ທ່ານເຈິນກວກເວື້ອງ ມອບຫຼຽນໄຊຊາວວ່າງ (ດາວຄຳ) ໃຫ້ແກ່ກຳລັງນັກຊ່ຽວຊານ ຫວຽດນາມທີ່ຊ່ວຍເຫຼືອການປະຕິວັດກຳປູເຈຍ

        ພາຍຫຼັງລະບອບຂະແມແດງ ໂດຍ Pol Pot - Ieng Sary ນຳໜ້າຖືກທະຫານອາສາສະໝັກ ຫວຽດນາມ ພ້ອມກັບກຳລັງຮັກຊາດ ກຳປູເຈຍ ໂຄ່ນລົ້ມ, ປະເທດ ກຳປູເຈຍ ຕ້ອງປະເຊີນໜ້າກັບຄວາມທຸກຍາກ, ສິ່ງທ້າທາຍ ຢ່າງໃຫຍ່ຫຼວງ ແລະ ທັງການຕ້ານຄືນຂອງພວກທະຫານແຕກທັບຂະແມແດງຢ່າງຂ້ຽວຂາດ. ຕາມຄວາມຮຽກຮ້ອງຂອງພັກປະຊາຊົນປະຕິວັດກຳປູເຈຍ, ແນວໂຮມສາມັກຄີ ກູ້ຊາດແຫ່ງປະເທດ ກຳປູເຈຍ ແລະ ສະພາປະຊາຊົນປະຕິວັດ ກຳປູເຈຍແລ້ວ, ພັກ, ລັດຖະບານ ຫວຽດນາມໄດ້ສົ່ງນັກຊ່ຽວຊານນັບໝື່ນຄົນໄປຊ່ວຍເຫຼືອຟື້ນຟູ, ກໍ່ສ້າງ, ພັດທະນາປະເທດ ກຳປູເຈຍ ໂດຍກົງ.

ຊ່ວຍເຫຼືອປະຊາຊົນກຳປູເຈຍຫຼຸດພົ້ນອອກຈາກໄພດັບສູນເຊື້ອຊາດອັນທີສອງ: ຄວາມອຶດຫິວທຸກຍາກ, ພະຍາດໂລຄາ.

        ໃນຕະຫຼອດໄລຍະກ່ວາ 10 ປີ ( 1978 - 1989), ພັກ ແລະ ລັດ ຫວຽດນາມ ໄດ້ສົ່ງພະນັກງານເກືອບ 3,5 ໝື່ນຄົນ ໄປຊ່ວຍເຫຼືອ ກຳປູເຈຍ ໃນການກໍ່ສ້າງພັກປະຊາຊົນປະຕິວັດ ກຳປູເຈຍ ຄືນໃໝ່ ແລະ ຈັດຕັ້ງກອງປະຊຸມໃຫຍ່ຂອງພັກ 2 ສະໄໝ; ຄັດເລືອກ, ບຳລຸງສ້າງຖັນແຖວພະນັກງານທີ່ມີຄຸນສົມບັດດີ ແລະ ກຳລັງຄວາມສາມາດເປັນຫຼັກແຫຼ່ງໃຫ້ແກ່ການຜັນຂະຫຍາຍປະຕິບັດບັນດາມະຕິຂອງພັກປະຊາຊົນປະຕິວັດກຳປູເຈຍ.

ເພື່ອແນໃສ່ໜູນຊ່ວຍສ້າງຕັ້ງລະບອບລະບຽບການສັງຄົມທີ່ຖືກລະບອບຂະແມແດງທຳລາຍແຕ່ສູນກາງຮອດຮາກຖານຄືນໃໝ່ນັ້ນ, ຫວຽດນາມໄດ້ ຊ່ວຍກຳປູເຈຍສ້າງສະພາປະຊາຊົນປະຕິວັດກຳປູເຈຍຢ່າງຮີບດ່ວນ. ທ່ານ ຫວູມາວ ປະທານສູນກາງສະມາຄົມມິດຕະພາບ ຫວຽດນາມ - ກະປູເຈຍເຊິ່ງເປັນຜູ້ທີ່ເຂົ້າຮ່ວມຄະນະນັກຊ່ຽວຊານຂອງຊາວໜຸ່ມ ຊ່ວຍກຳປູເຈຍຈັດຕັ້ງກຳລັງໜຸ່ມຄືນໃໝ່ໃຫ້ຮູ້ວ່າ:

