ພາຍຫຼັງວິວັດການເຈລະຈາແກ່ຍາວເປັນເວລາ 7 ປີ, ສັນຍາການຄ້າ ແລະ ເສດຖະກິດຮອບດ້ານສະຫະພາບເອີລົບ EU - ການາດາ (CETA) ພວມມີໄພຖືກລົ້ມລະລາຍຂະນະທີ່ EU ບໍ່ໄດ້ຮັບການເຫັນດີຈາກປະເທດສະມາຊິກແບນຊິກ. ຖ້າຫາກ CETA ບໍ່ໄດ້ຮັບການລົງນາມນັ້ນ, ນີ້ຈະແມ່ນການໃສ່ບາດຄ້ອນໃຫຍ່ຕໍ່ນະໂຍບາຍການຄ້າຂອງ EU ຊຶ່ງພວມຖືກຕົກຢູ່ໃນສະພາບສັບສົນຍ້ອນບັນຫາອັງກິດຖອນອອກຈາກ EU ແລະ ສະພາບການເຕີບໂຕຖືກຢຸດສະງັກ. ເພາະສະນັ້ນ, ໃນຈຸດເວລານີ້, ທຸກໆຄວາມມານະພະຍາຍາມທາງການທູດພວມຖືກສຸມກຳລັງປະຕິບັດດ້ວຍຄວາມຫວັງຊອກຫາທິດທາງກອບກູ້ເອົາສັນຍານີ້.
ທ່ານນາຍົກລັດຖະມົນຕີການາດາ Justin Trudeau (VietnamPlus). |
ຕາມແຜນການແລ້ວ, CETA ຈະໄດ້ຮັບການລົງນາມໃນຂອບເຂດການເດີນທາງຢ້ຽມຢາມແບນຊິກຂອງທ່ານນາຍົກລັດຖະມົນຕີການາດາ Trudeau ເມື່ອວັນທມີ 27/10 ນີ້. ແຕ່ໃນອາທິດແລ້ວນີ້, ອົງການນິຕິບັນຍັດເຂດ Wallonie ຂອງແບນຊິກໄດ້ປ່ອນບັດປະຕິເສດການລົງນາມ CETAຍ້ອນບັນດາຄວາມວິຕົກກັງວົນທີ່ກ່ຽວຂ້ອງເຖິງບັນດາມາດຕະຖານກ່ຽວກັບການບໍລິໂພກ, ອຸປະໂພກ ແລະ ການປົກປ້ອງສິ່ງແວດລ້ອມຢູ່ເອີລົບຈະຖືກຕົກຕ່ຳ, ພ້ອມກັນນັ້ນ, ແມ່ນຕະຫຼາດແຮງງານຖືກນາບຂູ່. ສິ່ງນີ້ກໍມີຄວາມໝາຍເຊັ່ນດຽວກັນກັບເລື່ອງລັດຖະບານແບນຊິກບໍ່ອາດຮັບຮອງເອົາຂໍ້ຕົກລົງ CETA ຍ້ອນຕາມກົດລະບຽບ, ລັດຖະບານແບນຊິກພຽງແຕ່ຮັບຮອງເອົາ CETA ຂະນະທີ່ໄດ້ຮັບຄວາມເຫັນດີຈາກທຸກໆອົງການນິຕິບັນຍັດຂັ້ນສະຫະພັນ, ເຂດ ແລະ ປະຊາຄົມພາສາສາດຢູ່ປະເທດນີ້. ເພື່ອມີຜົນບັງຄັບໃຊ້,ຂໍ້ຕົກລົງສະບັບນີ້, ຕ້ອງໄດ້ຮັບການໃຫ້ສັດຕະຍາບັນຂອງທັງໝົດ 28 ລັດຖະສະພາບັນດາປະເທດພາຄີ ແລະ 10 ລັດຖະສະພາເຂດ. ພຽງແຕ່ລັດຖະສະພາໜຶ່ງດຽວບໍ່ເຫັນດີເທ່ົານັ້ນ, CETA ຈະບໍ່ໄດ້ປະຕິບັດ. ການຜັນແປນີ້ ໄດ້ພາໃຫ້ເອກະສານສະບັບນີ້ ຕົກເຂົ້າສູ່ສະພາບລົ້ມລະລາຍພາຍຫຼັງທີ່ການເຈລະຈາແກ່ຍາວເປັນເວລາ 7 ປີ.
