ວັນທີ 15/8, ແມ່ນຄົບຮອບ 100 ວັນເຕັມແຫ່ງການກຳອຳນາດຂອງປະທາ ນາທິບໍດີຝະລັ່ງ Francois Holland-ຊື່ງແມ່ນປະທານາທິບໍດີຜູ້ທຳອິດຂອງພັກສັງຄົມ ພາຍຫຼັງ 17 ປີທີ່ຝ່າຍຂວາກຳອຳນາດຢູ່ຝະລັ່ງ. ເຖິງວ່າໄດ້ຮັບໄຊຊະນະຄັ້ງປະຫວັດສາດກໍ່ຕາມ, ແຕ່ໃນ 100 ວັນຜ່ານມາ, ປະທານາທິບໍດີຄົນໃໝ່ຂອງພັກສັງຄົມ ກໍ່ບໍ່ທັນມີຄວາມສຸກສະບາຍຫຼັງການເລືອກຕັ້ງເທື່ອ ຍ້ອນສະພາບວິກິດການຂອງປະເທດຊາດ ແລະ ຄວາມມຸ້ງຫວັງອັນໃຫ່ຍຫຼວງຂອງປະຊາຊົນ.
(ພາບ:voatiengviet.com)
ກ່ອນອື່ນໝົດ, ສາມາດຢືນຢັນວ່າ, ໃນ 3 ເດືອນຜ່ານມາ, ປະທານາທິບໍດີຄົນໃໝ່ຂອງພັກສັງຄົມ Francois Holland ໄດ້ພ້ອມກັບລັດຖະບານໃໝ່ ຜັນຂະຫຍາຍບັນດານະໂຍບາຍທີ່ທ່ານໄດ້ໃຫ້ຄຳໝັ້ນ ສັນຍາເມື່ອອອກຫາສຽງເລືອກຕັ້ງໃນທັນທີ. ໃນເດືອນ 5, ພາຍຫຼັງໄດ້ຮັບການເລືອກຕັ້ງພຽງ 2 ອາທິດ, ປະທານາທິບໍດີຄົນໃໝ່ຂອງພັກສັງຄົມ ໄດ້ປະຕິບັດການຫລຸດ 30% ເງິນເດືອນຂອງບັນດາລັດຖະມົນຕີໃນລັດຖະບານ, ເຊັນເອກະສານກ່ຽວກັບຂໍ້ກຳນົດການເຄື່ອນໄຫວ, ພັນທະຂອງລັດຖະບານ, ປະກາດຖອດທະຫານອອກຈາກອາບການນີສະຖານ….. ໃນເດືອນ 6 ແລະ 7, ພາຍຫຼັງຝ່າຍຊ້າຍຍາດໄດ້ໄຊຊະນະໃນການເລືອກຕັ້ງສະພາແຫ່ງຊາດ, ລັດຖະບານຂອງປະທານາທິບໍດີ Francois Holland ສືບຕໍ່ຜັນຂະຫຍາຍບັນດານະໂຍບາຍໃໝ່ທີ່ໜ້າສົນໃຈຄື: ເພີ່ມເງິນເດືອນພື້ນຖານ, ປະກາດອາຍຸການກິນເບັ້ຍບຳນານຄືນໃໝ່ແມ່ນ 60 ປີສຳລັບບາງຂະແໜງການ, ເພີ່ມເງິນອຸດໜູນໃຫ້ຄອບຄົວມີເດັກໄປຮຽນ ແລະ ເຈລະຈາຂໍ້ຕົກລົງຮ່ວມເອີລົບ ໃຫ້ບຸລິມະສິດການເຕີບໂຕ ແລະ ວຽກເຮັດງານທຳ…. ແລະ ໃນວັນທີ 1/8 ທີ່ຜ່ານມາ, ລັດຖະບານຂອງທ່ານ Francois Holland ໄດ້ຍົກອອກຂໍ້ຕົກລົງສຳຄັນທີ່ມີຄວາມໝາຍເປັນສັນຍາລັກສູງ ແລະ ໄດ້ຮັບການລໍຄອຍຈາກປະຊາຊົນຝະລັ່ງ, ນັ້ນແມ່ນຫລຸດ 30% ເງິນເດືອນຂອງປະທານາທິບໍດີ ແລະ ນາຍົກລັດຖະມົນຕີ.
ບັນດາຄວາມມານະພະຍາຍາມຂອງທ່ານ Francois Holland ແລະ ລັດຖະບານໃໝ່ໄດ້ຮັບການຕີລາຄາສູງຈາກປະຊາຊົນ ແຕ່ໄປຄຽງຄູ່ກັບບັນດານະໂຍບາຍໄດ້ຮັບການຜັນຂະຫຍາຍແລ້ວ, ມີບັນດາສິ່ງທີ່ປະຊາຊົນລໍຄອຍ ແຕ່ລັດຖະບານບໍ່ທັນປະຕິບັດຢ່າງວ່ອງໄວໄດ້. ບັນຫາກໍ່ຄວາມຮ້ອນເຮັ່ງໃນຫາງສຽງຝະລັ່ງ ໃນໄລຍະຜ່ານມາແມ່ນເລື່ອງບັນດາບໍລິສັດໃຫ່ຍຂອງຝະລັ່ງ ໄດ້ໄລ່ຄົນງານອອກເປັນຈຳນວນຫຼາຍ. ລັດຖະບານຂອງທ່ານ Francois Holland ຖືກຕຳນິວ່າຊັກຊ້າ ແລະ ບໍ່ເປັນເຈົ້າການໃນການແຊກແຊງເຂົ້າບັນດາແຜນການໄລ່ດັ່ງກ່າວ. ແລະ ຄຳໝັ້ນສັນຍາສະກັດກັ້ນເລື່ອງເພີ່ມລາຄານຳມັນເຊື້ອໄຟ, ການຜັນຂະຫຍາຍເກັບອາກອນບັນດາບຸກຄົນທີ່ມີລະດັບເງິນເດືອນສູງ….ຊື່ງ ທ່ານ Francois Holland ບໍ່ທັນເຮັດໄດ້ເທື່ອ. ສະພາບຂາດສະຖຽນລະພາບໄດ້ເພີ່ມຂຶ້ນຢູ່ບາງແຫ່ງໃນປະເທດຝະລັ່ງ ກໍ່ເຮັດໃຫ້ລັດຖະບານຂອງພັກສັງຄົມຮັບມືກັບການກ່າວປະນາມຂອງຫາງສຽງ.
