ນັກວິລະຊົນຍິງ Vo Thi Sau (ພາບ: internet)
|
ຮຸ່ງເຊົ້າວັນທີ 23/1/1952, ນາງ Vo Thi Sau ຖືກພວກລ່າເມືອງຂຶ້ນຝະລັ່ງປະຕິບັດປະຫານຊີວິດຢູ່ຕີນພູ ຈົ້ວ. ນ້ຳໃຈຮັກຊາດ, ພິລະອາດຫານ ແລະ ແບບຢ່າງຍອມເສຍສະຫຼະຊີວິດຂອງນາງ Vo Thi Sau ຈະເປັນອະມະຕະຄືລະດູບານໃໝ່. ເຖິງວ່າໄດ້ຜ່ານລະດູດອກໄມ້ ເລກີມາ ບານ 60 ລະດູແລ້ວກໍຕາມ, ແຕ່ຮູບພາບຂອງນາງ Vo Thi Sau ຊຶ່ງແມ່ນລູກສາວຮັກຂອງເຂດດິນແດງ ຍັງຄົງຝັງເລິກໃນຈິດໃຈຂອງຊາວຫວຽດນາມແຕ່ລະຄົນ.
ເຂດສຸສານ ຮ່າງເຢືອງ ມີເນື້ອທີ່ປະມານ 20 ແຮກຕາ ແລະ ມີຊາວຫວຽດນາມ ປະມານ 2 ໝື່ນຄົນທີ່ເສຍສະຫຼະຊີວິດເພື່ອຊາດຖືກຝັງສົບຢູ່ແຫ່ງນີ້. ຖ້າຫາກຜູ້ໃດມີໂອກາດມາຢ້ຽມຢາມເຂດສຸສານ ຮ່າງເຢືອງ ກໍລ້ວນແຕ່ບໍ່ສາມາດອົດກັ້ນນ້ຳຕາ ເມື່ອໄດ້ເຫັນບັນດາຂຸມຝັງສົບນອນເດຍລະດາດບົນໂນນພູ. ມີຂຸມຝັງສົບຫຼາຍຂຸມຂອງນັກຮົບນິລະນາມ. ເຂດສຸສານແຫ່ງນີ້ກໍແມ່ນແຫ່ງສຸຄະຕິພົບຂອງນັກຮົບປະຕິວັດເສຍສະຫຼະຊີວິດເພື່ອຊາດ Le Hong Phong, ຜູ້ຮັກຊາດ Nguyen An Ninh, ນັກວິລະຊົນ Cao Van Ngoc ...... ສ່ວນສຸສານຂອງນາງ Vo Thi Sau ນອນຢູ່ໃຈກາງເຂດ B ໃນເຂດສຸສານ ຮ່າງເຢືອງ.
ອ້າຍ Nguyen Ngoc Minh ພາລະກອນເຮັດວຽກຢູ່ເຂດສຸສານໃຫ້ຮູ້ວ່າ :
: “ ແຂກຄົນມາຫຼາຍທີ່ສຸດແມ່ນໃນວັນສຸກ, ວັນເສົາ ແລະ ວັນອາທິດ, ສ່ວນຫຼາຍແມ່ນນັກທ່ອງທ່ຽວ. ເຂົາເຈົ້າມາແຫ່ງນີ້ເພື່ອໄຕ້ທູບທຽນຢູ່ສຸສານຂອງນາງ Vo Thi Sau, ພວກຂ້າພະເຈົ້າ ກໍໄຕ້ທູບທຽນ ພາວະນາໃຫ້ຄອບຄົວມີສຸຂະພາບເຂັ້ມແຂງ, ປະສົບຜົນສຳເລັດໃນໜ້າທີ່ການງານຂອງຕົນ ”
ສຸສານຂອງນາງ Vo Thi Sau ຢູ່ເຂດສຸສານ ຮ່າງເຢືອງ
|
ສຸສານຂອງນາງ Vo Thi Sau ຖືກກໍ່ສ້າງດ້ວຍຫີນອ່ອນ. ມີແຖວຕົວໜັງສືກ່ຽວກັບຊີວະປະຫວັດຫຍໍ້ຂອງນາງຖືກຄວັດໃສ່ແຜ່ນສີລາທີ່ວ່າ : “ Vo Thi Sau ບ້ານເກີດ ເດິດດໍ, ແຂວງບາເຮ້ຍວຸ້ງເຕົາ, ເກີດປີ 1933 ເສຍສະຫຼະຊີວິດເພື່ອຊາດເມືອ່ວັນທີ 23/1/1952 ມີອາຍຸ 19ປີ ” . ຊັບສົມບັດຂອງນາງມີແຕ່ໂສ້ງເສື້ອ 2 ຊຸດ. ແຕ່ເບິ່ງຄືວ່າ ຊັບສົມບັດທີ່ສັກກະຫຼະບູຊາຂອງນາງ Vo Thi Sau ແມ່ນຄວາມຮັກປະເທດຊາດ. ນາງໄດ້ອຸທິດສ່ວນຊີວິດໄວໜຸ່ມຂອງຕົນໃຫ້ແກ່ຄວາມຮັກດັ່ງກ່າວ. ຄາວມີອາຍຸ 14 ປີ ນາງໄດ້ອອກຈາກຄອບຄົວ. ແລ້ວກໍຖືກພວກລ່າເມືອງຂຶ້ນຝະລັ່ງຈັບຕົວ ແລະ ຖືກປະຫານຊີວິດ. ພວກລ່າເມືອງຂຶ້ນຝະລັ່ງບໍ່ກ້າສັງຫານນາງຢູ່ດິນຕໍ່ແຜ່ນ ຫາກພາຕົວນາງໄປ ກົນດ້າວ. ນາງ Vo Thi Sau ແມ່ນຍິງໜຸ່ມຄົນທຳອິດຖືກປະຫານຊີວິດຢູ່ ກົນດ້າວ. ນາງ Vo Thi Sau ໄດ້ໄປສູ່ສຸຄະຕິພົບແລ້ວ, ແຕ່ນາງໄດ້ເຮັດໃຫ້ຊາວ ກົນດ້າວເວົ້າສະເພາະ ແລະ ຊາວຫວຽດນາມເວົ້າລວມ ມີຄວາມນິຍົມນັບຖືຕໍ່ນັກວິລະຊົນໄວໜຸ່ມ ບໍ່ຍອມຈຳນົນຕໍ່ພວກຮຸກຮານ ແລະ ອິດທິກຳລັງປະຕິການຂາຍຊາດ. ທ່ານ Nguyen Cong Loc ຜູ້ທີ່ໄດ້ເຮັດວຽກຢູ່ເຂດປູຊະນີຍະສະຖານຄຸກ ກົນດ້າວ ເປັນເວລາ 32 ປີ ໃຫ້ຮູ້ວ່າ :
“ ຊາວ ກົນດ້າວ ເຖິງວ່າຈະໄປໄສ, ກັບເມືອດິນຕໍ່ແຜ່ນ ແລ້ວກໍກັບມາເກາະ ແຫ່ງນີ້, ລ້ວນແຕ່ມານີ້ໄຕ້ທູບ 3 ເຫຼັ້ມອາໄລຫານາງ Vo Thi Sau ”
ສ່ວນແຂກຈາກສາລະທິດເມື່ອມາຢ້ຽມຢາມ ກົນດ້າວ ກໍລ້ວນແຕ່ໄປເຂດສຸສານ ຮ່າງເຢືອງ ເພື່ອໄຕ້ທູບທຽນອາໄລຫານາງ Vo Thi Sau ກໍຄືບັນດານັກຮົບວິລະຊົນເສຍສະຫຼະຊີວິດເພື່ອຊາດຄົນອື່ນໆ ”
ປ້າ Huynh Thi Kim Loan ຊາວກົນດ້າວ ໃຫ້ຮູ້ວ່າ :
“ ມາຢ້ຽມຢາມ ກົນດ້າວ, ນອກຈາກມາຢ້ຽມຢາມ ເຂດສຸສານ ຮ່າງເຢືອງ ແລ້ວ, ພໍ່ແມ່ປະຊາຊົນຍັງໄປ ໃຕ້ທູບທຽນອາໄລຫານາງ Vo Thi Sau ຢູ່ສຸສານຂອງເພິ່ນ. ນາງ Vo Thi Sau ແມ່ນນັກວິລະຊົນຍິງ, ຍັງໜຸ່ມ ແຕ່ມີຈິດໃຈກ້າຫານ. ພວກຂ້າພະເຈົ້າແມ່ນຄົນລຸ່ນຫຼັງຄວນຮ່ຳຮຽນເອົາສິ່ງທີ່ດີຈາກແມ່ຍິງທີ່ໜຸ່ມແໜ້ນນີ້. ໃນໄລຍະສັນຕິພາບປະຈຸບັນ, ພວກຂ້າພະເຈົ້າຕ້ອງພະຍາຍາມອຸທິດສ່ວນເພື່ອສົມກັບນັກວິລະຊົນຍິງ Vo Thi Sau ກໍຄື ບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດຢູ່ກົນດ້າວ ”
ສ່ວນນາງ Nguyen Thi Tam ຮອງຫົວໜ້າຄະນະຄຸ້ມຄອງ ເຂດປູຊະນີ ຍະສະຖານຄຸກ ກົນດ້າວ ໃຫ້ຮູ້ວ່າ :
“ ນາງ Vo Thi Sau ໄດ້ເສຍສະຫຼະຊີວິດເມື່ອຍັງເປັນໄວໜຸ່ມ. ເຮົາບໍ່ເວົ້າເຖິງດ້ານຈິດວິນຍານຫຼາຍ, ແຕ່ຈິດວິນຍານພັດຝັງໃນໃຈຂອງທຸກໆຄົນ. ເຂົາເຈົ້າໄປຢ້ຽມຢາມສຸສານຂອງນາງ Vo Thi Sau ດ້ວຍຈິດໃຈເຄົາລົບນັບຖື ເພື່ອພາວະນາໃຫ້ມີຄວາມໂຊກດີ. ບໍ່ສະເພາະແຕ່ຊາວກົນດ້າວເທົ່ານັ້ນ, ຫາກແຂກທ່ອງທ່ຽວທີ່ມາຈາກທົ່ວປະເທດເມືອ່ມາຢ້ຽມຢາມກົນດ້າວນັ້ນ, ເລື່ອງທຳອິດ ແມ່ນເຂົາເຈົ້າມຸ່ງໄປສູ່ເຂດສຸສານ ຮ່າງເຢືອງ ແຫ່ງທີ່ມີສຸສານຂອງນາງ Vo Thi Sau ”
ມີຫຼາຍຄອບຄົວຢູ່ ກົນດ້າວ ໄດ້ຕັ້ງແທ່ນບູຊາອາໄລຫານາງ Vo Thi Sau. ເທບນິຍາຍກ່ຽວກັບຄວາມເປັນອະມະຕະຂອງນາງ Vo Thi Sau ຍັງຍືນຍົງຄົງຕົວພ້ອມກັບຊາວ ກົນດ້າວ ເວົ້າສະເພາະ ແລະ ຊາວຫວຽດນາມເວົ້າລວມໄປຊົ່ວກາລະນານ .