ສັງຄະນາຍົກສຳນັກເຂດຊາວຄຼິດນະຄອນໂຮ່ຈີມິນຫງວຽນນັງ (ພາບ: tuoitre.vn)

ພາຍຫລັງນາຍົກລັດຖະມົນຕີປະກາດໃຊ້ຄຳສັ່ງເລກທີ 16 ວ່າດ້ວຍການປະຕິບັດບັນດາມາດຕະການຮີບດ່ວນເພື່ອປ້ອງກັນສະກັດກັ້ນໂລກລະບາດໂຄວິດ 19 ເພື່ອສຸຂະພາບຂອງວົງຄະນະຍາດ, ມີສະຕິຄວາມຮັບຜິດຊອບຕໍ່ສັງຄົມ,ຕໍ່ປະເທດຊາດ, ມີເຂດຊາວຄຼິດຫລາຍແຫ່ງໄດ້ຢຸດຕິບັນດາການເຄື່ອນໄຫວໂດຍມີຊາວຄຼິດເຂົ້າຮ່ວມໂດຍກົງ, ໄດ້ຈັດຕັ້ງພິທີສວດມົນທາງອອນລາຍໃຫ້ແກ່ຊາວຄຼິດແລະຜູ້ມີຍົດສັກຕຳແຫນ່ງຕ່າງໆ.

ພ້ອມກັບວົງຄະນະຍາດສະກັດກັ້ນໂລກລະບາດ

ວັນທີ 25 ມີນາ, ສັງຄະນາຍົກສຳນັກເຂດຊາວຄຼິດນະຄອນໂຮ່ຈີມິນຫງວຽນນັງໄດ້ສົ່ງຈົດໝາຍແນະນຳໃຫ້ບັນດາໂບດແຫ່ງຕ່າງໆຂອງບັນດາເຂດຊາວຄຼິດຢຸດຕິທຸກການເຄື່ອນໄຫວທາງສະຫນາໂດຍມີການເຂົ້າຮ່ວມຂອງປະຊາຄົມຊາວຄຼິດ.

ໃນຈົດໝາຍ, ສັງຄະນາຍົກຫງວຽນນັງເນັ້ນຫນັກວ່າ: ນີ້ແມ່ນການກະທຳຮ່ວມແຮງຮ່ວມໃຈພ້ອມກັບປະຊາຊົນໃນທົ່ວປະເທດເພື່ອປ້ອງກັນສະກັດກັ້ນໂລກລະບາດ, ບໍ່ພຽງແຕ່ເພື່ອຄວາມປອດໄພຂອງຕົນເອງເທົ່ານັ້ນຫາກຍັງແມ່ນການກະທຳເຕັມໄປດ້ວຍຄວາມຮັບຜິດຊອບຕໍ່ວົງຄະນະຍາດແຫ່ງຊາດແລະປະຊາຄົມມວນມະນຸດ.

ໃນແຈ້ງການປະກາດເມື່ອວັນທີ 28 ມີນາ, ສັງຄະນາຍົກບູ່ຍຈູກໍ່ໄດ້ສົ່ງສານທີ່ວ່າ “ຢູ່ໂຣມປະເທດອີຕາລີແລະເຂດຊາວຄຼິດຫລາຍແຫ່ງໃນທົ່ວປະເທດ, ບັນດາຜູ້ຮັບຜິດຊອບເຂດຊາວຄຼິດກໍ່ໄດ້ຕົກລົງຢຸດຕິທຸກພິທີສວດມົນແລະການເຄື່ອນໄຫວທາງສາສະຫນາໂດຍມີການເຕົ້າໂຮມຂອງຊາວຄຼິດຫລາຍຄົນ.

ພ້ອມກັນນັ້ນ ນັບແຕ່ວັນທີ 27 ມີນາ ສັງຄະນາຍົກ ສຳນັກເຂດຊາວຄຼິດບວນມາທວັດກໍ່ໄດ້ສົ່ງຈົດໝາຍໄປຍັງເຂດຊາວຄຼິດ 106 ແຫ່ງແລະນັກບວດໃນເຂດຊາວຄຼິດບວນມາທວັດຮັບຊາບກ່ຽວກັບການຢຸດຕິພິທີສວດມົນແລະການເຄື່ອນໄຫວທາງສາສະຫນາເພື່ອປະກອບສ່ວນໃນການປ້ອງກັນສະກັດກັ້ນໂລກລະບາດ. ຕາມທ່ານ ງຽມວັນຈວ໋ນ ຫົວຫນ້າຄະນະສາສະຫນາ ແຂວງ ດັກລັກ ແລ້ວ, ບັນດາສາສະຫນາໃນບໍລິເວນແຂວງ ລ້ວນແຕ່ປະຕິບັດການປ້ອງກັນ ສະກັດກັ້ນໂລກລະບາດ ໂຄວິດ 19 ຢ່າງເຂັ້ມງວດ ບໍ່ຈັດຕັ້ງພິທີກຳ ພຽງແຕ່ ແນະນຳໃຫ້ພະສົງ, ສຳມະເນນປະຕິບັດການເຄື່ອນໄຫວເຫລື້ອມໃສທາງອອນລາຍ.

