ປີ 2013 ໃກ້ຈະສິ້ນສຸດ ດ້ວຍບັນດາການເຄື່ອນໄຫວດ້ານການທູດທີ່ອຸດົມ ສົມບູນ ແລະ ຟົດຟື້ນ. ຫວນຄືນໄລຍະ 1 ປີທີ່ຜ່ານມາ ອາດຈະເຫັນໄດ້ວ່າ ການເຄື່ອນໄຫວພົວພັນກັບຕ່່າງປະເທດໄດ້ຖືກຜັນຂະຫຍາຍຢ່າງເລິກເຊິ່ງກ້ວາງຂວາງ ແລະ ໄດ້ນຳມາເຊິ່ງໝາກຜົນລະອຽດ. ບໍ່ພຽງແຕ່ປະກອບສ່ວນສ້າງສະພາບແວດລ້ອມສາກົນທີ່ສະດວກຕໍ່ການພັດທະນາປະເທດຊາດ, ຍາດແຍ່ງແຫຼ່ງກຳລັງໃຫ້ແກ່ກິດຈະການຫັນປະເທດຊາດເປັນອຸດສາຫະກຳ ແລະ ທັນສະໄໝເທົ່ານັ້ນ, ຫາກຍັງໜູນຊ່ວຍປົກປ້ອງຜົນປະໂຫຍດແຫ່ງຊາດ, ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນອີກດ້ວຍ. ໂດຍປະຕິບັດແນວທາງການຕ່າງປະເທດທີ່ສະເໝີຕົ້ນສະເໝີປາຍຂອງ ພັກກອມມູນິດ ຫວຽດນາມ, ໃນໄລຍະທີ່ຜ່ານມາ, ການພົວພັນຕ່່າງປະເທດຂອງຫວຽດນາມໄດ້ບັນລຸບັນດາຜົນງານ ທີ່ພົ້ນເດ່ັນ. ພິເສດໃນປີ 2013, ການພົວພັນຕ່່າງປະເທດຂອງຫວຽດນາມໄດ້ເປັນຂີດໝາຍດ້ວຍບັນດາ ຜົນງານທີ່ມີ ລັກສະນະຮອບດ້ານນັບທັງ 3 ເປົ້າໝາຍຄື ການພັດທະນາ; ການປ້ອງກັນຄວາມສະຫງົບ; ແລະ ທີ່ຕັ້ງບົດບາດ. ການເຄື່ອນໄຫວພົວພັນກັບຕ່່າງປະເທດໄດ້ຮັບການຊຸກຍູ້ໃນທຸກໆຂົງເຂດ ຈາກການເມືອງ, ເສດຖະກິດ, ການປ້ອງກັນຊາດ- ປ້ອງກັນຄວາມສະຫງົບ,ວັດທະນະທຳ....ດ້ວຍທຸກຄູ່ຮ່ວມມືໃນທຸກທະວີບ, ນັບທັງການພົວພັນ 2 ຝ່າຍ ແລະ ຫຼາຍຝ່າຍ.
ສ້າງຂອບເຂດການພົວພັນກັບຄູ່ຮ່ວມມືທີ່ສຳຄັນທັງໝົດ
ປີ 2013, ດ້ວຍເລື່ອງສືບຕໍ່ສ້າງການພົວພັນຄູ່ຮ່ວມມືຍຸດທະສາດກັບອີຕາລີ, ສິງກະໂປ, ໄທ, ອິນໂດເນເຊຍ, ຝະລັ່ງນັ້ນ, ຫວຽດນາມໄດ້ສ້າງການພົວພັນຄູ່ຮ່ວມມືຍຸດທະສາດກັບ 13 ປະເທດ. ນອກຈາກນັ້ນ, ຫວຽດນາມຍັງສ້າງ ການພົວພັນຄູ່ຮ່ວມມືຮອບດ້ານກັບ ອົດສະຕາລີ ແລະ ອາເມລິກາຕື່ມອີກ, ອັນໄດ້ຍົກຍອດຈຳນວນ ການພົວພັນຄູ່ຮ່ວມມືຮອບດ້ານຂອງຫວຽດນາມຂຶ້ນເຖິງ 11 ປະເທດ.