“ພວກຂ້າພະເຈົ້າມີຄະນະນັກຊ່ຽວຊານໜຶ່ງແມ່ນຄະນະຊາວໜຸ່ມຂອງສູນກາງຄະນະຊາວໜຸ່ມຫວຽດນາມ ຊ່ວຍເຫຼືອ ກຳປູເຈຍ ຈັດຕັ້ງກຳລັງ ຊາວໜຸ່ມ, ເຍົາວະຊົນອະນຸຊົນ. ຮຽກໂຮມບັນດາ ຊາວໜຸ່ມ ກຳປູເຈຍ ເຂົ້າຮ່ວມອົງການ “ສະມາຄົມຊາວໜຸ່ມກູ້ຊາດ ກຳປູເຈຍ” ນີ້ແມ່ນອົງການທີ່ມີວົງກ້ວາງ, ເຕົ້າໂຮມບັນດາຊາວໜຸ່ມກຳປູເຈຍ ເຂົ້າຮ່ວມອົງການນັ້ນ ແລະ ອີກຂັ້ນຕອນໜຶ່ງແມ່ນຮຽກໂຮມຊາວໜຸ່ມດີເດັ່ນເຂົ້າ “ຄະນະຊາວໜຸ່ມປະຊາຊົນປະຕິວັດ ກຳປູເຈຍ”

ໂດຍມີໜ້າໃນຄະນະນັກຊ່ຽວຊານຂອງວິທະຍຸກະຈາຍສຽງ ຫວຽດນາມໄລຍະ 1980 -1984, ນັກຂ່າວ ຫງວຽນວັນຄຽມ, ນັກບັນນາທິການພະແນກກະຈາຍສຽງພາກຕ່າງປະເທດ, ວິທະຍຸກະຈາຍສຽງ ຫວຽດນາມ, ແບ່ງປັນວ່າ:

“ພາຍຫຼັງປົດປ່ອຍ ກຳປູເຈຍ ແລ້ວ, ຕົ້ນປີ 1980 ໄດ້ການນຳວິທະຍຸໄດ້ສົ່ງຂ້າພະເຈົ້າໄປກຳປູເຈຍເປັນຊ່ຽວຊານຊ່ວຍເຫຼືອເຂົາເຈົ້າ. ຂະນະນັ້ນ, ກຳປູເຈຍ ຫາກໍ່ໄດ້ຮັບການປົດປ່ອຍ, ພື້ນຖານວັດຖຸຍັງຂາດເຂີນ, ນັກຊ່ຽວຊານ ເຮົາຢູ່ກະແຈກກະຈາຍ. ວຽກງານຂອງຂ້າພະເຈົ້ານອກຈາກ ຊ່ວຍເຮັດລາຍການພາກພາສາຝລັ່ງແລ້ວກໍ່ຍັງເຮັດຂ່າວໃຫ້ແກ່ການອອກອາກາດພາກພາສາຕ່າງປະເທດອື່ນໆອີກ.”

ທ່ານນາຍົກລັດຖະມົນຕີ ກຳປູເຈຍ ແລະ ບັນດານັກຊ່ຽວຊານ ຫວຽດນາມຢູ່ ວິທະຍຸກະຈາຍສຽງ ແລະ ໂທລະພາບ ກຳປູເຈຍ ປີ 1988 (ພາບ: VH)

ການຊ່ວຍເຫຼືອທີ່ເປັນທຳຂອງພັກ, ລັດ, ປະຊາຊົນ ຫວຽດນາມ

ໃນຕະຫຼອດ ກ່ວາ 10 ປີທີ່ທຸກຍາກລຳບາກ, ຖັນແຖວນັກຊ່ຽວຊານ ຫວຽດນາມ ໄດ້ຊ່ວຍໃຫ້ ກຳປູເຈຍ ສ້າງຕັ້ງລະບົບອຳນາດການປົກຄອງ ທຸກຂັ້ນໃຫ້ມີກຳລັງແຮງ ພຽງພໍໃນການນຳພາ, ຈັດຕັ້ງປະຊາຊົນກໍ່ສ້າງປະເທດຄືນໃໝ່, ທັງຜະລິດທັງຕໍ່ສູ້ສະກັດກັ້ນລະບອບຂະແມແດງກັບຄືນມາ. ປະເທດກຳປູເຈຍເຊິ່ງເປັນປະເທດທີ່ມີອະທິປະໄຕດ້ວຍລະບົບການເມືອງໃໝ່ໄດ້ຮັບການກໍ່ສ້າງແຕ່ສູນກາງລົງຮອດທ້ອງຖິ່ນ, ພ້ອມກັບບັນດາລະບອບລະບຽບດ້ານວັດທະນະທຳ - ສັງຄົມຮັບປະກັນຄວາມເປັນເອກະລາດ ແລະ ສິດເປັນເຈົ້າ ຕົນເອງ, ແມ່ນພື້ນຖານໝັ້ນແກ່ນເພື່ອ ພັດທະນາເທື່ອລະກ້າວ ແລະ ຮັບປະກັນໜ້າທີ່ປົກປັກຮັກສາບັນດາໝາກຜົນປະຕິວັດຢ່າງໜັກແໜ້ນດ້ວຍຕົນເອງ. ປີ 1989, ພາຍຫຼັງປະຕິບັດໜ້າທີ່ທີ່ໄດ້ມອບໝາຍໃຫ້ຢ່າງສຳເລັດແລ້ວ, ກຳລັງນັກຊ່ຽວຊານ  ແລະ ທະຫານອາສາສະໝັກ ຫວຽດນາມ ໄດ້ກັບຄືນປະເທດເພື່ອຮັບປະກັນໃຫ້ແກ່ໜ້າທີ່ຮັບຜິດຊອບໃໝ່.

