(vovworld) - ຫາງສຽງພາຍໃນປະເທດໄດ້ຕີລາຄາສູງຈຸດໃໝ່ໃນກອງປະຊຸມຄັ້ງທີ 4, ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 12 ໄດ້ຕີລາຄາຢ່າງກົງໄປກົງມາບັນດາການປະກົດການກ່ຽວກັບການຊຸດໂຊມດ້ານແນວຄິດການເມືອງ ແລະ ຄຸນສົມບັດ, ແບບແຜນການດຳລົງຊີວິດ, “ການຜັນປ່ຽນເອງ”, “ການຫັນປ່ຽນເອງ” ພາຍໃນພັກ. ປະຊາຊົນຍາມໃດກໍ່ປາດຖະໜາວ່າ: ເພື່ອໃຫ້ພັກມີຄວາມປອດໄສ, ເຂັ້ມແຂງນັ້ນ, ສະມາຊິກພັກແຕ່ລະຄົນຕ້ອງມີສະຕິຕື່ນຕົວໃນການປະຕິບັດມະຕິ ກ່ຽວກັບການກໍ່ສ້າງພັກຢ່າງເຂັ້ມງວດ. ບົດຂຽນ “ການກໍ່ສ້າງ, ປັບປຸງພັກ ແມ່ນເລີ່ມມາຈາກສະມາຊິກພັກແຕ່ລະຄົນ” ຂອງບັນນາທິການ VOV: ລ້າຍຮວາ, ມີງແຫ້ງ, ແທງຕູ່ງ.
ທ່ານ ເລຂາທິການໃຫຍ່ ຫງວຽນຟູ໋ຈ້ອງ ກ່າວຄຳເຫັນທີ່ກອງປະຊຸມ
|
ຄຳເຫັນສ່ວນຫຼາຍຖືວ່າ, ຕ້ອງສັງເກດຄວາມຈິງເພື່ອເຫັນໄດ້ສາຍເຫດຕົ້ນຕໍ່ຂອງສະພາບການຊຸດໂຊມດ້ານແນວຄິດການເມືອງ, ຄຸນສົມບັດ, ແບບແຜນດຳລົງຊີວິດໃນໝູ່ພະນັກງານ, ສະມາຊິກພັກ. ຖ້າບໍ່ສາມາດຮັບຮູ້ໄດ້ ຢ່າງເລິກເຊິ່ງ ແລະ ຕັດສິນໃຈລົບລ້າງບັນດາສາຍເຫດນັ້ນ, ທຸກໆມາດຕະການກໍ່ສ້າງພັກຍາກທີ່ຈະເສີມຂະຫຍາຍປະສິດທິຜົນໄດ້ ຫຼື ພຽງແຕ່ມີປະສິດທິຜົນຊົ່ວຄາວເທົ່ານັ້ນ.
ເດັດຂາດກ່ວາອີກໃນການກໍ່ສ້າງພັກ
ພະນັກງານ, ສະມາຊິກພັກ ແລະ ປະຊາຊົນຖືວ່າ ກອງປະຊຸມສູນກາງພັກຄັ້ງນີ້ໄດ້ຖອດຖອນບົດຮຽນໃນການປະຕິບັດມະຕິສູນກາງພັກຄັ້ງທີ 4 ຊຸດທີ 11 ກ່ຽວກັບການກໍ່ສ້າງ, ປັບປຸງພັກ ເພື່ອຍົກອອກມະຕິຕິດແທດເໝາະສົມກັບສະພາບຕົວຈິງ, ເພື່ອຍົກສູງຜົນສັກສິດ, ປະສິດທິຜົນໃນການຕໍ່ສູ້ປ້ອງກັນ, ຕ້ານປະກົດການຫຍໍ້ທໍ້, ການສໍ້ລາດບັງຫຼວງໃນພັກ, ຈາກນັ້ນສ້າງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ພັກ. ສາດສະດາຈາ, ປອ ເຈີ່ນງອກເດື່ອງ, ອະດີດຮອງຫົວໜ້າຫ້ອງວ່າການສະພາແຫ່ງຊາດ, ຖືວ່າ:
