ພາຍຫຼັງດຳເນິີນການເຈລະຈາເປັນເວລາ 5 ປີ, 12 ປະເທດສະມາຊິກຂອງສັນຍາຄູ່ຮ່ວມມືຂ້າມປາຊີຟິກ TPP ຫາກໍບັນລຸໄດ້ຂໍ້ຕົກລົງກັນກ່ຽວກັບໜຶ່ງໃນບັນດາສັນຍາການຄ້າໃຫຍ່ກວ່າໝູ່ໃນໂລກ. ຂໍຕົກລົງທີ່ມີລັກສະນະປະຫວັດສາດນີ້ ໄດ້ຮັບຖືວ່າ ແມ່ນຮູບແບບຮ່ວມມືເສດຖະກິດແບບຢ່າງໃນຊຸມປີຕົ້ນສະຕະວັດທີ 21, ອັນຈະພາໃຫ້ບັນລຸລະດັບເຕີບໂຕທີ່ດີໃຫ້ແກ່12 ປະເທດສະມາຊິກຂອງສັນຍາ, ໃນນັ້ນ, ມີຫວຽດນາມ.
ທ່ານລັດຖະມົນຕີວ່າການກະຊວງອຸດສາຫະກຳ-ການຄ້າຫວຽດນາມ ວູ້ຮີຮ່ວາງ |
TPP ແມ່ນສັນຍາດ້້ານການຄ້າເສລີໂດຍມີການເຂົ້າຮ່ວມຂອງ 12 ປະເທດໃນພາກພື້ນອາຊີ-ປາຊີຟິກ. ເມື່ອທຽບໃສ່ກັບສັນຍາການຄ້າເສລີອື່ນໆ (FTA), TPP ແມ່ນຮອບດ້ານ ແລະ ເລິກເຊິ່ງ ກວ້າງຂວາງກວ່າ. ຖ້າຫາກວ່າ ບັນດາ FTA ເຄີຍເລັ່ງໃສ່ບັນດາບັນຫາຫຼຸດຜ່ອນອັດຕາພາສີນັ້ນ, TPP ພັດມຸ່ງໄປສູ່ການສ້າງປະມວນຂໍ້ກຳນົດດ້ານການຄ້າດ້ວຍມາດຖານສູງ, ແກ້ໄຂບັນດາບັນຫາເສດຖະກິດຂອງເສດຖະກິດທົ່ວໂລກໃນສະຕະວັດທີ 21, ຈາກນັ້ນ, ຊຸກຍູ້ການເຕີບໂຕ ແລະ ວຽກເຮັດງານທຳຢູ່ບັນດາປະເທດສະມາຊິກ. TPP ລວມມີຫຼາຍບັນຫາ ບໍ່ພຽງແຕ່ໃນຂົງເຂດເສດຖະກິດເທົ່ານັ້ນ, ຫາກຍັງມີໃນຂົງເຂດສິ່ງແວດລ້ອມ ແລະ ສິດຊັບສິນທາງປັນຍາອີກດ້ວຍ.
ສ້າງກຳລັງດັນຢ່າງຕັ້ງໜ້າເພື່ອໃຫ້ເສດຖະກິດຫວຽດນາມເຕີບໂຕດີ
ຖ້າຫາກສັງເກດກ່ຽວກັບຂອບຂະໜາດ, ສັນຍາຄູ່ຮ່ວມມືຂ້າມປາຊີຟິກ ເບິ່ງຄືວ່າ ພຽງຮອງຈາກສັນຍາທີ່ຫວຽດນາມເຂົ້າເປັນສະມາຊິກອົງການການຄ້າໂລກ WTO ເທົ່ານັ້ນ, ແລະ ກໍຍັງຄິດໄລ່ເຖິງຄວາມຜິດດ່ຽງກ່ຽວກັບລະດັບລະດົບພັດທະນາລະຫວ່າງບັນດາປະເທດສະມາຊິກໃນ TPP. ດ້ວຍ 40% ຍອດ GDP ທົ່ວໂລກ ແລະ ປະມານ 30% ວົງເງິນນຳເຂົ້າ ແລະ ສົ່ງອອກຂອງໂລກນັ້ນ, ການທີ່ຫວຽດນາມເຂົ້າຮ່ວມ TPP ແມ່ນນຳມາເຊິ່ງຫຼາຍກາລະໂອກາດທີ່ດີ. ທ່ານລັດຖະມົນຕີວ່າການກະຊວງອຸດສາຫະກຳ-ການຄ້າຫວຽດນາມ ວູ້ຮີຮ່ວາງ ໃຫ້ຮູ້ວ່າ :