“ພວກຂ້າພະເຈົ້າສືບຕໍ່ແລກປ່ຽນກັບບັນດາຜູ້ມີຍົກສັກຕຳແຫນ່ງຮັບຜິດຊອບບັນດາອົງການສາສະຫນາ, ເຂົາເຈົ້າໄດ້ຕອບສະຫນອງຢ່າງຕັ້ງຫນ້າແລະໄດ້ມີຈົດໝາຍສົ່ງເຖິງບັນດາຮາກຖານສາສະຫນາເພື່ອຢຸດຕິທຸກການເຄື່ອນໄຫວຈົນເຖິງເມື່ອໃດລັດຖະບານປະກາດເອກະສານແນະນຳສະບັບໃຫມ່. ພວກຂ້າພະເຈົ້າຢັ້ງຢືນຢ່າງແນວແນ່ວ່າບັນດາສາສະຫນາຢູ່ບໍລິເວນແຂວງດັກລັກປະຕິບັດເນື້ອໃຈຈິດໃຈລວມເພື່ອສຸຂະພາບຂອງວົງຄະນະຍາດ.”

ຕ້ອງມີຄວາມຮັບຜິດຊອບເພື່ອວົງຄະນະຍາດ

ໃນຂະນະທີ່ມີເຂດຊາວຄຼິດຫລາຍແຫ່ງໃນທົ່ວປະເທດຈັດຕັ້ງການເຄື່ອນໄຫວສາສະຫນາຕາມເນື້ອໃນຈິດໃຈຄຳສັ່ງເລກທີ 16 ຂອງນາຍົກລັດຖະມົນຕີ, ເຂດຊາວຄຼິດ 6 ແຫ່ງຢູ່ແຂວງຮ່າຕິ້ງພັດຈັດຕັ້ງພິທີສວດມົນໃນວັນເສົາແລະວັນອາທິດຜ່ານມາໂດຍມີ ຊາວຄຼິດເຂົ້າຮ່ວມເປັນຈຳນວນເກືອບ 200-500 ຄົນນັ້ນໄດ້ເຮັດໃຫ້ມີຄວາມສ່ຽງຕິດແປດໂລກລະບາດໃນວົງຄະນະຍາດເພີ່ມຂຶ້ນ, ກໍ່ຄວາມຂ້ອງໃຈໃນໝູ່ປະຊາຊົນ. ພາຍຫລັງບັນດາອຳນາດການປົກຄອງໃນແຂວງຮ່າຕິ້ງໄດ້ມີການໂຄສະນາ, ຕັກເຕືອນ, ບັນດາ ຊາວຄຼິດໃນບໍລິເວນມີຄວາມເຂົ້າໃຈຢ່າງຈະແຈ້ງຕໍ່ເລື່ອງເຕົ້າໂຮມກັນຫລາຍຄົນໃນຊ່ວງເວລານີ້ແມ່ນໄປຝືນກັບເນື້ອໃນຈິດໃຈຊີ້ນຳຂອງນາຍົກລັດຖະມົນຕີກ່ຽວກັບການສະກັດກັ້ນໂລກລະບາດ. ຊາວຄຼິດຜູ້ຫນຶ່ງຢູ່ເມືອງການລົກແຂວງຮ່າຕິ້ງແບ່ງປັນວ່າ:

“ພວກຂ້າພະເຈົ້າຈະຈຳກັດການເຕົ້າໂຮມຫລາຍຄົນແລະຈະຊົມພິທີສວດມົນທາງອອນລາຍຈະບໍ່ມາໂບດອີກ, ຫລີກລ້ຽງການສຳຜັດກັບຫລາຍຄົນປະຕິບັດການແຍກຫ່າງທົ່ວສັງຄົມ. ພວກຂ້າພະເຈົ້າຂໍຂອບອົກຂອບໃຈມາຍັງພັກແລະລັດຖະບານເປັນຕົ້ນແມ່ນທ່ານນາຍົກລັດຖະມົນຕີໄດ້ອອກຄຳສັ່ງເລກທີ 16 ເພື່ອຢາກໃຫ້ໂລກລະບາດນີ້ສິ້ນສຸດໂດຍໄວເພື່ອໃຫ້ທຸກຄົນໄດ້ກັບຄືນສູ່ຊີວິດເປັນປົກກະຕິ.”

ເລື່ອງຢຸດຕິທຸກການເຄື່ອນໄຫວທາງສາສະຫນາ ໂດຍມີການເຕົ້າໂຮມຫລາຍຄົນໃນຊ່ວງເວລານີ້ ແມ່ນການຕັດສິນໃຈຍາກສຳລັບບັນດາຜູ້ມີຍົດສັກຕຳແຫນ່ງ, ນັກບວດເວົ້າສະເພາະ ແລະ ພໍ່ແມ່ຊາວຄຼິດເວົ້າລວມເປັນຕົ້ນໃນຊຸມມື້ດຳເນີນສັບປະດາເທບພະເຈົ້າແລະວັນບຸນອີສະເຕີ. ແຕ່ໃນຊ່ວງເວລາທີ່ທົ່ວປະເທດພວມຍູ້ແຮງການປະຕິບັດບັນດາມາດຕະການຂ້ຽວຂາດເພື່ອສະກັດກັ້ນໂລກລະບາດໂຄວິດ 19 ນັ້ນ, ການຈັດຕັ້ງການເຄື່ອນໄຫວສາສະຫນາ ກໍ່ຕ້ອງມີຄວາມເໝາະສົມກັບສະພາບການປະຈຸບັນແລະມີຄວາມຮັບຜິດຊອບຕໍ່ວົງຄະນະຍາດແມ່ນມີຄວາມຈຳເປັນທີ່ສຸດ.