“ປະຊາຊົນມີຄວາມເຊື່ອໝັ້ນທີ່ສຸດຕໍ່ການນຳພາຂອງພັກ, ຖ້າບໍ່ປະຕິບັດຢ່າງແຮງ ສັງຄົມຈະກຳນົດທິດໃນການຕໍ່ສູ້ຕ້ານປະກົດການຫຍໍ້ທໍ້, ກໍ່ສ້າງພັກຍາກ. ດັ່ງນັ້ນ, ພັກມີແຜນນະໂຍບາຍອອກມະຕິ ປະຊາຊົນສະໜັບສະໜູນ, ມີບ່ອນອີງຢ່າງໜັກແໜ້ນ ເພື່ອພ້ອມກັບພັກສ້າງລັດເຮົາໃຫ້ນັບມື້ນັບໝັ້ນຄົງ ເຂັ້ມແຂງ, ໃນເງື່ອນໄຂໃໝ່. ຂ້າພະເຈົ້າປາດຖະໜາວ່າ, ພາຍຫຼັງມະຕິຄັ້ງນີ້, ການຕໍ່ສູ້ກໍ່ສ້າງພັກຂອງພວກເຮົາຈະໄດ້ຮັບການຍົກສູງຂຶ້ນສູ່ບາດກ້າວໃໝ່, ມີຄຸນນະພາບໃໝ່”
ທ່ານ ບູ່ຍກວາງຮູຍ, ອະດີດຮອງຫົວໜ້າຄະນະຊີ້ນຳເຂດຕາເວັນຕົກພາກໃຕ້, ໃຫ້ຮູ້ວ່າ: ທ່ານມີຄວາມເຫັນດີເຫັນພ້ອມທີ່ສຸດກຕໍ່ຂໍ້ສັງເກດທີ່ວ່າ: ວຽກງານກໍ່ສ້າງ, ປັບປຸງພັກແມ່ນບັນຫາຫຼັກແຫຼ່ງ, ຈຳເປັນເພື່ອກໍ່ສ້າງພັກໃຫ້ນັບມື້ນັບໝັ້ນຄົງເຂັ້ມແຂງກ່ວາ:
“ຈຸດປະສົງຂອງກອງປະຊຸມຄັ້ງນີ້ ຄືດັ່ງທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ກ່າວຄຳເຫັນນັ້ນແມ່ນເຮັດແນວໃດເພື່ອປັບປຸງ, ຍົກສູງຄຸນນະພາບຂອງສະມາຊິກພັກນັບແຕ່ສູນກາງລົງຮອດທ້ອງຖິ່ນຢ່າງທັນການ. ເຮັດແນວໃດເພື່ອໃຫ້ພັກປອດໃສ ແລະ ຫຼີກລ້ຽງໄດ້ ໜຶ່ງໃນ 4 ໄພອັນຕະລາຍກ່ຽວກັບການຊຸດໂຊມດ້ານການເມືອງ, ຄຸນສົມບັດ, ແບບແຜນການດຳລົງຊີວິດ, ການຜັນແປຈາກພາຍໃນ”
ຄວາມເຫັນຂອງສະມາຊິກພັກ ແລະ ປະຊາຊົນຖືວ່າ: ຕ້ອງເດັດດ່ຽວ, ແຂງແຮງກ່ວາອີກໃນການຜັນຂະຫຍາຍການປະຕິບັດມະຕິກອງປະຊຸມຄັ້ງທີ 4 ຄະນະບໍລິຫານງານສູນກາງພັກຊຸດທີ 12. ທ່ານ ຟ້າມຊວນຮັ່ງ, ກຳມະການຄະນະກຳມະການສູນກາງແນວໂຮມປະເທດຊາດ ຫວຽດນາມ, ເນັ້ນໜັກວ່າ:
“ກອງປະຊຸມຄັ້ງນີ້, ປຶກສາຫາລືບັນຫານີ້ ໝາຍຄວາມວ່າສູນກາງກຳນົດຕ້ອງເຮັດເຮັດຢ່າງເລິ
ກເຊິ່ງກ່ວາ, ລະອຽດກ່ວາ, ມີປະສິດທິຜົນກ່ວາ. ຍ້ອນວ່າມີກຸ່ມສະແຫວງຫາຜົນປະໂຫຍດສ່ວນຕົວຄືທ່ານເລຂາທິການໃຫຍ່ໄດ້ເວົ້າແມ່ນຍາກທີ່ຈະປະຕິບັດໄດ້. ດັ່ງນັ້ນ, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງຂັ້ນ ຕ້ອງມີບັນດາມາດຕະການຢ່າງລະອຽດ, ແທດຈິງເພື່ອສ້າງຄວາມເຊື່ອໝັ້ນໃນໝູ່ປະຊາຊົນ, ເພື່ອໃຫ້ປະຊາຊົນເຫັນວ່າພັກເວົ້າໄປຄຽງຄູ່ກັບການປະຕິບັດ.”