“ ຂົງເຂດທຳອິດທີ່ພວກຂ້າພະເຈົ້າໄດ້ຮັບຜົນປະໂຫຍດ ແມ່ນການເຄື່ອນໄຫວສົງ່ອອກ, ເປັນຕົ້ນແມ່ນບັນດາປະເພດສິນຄ້າທີ່ພວກເຮົາມີທ່າແຮງເຊັ່ນ: ເຄື່ອງຕຳແຜ່ນຕັດຫຍິບ, ເກີບ ແລະ ສິນໃນນ້ຳ. ຕາມການຄິດໄລ່ຂອງບັນດາອົງການສຳນັກງານທັງຢູ່ພາຍ ແລະ ຕ່າງປະເທດແລ້ວ, ເມື່ອ TPP ມີຜົນບຳຄັບໃຊ້ນັ້ນ, ການເຕີບໂຕດ້ານການສົ່ງອອກຂອງຫວຽດນາມຈະບັນລຸລະດັບສະເລ່ຍແຕ່ລະປີແມ່ນ 2 ຕົວເລກ, ຜ່ານນັ້ນກໍຊ່ວຍໃຫ້ GDP ຂອງຫວຽດນາມບັນລຸລະດັບສູງ ແລະ ເປັນປົກກະຕິ”
ໂດຍຜ່ານ TPP, ດ້ວຍການເປີດປະຕູຕະຫຼາດການບໍລິການ ແລະ ການລົງທຶນ, ຫວຽດນາມຈະມີກາລະໂອກາດຫຼາຍກວ່າເພື່ອດຶງດູດການລົງທຶນໂດຍກົງຈາກຕ່າງປະເທດ, ພິເສດແມ່ນບັນດາໂຄງການ, ຂົງເຂດທີ່ມີອັດຕາເຕັກໂນໂລຢີສູງ, ມີລະດັບວິທະຍາສາດ, ເຕັກນິກກ້າວໜ້າ ແລະ ມີການມອບໂອນເຕັກໂນໂລຢີຕາມຄຳໝັ້ນໝາຍຂອງບັນດາສະມາຊິກ TPP ກໍຄືຂອງບັນດາວິສາຫະກິດຂອງປະເທດເຫຼົ່ານັ້ນ.
TPPມີຜົນບັງຄັບໃຊ້ແມ່ນມີຄວາມໝາຍເຊັ່ນດຽວກັນກັບ ເລື່ອງຫຼາຍວິສາຫະກິດຂອງບັນດາປະເທດສະມາຊິກ TPP ຈະເພີ່ມທະວີການລົງທຶນຢູ່ຫວຽມນາມ, ຖືຫວຽດນາມແມ່ນໜຶ່ງໃນບັນດາສະຖານທີ່ທີ່ດີ, ບັນດາສູນຜະລິດສິ້ນສວ່ນ, ເຄື່ອງອາໄລ ບໍ່ພຽງແຕ່ສະໜອງໃຫ້ຕະຫຼາດພາຍໃນເທົ່ານັ້ນ, ຫາກຍັງສົ່ງອອກຂາຍໃຫ້ບັນດາປະເທດສະມາຊິກ TPP ອີກດ້ວຍ.
ພິເສດເມື່ອເຂົ້າຮ່ວມ TPP, ຫວຽດນາມຈະມີໂອກາດຫັນການພົວພັນການຄ້າ ແລະ ການລົງທຶນເປັນຫຼາຍຮູບຫຼາຍແບບກັບປະເທດອື່ນໆ, ຫຼີກລ້ຽງການອາໄສຕໍ່ໜຶ່ງຫຼືບາງຄູ່ຮ່ວມມື.
ທາງດ້ານສັງຄົມ, ບັນດາຜົນປະໂຫຍດທີ່ TPPນຳມາໃຫ້ນັ້ນ ຈະສ້າງວຽກເຮັດງານທຳຫຼາຍຢ່າງໃຫ້ແກ່ຜູ້ອອກແຮງງານ, ເປັນຕົ້ນແມ່ນຢູ່ເຂດຊົນນະບົດ ແລະ ບັນດາຂົງເຂດນຳໃຊ້ແຮງງານຫຼວງຫຼາຍເຊັ່ນ: ເຄື່ອງຕຳແຜ່ນຕັດຫຍິບ, ເກີບ, ຜະລິດຕະພັນກະເສດ, ສິນໃນນ້ຳ.
ສິ່ງທ້າທາຍບໍ່ໜ້ອຍ
ຢູ່ຕະຫຼາດລະດັບພາກພື້ນໃຫຍ່ ແລະ ມີຄວາມຕ້ອງການຢ່າງສູງຄື TPP ນັ້ນ, ສິ່ງທ້າທາຍທຳອິດແມ່ນ ຫວຽດນາມຕ້ອງມານະພະຍາຍາມຫຼາຍກວ່າອີກ ເພື່ອຍົກສູງຄວາມສາມາດແກ່ງແຍ້ງ, ຜ່ານນັ້ນ ຈຶ່ງຈະທ່ວງທັນກັບຄວາມຮຽກຮ້ອງຕ້ອງການຂອງ TPP, ຮັດແຄບຄວາມແຕກໂຕນກັນໃນລະດັບພັດທະນາລະຫວ່າງຫວຽດນາມກັບບັນດາປະເທດ.
