CPTPP ຈະຊ່ວຍເສດຖະກິດ ອັງກິດ ເພີ່ມຂຶ້ນປະມານ 2,5 ຕື້ USD (ພາບປະກອບ: THX/TTXVN)

        ວັນທີ 15 ທັນວາ, ອັງກິດ ໄດ້ກາຍເປັນປະເທດ ເອີລົບ ທຳອິດເຂົ້າເປັນສະມາຊິກສັນຍາການຄ້າເສລີຮອບດ້ານ ແລະ ກ້າວໜ້າຂ້າມປາຊີຟິກ (CPTPP). ພ້ອມກັບບັນດາຜົນປະໂຫຍດທາງດ້ານເສດຖະກິດ, ນີ້ກໍ່ໄດ້ຮັບຖືວ່າແມ່ນຂີດໝາຍສຳຄັນທາງດ້ານພູມສາດການເມືອງສຳລັບທັງ ອັງກິດ ແລະ ບັນດາປະເທດມາຊິກ CPTPP.

        ອັງກິດ ໄດ້ຍື່ນໃບຂໍເຂົ້າເປັນສະມາຊິກ CPTPP ແຕ່ປີ 2021, ຮອດເດືອນ ກໍລະກົດ 2023 ໄດ້ລົງນາມໃນສັນຍານເຂົ້າເປັນສະມາຊິກ ແລະ ວັນທີ 15 ທັນວາ ໄດ້ກາຍເປັນສະມາຊິກສົມບູນຢ່າງເປັນທາງການ. ເຫດການໄດ້ສ້າງຂີດໝາຍຂໍ້ຕົກລົງດ້ານການຄ້າໃຫຍ່ສຸດຂອງ ອັງກິດ ພາຍຫຼັງຖອນຕົວອອກຈາກສະຫະພາບ ເອີລົບ (ອີຢູ).

“ໄຊຊະນະ” ໃຫ້ແກ່ປະເທດ ອັງກິດ

        ດ້ວຍເລື່ອງ ອັງກິດ ເຂົ້າເປັນສະມາຊິກຢ່າງເປັນທາງການ, ປະຈຸບັນ, CPTPP ມີ 12 ປະເທດສະມາຊິກ, ດ້ວຍຈຳນວນພົນລະເມືອງ 580 ລ້ານຄົນ, ໃນນັ້ນ ມີ 3 ປະເທດຂຶ້ນກັບກຸ່ມປະເທດອຸດສາຫະກຳພັດທະນາ (G7) ແມ່ນ: ການາດາ, ຍີ່ປຸ່ນ ແລະ ອັງກິດ, ພ້ອມກັບ ອົດສະຕາລີ, ນິວຊີແລນ, ເມັກຊີໂກ, ເປຣູ, ຈີເລ, ສິງກະໂປ, ບຣູໄນ, ມາເລເຊຍ ແລະ  ຫວຽດນາມ. ໂດຍເປັນພື້ນຖານເສດຖະກິດໃຫຍ່ທີ 6 ຂອງໂລກ, ອັງກິດ ໄດ້ຊ່ວຍເພີ່ມກຳລັງແຮງທາງດ້ານເສດຖະກິດຂອງ CPTPP ຫຼາຍພໍສົມຄວນ, ຍົກອັດຕາຂອງ CPTPP ໃນ GDP ທົ່ວໂລກຂຶ້ນປະມານ 15%. ຍິ່ງກວ່າສິ່ງໃດໝົດ, ເລື່ອງ ອັງກິດ ເຂົ້າເປັນສະມາຊິກ CPTPP ໄດ້ນຳມາເຊິ່ງຜົນປະໂຫຍດດ້ານເສດຖະກິດໃຫ້ທັງ 2 ຝ່າຍ.

        ກ່ຽວກັບຝ່າຍ ອັງກິດ, ທ່ານລັດຖະມົນຕີກະຊວງທຸລະກິດ ອັງກິດ Jonathan Reynolds ໃຫ້ຮູ້ວ່າ, ເລື່ອງເຂົ້າເປັນສະມາຊິກ CPTPP ຈະນຳມາໃຫ້ພື້ນຖານເສດຖະກິດທີ່ພວມຊຸດໂຊມຂອງປະເທດນີ້ເປັນຈຳນວນເງິນປະມານ 2,5 ຕື້ USD/ປີ, ຍ້ອນບັນດາວິສາຫະກິດ ອັງກິດ ສາມາດສຳຜັດກັບຕະຫຼາດໃໝ່ທີ່ມີພົນລະເມືອງ 500 ລ້ານຄົນ. ສິ່ງສຳຄັນກວ່າ, ຢູ່ພາຍໃນປະເທດ, ເລື່ອງເຂົ້າເປັນສະມາຊິກ CPTPP ສຳເລັດໄດ້ຊ່ວຍປັບປຸງບັນດາການອ້າງເຫດຜົນເຊິ່ງການນຳທັງ 2 ພັກການເມືອງໃຫຍ່ສຸດຂອງ ອັງກິດ ແມ່ນ ພັກນິຍົມຮັກສາເດີມ ແລະ ພັກແຮງງານກຳອຳນາດໄດ້ໃຫ້ການສະໜັບສະໜູນ. ເຖິງຢ່າງໃດກໍ່ຕາມ, ຂ້າຫຼວງໃຫຍ່ຜູ້ຕາງໜ້າປະເທດ ອັງກິດ ປະຈຳ ສິງກະໂປ Nikesh Mehta, ຢືນຢັນວ່າ ປະເທດນີ້ຍັງມີຄວາມໄວ້ເນື້ອເຊື່ອໃຈເຂົ້າໃນການເຕີບໂຕກວ່າຂອງ CPTPP ໃນອະນາຄົດ.

