(vovworld) - ອິນເຕີແນັດ ເລີ່ມປະກົດຕົວຢູ່ ຫວຽດນາມ ເມື່ອປີ 1997 ແລະ ມາຮອດປະຈຸບັນມີບາດກ້າວພັດທະນາຢ່າງແຂງແຮງ. ບັນລຸໄດ້ຜົນງານດັ່ງກ່າວ ຍ້ອນ ຫວຽດນາມ ມີນະໂຍບາຍຢ່າງຖືກຕ້ອງໃນການຄຸ້ມຄອງ ແລະ ຊຸກຍູ້ການພັດທະນາ ອິນເຕີແນັດ . ໃນລາຍການສະຖານະການການເມືອງພາກນີ້, ນັກຂ່າວ ທູຮວາ ມີບົດຂຽນທີ່ພາດຫົວເລື່ອງວ່າ: “ຄຸ້ມຄອງ ເພື່ອຊຸກຍູ້ການ ພັດທະນາອິນເຕີແນັດ ” ເນື່ອງໃນໂອກາດລະນຶກ 15 ປີ ແຫ່ງວັນ ຫວຽດນາມ ເຊື່ອມຕໍ່ລະບົບ ອິນເຕີແນັດທົ່ວໂລກຢ່າງເປັນທາງການ.
 |
ຫວຽດນາມ ເລີ່ມຕົ້ນການເຊື່ອມຕໍ່ ອິນເຕີແນັດ ເມື່ອວັນທີ 19/11/1997. 15 ປີ ຜ່ານມາ, ການພັດທະນາ ອິນເຕີແນັດ ຢູ່ ຫວຽດນາມ ໄດ້ມີການຫັນປ່ຽນຢ່າງແຂງແຮງ ຈາກວິທີແບບເກົ່າ ຫັນມານຳໃຊ້ລະບົບຄວາມໄວສູງແລະ ບັນລຸການເຕີບໂຕຢູ່ໃນລະດັບສູງຢ່າງລຽນຕິດ. ແຕ່ປີ 1997 - 2003, ຫວຽດນາມ ມີປະມານ 1,8 ລ້ານຄົນນຳໃຊ້ ອິນເຕີແນັດ. ມາຮອດປະຈຸບັນ, ຫວຽດນາມ ມີ 19 ບໍລິສັດສະຫນອງບໍລິການ ອິນເຕີແນັດ, ອັດຕາສ່ວນ ແລະ ຈຳນວນຜູ້ນຳໃຊ້ ອິນເຕີແນັດ ເພີ່ມຂຶ້ນ 10 ເທົ່າ, ປີ 2003 ມີ 3,1 ລ້ານຄົນນຳໃຊ້ ອິນເຕີແນັດ ແຕ່ຮອດເດືອນ 10/2012 ແມ່ນ 31,1 ລ້ານຄົນ. ການບໍລິການນຳໃຊ້ ອິນເຕີແນັດ 3 G ເມື່ອເດືອນ 10/2009 ເປັນຂີດໝາຍແຫ່ງການພັດທະນາຂອງ ອິນເຕີແນັດຄວາມໄວສູງ ແລະ ພາຍຫລັງ 3 ປີ ຈຳນວນຜູ້ນຳໃຊ້ການບໍລິການດັ່ງກ່າວແມ່ນເພີ່ມຂຶ້ນເຖິງ 16 ລ້ານຄົນ, ເທົ່າກັບ 18% ຈຳນວນພົນລະເມືອງ ຫວຽດນາມ. ຕາມການຕີລາຄາຂອງອົງການພັນທະພາບໂທລະຄົມສາກົນ (ITU) ແລ້ວ, ໄລ່ມາຮອດປີ 2011, ຫວຽດນາມ ຢືນອັນດັບ 4 ໃນພາກພື້ນ ອາຊີຕາເວັນອອກສຽງໃຕ້ກ່ຽວກັບອັດຕາສ່ວນຜູ້ນຳໃຊ້ ອິນເຕີແນັດຕາມຈຳນວນປະຊາກອນ. ມາຮອດປະຈຸບັນ, ຫວຽດນາມ ແມ່ນປະເທດມີການເຕີບໂຕ ດ້ານອິນເຕີແນັດ ໄວກວ່າໝູ່ໃນພາກພື້ນ ແລະ ນອນໃນຈຳນວນບັນດາປະເທດມີການເຕີບໂຕສູງສຸດຢູ່ໃນໂລກ ດ້ວຍລະດັບ ກວ່າ 12% ໃນໄລຍະ 2000 - 2010. ປະຈຸບັນ ເຄືອຂ່າຍ ອິນເຕີແນັດ ສະຫນອງການບໍລິການເຖິງ 99,85% ເຂດຕົວເມືອງ ແລະ 84,46% ຢູ່ເຂດຊົນນະບົດ. ອິນເຕີແນັດ ພັດທະນາຢ່າງແຂງແຮງຄືດັ່ງກ່າວ, ຍ້ອນ ຫວຽດນາມ ມີຄວາມເອົາໃຈໃສ່ ແລະ ສ້າງເງື່ອນໄຂສະດວກເພື່ອໃຫ້ ອິນເຕີແນັດ ພັດທະນາ. ທ່ານ ລືວຫວູຫາຍ,ຫົວຫນ້າກົມກະຈາຍສຽງ ໂທລະພາບ ແລະ ສື່ເອເລັກໂຕນິກ, ສັງກັດກະຊວງຖະແຫລງຂ່າວ ແລະ ສື່ສານ ຫວຽດນາມ ໃຫ້ຮູ້ວ່າ:
“ໃນເອກະສານນິຕິກຳທັງໝົດຂອງ ຫວຽດນາມ ລ້ວນແຕ່ຢືນຢັນວ່າ: ການສົ່ງເສີມນຳໃຊ້ ອິນເຕີແນັດ ໃນບັນດາຂົງເຂດເສດຖະກິດ, ວັດທະນະທຳ, ສັງຄົມ ເພື່ອຍົກສູງສະມັດຕະພາບການອອກແຮງງານ, ເປີດກວ້າງບັນດາການເຄື່ອນໄຫວດ້ານການຄ້າ, ຫນູນຊ່ວຍປະຕິຮູບ, ຍົກສູງຄຸນນະພາບໃຫ້ແກ່ຊີວິດການເປັນຢູ່ຂອງປະຊາຊົນ ແລະ ຮັບປະກັນການປ້ອງກັນຊາດປ້ອງກັນຄວາມສະຫງົບ ແລະອື່ນໆ. ນີ້ແມ່ນບັນດານະໂຍບາຍຄຸ້ມຄອງ ເພື່ອຊຸກຍູ້ການພັດທະນາຂອງ ອິນເຕີແນັດ ຊຶ່ງບັນດາປະເທດໃນໂລກລ້ວນແຕ່ມຸ່ງໄປເຖິງ. ແລະ ຫວຽດນາມ ຈະສືບຕໍ່ເດີນຕາມນະໂຍບາຍພັດທະນາ ອິນເຕີແນັດ ຕາມການກຳນົດທິດຄືດັ່ງກ່າວ.”
