(vovworld)- ທ່ານປະທານປະເທດຈີນ ສີຈິ້ນຜິງ ພວມມີການປະຕິບັດງານທີ່ສຳຄັນເຖິງອາເມລິກາ. ຕາມແຜນການ, ວັນທີ 6/6 ຕາມເວລາອາເມລິກາ, ການນຳຈີນຈະພົບປະຂັ້ນສຸດຍອດກັບປະທານາທິບໍດີ ອາເມລິກາ Barack Obama. ເຖິງວ່າບໍ່ແມ່ນການຢ້ຽມຢາມທາງລັດຖະກິດຢ່າງເປັນທາງການກໍຕາມ ແຕ່ການພົບປະຂັ້ນສຸດຍອດນີ້ພວມໄດ້ຮັບຄວາມຫວັງຈາກຫາງສຽງເພື່ອໃຫ້ສອງຝ່າຍເພີ່ມທະວີຄວາມເຂົ້າອົກເຂົ້າໃຈ ແລະ ສ້າງຄວາມໄວ້ເນື້ອເຊື່ອໃຈເພື່ອລົບລ້າງຄວາມບໍ່ລົງລອຍກັນ, ຈາກນັ້ນປັບປຸງການພົວພັນ ທັງຮ່ວມມື ທັງແກ້ງແຍ້ງລະຫວ່າງສອງປະເທດຂຶ້ນບາດກ້າວຫນຶ່ງ, ພ້ອມກັນມານະພະຍາຍາມເພ່ືອສັນຕິພາບ,ສະຖຽນລະພາບໃນທົ່ວໂລກ.
ທ່ານປະທານປະເທດຈີນ ສີຈິ້ນຜິງ ແລະປະທານາທິບໍດີ ອາເມລິກາ Barack Obama
ພາບ:internet
|
ຈີນ ແລະ ອາເມລິກາ ແມ່ນສອງພື້ນຖານເສດຖະກິດໃຫຍ່ກວ່າໝູ່ໃນໂລກ, GDP ຂອງສອງປະເທດກວມເກືອບ 1/3 GDP ທົ່ວໂລກ, ວົງເງິນການຄ້າສອງຝ່າຍຄາດວ່າລື່ນກາຍ 500 ຕື້ USD ໃນປີ 2013. ສະນັ້ນ ບໍ່ວ່າການຜັນແປຢ່າງເລັກນ້ອຍໃດໆໃນພື້ນຖານເສດຖະກິດ, ການເງິນຂອງແຕ່ລະປະເທດກໍລ້ວນແຕ່ສົ່ງຜົນສະທ້ອນເຊິ່ງກັນ ແລະກັນ ກໍຄືເຖິງພື້ນຖານເສດຖະກິດໂລກ. ຍິ່ງກວ່ານັ້ນ ສອງປະເທດ ເປັນກຳມະການປະຈຳສະພາຄວາມໝັ້ນຄົງ ສປຊ, ສວມບົດບາດສຳຄັນໃນການສ້າງຄວາມດຸນດຽງບັນດາການພົວພັນສາກົນ, ສະນັ້ນ ສຳລັບບັນດາບັນຫາຮ້ອນເຮັ່ງທີ່ເກີດຂຶ້ນໃນໂລກ, ຄວາມເຫັນດີເຫັນພ້ອມລະຫວ່າງ ຈີນ ແລະ ອາເມລິກາ ຈະມີຄວາມໝາຍທີ່ສຸດເພື່ອຊ່ວຍແກ້ໄຂບັນຫາດັ່ງກ່າວຢ່າງເຖິງຖອງ, ຕັ້ງຫນ້າ. ຄຽງຄູ່ກັນນັ້ນ, ຈີນ ແລະ ອາເມລິກາ ກໍແມ່ນສອງປະເທດໃຫຍ່ສຸດຢູ່ ອາຊີ ປາຊີຟີກ, ແມ່ນສະຖານທີ່ເຄີຍໄດ້ຮັບຖືວ່າແມ່ນກຳລັງຫນູນພັດທະນາຂອງໂລກ, ສະນັ້ນ ການພົວພັນລະຫວ່າງປັກກີ່ງ ແລະ ວໍຊິງຕັນ ໄດ້ ແລະ ພວມໄດ້ຮັບຖືວ່າມີບົດບາດຫລັກແຫລ່ງໃນການກຳນົດການຫັນປ່ຽນດ້ານການເມືອງ, ເສດຖະກິດຂອງພາກພື້ນ, ຕັດສິນຊີ້ຂາດອະນາຄົດຂອງພາກພື້ນກໍຄືໂລກ. ສະນັ້ນ ຖ້າສັງເກດພາຍໃຕ້ແງ່ມູມໃດ, ການພົວພັນລະຫວ່າງ ອາເມລິກາ ແລະ ຈີນ ກໍລ່ືນກາຍຂອບເຂດສອງປະເທດ ແລະ ມີຄວາມໝາຍສາກົນອັນກວ້າງຂວາງ. ເລື່ອງປັບປຸງ, ຮັດແຫນ້ນການຮ່ວມມືລະຫວ່າງສອງຝ່າຍ ຍາມໃດກໍເປັນຫົວຂໍ້ເພື່ອໃຫ້ຫາງສຽງປຶກສາຫາລື ແລະ ມຸ່ງຫວັງ.
