(vovworld) - ສະພາບການຢູ່ແຫຼມເກົາຫຼີນັບມື້ນັບຮ້ອນເຮ່ັງ, ເມື່ອຫວ່າງແລ້ວນີ້, ສປປເກົາຫຼີສືບຕໍ່ຍິງລູດສອນໄຟນຳວິຖີຈາກກຳ່ປັ່ນດຳນ້ຳ ແລະ ຕົກລົງເຂດປ້ອງກັນອາກາດຂອງຍີ່ປຸ່ນຢູ່ທະເລຍີ່ປຸ່ນສຳເລັດຜົນ. ນີ້ແມ່ນການ ຍິງລູດສອນໄຟຄັ້ງທີ 3, ນັບແຕ່ຕ້ົນປີນີ້ເພື່ອແນໃສ່ໂຕ້ຕອບບັນດາການກະທຳລະຫວ່າງ ອາເມລິກາ ແລະ ບັນດາພັນທະມິດໃນພາກພື້ນ, ເຊິ່ງພຽງຢາງຖືວ່າແມ່ນການກະທຳ “ເກາະຜິດ“, ນາບຂູ່ເຖິງຄວາມສະຫງົບປອດໄພຂອງປະເທດນີ້.
(ພາບປະກອບ: EPA/TTXVN)
ວັນທີ 24/8, ສປປເກົາຫຼີໄດ້ ຍິງລູກສອນໄຟນຳວິຖີຍຸດທະສາດທົດລອງຈາກກຳ່ປັ່ນດຳນຳ້. ການຍິງລູກສອນໄຟຄັ້ງນີ້ໄດ້ສຳເລັດຜົນ,ຍ້ອນລູກສອນໄຟໄດ້ບິນໄກປະມານ 500 ກມ. ລູກສອນໄຟບິນຕາມທິດຕາເວັນອອກສ່ຽງເໜືອ ແລະ ເປັນຄັ້ງທຳອິດໄດ້ຕົກລົງເຂດປ້ອງກັນອາກາດຂອງຍີ່ປຸ່ນປະມານ 80 ກມ. ນີ້ແມ່ນການ ຍິງລູດສອນໄຟນຳວິຖີຍຸດທະສາດຄັ້ງທີ 3 ນັບແຕ່ຕົ້ນປີມານີ້. ການຍິງລູກສອນໄຟຄັ້ງທຳອິດແມ່ນໃນວັນທີ 23/4 ຖືກປະລາໄຊ. ການຍິງລູກສອນໄຟຄັ້ງທີ 2 ແມ່ນໃນວັນທີ 9/7, ພຽງແຕ່ສຳເລັດໃນໄລຍະຍິງເບື້ອງຕົ້ນຈາກກຳ່ປັ່ນດຳນ້ຳເທົ່ານັ້ນ, ແຕ່ພັດຖືກລະເບີດໃນລະດັບສູງ 10 ກມ, ພາຍຫຼັງບິນໄດ້ສອງ, ສາມ ກມ ເທົ່ານັ້ນ.
ຕາມການຕີລາຄາຂອງບັນດານັກຊ່ຽວຊານແລ້ວ, ດ້ວຍການຍິງລູກສອນໄຟຄັ້ງນີ້, ສປປເກົາຫຼີ ໄດ້ສະແດງໃຫ້ເຫັນວ່າເຂົາເຈົ້າໃກ້ຈະບັນລຸໄດ້ເຕັກໂນໂລຢີ ຍິງລູກສອນໄຟ ແລະ ສາມາດຜັນຂະຫຍາຍ ການຍິງລູກສອນໄຟນຳວິຖີຍຸດທະສາດໃນປີ 2017 ໄດ້.
ບັນດາຄຳກ່າວເຕືອນ ແລະ ການກະທຳໂຕ້ຕອບຢ່າງຂັນແຂງ
ສປປເກົາຫຼີ ຍິງທົດລອງລູກສອນໄຟຍຸດທະສາດ, ກົງກັບເວລາດຳເນີນກອງປະຊຸມຂັ້ນລັດຖະມົນຕີການຕ່າງປະເທດລະຫວ່າງຍີ່ປຸ່ນ-ຈີນ-ສເກົາຫຼີ ໃນຕອນເຊົ້າວັນທີ 24/8. ນີ້ແມ່ນກອງປະຊຸມສາມຝ່າຍຄັ້ງທຳອິດຂອງລັດຖະມົນຕີການຕ່າງປະເທດຂອງສາມປະເທດດັ່ງກ່າວນັບແຕ່ເດືອນ 3/2015, ໃນນັ້ນມີເນື້ອໃນປະຕິບັດບັນດາປະຕິກິລິຍາສຳລັບບັນດາການກະທຳພັດທະນາລູກສອນໄຟນຳວິຖີຂອງ ສປປເກົາຫຼີ. ກ່ອນໜ້ານັ້ນ, ວັນທີ 22/8, ສປປເກົາຫຼີໄດ້ມີປະຕິກິລິຍາຢ່າງແຮງ, ພາຍຫຼັງ ສເກົາຫຼີ ແລະ ອາເມລິກາຈັດຕັ້ງການຊ້ອມຮົບ “ຜູ້ຮັກາຄວາມເສລີ Ulchi“ ປຸກລະດົມພົນທະຫານປະມານ 75.000 ຄົນເຂົ້າຮ່ວມ.
