ້ຽວ....ໃນລາຍການສະແດງ, ນັກສະແດງກາຍຍະສິນ 20 ຄົນໄດ້ພ້ອມກັນປິ້ນຂວ້ຳໂຕດ້ວຍໄມ້ໄຜ່ຢ່າງບໍ່ຢຸດຢັ້ງ, ອັນໄດ້ວາດພາບເຖິງການດຳລົງຊີວິດທີ່ສະຫງົບສຸກຢູ່ເຂດບ້ານນາຫວຽດນາມ.
ລາຍການສະແດງລະຄອນກາຍຍະສິນໄດ້ພາຜູ້ຊົມເຊື່ອມຕົວເຂົ້າກັບບັນຍາກາດທີ່ສະຫງົບງຽບ ແລະ ຟົດຟື້ນ, ແຕ່ເຂັ້ມຂົ້ນໄປດ້ວຍສີສັນວັດທະນະທຳ, ມັນໄດ້ເຮັດໃຫ້ຊາວຫວຽດນາມຢູ່ແດນໄກຄິດຮອດຄິດເຖິງກົກເຄົ້າເຫງົ້າກໍ, ສາມາດເຂົາໃຈກ່ຽວກັບວັດທະນະທຳເຂດບ້ານນາຂອງຊາວຫວຽດນາມຜ່ານກາລະເທສະ ແລະ ກາລະເວລາຕ່າງໆຄື ແຕ່ຮຸ່ງເຊົ້າຮອດຄ່ຳລົງມາ, ຈາກຂົວໄມ້ໄຜ່ຮອດຕະຫຼາດບ້ານນາ...ຜູ້ຊົມທັງຫຼາຍສາມາດເຫັນໄດ້ເຖິງສາຍກ່ຽວພັນຢ່າງໜິດແໜ້ນລະຫວ່າງຕົ້ນໄມ້ໄຜ່ກັບຊີວິດມະນຸດ. ໄມ້ໄຜ່ໄດ້ກາຍເປັນເພື່ອນ, ແມ່ນເຄືອ່ງມືຮັບໃຊ້ຊີວິດອອກແຮງງານຂອງຊາວນາ. ນາງ Asrer ເອື້ອຍຄູ່ ຊາວສະກົດແລນ ດຳລົງຊີວິດຢູ່ນະຄອນໂຮ່ຈິມິນໃຫ້ຮູ້ວ່າ :
“ ເພື່ອນຮ່ວມອາຊີບຂອງຂ້າພະເຈົ້າຫຼາຍຄົນຖືວ່າ ລາຍການສະແດງນີ້ມີຄວາມປະທັບໃຈອີຫຼີ. ຜ່ານລາຍການສະແດງນີ້, ຂ້າພະເຈົ້າມີຄວາມເຂົ້າໃຈກ່ຽວກັບຊີວິດຂອງຊາວຫວຽດນາມຢູ່ຊົນນະບົດຫຼາຍຂຶ້ນ. ສິ່ງທີ່ຂ້າພະເຈົ້າມີຄວາມປະທັບໃຈ, ນັ້ນແມ່ນການມີຫົວຄິດປະດິດສ້າງເມື່ອເຂົາເຈົ້ານຳໃຊ້ບັນດາວັດຖຸຄືໄມ້ໄຜ່. ຂ້າພະເຈົ້າຍັງເຫັນໄດ້ເຖິງຄວາມເກັ່ງກ້າສາມາດ ແລະ ການມີສຸຂະພາບແຂງແຮງຂອງບັນດານັກສະແດງ. ການສຽງ, ລະບົບແສງໄຟ ໄດ້ປະສານເຂົ້າກັນ ສ້າງເປັນຮູບພາບທີ່ປະທັບໃຈອີຫຼີ ”
ເວທີ່ສະແດງບໍ່ມີສີສັນຫຼາກຫຼາຍ, ບໍ່ມີລະບົບດອກໄຟ Led, ຫາກມີແຕ່ການປະດັບປະດາດ້ວຍວັດຖຸສິ່ງຂອງທີ່ລຽບງາຍ, ມັນຖືກກັບຊື່ເອີ້ນວ່າ “ບ້ານຂ້ອຍ”. ລາຍການສະແດງລະຄອນກາຍຍະສິນ “ບ້ານຂ້ອຍ” ໄດ້ພາຜູ້ຊົມກັບຄືນສູ່ຊີວິດຄາວເຍົາໄວໃນທ່າມກາງສຽງໄກ່ຂັນຍາມຮຸ່ງເຊົ້າ, ສຽງຮ້ອງຂອງງົວຄວາຍພວມກະກຽມລົງນາ. ຜູ້ຊົມປຽບເໝືອນໄດ້ກ້າວເຂົ້າສູ່ໝູ່ບ້ານໄມ້ໄຜ່ຜ່ານສິລະປະຈັດວາງ, ການສະແດງກາຍຍະສິນ, ຜ່ານສຽງຂັບລຳທຳເພງທີ່ເຂັ້ມຂົ້ນໄປດ້ວຍສີສັນ 3 ພາກຂອງຫວຽດນາມ. ນາງ Manuela ແຂກທ່ອງທ່ຽວຊາວ ເຢັຍລະມັນໃຫ້ຮູ້ວ່າ :
“ ເປັນໜ້າປະທັບໃຈ, ພິເສດເມື່ອເຂົາເຈົ້າໃຊ້ໄມ້ໄຜ່ເພື່ອປຸກສ້າງເຮືອນ. ນັ້ນແມ່ນທຸກສິ່ງທີ່ຂ້າພະເຈົ້າໄດ້ເຫັນປະຈັກຕາ. ນີ້ແມ່ນຄັ້ງທຳອິດທີ່ຂ້າພະເຈົ້າໄດ້ຮັບຊົມລາຍການນີ້. ຂ້າພະເຈົ້າບັງເອີນຍ່າງຜ່ານໂຮງລະຄອນ ແລະ ໄດ້ເຂົ້າຊົມ. ຂ້າພະເຈົ້າຍັງບໍ່ທັນໄດ້ເຫັນການປຸກເຮືອນດ້ວຍໄມ້ໄຜ່ເຊັ່ນນັ້ນ. ມີຫົວຄິດປະດິດສ້າງແທ້”
ເປັນຄັ້ງທິດອິດໄດ້ແນະນຳໃຫ້ຜູ້ຊົມຫວຽດນາມເມື່ອປີ 2005, ແຕ່ມາຮອດປີ 2009, ບົດລະຄອນກາຍຍະສິນ “ບ້ານຂ້ອຍ” ຈຶ່ງໄດ້ຮັບການສ້າງໃຫ້ສົມບູນແບບ ແລະ ຖືກສະແດງຢູ່ຫຼາຍປະເທດໃນໂລກ. ນັກກຳກັບການສະແດງ ຕ້ວນເລ ແບ່ງປັນວ່າ :
“ ນີ້ແມ່ນລາຍການພິເສດເມື່ອທຽບໃສ່ລາຍການອື່ນໆຂອງຫວຽດນາມ ແລະ ໃນໂລກ. ມັນບໍ່ພຽງແຕ່ລາຍການສະແດງກາຍຍະສິນ, ຟ້ອນ, ສະແດງດົນຕີເທົ່ານັ້ນ, ຫາກມັນຍັງແມ່ນການເຊື່ອມຕໍ່ໂດຍສັງລວມ, ແມ່ນການປະດິດຄິດສ້າງໃໝ່ບົນເວທີ່ສະແດງ ໂດຍອີງໃສ່ວັດຖຸເຄື່ອງຂອງທີ່ທຳມະດາລຽບງາຍຊຶ່ງກ່ຽວຂ້ອງເຖິງວັດທະນະທຳ ແລະ ຊາວຫວຽດນາມ ”
ເມື່ອຮັບຊົມລາຍການສະແດງ, ຜູ້ຊົມທັງຫຼາຍຄືໄດ້ເຊື່ອມຕົວເຂົ້າກັບບັນຍາກາດທີ່ເຂັ້ມຂົ້ນໄປດ້ວຍສີສັນວັດທະນະທຳຫວຽດນາມ, ມີຄວາມຕົກສະເງີ້ ແລະ ພ້ອມກັນໂຮຮ້ອງເມື່ອໄດ້ເຫັນນັກສະແດງກາຍຍະສິນປີ້ນຂວ້ຳໂຕດ້ວຍເຄື່ອງມືເຮັດດ້ວຍໄມ້ໄຜ່ບົນເວທີ່ສະແດງ.