ເຖິງຢ່າງໃດກໍຕາມ,ໃນໄລຍະຜ່ານມາ ການພົວພັນລະຫວ່າງ ຈີນ ແລະ ອາເມລິກາ ໄດ້ເກິດຄວາມເຄັ່ງຕຶງມາຫລາຍຄັ້ງຊື່ງກ່ຽວຂ້ອງເຖິງສະພາບພົ້ນເດັ່ນຂຶ້ນຂອງຈີນ ແລະ ການຫັນຍຸດທະສາດປ້ອງກັນຄວາມສະຫງົບຂອງອາເມລິກາຈາກ ຕາເວັນຕົກໄປສູ່ຕາເວັນອອກ. ການແກ້ງແຍ້ງ ແລະ ການກົດຫນ່ວງເຊິ່ງກັນ ແລະກັນ ລະຫວ່າງ ອາເມລິກາ ແລະ ຈີນ ໄດ້ສ້າງເປັນສະພາບພູມສາດ, ການເມືອງ,ຄວາມໝັ້ນຄົງໃຫມ່ຢູ່ອາຊີ ປາຊີຟີກ ເຮັດໃຫ້ເກີດ “ຈຸດຮ້ອນເຮັ່ງ”ຫລາຍແຫ່ງໃນພາກພື້ນ ທັງສ້າງການຊ່ວງເສັງກຳລັງແຮງ ແລະ ເພີ່ມທະວີກຳລັງຄວາມສາມາດການທະຫານຂອງຫລາຍປະເທດ. ໃນຂະນະທີ່ວໍຊີງຕັນ ຜັນຂະຫຍາຍນະໂຍບາຍ “ສ້າງຄວາມດຸນດຽງຄືນໃຫມ່” ຢ່າງແຂງແຮງ ແລະ ເປີດກວ້າງຜົນສະທ້ອນຢູ່ພາກພື້ນ ອາຊີ - ປາຊີຟີກ, ປັກກິງກໍຊອກວິທີເພື່ອເພີ່ມທະວີຜົນສະທ້ອນຢູ່ພາກພື້ນ ອາເມລິກາລາຕີນ, ຊື່ງແມ່ນພາກພື້ນເຄີຍໄດ້ຮັບຖືວ່າ “ຂຶ້ນກັບ”ອາເມລິກາ. ສິ່ງດັ່ງກ່າວສະແດງໃຫ້ເຫັນຢ່າງຈະແຈ້ງ ຜ່ານການປະຕິບັດງານສາມປະເທດ ອາເມລິກາ ກາງ ຊື່ງລວມມີ: Trinidad ແລະ Tobago, Costa Rica Mexico ໃນທ້າຍເດືອນ 5/2013 ຂອງປະທານ ສີຈິ້ນຜິງ. ການຢ້ຽມຢາມດຳເນີນໄປພາຍຫລັງປະທານາທິບໍດີ ອາເມລິກາ B Obama ຕ້ອນຮັບປະທານາທິບໍດີ ມຽນມາ Thein Sein, ການນຳປະເທດຫນຶ່ງຊື່ງມີຜົນສະທ້ອນຢ່າງກວ້າງຂວາງເຖິງປະເທດຈີນ ພຽງສອງສາມມື້. ຜ່ານການຢ້ຽມຢາມດຳເນີນໄປ, ປັກກີ່ງ ຢາກຢືນຢັນວ່າ: ພ້ອມແລ້ວທີ່ເປີດກວ້າງການພົວພັນກັບບັນດາປະເທດນ້ອຍ ຄຽງຂ້າງບັນດາປະເທດມະຫາອຳນາດຄື ອາເມລິກາ. ເປັນຫນ້າສົນໃຈແມ່ນ ການນຳຈີນ ໄດ້ຮັບການຕ້ອນຮັບຢູ່ Trinidad ແລະ Tobago ພາຍຫລັງການຢ້ຽມຢາມປະເທດອາເມລິກາກາງຂອງ ຮອງປະທານາທິບໍດີ ອາເມລິກາ Joe Biden ພຽງສອງສາມມື້.