ຕີລາຕາຄຸນງາມຄວາມດີຂອງ ຫວຽດນາມ,ໃນນັ້ນມີກຳລັງນັກຊ່ຽວຊານ ຫວຽດນາມຊ່ວຍເຫຼືອກຳປູເຈຍ, ບັນດາການນຳກຳປູເຈຍລ້ວນແຕ່ຢັ້ງຢືນວ່າ: “ເພື່ອມີປະເທດກຳປູເຈຍພັດທະນາຮອບດ້ານຄືປັດຈຸບັນແມ່ນບໍ່ອາດຂາດການຊ່ວຍເຫຼືອອັນລ້ຳຄ່າ, ໃຫຍ່ຫຼວງ, ທັນການ, ມີປະສິດທິຜົນຂອງລັດຖະບານ ແລະ ປະຊາຊົນ ຫວຽດນາມ, ໃນນັ້ນມີກຳລັງນັກຊ່ຽວຊານຢູ່ບັນດາຂະແໜງຂັ້ນຕ່າງໆຈາກສູນກາງ ລົງຮອດ ທ້ອງຖິ່ນໄດ້ຊ່ວຍເຫຼືອການປະຕິວັດ ກຳປູເຈຍ ເລີ່ມແຕ່ຊຸມມື້ທີ່ຫາກໍ່ຫຼຸດພົ້ນອອກຈາກລະບອບຂະແມແດງດັບສູນເຊື້ອຊາດຈົນຮອດເວລາກຳລັງປະຕິວັດກຳປູເຈຍສາມາດຮັບປະກັນໄດ້ໜ້າທີ່ດ້ວຍຕົນເອງໄດ້ນັ້ນ, ນັກຊ່ຽວຊານ ຫວຽດນາມຈຶ່ງກັບຄືນເມືອປະເທດ”. ທ່ານ ນາຍົກລັດຖະມົນຕີ ລາຊະອານາຈັກກຳປູເຈຍ Samdech Hun Sen ເຄີຍຢັ້ງຢືນວ່າ: “ທະຫານອາສາມະໝັກຫວຽດນາມໄດ້ກູ້ເອົາຊີວິດປະຊາຊົນ ກຳປູເຈຍ ໃຫ້ຫຼຸດພົ້ນອອກຈາກໄພດັບສູນເຊື້ອຊາດ Pol Pot, ສ່ວນ ນັກຊ່ຽວຊານ ຫວຽດນາມໄດ້ ຊ່ວຍໃຫ້ປະຊາຊົນກຳປູເຈຍຫຼຸດພົ້ນອອກຈາກໄພດັບສູນເຊື້ອຊາດທີສອງແມ່ນ ອິດຫິວທຸກຍາກ, ພະຍາດໂລຄາເຊິ່ງ ເລີ່ມແຕ່ຕົວເລກ 0 ແລະໄດ້ເຕີບໃຫຍ່ຄືປັດຈຸບັນ”.

30 ປີ ທີ່ໄດ້ຜ່ານພົ້ນໄປ, ແຕ່ການຊ່ວຍເຫຼືອຢ່າງສຸດອົກສຸດໃຈຂອງນັກຊ່ຽວຊານຫວຽດນາມທີ່ມີຕໍ່ປະເທດ ກຳປູເຈຍຍາມໃດກໍ່ແມ່ນບັນດາການກະທຳສາກົນອັນສູງສົ່ງ ແລະ ຈົບງາມ, ສືບຕໍ່ປະກອບສ່ວນປັບປຸງການພົວພັນມິດຕະພາບທີ່ເປັນມູນເຊື້ອມາແຕ່ດົນນານລະຫວ່າງສອງຊາດ.