ປະຕິກິລິຍາຂອງພຽງຢາງ ໄດ້ຮັບຖືວ່າແມ່ນແຮງທີ່ສຸດນັບແຕ່ກ່ອນມາຮອດປະຈຸບັນ, ເພາະວ່າໂດຍຕ່າງກັບການຊ້ອມຮົບຄັ້ງກ່ອນໆ, ຂອບຂະໜາດຂອງການຊ້ອມຮົບຄັ້ງນີ້ໄດ້ຮັບການເປີດກວ້າງກວ່ານັ້ນຫຼາຍ, ເມື່ອເປັນຄັ້ງທຳອິດໃນ 10 ປີຜ່ານມາ, ອາເມລິກາໄດ້ປຸກລະດົມຈຸບິນຖີ້ມລະເບີດຍຸດທະສາດ B-1B Lancer, ພ້ອມກັບທະຫານປ້ອງກັນອາກາດປະມານ 300 ຄົນມາເພື່ອບຸລະນະຮັກສາເຮືອບິນ. ຄຽງຄູ່ກັນນັ້ນ, ອາເມລິກາຍັງຜັນຂະຫຍາຍລະບົບປ້ອງກັນລູກສອນໄຟໃນເຂດດິນຕໍ່ແຜ່ນ THAAD ເຖິງເມືອງ ເກາະ SeongJu ຂອງ ສເກົາຫຼີ. ເພື່ອໂຕ້ຕອບການການທຳນີ້ ພຽງຢາງໄດ້ຍົກອອກຖະແຫຼງການທີ່ແຂງກະດ້າງ, ໂດຍໃຫ້ຮູ້ວ່າ, ປະເທດນີ້ພ້ອມແລ້ວທີ່ຈະບຸກໂຈມຕີດ້ວຍອາວຸດນິວຄະເລຍທີ່ເລັ່ງໃສ່ບັນດາກຳລັງປະກອບອາວຸດຂອງ ສເກົາຫຼີ ແລະ ອາເມລິກາ. ຊ້ຳບໍໜຳ, ການນຳ ສປປເກົາຫຼີ Kim Chang Un ຍັງຮຽກຮ້ອງຊາວໜຸ່ມປະເທດນີ້ກາຍເປັນ “ກອງພົນໃຫຍ່ກຽມພ້ອມເສຍສະຫຼະຊີວິດເພື່ອຕໍ່ສູ້ປົກປັກຮັກສາປະເທດຊາດ“. ໃນຂະນະນັ້ນ, ເພື່ອຮັບມືກັບບັນດາການກະທຳຂອງພຽງຢາງ, ເຊີອູນ ກໍ່ຮີບເຮັ່ງວາງແຜນການປ້ອງກັນ. ວັນທີ 29/8, ທ່ານນາງປະທານາທິບໍດີ ສເກົາຫຼີ Pak Kye He ໄດ້ອອກຄຳສັ່ງໃຫ້ກອງທັບປະເທດນີ້ຮັບສາສະຖານະການກຽມພ້ອມສູ້ຮົບໃນລະດັບສູງສຸດ, ພ້ອມທັງປະຊຸມຄະນະລັດຖະບານເພື່ອວາງມາດຕະການຮັບມືກັບກຳລັງອາວຸດນິວຄະເລຍ ແລະ ລູກສອນໄຟທີ່ພວມເພີ່ມຂຶ້ນຂອງ ສປປເກົາຫຼີ. ບັນດາສະມາຊິກລັດຖະສະພາ ສເກົາຫຼີກໍ່ໄດ້ອອກຖະແຫຼງການຮຽກຮ້ອງລັດຖະບານພິຈາລະນາກ່ຽວກັບຄວາມສາມາດຕໍ່ກຳ່ປັ່ນແລ່ນດ້ວຍພະລັງງານນິວຄະເລຍ ເພື່ອຮັບມືກັບບັນດາການກະທຳເກາະຜິດທີ່ພວມເພີ່ມຂຶ້ນຈາກຝ່າຍ ສປປເກົາຫຼີ.