ການປະທ້ວງຂອງກຳມະກອນຝະລັ່ງ
(ພາບ: tuoitre.vn)
ແຕ່ເຖິງຢ່າງໃດກໍ່ຕາມ, ຫາສຽງຖືວ່າ, ເສັ້ງທາງເດີນຂອງປະທານາທິບໍດີ Francois Holland ພຽງແຕ່ຫາກໍ່ເລີ່ມຕົ້ນເທົ່ານັ້ນ ແລະ ເສັ້ນທາງໃນຕໍ່ໜ້າຍັງຈະປະສົບກັບຄວາມຫຍູ້ງຍາກຫຼາຍຢ່າງ. ວຽກງານທີ່ທ່ານ ແລະ ລັດຖະບານຂອງທ່ານຕ້ອງປະຕິບັດແມ່ນຫຼາຍທີ່ສຸດ. ທຳອິດແມ່ນໃນຮອບເວລາອີກ 3 ເດືອນ, ຕ້ອງສະກັດກັ້ນເລື່ອງເພີ່ມລາຄານ້ຳມັນເຊື້ອໄຟ, ຊຸກຍູ້ວຽກເຮັດງານທຳ ແລະ ໂອກາດສຳພັດກັບເຮືອນຢູ່ສຳລັບໄວໜຸ່ມ….ປັບປຸງຄວາມສະຫງົບປອດໄພກໍ່ແມ່ນກໍ່ແມ່ນ 1 ໃນບັນດາການໃຫ້ບຸລິມະສິດອັນດັບ 1 ຊື່ງລັດຖະບານຂອງທ່ານ Francois Holland ຕ້ອງເອົາໃຈໃສ່. ແຕ່ກ່ອນອື່ນໝົດການທ້າທາຍອັນໃຫ່ຍຫຼວງທີ່ສຸດສຳລັບທ່ານ Francois Holland ແມ່ນຕ້ອງສະແດງໃຫ້ເຫັນຄວາມສາມາດຊີ້ນຳນຳພາຢ່າງແຂງແຮງກ່ວາອີກ. ໄປຄຽງຄູ່ກັບກ່ານສ້າງພາບພົດຂອງຕົນເອງແລ້ວ, ປະທານາທິບໍດີ Francois Holland ຍັງຕ້ອງຍົກສູງພາບພົດຂອງປະເທດຝະລັ່ງ ກ່ວາອີກ, ເພື່ອຟື້ນຟູປະເທດຝະລັ່ງ ທີ່ເຂັ້ມແຂງໃນສະຫະພາບເອີລົບ, ແກ່ງແຍ້ງກັບຮູບແບບປະເທດເຢຍລະມັນ ທີ່ພວມໄດ້ຮັບການເຊີດຊູຢູ່ເອີລົບ ຍ້ອນສາມາດຢືນຢູ່ຢ່າງໝັ້ນຄົງໄດ້ໃນວິກິດການດ້ານການເງິນ-ເສດຖະກິດ.
ທ່ານ Francois Holland ໄດ້ຜ່ານຜ່າໄລຍະເວລາ 100 ວັນກຳອຳນາດແລ້ວ, ເມື່ອຫວນຄືນຫຼັງກໍ່ເຫັນວ່າ ທ່ານໄດ້ປະສົບກັບຄວາມຫຍຸ້ງຍາກຫຼາຍຢ່າງ ແຕ່ປະຊາຊົນຝະລັ່ງ ໄດ້ ແລະ ພວມຕີລາຄາສູງບັນດາວຽກງານທີ່ການນຳວັງ Elysse ໄດ້ ແລະ ພວມປະຕິບັດຕາມຄຳໝັ້ນສັນຍາຂອງຕົນຕໍ່ຜູ້ມີສິດເລືອກຕັ້ງ. ເສັ້ນທາງໃນຕໍ່ໜ້າຍັງຈະຕ້ອງປະສົບກັບຄວາມຫຍູ້ງຍາກຢູ່, ໂດຍສະເພາະແມ່ນເມື່ອພື້ນຖານເສດຖະກິດເອີລົບພວມຢູ່ໃນໄລຍະອຶດອາດຊັກຊ້າ, ປະເທດຝະລັ່ງ ຈະສາມາດຜ່ານຜ່າວິກິດການ, ການຊຸມໂຊມດັ່ງກ່າວໄດ້ຫຼືບໍ່? ຄຳຕອບຍັງຢູ່ໃນພາຍພາກໜ້າ ແຕ່ຫາງສຽງມີຄວາມເຊື່ອໝັ້ນວ່າ, ເສັ້ນທາງນັ້ນຈະສະດວກສະບາຍ ແລະ ດຳເນີນໄປດ້ວຍດີ ຂະນະທີ່ປະທານາທິບໍດີ Francois Holland ພວມມີຄວາມເຫັນດີເຫັນພ້ອມ, ຄວາມເຊື່ອໝັ້ນຈາກປະຊາຊົນປະເທດນີ້.