ໂດຍຖືກຖືວ່າແມ່ນປະເທດມີຮູບແບບອິດຊະລາມການເມືອງປະສົບຜົນສຳເລັດໃນໂລກ ແຕ່ໃນຊຸມມື້ນີ້, ຕວກກີ ພວມຕົກຢູ່ໃນສະພາບຂາດສະຖຽນລະພາບ ຍ້ອນການແຫ່ຂະບວນປະທ້ວງຄັດຄ້ານລັດຖະບານ ຄັ້ງຕ່າງໆທີ່ແກ່ຍາວກ່ວາ 10 ມື້ທີ່ຜ່ານມາ ແລະ ພວມມີໄພແຜ່ລາມອອກຢ່າງກ້ວາງຂວາງ. ເຖິງວ່າທ່ານນາຍົກລັດຖະມົນຕີ Recep Tayyip Erdogan ໄດ້ມີບັນດາການກະທຳ “ຜ່ອນສັ້ນຜ່ອນຍາວ” ແລ້ວກໍ່ຕາມແຕ່ກາລະໂອກາດເພື່ອຊອກຫາມາດຕະການຢຸດຕິການປະທະກັນໂດຍທັນທີ່ ຍັງປະສົບກັບສິ່ງກີດຂວາງຫຼາຍຢ່າງ ຍ້ອນພາຍໃນປະເທດນີ້ ຍັງຂາດສະຖຽນລະພາບຢູ່.
ສະພາບການຢູ່ຕວກກີ
(ພາບ:thethaovanhoa.vn)
ໃນການຜັນແປ່ຫຼ້າສຸດ, ພາຍຫຼັງການປະຊຸມລັດຖະບານເປັນເວລາ 6 ຊົ່ວໂມງ, ວັນທີ 11/6, ທ່ານນາຍົກລັດຖະມົນຕີ Recep Tayyip Erdogan ໄດ້ຕົກລົງພົບປະກັບບັນດາຫົວໜ້າຝ່າຍແຫ່ຂະບວນປະທ້ວງ, ຮັບຟັງຄຳເຫັນຂອງເຂົາເຈົ້າເພື່ອແນໃສ່ຢຸດຕິສະພາບການປະທະກັນທີ່ແກ່ຍາວໃນຫຼາຍວັນຜ່ານມາ. ລັດຖະບານຂອງທ່ານນາຍົກລັດຖະມົນຕີ Recep Tayyip Erdogan ກໍ່ປະກາດວ່າຈະບໍ່ປະໃຫ້ເກີດບໍ່ວ່າການແຫ່ຂະບວນປະທ້ວງຜິດກົດໝາຍໃດໆໃນເຂດດິນແດນຂອງຕວກກີອີກ. ແຕ່ເຖິງຢ່າງໃດກໍ່ຕາມ, ໂດຍບໍ່ຫົວຊາຕໍ່ຄຳກ່າວເຕືອນ, ວັນທີ 11/6, ຕຳຫຼວດຍັງຄົງໃຊ້ແກດນ້ຳຕາເພື່ອຍຸບເລີກຜູ້ແຫ່ຂະບວນປະທ້ວງນັບຮ້ອຍຄົນຢູ່ໃຈກາງນະຄອນຫຼວງ Ankara ໃນຂະນະທີ່ຍັງມີນັກພັນຄົນເຕົ້າໂຮມກັນຢູ່ສະໜາດຫຼວງ Taksim ຢູ່ Istanbul ເພື່ອທ່ວງໃຫ້ທ່ານ Recep Tayyip Erdogan ຕ້ອງລາອອກຈາກຕຳແໜ່ງ.