ເປັນຫຍັງ CETA ຖືກຄັດຄ້ານ
ເປັນຫຍັງຂໍ້ຕົກລົງເສດຖະກິດສະບັບໜຶ່ງຖືກຄາດຄະເນວ່າຈະຊ່ວຍຍົກວົງເງິນການຄ້າ 2 ສົ້ນເພີ່ມຂຶ້ນຕື່ມອີກ 20% ແລະ ສ້າງວຽກເຮັດງານທຳໃໝ່ໃຫ້ແກ່ 8 ໝື່ນຄົນ ພັດປະສັບກັບຄວາມຫຍຸ້ງຍາກເຊັ່ນນັ້ນ. ແລະ ເບິ່ງຄືວ່າ ສິ່ງນີ້ ອາດຈະສ້າງປະຖົມປັດໄຈທີ່ບໍ່ດີ ຊຶ່ງຂັດຂວາງ EU ເຊັນບັນດາສັນຍາການຄ້າລາຍໃຫຍ່ອື່ນໆ.
ຖ້າຫາກ CETA ບໍ່ໄດ້ຮັບການຮັບຮອງເອົາ, ຄວາມເສຍຫາຍທຳອິດ ກໍແມ່ນເສດຖະກິດ. ເພາະຕາມການປະເມີນຂອງໜັງສືພິມ ວົນຈິດລາຍວັນແລ້ວ, CETA ອາດຈະຊຸກຍູ້ປະລິມານການຜະລິດເສດຖະກິດຂອງ EU ຂຶ້ນເຖິງ 5,8 ຕື້ເອີໂຣໃນແຕ່ລະປີ. ເປັນໜ້າວິຕົກກັງວົນກ ຂຶ້ນເຖິງ 5,8 ຕື້ເອີໂຣໃນແຕ່ລະປີ. ເປັນໜ້າວິຕົກກັງວົນກວ່ານັ້ນ, ຖ້າຫາກ CETA ປະລາໄຊ, ຈະວາງອອກບັນດາຄຳຖາມໃຫຍ່ກ່ຽວກັບອະນາຄົດຂອງບັນດານະໂຍບາຍການຄ້າຂອງ EU, ໃນນັ້ນ ມີທັງຊາຕະກຳຂອງສັນຍາການຄ້າເສລີຂ້າມປາຊີຝິກ (TTIP) ລະຫວ່າງອາເມລິກາ ແລະ EU. ປະທານສະພາເອີລົບ Donald Tusk ໄດ້ກ່າວເຕືອນວ່າ EUອາດຈະບໍ່ມີຍາມໃດທີ່ອາດຈະລົງນາມຂໍ້ຕົກລົງການຄ້າເສລີໃດໆອີກ ຖ້າຫາກ CETA ບໍ່ໄດ້ຮັບການຮັບຮອງເອົາ ແລະ CETA ອາດຈະແມ່ນຂໍ້ຕົກລົງການຄ້າສະບັບສຸດທ້າຍຂອງກຸ່ມນີ້.