ການກໍ່ສ້າງພັກແມ່ນເລີ່ມມາຈາກສະມາຊິກພັກແຕ່ລະຄົນ
ເມື່ອໄຈ້ແຍກບັນດາການປະກົດການທີ່ສະແດງອອກຂອງ “ການຜັນປ່ຽນເອງ” ແລະ “ການຫັນປ່ຽນເອງ” ພາຍໃນພັກ, ທ່ານ ປອ ຫງວຽນວຽດຈືກ, ອະດີດຮອງຫົວໜ້າຄະນະກຳມາທິການວັດທະນະທຳ, ການສຶກສາຊາວໜຸ່ມ, ເຍົາວະຊົນ, ອະນຸຊົນຂອງສະພາແຫ່ງຊາດ, ໄດ້ໃຫ້ຂໍ້ສັງເກດວ່າ: ຕ້ອງເລີ່ມປັບປຸງພັກແຕ່ຕົ້ນບັນຫາ. ຕົ້ນບັນຫາແມ່ນການຮັກສາຄວາມປອດໃສຂອງພັກ, ຈັດຕັ້ງການເຄື່ອນໄຫວຕ້ອງມີມີປະສິດທິຜົນ, ສ້າງຄວາມໄວ້ເນື້ອເຊື່ອໃຈໃນໝູ່ປະຊາຊົນ. ທ່ານ ຫງວຽນວຽດຈືກ ຢັ້ງຢືນວ່າ: ສະມາຊິກພັກບໍ່ຝຶກຝົນຫຼໍ່ຫຼອມ, ຈະພາໄປເຖິງ “ການຜັນປ່ຽນເອງ”, “ການຫັນປ່ຽນເອງ”, ດັ່ງນັ້ນ, ເລື່ອງເຮັດໃຫ້ພັກມີຄວາມປອດໃສ, ຮັກສາພັກໃຫ້ມີໝັ້ນຄົງເຂັ້ມແຂງນັ້ນແມ່ນມາດຕະການຕ້ານ “ການຜັນປ່ຽນເອງ” ຢ່າງເລິກເຊິ່ງທີ່ສຸດ:
“ຈິດໃຈຊີ້ນຳຂອງມະຕິໃນຄັ້ງນີ້ແມ່ນຕ້ອງລົງເລິກ, ສະມາຊິກພັກແຕ່ລະຄົນຕ້ອງຝຶກຝົນຫຼໍ່ຫຼອມຕົນເອງ, ບ່ອນໃດຫຍຸ້ງຍາກແມ່ນຕ້ອງລົງມືປະຕິບັດ. ຫາກສະມາຊິກພັກຈປາສະຈາກບົດບາດນຳພາຂອງຕົນ ຫຼື ບໍ່ເໝາະສົມກັບບົດບາດນຳພາ ນັ້ນແມ່ນການຫັນປ່ຽນເອງ, ເຮັດໃຫ້ຕົນເອງເສຍບົດບາດນຳພາຂອງຕົນ. ນັ້ນແມ່ນການຫັນປ່ຽນເອງໃຫຍທີ່ສຸດ, ເລິກເຊິ່ງທີ່ສຸດໃນເງື່ອນໄຂປະຈຸບັນ”
ກໍ່ກ່ຽວກັບບັນຫານີ້, ພັນເອກ ຈິ້ງຄັກທວຽດ, ອາຍຸການພັກ 65 ປີ, ອະດີດຮອງເສນາທິການເຫຼົ່າທັບເຮືອ, ຖືວ່າ:
“ບັນດາຜູ້ນຳ, ບັນດາຜູ້ຊີ້ນຳແຕ່ຂັ້ນສູນກາງລົງຮອດທ້ອງຖິ່ນຕ້ອງເປັນແບບຢ່າງໃຫ້ມະຫາຊົນປະຕິບັດຕາມ. ແກ່ນສານໃນການນຳພາແມ່ນ ເວົ້າຕ້ອງໄປຄຽງຄູ່ກັບການກະທຳ
ແລະ ຕ້ອງກວດເບິ່ງວ່າ ສິ່ງນັ້ນຜິດ ຫຼື ຖືກ, ຕ້ອງຊີ້ແຈ້ງຢ່າງເຖິງຖອງ. ປະຕິບັດຕາມຄຳສັ່ງສອນຂອງປະທານ ໂຮ່ຈີມິນ ແມ່ນຕ້ອງເຮັດແຕ່ກົກ, ເຖິງປາຍ ເຮັດໃຫ້ສຳເລັດຈຶ່ງແລ້ວ… ສິ່ງດັ່ງກ່າວແມ່ນແກ່ນສານເພື່ອກໍ່ສ້າງຖານະຂອງສະມາຊິກພັກ”
ສາມາດເຫັນໄດ້ວ່າ, ປະຊາຊົນມີຄວາມເຊື່ອໝັ້ນຕໍ່ພັກ, ຟັງຕາມພັກ, ປະຕິບັດຕາມພັກ ຫຼື ບໍ່ແມ່ນອີງໃສ່ບົດບາດຂອງສະມາຊິກພັກແຕ່ລະຄົນຫຼາຍທີ່ສຸດ ເພາະວ່າສະມາຊິກພັກແຕ່ລະຄົນເປັນຄົນດີ ເຮັດຫຼ້ອນບົດບາດຂອງຕົນ ຈຶ່ງສາມາດມີໜ່ວຍພັກດີ, ມີອົງຄະນະພັກປອດໃສໝັ້ນຄົງ, ເຂັ້ມແຂງໄດ້. ຍິ່ງກ່ວາເວລາໃດໝົດ, ການປັບປຸງພັກໃນປະຈຸບັນ ແມ່ນເລີ່ມມາຈາກການຝຶກຝົນຫຼໍ່ຫຼອມຂອງສະມາຊິກພັກແຕ່ລະຄົນ.