ທ່ານປະທານປະເທດຫວຽດນາມ ເຈືອງເຕີ້ນຊາງ ເຈລະຈາກັບ ປະທານາທິບໍດີ ອາເມລິກາ Barak Obama ຢູ່ວໍຊິງຕັນເມື່ອວັນທີ 25/7
(ພາບ:AP)
|
ເປັນໜ້າສົນໃຈ ແມ່ນພາຍຫຼັງ 67 ປີ ນັບຕັ້ງແຕ່ທ່ານປະທານ ໂຮ່ຈິມິນ ໄດ້ຝາກຈົດໝາຍເຖິງ ປະທານາທິບໍດີອາເມລິກາ Harry S. Truman , ສະແດງໃຫ້ເຫັນຄວາມຫວັງຢາກສ້າງສາຍພົວພັນຮ່ວມມືຢ່າງເຕັມສ່ວນນັ້ນ, ການພົວພັນຮ່ວມມືລະຫວ່າງຫວຽດນາມ - ອາເມລິກາ ເປັນຄັ້ງທຳອິດໄດ້ຮັບການຍົກລະດັບເປັນຄູ່ຮ່ວມມືຮອບດ້ານ, ອັນໄດ້ເປີດໄລຍະຮ່ວມມື 2 ຝ່າຍໃໝ່ລະຫວ່າງ 2 ປະເທດ ຊຶ່ງໄດ້ຮັບຄວາມໄວ້ເນື້ອເຊື່ອໃຈທາງການເມືອງສູງກ່ວາ. ທ່ານເອກອັກຄະລັດຖະທູດຫວຽດນາມປະຈຳອາເມລິກາ ຫງວຽນກວກເກືອງ ໃຫ້ຂໍ້ສັງເກດວ່າ :
“ ດ້ວຍເລື່ອງສ້າງການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ອາເມລິກາ ດ້ວຍເນື້ອໃນລວມມີ 9 ຂົງເຂດຮ່ວມມືນັ້ນ, ເປັນຄັ້ງທຳອິດພາຍຫຼັງຫຼາຍປີ, ທາງດ້ານພື້ນຖານ ພວກເຮົາໄດ້ສຳເລັດການສ້າງເຄືອຂ່າຍການພົວພັນຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານກັບທຸກໆຄູ່ຮ່ວມມືທີ່ສຳຄັນກ່ວາໝູ່ໃນໂລກ. ເປັນໜ້າສົນໃຈແມ່ນໃນນັ້ນ, ມີທັງ 5 ປະເທດປະຈຳສະພາຄວາມໝັ້ນຄົງ ສ.ປ.ຊ, ບັນດາປະເທດແກ່ນສານໃນກຸ່ມອາຊຽນ, ປະກອບສ່ວນຍົກສູງທີ່ຕັ້ງບົດບາດ, ອິດທິພົນຊື່ສຽງຂອງຫວຽດນາມບົນເວທີ່ສາກົນ, ປະກອບສ່ວນສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອພັດທະນາ”
ການພົວພັນທາງດ້ານການເມືອງ-ການທູດທີ່ດີງາມ ໄດ້ສ້າງເງື່ອນໄຂສະດວກໃຫ້ແກ່ການດຶງດູດການລົງທຶນໂດຍກົງຂອງຕ່າງປະເທດ (FDI) . ໃນສະຖານະການພື້ນຖານເສດຖະກິດໂລກຍັງຄົງຮັບຜົນກະທົບຫຼາຍຢ່າງຈາກວິກິດການການເງິນທົ່ວໂລກ, ການດຶງດູດເງິນລົງທຶນໂດຍກົງຈາກຕ່າງປະເທດ (FDI) ຂອງຫວຽດນາມປີ 2013 ຍັງຄົງບັນລຸຕົວເລກທີ່ໜ້າຊື່ນຊົມ ຄື 20ຕື້ກ່ວາ USD, ເພີ່ມຂຶ້ນກ່ວາ 65%ເມື່ອທຽບໃສ່ໄລຍະດຽວກັນຂອງປີກາຍ. ພ້ອມກັນນັ້ນ, ການຂົນຂວາຍທາງການເມືອງ-ການທູດ ກໍຍັງສ້າງເງື່ອນໄຂສະດວກໃຫ້ແກ່ວິວັດການເຈລະຈາບັນດາສັນຍາການຄ້າເສລີ ທີ່ສຳຄັນ ແລະ ຮັບຮອງຂໍ້ກຳນົດເສດຖະກິດການຕະຫຼາດ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ໃຫ້ຮູ້ວ່າ :
“ ພວກເຮົາໄດ້ຂົນຂວາຍຕື່ມອີກ 14 ປະເທດ, ອັນໄດ້ຍົກຍອດຈຳນວນປະເທດ ຮັບຮອງຂໍ້ກຳນົດເສດຖະກິດການຕະຫຼາດໃຫ້ແກ່ຫວຽດນາມ ຂຶ້ນເຖິງ 43 ປະເທດ, ໃນນັ້ນມີ 8 ປະເທດ G 20. ປະຈຸບັນ ຫວຽດນາມພວມດຳເນີນການເຈລະຈາສັນຍາເຂດການຄ້າເສລີ 6 ສະບັບກັບບັນດາຄູ່ຮ່ວມມືທີ່ສຳຄັນໃນຂອບເຂດຫຼາຍຝ່າຍ ແລະ 2 ຝ່າຍ, ໃນນັ້ນມີບັນດາພື້ນຖານເສດຖະກິດທີ່ໃຫຍ່ກ່ວາໝູ່ໃນໂລກ. ນອກຈາກການຮ່ວມມື, ພວກເຮົາກໍໄດ້ທຳການຕໍ່ສູ້ກບັນບັນດາການກະທຳໃຫ້ອະລັກຂາ, ຈຳແນກການປະພຶດໃນການພົວພັນດ້ານການຄ້າ, ປະກອບ ສ່ວນປົກປ້ອງສິນຄ້າສົ່ງອອກຫຼາຍປະເພດທີ່ເປັນປາຍແຫຼມຂອງຫວຽດນາມໃນບັນດາກໍລະນີຂາຍບຸບລາຄ່າ, ໜູນຊ່ວຍການສົ່ງອອກ ”
ປົກປ້ອງຜົນປະໂຫຍດແຫ່ງຊາດ, ຍົກສູງທີ່ຕັ້ງບົດບາດຂອງປະເທດຊາດ
ດ້ວຍບັນດາແຜນນະໂຍບາຍ ແລະ ວິມີການແກ້ໄຂທີ່ເໝາະສົມ, ບົນພື້ນຖານເຈດຕະນາດີ, ຈິດໃຈຮ່ວມມື ແລະ ປະຕິບັດບັນດາຫຼັກການຂອງກົດໝາຍສາກົນນັ້ນ, ການທູດປີ 2013 ໄດ້ເສີມຂະຫຍາຍກຳລັງແຮງດ້ານການພົວພັນຕ່າງປະເທດຂອງຕົນ, ປະກອບສ່ວນ ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນ. ຈຳນວນກໍລະນີທີ່ຮ້າຍແຮງບົນທະເລໄດ້ຫຼຸດຜ່ອນລົງຫຼາຍພໍສົມຄວນ. ສິ່ງທີ່ສຳຄັນກ່ວາໝູ່ແມ່ນການແກ້ໄຂບັນຫາທະເລຕາເວັນອອກ ໂດຍບໍ່ສົ່ງຜົນສະທ້ອນເຖິງການພົວພັນຂອງຫວຽດນາມກັບປະເທດຕ່າງໆ.