ການນຳ ສປປເກົາຫຼີ Kim Chang Un
ກວດກາເຫດຍິງທົດລອງລູກສອນໄຟຈາກກ່ຳປ່ັນດຳນ້ຳ
(ພາບ: Reuters/TTXVN)
ແຫລມເກົາຫລີກ້າວເຂົ້າສູ່ໄລຍະອັນຕະລາຍໃຫມ່
ຕາມທັດສະນະຂອງຜູ້ຊ່ຽວຊານຫລາຍທ່ານແລ້ວ, ສະພາບການໃນແຫລມເກົາຫລີ ພວມມີການຜັນແປ່ໃຫມ່ທີ່ເປັນຫນ້າວິຕົກກັງວົນ. ສາຍເຫດຂອງການເພີ່ມຄວາມເຄັ່ງຕຶງແມ່ນເລີ່ມຈາກບັນດານະໂຍບາຍເພີ່ມທະວີການປະເຊີນຫນ້າຂອງອາເມລິກາ ແລະ ພັນທະມິດຢູ່ພາກພື້ນ ແລະ ເລື່ອງເມີນເສີຍຕໍ່ບັນດາຄຳກ່າວເຕືອນ ແລະ ຄຳສັ່ງລົງໂທດຂອງສະພາຄວາມໝັ້ນຄົງ ສປຊ ຈາກ ຝ່າຍສປປ ເກົາຫລີ. ສິ່ງເປັນຫນ້າວິຕົກກັງວົນກວ່າ, ຕາມບັນດາຜູ້ຊ່ຽວຊານແລ້ວ, ປະຈຸບັນ ພຽງຢາງ ອາດຈະຕ້ານຄືນທຸກການຮຸກຮານຂອງບັນດາກຳລັງທີ່ເປັນປໍລະປັກ. ເລື່ອງຍິງລູກສອນໄຟນຳວິຖີໄລຍະສັ້ນຈາກກຳປັ່ນດຳນ້ຳທຳມະດາເມື່ອວັນທີ 24/8 ສຳເລັດຜົນ ໄດ້ສ້າງເງື່ອນໄຂເພື່ອໃຫ້ ສປປ ເກົາຫລີ ມີຄວາມສາມາດຢ່າງພຽງພໍເພື່ອປະກອບລູກສອນໄຟໃຫ້ແກ່ກອງກຳປັ່ນດຳນ້ຳໃນອະນາຄົດ ແລະ ພັດທະນາບັນດາກຳປັ່ນດຳນ້ຳປະເພດໃຫມ່ທີ່ທັນສະໄຫມກວ່າ. ດ້ວຍການຍິງລູກສອນໄຟນຳວິຖີຈາກກຳປັ່ນດຳນ້ຳສຳເລັດຜົນ, ພຽງຢາງ ພວມສະແດງໃຫ້ເຫັນວ່າ ເຂົາເຈົ້າມີຄວາມສາມາດໃນການປ້ອງກັນຕົວ. ນີ້ກໍແມ່ນພະຍານຫລັກຖານສະແດງໃຫ້ເຫັນວ່າ ສປປ ເກົາຫລີ ຟື້ນຟູການເຄື່ອນໄຫວຜະລິດ plutonium ລະດັບອາວຸດຢູ່ເຕົາທົດລອງນິວເຄຼຍ Yongbyon, ເຄີຍຖືກຢຸດຕິການເຄື່ອນໄຫວຕາມບັນດາຂໍ້ຕົກລົງທີ່ບັນລຸໄດ້ໃນການເຈລະຈາ 6 ຝ່າຍກ່ອນນີ້ສອງສາມປີ.
ເປັນທີ່ຈະແຈ້ງແລ້ວວ່າ, ກຳລັງລູກສອນໄຟ ແລະ ອາວຸດນິວເຄຼຍແທ້ຈິງ ຂອງ ສປປ ໄດ້ຮັບການສ້າງຂຶ້ນ ແລະ ເລື່ອງສະກັດກັ້ນປະເທດນີ້ກຳມະສິດອາວຸດຫລາຍປະເພດດ້ວຍບັນດາມາດຕະການແຂງກະດ້າງຍັງບໍ່ທັນມີຜົນສັກສິດ ຕົວຈິງ. ພາຍຫລັງມີຄຳສັ່ງລົງໂທດ ແລະ ປະຕິກິລິຍາຢ່າງແຮງຈາກປະຊາຄົມສາກົນ, ສະພາບການໃນແຫລມເກົາຫລີຍັງບໍ່ທັນໄດ້ຮັບການປັບປຸງເທື່ອ. ສະນັ້ນ ປະຊາຄົມສາກົນຄວນມຸ້ງໄປເຖິງ ບັນດາມາດຕະການສັນຕິ, ບັນດາການກະທຳປອດການທະຫານ ເພື່ອຫລຸດຜ່ອນຄວາມເຄັ່ງຕຶງຢູ່ພາກພື້ນນີ້ ເພາະວ່າ ຖ້າຫາກບັນດາຝ່າຍບໍ່ອົດກັ້ນ ຈະພາໄປເຖິງຜົນຮ້າຍຍາກຍາກທີ່ຈະຄາດຄະເນໄດ້.