ເປັນອັນວ່າ CETA ຖືກຄັດຄ້ານຍ້ອນຫຼາຍປະເທດມີຄວາມເປັນຫ່ວງກັງວົນຕໍ່ການຮັບຮອງເອົາ CETA ຈະຖືກຫຼຸດຜ່ອນບັນດາມາຕະຖານທາງດ້ານສິ່ງແວດລ້ອມ ແລະ ກົດໝາຍແຮງງານ. ສະເພາະເຂດ Wallonie, ອຳນາດການປົກຄອງຢູ່ທີ່ນີ້ມີຄວາມວິຕົກກັງວົນຕໍ່ການຮັບຮອງເອົາ CETA ຈະລົບລ້າງ 99% ອັດຕາພາສີລະຫວ່າງການາດາ ແລະ EU, ອັນໄດ້ເຮັດໃຫ້ເຂົາເຈົ້າບໍ່ສາມາດແກ່ງແຍ້ງກັບສິນຄ້າລາຄາຕ່ຳຈາກການາດາ. ໃນ 1 ປີທີ່ຜ່ານມາ, ການຄັດຄ້ານບັນດາຂໍ້ຕົກລົງການຄ້າເສລີໄດ້ເພີ່ມຂຶ້ນຢູ່ເອີລົບເພາະຖືວ່າ ບັນດາຂໍ້ຕົກລົງໄດ້ມອບສິດຫຼາຍເກີນໄປໃຫ້ແກ່ບັນດາກຸ່ມບໍລິສັດນາໆຊາດ ຊຶ່ງຝ່າຍຖືກເສຍປຽບແມ່ນຜູ້ໃຊ້ສອຍ, ຜູ້ອອກແຮງງານ. ໃນຂະນັ້ນ, ຕາມບັນດາເຈົ້າໜ້າທີ່ EU, ບັນດາຂໍ້ຕົກລົງການຄ້າເສລີແມ່ນໂອກາດທີ່ດີເພື່ອໃຫ້ເອີລົບສ້າງໂລກາພິວັດເປັນຮູບປະທຳເພື່ອຮັບໃຊ້ຜົນປະໂຫຍດຂອງປະຊາຊົນ.
ຄວາມມານະພະຍາຍາມກອບກູ້ເອົາ CETA
ຕໍ່ໜ້າໄພອັນຕະລາຍ CETA ຖືກລົ້ມລະລາຍ, ບັນດາການເຄື່ອນໄຫວທາງການທູດພວມຖືກດຳເນີນດ້ວຍຄວາມຫວັງຊອກຫາທິດທາງກອບກູ້ເອົາສັນຍາສະບັບນີ້. ວັນທີ 24/10, ປະທານສະພາເອີລົບ Donald Tusk ໄດ້ປຶກສາຫາລືກັບນາຍົກລັດຖະມົນຕີແບນຊິກ Michel , ພອ້ມທັງພົບປະກັບຜູ້ວ່າການເຂດ Wallonie ຂອງແບນຊິກ ແນໃສ່ແກ້ໄຂສະພາບບໍ່ມີທາງອອກ. EU ໄດ້ວາງກຳນົດເວລາສຸດທ້າຍໃຫ້ແບນຊິກເພື່ອຕົກລົງຈະເຊັນຂໍ້ຕົກລົງກັບການາດາພາຍຫຼັງເຈລະຈາເປັນເວລາ 7 ປີຫຼືບໍ່? . ທ່ານລັດຖະມົນຕີການຄ້າການາດາ ຖືວ່າ ທຸກໆໂອກາດພວມຂຶ້ນກັບ EU , ພ້ອມສະແດງຄວາມປາດຖະໜາ ຈະຊອກຫາໄດ້ວິທີແກ້ໄຂໃຫ້ແກ່ບັນຫານີ້.
ປະຈຸບັນ, ບັນດາການພົບປະພວມຖືກດຳເນີນຢ່າງຮີບເຮັ່ງດ້ວຍຄວາມມານະພະຍາຍາມເພື່ອຜ່ານຜ່າສິ່ງກີດຂວາງ ເພາະບັນດາຝ່າຍກໍລ້ວນແຕ່ບໍ່ຢາກສິ້ນເປືອງເວລາ 7 ປີແຫ່ງການດຳເນີນການເຈລະຈາ. ຜົນໄດ້ ແລະ ຜົນເສຍຕ່າງກໍໃຫຍ່ຫຼວງ ແລະ ນີ້ບໍ່ພຽງແຕ່ແມ່ນຂອບເຂດທຳມາຄ້າຂາຍເທົ່ານັ້ນ, ຫາກຍັງແມ່ນການພົວພັນທາງການທູດລະຫວ່າງບັນດາປະເທດທີ່ກ່ຽວຂ້ອງອີກດ້ວຍ.