        “ພວກຂ້າພະເຈົ້າເຊື່ອໝັ້ນວ່າ, ເລື່ອງເຂົ້າເປັນສະມາຊິກ CPTPP ຈະຊ່ວຍເສດຖະກິດ ອັງກິດ ເພີ່ມຂຶ້ນປະມານ 2,5 ຕື້ USD. ນີ້ແມ່ນຕົວເລກໃຫຍ່ພໍສົມຄວນ, ພຽງແຕ່ແມ່ນຈຳນວນສະມາຊິກໃນປະຈຸບັນຂອງ CPTPP. ດ້ວຍເລື່ອງ CPTPP ເປີດກວ້າງກວ່າ, ມີຫຼາຍຂົງເຂດຮ່ວມມືກວ່າ, ຂ້າພະເຈົ້າເຊື່ອໝັ້ນວ່າ ກຸ່ມນີ້ຈະມີບົດບາດຫຼາຍພໍສົມຄວນ ແລະ ມີກາລະໂອກາດຫຼາຍຢ່າງໃຫ້ແກ່ວິສາຫະກິດ ອັງກິດ”.

        ກ່ຽວກັບບັນດາປະເທດສະມາຊິກອື່ນຂອງ CPTPP, ເລື່ອງຮັບປະເທດມະຫາອຳນາດດ້ານເສດຖະກິດຂອງ ເອີລົບ ເຂົ້າເປັນສະມາຊິກຂອງກຸ່ມ ຈະຊ່ວຍເພີ່ມໂອກາດເຂົ້າເຖິງຕະຫຼາດ 70 ລ້ານຄົນ ທີ່ມີກຳລັງຊື້ຢ່າງໃຫຍ່ຫຼວງຂອງ ອັງກິດ, ພ້ອມທັງ, ຊຸກຍູ້ການດຶງດູດການລົງທຶນຈາກບັນດາວິສາຫະກິດໃຫຍ່ຂອງປະເທດນີ້.

ຂອບຂະໜາດໃໝ່ຂອງ CPTPP

        ສຳລັບນັກຊ່ຽວຊານຫຼາຍທ່ານແລ້ວ, ເລື່ອງ ອັງກິດ ເຂົ້າເປັນສະມາຊິກ CPTPP ບໍ່ພຽງແຕ່ແມ່ນເຫດການທີ່ໜ້າສົນໃຈທາງດ້ານເສດຖະກິດເທົ່ານັ້ນ, ຫາກຍັງນຳມາເຊິ່ງຄວາມໝາຍດ້ານການເມືອງສຳຄັນອີກດ້ວຍ. ຕາມທ່ານນາງ Minako Morita-Jaeger, ນັກຊ່ຽວຊານດ້ານການຄ້າສາກົນ, ຂຶ້ນກັບມະຫາວິທະຍາໄລ Sussex (ອັງກິດ) ແລ້ວ, ເລື່ອງ ອັງກິດ ເຂົ້າເປັນມາຊິກ CPTPP ໄດ້ນຳມາເຊິ່ງຜົນປະໂຫຍດຢ່າງໃຫຍ່ຫຼວງໃນຫຼາຍແງ່ມູມເສດຖະກິດ ແລະ ປະເທດ ອັງກິດ ສາມາດປະກອບສ່ວນຢ່າງຕັ້ງໜ້າໃຫ້ແກ່ CPTPP. ທຳອິດແມ່ນ, ເລື່ອງ ອັງກິດ ຈະເປັນໜຶ່ງໃນບັນດາປັດໄຈຫຼັກແຫຼ່ງຊ່ວຍໃຫ້ CPTPP ປົກປ້ອງບັນດາຄຸນຄ່າຂອງການຄ້າເສລີໂດຍອີງຕາມກົດລະບຽບ, ຊ່ວຍໃຫ້ກຸ່ມສ້າງທີ່ຕັ້ງມີຄວາມດຸ່ນດ່ຽງກວ່າກັບບັນດາຄູ່ແຂ່ງເສດຖະກິດໃຫຍ່. ຕໍ່ຈາກນັ້ນ, ເລື່ອງຮັບ ອັງກິດ ເຂົ້າເປັນສະມາຊິກ CPTPP ຈະຊ່ວຍໃຫ້ CPTPP ເປີດກວ້າງເຂດເສດຖະກິດຂອງສັນຍາໄປນອກພາກພື້ນ ອາຊີ - ຟາຊີຟິກ, ຊ່ວຍສ້າງເປັນທຳນຽມເພື່ອໃຫ້ຫຼາຍປະເທດຢູ່ພາກພື້ນອື່ນໆສາມາດເຂົ້າເປັນສະມາຊິກ CPTPP ຖ້າຫາກຕອບສະໜອງຢ່າງຄົບຖ້ວນບັນດາມາດຕະການຂອງສັນຍາ. ທ່ານນາງ Minako Morita-Jaeger, ໃຫ້ຂໍ້ສັງເກດວ່າ:

        “ພາຍໃຕ້ມູມມອງດ້ານນະໂຍບາຍການຄ້າສາກົນ, ຂ້າພະເຈົ້າຄິດວ່າ ບັນດາກົດໝາຍຂອງ CPTPP ມີຄວາມສາມາດບົ່ມຊ້ອນກາຍເປັນແບບຢ່າງໃຫ້ແກ່ບັນດາກົດໝາຍຂອງລັດທິຫຼາຍຝ່າຍ. ເລື່ອງ CPTPP ເປີດກວ້າງບັນລຸຜົນສຳເລັດ ທີ່ນຳມາເຊິ່ງກຳລັງໜູນຊຸກຍູ້ໃຫ້ແກ່ການຫັນ CPTPP ເປັນຫຼາຍຮູບຫຼາຍແບບ ແລະ ອົງການອື່ນຈຳນວນໜຶ່ງ, ຄື ອົງການການຄ້າໂລກ (WTO). ອາດເວົ້າໄດ້ວ່າ, ເລື່ອງ ອັງກິດ ເຂົ້າເປັນສະມາຊິກ CPTPP ໄດ້ນຳມາເຊິ່ງທຳນຽມທີ່ດີຕໍ່ເລື່ອງຮັບສະມາຊິກໃນອະນາຄົດຂອງກຸ່ມ”.

        ເຖິງຢ່າງໃດກໍ່ຕາມ, ບັນດາສິ່ງທ້າທາຍໃນອະນາຄົດສຳລັບ CPTPP ກໍ່ສັບສົນຫຼາຍພໍສົນຄວນ. ໂດຍແມ່ນກຸ່ມມີຫຼາຍປະເທດທີ່ມີລະດັບການພັດທະນາເສດຖະກິດ, ພື້ນຖານວັດທະນະທຳ ແລະ ລະບົບການເມືອງແຕກຕ່າງກັນ, ເລື່ອງ CPTPP ສາມາດຮັກສາບັນດາຄຸນຄ່າ ແລະ ມາດຕະຖານຂອງຕົນໃນໄລຍະຍາວໃນວິວັດການຮັບສະມາຊິກໃໝ່ ຫຼື ບໍ່ ນັ້ນກໍ່ຍັງແມ່ນສິ່ງກໍ່ການໂຕ້ຖຽງກັນ, ພິເສດເມື່ອມີບາງປະເທດ ແລະ ເຂດແຄ້ວນສົ່ງໃບຂໍເຂົ້າເປັນສະມາຊິກສັນຍານີ້. ຕາມທ່ານນາງ Wendy Cutler, ຮອງປະທານສະຖາບັນນະໂຍບາຍ Asia Society (ASPI) ຢູ່ ອາເມລິກາ ແລ້ວ, ໜຶ່ງໃນບັນດາສິ່ງທີ່ບັນດາສະມາຊິກ CPTPP ຕ້ອງສ້າງຄວາມເປັນເອກະພາບຢ່າງຈະແຈ້ງ, ນັ້ນແມ່ນ ບໍ່ລໍຖ້າເລື່ອງ ອາເມລິກາ ກັບຄືນເຂົ້າເປັນສະມາຊິກ CPTPP, ຢ່າງໜ້ອຍສຸດແມ່ນໃນອະນາຄົດອັນໃກ້ໆນີ້. ຕໍ່ຈາກນັ້ນ, ຕ້ອງປັບປຸງຫຼາຍຂໍ້ມາດຕາໃນສັນຍາໂດຍໄວ ເພື່ອໃຫ້ສອດຄ່ອງກັບສະພາບຕົວຈິງຂອງການຄ້າທົ່ວໂລກ.