ບັນດາປະເທດຊົມເຊີຍເລື່ອງຫວຽດນາມໄດ້ຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດແຫ່ງ ສ.ປ.ຊ ດ້ວຍຈຳນວນບັດສະໜັບ ສະໜູນສູງສຸດ (ພາບ : Vietnam+)
|
ທາງດ້ານສາກົນ, ປີ 2013 ແມ່ນປີທີ່ຫວຽດນາມປະສົບຜົນສຳເລັດໃນການຍົກສູງທີ່ຕັ້ງບົດບາດຂອງຕົນ. ເລື່ອງຫວຽດນາມຕົກລົງເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ໄດ້ຮັບເລືອກຕັ້ງເປັນປະທານສະພາຜູ້ວ່າການອົງການພະລັງງານປະລະມານູສາກົນ, ໄດ້ຮັບເລືອກຕັ້ງເປັນສະມາຊິກຄະນະກຳມາທິການລະຫວ່າງລັດຖະບານຂອງສົນທິສັນຍາ 1972 ກ່ຽວກັບມໍລະດົກໂລກຂອງອົງການ UNESCO, ພິເສດແມ່ນຫວຽດນາມໄດ້ຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດແຫ່ງ ສ.ປ.ຊ ດ້ວຍຈຳນວນບັດສະໜັບ ສະໜູນສູງສຸດ, ອັນໄດ້ສ້າງພາບພົດປະເທດຫວຽດນາມທີ່ຕັ້ງໜ້າ, ມີຄວາມຮັບຜິດຊອບຕໍ່ໜ້າບັນດາບັນຫາລວມຂອງມວນມະນຸດ. ທ່ານເອກອັກຄະລັດຖະທູດຫວຽດນາມ ປະຈຳ ສ.ປ.ຊ ເລຮ່ວາຍຈຸງ ໃຫ້ຮູ້ວ່າ :
“ ສ.ປ.ຊ ເຫັນວ່າ ຫວຽດນາມມີທັດສະນະທີ່ຕັ້ງໜ້າໃນຫຼາຍບັນຫາ ແລະ ແມ່ນຄູ່ຮ່ວມມືທີ່ສາມາດໃຫ້ການຮ່ວມມືທີ່ດີ. ທຸກໆບັນຫາໃຫຍ່ຂອງໂລກຄື ບໍ່ແຜ່ຂະຫຍາຍອາວຸດລ້າງຜານ, ຕ້ານກໍ່ການຮ້າຍ, ຕ້ານການປ່ຽນແປງຂອງດິນຟ້າອາກາດ, ຕ້ານອາດຊະຍາກຳຂ້າມຊາດ, ປົກປ້ອງສິດສະເໝີພາບໃຫ້ແມ່ຍິງ, ສິດທິເດັກ, ສິດຂອງຜູ້ບໍ່ໄດ້ປຽບ, ຫວຽດນາມມີທັດສະນະທີ່ຕັ້ງໜ້າ. ເພາະສະນັ້ນ, ສ.ປ.ຊ ເຫັນວ່າ ຫວຽດນາມສະແດງທ່າທີອັນຕັ້ງໜ້າ ແລະ ປະກອບສ່ວນສ້າງສາ”
ປີ 2014, ໂດຍສືບຕໍ່ເສີມຂະຫຍາຍຜົນສຳເລັດຂອງການທູດ ປີ 2013, ຫວຽດນາມເພີ່ມທະວີການ ປະກອບສ່ວນອັນແທ້ຈິງ, ພິເສດແມ່ນບັນດາຂໍ້ລິເລີ່ມ ແກ້ໄຂບັນດາບັນຫາສາກົນ ແລະ ພາກພື້ນຕາມທິດນຳ “ ເປັນສະມາຊິກທີ່ມີຄວາມຮັບຜິດຊອບຂອງປະຊາຄົມໂລກ” ບັນດາຜົນງານຂອງ ການພົວພັນຕ່່າງປະເທດ ປີ 2013 ແມ່ນພື້ນຖານສຳຄັນເພື່ອໃຫ້ຫວຽດນາມປະຕິບັດ 2 ໜ້າທີ່ຍຸດທະສາດຄື ສ້າງສາ ແລະ ປົກປັກຮັກສາປະເທດຊາດໃນໄລຍະທີ່ຈະມາເຖິງຢ່າງສຳເລັດຜົນ.