ສິ່ງທ້າທາຍທີ 2 ແມ່ນມີບາງຂົງເຂດປະສົບກັບຄວາມຫຍຸ້ງຍາກເຊັ່ນ: ການລ້ຽງສັດຫຼືການບໍລິການ. ແຕ່ດ້ວຍບົດຮຽນ, ປະສົບການໃນການປະຕິບັດຄຳໝັ້ນສັນຍາໃນຂອບເຂດ WTO ເປັນເວລາ 8 ປີ, ຫວຽດນາມຈະສາມາດແກ້ໄຂໄດ້.
ທາງດ້ານສັງຄົມ, ສຳລັບບັນດາວິສາຫະກິດທີ່ອ່ອນແອ, ວິສາຫະກິດທີ່ມີຂອບຂະໜາດນ້ອຍ ແລະ ກາງນັ້ນ, ຖ້າຫາກບໍ່ມີມາດຕະການທີ່ເໝາະສົມນັ້ນ, ວິສາຫະກິດເຫຼົ່ານັ້ນ ຈະປະສົບກັບຄວາມຫຍຸ້ງຍາກ, ຊ້ຳບໍໜຳ ຍາກທີ່ຈະຄົງຕົວ ແລະ ຂະຫຍາຍຕົວໄດ້. ເພື່ອຫຼຸດຜ່ອນບັນດາຜົນກະທົບທີ່ຫຍໍ້ທໍ້ເຊັ່ນນັ້ນ, ທ່ານລັດຖະມົນຕີວ່າການກະຊວງອຸດສາຫະກຳ-ການຄ້າຫວຽດນາມ ວູ້ຮີຮ່ວາງຖືວ່າ :
“ວຽກງານທຳອິດ, ພວກເຮົາຄວນສືບຕໍ່ວິວັດທະນາການສ້າງໂຄງປະກອບເສດຖະກິດຄືນໃໝ່ຕິດພັນກັບການປ່ຽນໃໝ່ຮູບແບບການເຕີບໂຕ. ພວກເຮົາຕ້ອງຊັບຊ້ອນບັນດາຂົງເຂດຄືນໃໝ່ຕາມທິດບັນດາຂະແໜງອາຊີບທີ່ມີທ່າໄດ້ປຽບ, ແມ່ນຕ້ອງເສີມຂະຫຍາຍຫຼາຍກວ່າອີກ, ສ່ວນບັນດາຂົງເຂດທີ່ອ່ອນດ້ວຍ, ຊ້ຳບໍ່ໜຳແມ່ນຫຼ້າຫຼັງ, ແມ່ນຕ້ອງມີມາດຕະການຮັກແຄບເຂົ້າຫຼືມີບັນດາການແລກປ່ຽນກັບບັນດາສະມາຊິກ TPP ເພື່ອໃຫ້ເຂົາເຈົ້າອາດຈະຊ່ວຍພວກເຮົາຍົກສູງລະດັບຄວາມຮູ້ໃນບັນດາຂົງເຂດນີ້. ສິ່ງທີ 2 ແມ່ນຕ້ອງຂ້ຽວຂາດ ແລະ ແຂງແຮງກວ່າໃນການສ້າງລະບົບກົດໝາຍໃຫ້ສົມບູນແບບ, ເປັນຕົ້ນແມ່ນໃນຂົງເຂດການຄ້າ, ການລົງທຶນ, ເສດຖະກິດ, ວິສາຫະກິດ”
ພາຍຫຼັງສິ້ນສຸດການເຈລະຈາ TPP, ບັນດາປະເທດຈະກວດກາຄືນກ່ຽວກັບດ້ານກົດໝາຍ, ການໃຊ້ຄຳສັບໃຫ້ສອດຄ່ອງກັບການກຳນົດຢູ່ພາຍໃນປະເທດ, ຈາກນັ້ນ, ແມ່ນການໃຫ້ສັດຕະຍາບັນຂອງບັນດາປະເທດສະມາຊິກ.
ໂດຍໄດ້ຮັບການຕີລາຄາເປັນສັນຍາການຄ້າເສລີແບບຢ່າງຂອງສະຕະວັດທີ 21, ດັ່ງນັ້ນ ເມື່ອເຂົ້າຮ່ວມ TPP, ຫວຽດນາມຈະໄດ້ຮັບຜົນປະໂຫຍດ, ພິເສດແມ່ນຢູ່ໃນຂົງເຂດເສດຖະກິດ, ຜ່ານນັ້ນ ກໍເປັນການຊ່ວຍໃຫ້ GDP ຂອງຫວຽດນາມ ສາມາດຮັກສາທ່າເຕີບໂຕເປັນປັກກະຕິ, ປະກອບສ່ວນປະຕິບັດບັນດາເປົ້າໝາຍຮັບປະກັນຊີວິດສັງຄົມຊຶ່ງຫວຽດນາມໄດ້ວາງອອກ.