ການແຫ່ຂະບວນປະທ້ວງຄັດຕ້ານລັດຖະບານຢູ່ຕວກກີ ໄດ້ເລີ່ມເກີດຂຶ້ນຈາກການກະທຳຂອງຜູ້ຮັກສາສິ່ງແວດລ້ອມທີ່ມີຕໍ່ເລື່ອງອຳນາດການປົກຄອງມີເຈດຕະນາທຳລາຍສວນສາທາລະນະ Gezi ຢູ່ Istanbul ເພື່ອກໍ່ສ້າງສູນກາງຄ້າ. ຈົນເຖິງເວລາອຳນາດການປົກຄອງນຳໃຊ້ກຳລັງອາວຸດເກີນຄວາມຕ້ອງການເພື່ອຍຸບເລິກການແຫ່ຂະບວນປະທ້ວງ, ການຄັດຄ້ານຈຶ່ງແຜ່ລາມອອກສູ່ທົ່ວປະເທດ. ໄລ່ມາຮອດຈຸດເວລາປະຈຸບັນ, ຄາດວ່າ, ຜົນເສຍຫາຍທັງໝົດໄດ້ຂຶ້ນເຖິງ 40 ລ້ານໂດລາສະຫະລັດ, ມີຜູ້ເສຍຊີວິດຢ່າງໜ້ອຍສຸດ 3 ຄົນ ແລະ ກ່ວາ 5000 ຄົນຖືກບາດເຈັບ. ທ່ານນາຍົກລັດຖະມົນຕີຕວກກີ ໄດ້ພະຍາຍາມເກັ້ຍກ່ອມປະຊາຊົນປະເທດນີ້ວ່າ: ບໍ່ອາດຖືບັນດາການຈະລາຈົນທີ່ພວມເກີດຂຶ້ນນັ້ນແມ່ນປະກົດຂອງພື້ນຖານປະຊາທິປະໄຕໄດ້.
ທ່ານນາຍົກລັດຖະມົນຕີຕວກກີ Recep Tayyip Erdogan
(ພາບ:vtv.vn)
ການແຫ່ຂະບວນປະທ້ວງສະແດງໃຫ້ເຫັນຄວາມເສຍຫວັງທີ່ນັບມື້ນັບເພີ່ມຂຶ້ນຂອງປະຊາຊົນຕໍ່ລະບອບຂອງທ່ານນາຍົກລັດຖະມົນຕີ Recep Tayyip Erdogan. ບໍ່ອາດປະຕະເສດໄດ້ວ່າ, ໃນຊຸມປີຜ່ານມາ, ຕວກກີໄດ້ມີບາດກ້າວພັດທະນາກະໂດຍຂັ້ນນັບທັງດ້ານເສດຖະກິດ ແລະ ການເມືອງ, ທີ່ຕັ້ງບົດບາດຂອງຕວກກີນັບມື້ນັບໄດ້ຍົກສູງຂຶ້ນໃນເວທີສາກົນ ແລະ ໃນພາກພື້ນ ແຕ່ຢູ່ພາຍໃນປະເທດ, ນະໂຍບາຍ “ຫັນປະເທດຊາດເປັນປະເທດອິດຊະລາມ” ຂອງພັກຍຸດຕິທຳ ແລະ ພັດທະນາ ຍາມໃດກໍ່ປະສົບກັບການຄັດຄ້ານຢ່າງແຮງຈາກຜູ້ນິຍົມລັດທິເສລີ. ບັນດາພັກຝ່າຍຄ້ານຢູ່ປະເທດນີ້ກໍ່ສວຍໂອກາດນີ້ເພື່ອກ່າວຫາພັກຍຸດຕິທຳ ແລະ ພັດທະນາ ຂອງອຳນາດການປົກຄອງຂອງທ່ານນາຍົກລັດຖະມົນຕີ Recep Tayyip Erdogan ພວມກ້າວໄປເຖິງຮູບແບບລັດອິດຊະລາມຮັກສາເດີມ ແທນໃຫ້ລັດແຫ່ງອຳນາດນິຕິບັດຍັດກ່ຽວກັບດ້ານສາສະໜາຄືປະຈຸບັນ. ຫວນຄືນບັນດາການຜັນແປ່ເຄີຍເກີດຂຶ້ນຢູ່ຕູຍນີຢີ, ອີຢີບ…ກໍ່ເຫັນວ່າ, ສະພາບແບ່ງແຍກນັບມື້ນັບເພີ່ມຂຶ້ນລະຫວ່າງຊາວມຸດສະລິມ ແລະ ຜູ້ນິຍົມລັດແຫ່ງອຳນາດນິຕິບັດຍັດກ່ຽວກັບດ້ານສາສະໜາ, ໃນນັ້ນ, ຊາວມຸດສະລິມກຳອຳນາດຖືກກ່າວຫາວ່າບໍ່ປະຕິບັດບັນດາຄຳໝັ້ນສັນຍາຮັບປະກັນສິດທິມະນຸດ ແລະ ຄວາມເສລີ ພວມເກີດຂຶ້ນຄືນໃໝ່ຢູ່ປະເທດທີ່ເຄີຍຮັບການຍ້ອງຍໍວ່າແມ່ນແບບຢ່າງດີເດັ່ນກ່ຽວກັບປະຊາທິປະໄຕອິດຊະລາມໄກ່ເກ່ຍປອງດອງ. ການແຫ່ຂະບວນປະທ້ວງຢູ່ຕວກກີຖືກຖືວ່າແມ່ນການກ່າວເຕືອນກ່ຽວກັບຄວາມລະເມີເຟີ້ຝັນ “ສວມບົດບາດນຳໜ້າພາໄປເຖິງການປ່ຽນແປງ” ຂອງຜູ້ນິຍົມລັດທິເສລີ ແລະ ລັດແຫ່ງອຳນາດນິຕິບັດຍັດກ່ຽວກັບດ້ານສາສະໜາ. ຄວາມຂາດສະຖຽນລະພາບໃນປະຈຸບັນບໍ່ພຽງແຕ່ແມ່ນການຄັດຄ້ານຂອງປະຊາຊົນຕໍ່ໂຄງການໜຶ່ງ ຫຼືກົດໝາຍໃດໜຶ່ງທີ່ກໍ່ຄວາມໂຕ້ຖຽງກັນຂອງລັດຖະບານ. ສັງເກດສະພາບຕົວຈິງຈາກບັນດາປະເທດຖືກຜົນສະທ້ອນຈາກ “ລະດູບານໃໝ່ອາຣັບ” ນັ້ນກໍ່ເຫັນວ່າ, ເຫດການທີ່ນ້ອຍໆຄືແນວນີ້ ກໍ່ຈະແມ່ນສາຍເຫດທີ່ພາໄປເຖິງຄວາມບໍ່ພໍໃຈຂອງປະຊາຊົນ ກ່ຽວກັບວິທີການບໍລິຫານປະເທດ ຂອງລັດຖະບານອຳນາດ.
ຕາມບັນດານັກໄຈ້ແຍກແລ້ວ, ໃນຈຸດເວລາປະຈຸບັນ, ມີ 3 ຊ່ອງທາງແກ້ໄຂໃຫ້ແກ່ປະເທດຕວກກີ. ທີໜຶ່ງແມ່ນ ທ່ານນາຍົກລັດຖະມົນຕີ Recep Tayyip Erdogan ຕ້ອງລາອອກຈາກຕຳແໜ່ງ ແລະ ດຳເນີນການເລືອກຕັ້ງກ່ອນກຳນົດເວລາ. ທີສອງແມ່ນ, ຜູ້ແຫ່ຂະບວນປະທ້ວງອາດຈະຖືກໃຊ້ຄວາມຮຸນແຮງຈາກກຳລັງຕຳຫຼວດໃນຊຸມວັນຂ້າງໜ້າ. ທີສາມແມ່ນ ຖ້າຫາກວ່າ, ການປະທະກັນບໍ່ໄດ້ຮັບການແກ້ໄຂໂດຍທັນທີ່ ມັນຈະຖືກແກ່ຍາວຕາມຮູບແບບຂອງປະເທດຊີຣີ. ຈາກບັນດາການຜັນແປ່ໃນປະຈຸບັນ, ຫາງສຽງສາກົນຖືວ່າ: ຖ້າຫາກວ່າອຳນາດການປົກຄອງ Ankara ບໍ່ມີບັນດາມາດຕະການແກ້ໄຂທີ່ແທດຈິງເພື່ອບັນເທົ່າຄວາມເຄັ່ງຮ້ອນໃນໝູ່ປະຊາຊົນ, ຕວກກີຈະຕົກຢູ່ໃນສະພາບຄືດັ່ງ “ລະດູບານໃໝ່ອາຣັບ” ທີ່ເຄີຍເກີດຂຶ້ນຢູ່ຫຼາຍປະເທດໃນພາກພື້ນ ຢ່າງແນ່ນອນ./.