ໄລຍະມໍ່ໆມານີ້ ບັນຫາຄວາມປອດໄພເຄືອຂ່າຍຄອມອີນເຕີແນັດກໍ່ເຮັດໃຫ້ການພົວພັນລະຫວ່າງ ຈີນ ແລະ ອາເມລິກາ ຊົ່ວຮ້າຍລົງ. ວັນທີ 5/6, ຜູ້ອຳນວຍການສູນຮັບມືຢ່າງຮີບດ່ວນກັບເຄືອຂ່າຍຄອມພິວເຕີແຫ່ງຊາດ (CNCERT) ຂອງຈີນ ໃຫ້ຮູ້ວ່າ: ປັກກີ່ງ ມີຖານຂໍ້ມູນຫລາຍສົມຄວນເພື່ອຊີ້ໃຫ້ເຫັນການເຄື່ອນໄຫວບຸກໂຈມຕີທາງເຄືອຂ່າຍຂອງອາເມລິກາເພື່ອແນໃສ່ຈີນ, ຫາງສຽງຖືວ່າ: ການກະກຳດັ່ງກ່າວແມ່ນການໂຕ້ຕອບຄຳກ່າວຫາຊື່ງກະຊວງປ້ອງກັນປະເທດ ອາເມລິກາ ຍົກອອກໃນຕົ້ນເດືອນ 5/2013. ຕາມນັ້ນແລ້ວ, ທຳນຽບ 5 ແຈ ປະກາດບົດລາຍງານປະຈຳປີໂດຍໃສ່ຊື່ວ່າ “ບົດລາຍງານພັດທະນາການທະຫານ ແລະ ຄວາມໝັ້ນຄົງກ່ຽວຂ້ອງເຖິງຈີນປີ 2013”, ໃນນັ້ນ ເປັນຄັ້ງທຳອິດກ່າວ: ລັດຖະບານ ແລະ ກອງທັບຈີນ ດຳເນີນການບຸກໂຈມຕີເຄືອຂ່າຍອີນເຕີແນດ ເພື່ອແນໃສ່ອາເມລິກາຢ່າງເປັນທາງການ. ໃນບົດລາຍງານສົ່ງເຖິງສະພາແຫ່ງຊາດ ອາເມລິກາ, ອົງການນີ້ຖືວ່າ: ໃນປີ 2012, ລະບົບຄອມພິວເຕີໃນໂລກ, ໃນນັ້ນ ມີບັນດາລະບົບສັງກັດລັດຖະບານ ອາເມລິກາ, ສືບຕໍ່ແມ່ນຈຸດໝາຍແຊກແຊງ, ໃນນັ້ນ ມີບາງກໍລະນີ ອາດຈະຂຶ້ນກັບຄວາມຮັບຜິດຊອບຂອງລັດຖະບານ ແລະ ກອງທັບຈີນໂດຍກົງ. ຂໍ້ຂັດແຍ້ງນີ້ ໄດ້ ແລະ ພວມສ້າງຮົ້ວກີດຂວາງໃຫ້ແກ່ການພົວພັນຮ່ວມມືສອງຝ່າຍ. ນີ້ກໍແມ່ນຫົວຂໍ້ຕົ້ນຕໍຊື່ງຄາດວ່າຖືກຍົກອອກໃນການພົບປະຂັ້ນສຸດຍອດລະຫວ່າງປະທານາທິບໍດີ Obama ແລະ ປະທານປະເທດຈີນ ສີຈິ້ນຜິງ.
ເພາະສະນັ້ນ ການພົບປະຂັ້ນສຸດຍອດຄັ້ງນີ້ ລະຫວ່າງການນຳສອງປະເທດມະຫາອຳນາດແມ່ນມີຄວາມໝາຍສຳຄັນທີ່ສຸດ. ຕາມວົງການນັກໃຈ້ແຍກແລ້ວ, ທີ່ການພົບຄັ້ງນີ້, ການນຳສອງທ່ານຈະເຕື້ອງເຖິງບັນດາບັນຫາຂັດແຍ້ງລະຫວ່າງສອງປະເທດ, ນັບແຕ່ຄວາມປອດໄພດ້ານເຄືອຂ່າຍອິນເຕີແນັດ, ການຂາດຄວາມດຸນດຽງດ້ານການຄ້າ, ອັດຕາແລກປ່ຽນເງິນຢວນ, ຄວາມໝັ້ນຄົງ ຄວາມປອດໄພໃນການເດີນທະເລຢູ່ທະເລຕາເວັນອອກ ແລະ ທະເລຮົວຕຸງ, ບັນຫານິວເຄຼຍຂອງ ສປປ ເກົາຫລີ ຈົນເຖິງຄວາມໄວ້ເນື້ອເຊື່ອໃຈຍຸດທະສາດ ທີ່ບໍ່ທັນໝັ້ນຄົງໃນການພົວພັນລະຫວ່າງສອງປະເທດ. ການຢ້ຽມຢາມພຽງໃນເວລາ 2 ວັນ, ແຕ່ການນຳສອງທ່ານຈະສະຫງວນເວລາສ່ວນຫລາຍເພື່ອພັດທະນາການພົວພັນສ່ວນບຸກຄົນກໍຄືການປຶກສາຫາລືບັນດາບັນຫາສຳຄັນໃນການພົວພັນລະຫວ່າງສອງປະເທດ