15 ປີ ຜ່ານມາ, ອິນເຕີແນັດ ໄດ້ສົ່ງຜົນກະທົບຢ່າງຮອບດ້ານເຖິງຊີວິດສັງຄົມ ແລະ ສ້າງກຳລັງຫນູນຢ່າງແຂງແຮງເພື່ອພັດທະນາເສດຖະກິດສັງຄົມຢູ່ ຫວຽດນາມ. ໃນທ່າອ່ຽງເຊື່ອມໂຍງ, ອິນເຕີແນັດ ແມ່ນຂົວເຊື່ອມຕໍ່ສຳຄັນ ລະຫວ່າງ ຫວຽດນາມ ກັບໂລກ. ເພາະສະນັ້ນ ຫວຽດນາມ ນັບມື້ນັບມີຄວາມເອົາໃຈໃສ່ເຖິງານຄຸ້ມຄອງ ອິນເຕີແນັດ ເພື່ອຮັບປະກັນການພັດທະນາ ແລະ ບົດບາດສຳຄັນຂອງ ອິນເຕີແນັດໃນຊີວິດເສດຖະກິດສັງຄົມທຸກດ້ານ. ທີ່ພິທີລະນຶກ 15 ປີ ແຫ່ງວັນຫວຽດນາມ ນຳໃຊ້ ອິນເຕີແນັດ, ທ່ານ ມາຍລຽມຈືກ, ອະດີດຮອງລັດຖະມົນຕີກະຊວງໄປສະນີໂທລະຄົມ ຫວຽດນາມ ຊຶ່ງແມ່ນຜູ້ມີບົດບາດສຳຄັນໃນການຊຸກຍູ້ການພັດທະນາຂອງ ອິນເຕີແນັດ ຢູ່ ຫວຽດນາມໃຫ້ຮູ້ວ່າ:
“ຈີນຕະນາການຄຸ້ມຄອງ ອິນເຕີແນັດ ໃນແຕ່ລະໄລຍະມີການປ່ຽນແປງ. ກ່ອນປີ 1997 ອິນເຕີແນັດ ເລີ່ມຜັນຂະຫຍາຍຢູ່ ຫວຽດນາມ ພວກເຮົາຄຸ້ມຄອງຕາມທັດສະນະ. ຫລັງຈາກນັ້ນ ພວກຂ້າພະເຈົ້າ ໄດ້ສ້າງທັດສະນະຊີ້ນຳ, ສະແດງໃຫ້ເຫັນການປ່ຽນໃຫມ່ສູງສຸດໃນຄຳສັ່ງເລກທີ 58 ຂອງກົມການເມືອງ ແມ່ນການຄຸ້ມຄອງຕ້ອງອີງຕາມຄວາມຕ້ອງການພັດທະນາ. ຕາມຂ້າພະເຈົ້າແລ້ວ, ທັດສະນາຢ່າງແຂງແຮງເພື່ອຊຸກຍູ້ການພັດທະນະຂອງ ອິນເຕີແນັດ ຢູ່ ຫວຽດນາມ.
ຫວຽດນາມ ຢືນອັນດັບ 4 ໃນພາກພື້ນ ອາຊີ
ຕາເວັນອອກສຽງໃຕ້ກ່ຽວກັບອັດຕາສ່ວນຜູ້ນຳໃຊ້
ອິນເຕີແນັດ
ພາບ: internet
|
ໃນຄວາມມານະພະຍາຍາມປ່ຽນໃຫມ່ບັນດານະໂຍບາຍຄຸ້ມຄອງຢ່າງແຂງແຮງ, ຊຸກຍູ້ ອິນເຕີແນັດ ພັດທະນາ, ປີ 2012 ນີ້, ກະຊວງຖະແຫລງຂ່າວ ແລະ ສື່ສານ ຫວຽດນາມ ໄດ້ຍື່ນສະເຫນີຕໍ່ລັດຖະບານ ດຳລັດໃຫມ່ກ່ຽວກັບການຄຸ້ມຄອງ ອິນເຕີແນັດ, ໃນນັ້ນ ຊຸກຍູ້ພັດທະນາເນື້ອໃນ, ການໝູນໃຊ້ ອິນເຕີແນັດ, ສ້າງກົນໄກຮັບປະກັນແກ່ການເຄື່ອນໄຫວຂອງບັນດາວິສາຫະກິດ,ຜູ້ນຳໃຊ້ ໄດ້ຮັບການປະຕິບັດຢູ່ໃນພາບຄວາມປອດໄພສູງສຸດ. ດຳລັດສະບັບນີ້ ໄດ້ຮັບການຮັບຮອງເອົາຈະແມ່ນສະຖານະດ້ານກົດໝາຍຢ່າງສະດວກເພື່ອໃຫ້ ອິນເຕີແນັດ ພັດທະນາ, ຕອບສະຫນອງຄວາມຮຽກຮ້ອງຕ້ອງການພັດທະນາເສດຖະກິດ, ສັງຄົມ