(vovworld)- ການພົວພັນລະຫວ່າງ ສປປ ເກົາຫລີ ແລະ ສເກົາຫລີ ຕົກເຂົ້າສູ່ສະພາບເຄັ່ງຕຶງຂຶ້ນຕື່ມ ພາຍຫລັງ ສເກົາຫລີ ກ່າວເຕືອນ ຈະເຊື່ອມຕໍ່ການເຄື່ອນໄຫວໂຄສະນາຢູ່ເຂດຊາຍແດນ ຕ້ານ ສປປ ເກົາຫລີ ແນໃສ່ ໂຕ້ຕອບເລື່ອງ ພົນທະຫານ ສເກົາຫລີ 2 ຄົນຖືກບາດເຈັບສາຫັດໃນເຫດວາງລະເບີດໝາກມິນ ໂດຍ ສປປ ເກົາຫລີ ດຳເນີນຢູ່ເຂດປອດການທະຫານ (DMZ) ໃນອາທິດກ່ອນ.
ການຜັນແປຫລ້າສຸດໃນວັນທີ 10/8, ທ່ານ Jeong Joon hee,ໂຄສົກກະຊວງທ້ອນໂຮມຊາດຂອງ ສເກົາຫລີ ໃຫ້ຮູ້ວ່າ: ສປປ ເກົາຫລີ ປະຕິເສດຂໍ້ສະເຫນີຂອງ ສເກົາຫລີ ກ່ຽວກັບການຈັດຕັ້ງການເຈລະຈາລະຫວ່າງ ສປປ ເກົາຫລີ ແລະ ສເກົາຫລີ, ກົນໄກເຈລະຈາຂັ້ນສູງລະຫວ່າງ ສປປ ເກົາຫລີ ແລະ ສເກົາຫລີ.
ຄວາມເຄັ່ງຕຶງສືບຕໍ່ເພີ່ມຂຶ້ນ
ພົນທະຫານ ສເກົາຫລີ 2 ຄົນຖືກບາດເຈັບສາຫັດໃນເຫດລະເບີດໝາກມິນເມືື່ອຕອນເຊົ້າວັນທີ 4/8 ຢູ່ທາງທິດໃຕ້ຂອງເຂດປອດການທະຫານ ຂຶ້ນກັບແຂວງ Gyeonggi ຂອງ ສເກົາຫລິ ເມື່ອເຂົາເຈົ້າພວມປະຕິບັດຫນ້າທີ່ລາດຕາເວັນເປັນປະຈຳຢູ່ເຂດນີ້. ທີ່ການປະຊຸມຂ່າວໃນວັນທີ 10/8, ພົນຈັດຕະວາ Koo Hong Mo ຂຶ້ນກັບສະພາ ຫົວຫນ້າເສນາທິການທະຫານປະສົມ ສເກົາຫລີ ໃຫ້ຮູ້ວ່າ: ຕາມໝາກຜົນແຫ່ງການສືບສວນຢູ່ບ່ອນເກີດເຫດ, ບັນດາພົນທະຫານ ສປປ ເກົາຫລີ ໄດ້ຂ້າມ ເສັ້ນຊາຍແດນການທະຫານເພື່ອວາງໝາກມິນມໍ່ກັບທີ່ຕັ້ງລາດຕາເວນຂອງພົນທະຫານ ສເກົາຫລີ ຢູ່ DMZ. ພົນຈັດຕະວາ Koo Hong Mo ເນັ້ນຫນັກວ່າ: ການກະທຳນີ້ຂອງ ສປປ ເກົາຫລີ ແມ່ນລະເມີດສັນຍາຢຸດຮົບ ແລະ ຂໍ້ຕົກລົງບໍ່ບຸກໂຈມຕີເຊິ່ງກັນ ແລະກັນ ລະຫວ່າງ ສປປ ເກົາຫລີ ແລະ ສເກົາຫລີ ພ້ອມທັງ ຮຽກຮ້ອງ ສປປ ເກົາຫລີ ຕ້ອງມີຄຳຂໍໂທດ ແລະ ລົງໂທດບັນດາຜູ້ທີ່ມີຄວາມຮັບຜິດຊອບຕໍ່ເຫດລະເບີດໝາກມິນ. ສ່ວນຝ່າຍ ສປປ ເກົາຫລີ ບໍ່ທັນມີຄຳວິຈານໃດກ່ຽວກັບກໍລະນີດັ່ງກ່າວ.
ຜົນສະທ້ອນຈາກສອງຝ່າຍ
ແລະກໍໃນວັນ 10/8, ໂຄສົກກະຊວງປ້ອງກັນປະເທດ ສເກົາຫລີ Kim Min Seok ຖະແຫລງເປັນຄັ້ງທຳອິດໃນ 11 ປີ ວ່າ, ເຊີອູນ ຕົກລົງເຊື່ອມຕໍ່ບັ້ນໂຄສະນາດ້ວຍໂທລະໂຄ່ງຢູ່ລຽບຕາມຊາຍແດນຕິດກັບ ສປປ ເກົາຫລີ. ທ່ານ Kim ເນັ້ນຫນັກວ່າ: ລາຍການໂຄສະນາຜ່ານໂທລະໂຄ່ງ ໃນມື້ນີ້ ໄດ້ເນັ້ນຫນັກວ່າ ເຫດລະເບີດຊື່ງເຮັດໃຫ້ ພົນທະຫານ ສເກົາຫລີ 2 ຄົນຖືກບາດເຈັບ ນັ້ນແມ່ນເຫດການເກາະຜິດຂອງ ພຽງຢາງ.
ເມື່ອປີ 2004, ສເກົາຫລີ ແລະ ສປປ ເກົາຫລີ ໄດ້ເຫັນດີຢຸດຕິສົງຄາມໂຄສະນາຢູ່ລຽບຕາມຊາຍແດນ. ຮອດປີ 2010, ເຊີອູນ ໄດ້ເຊື່ອມຕໍ່ບັ້ນໂຄສະນາດ້ວຍໂທລະໂຄ່ງ ແລະ ຫວ່ານໃບປິວລຽບຕາມຊາຍແດນເພື່ອໂຕ້ຕອບ ສປປ ເກົາຫລີ ພາຍຫລັງເຮືອຮົບ Cheonan ຂອງປະເທດນີ້ ຖືກຈົ່ມນ້ຳ ຊື່ງ ຝ່າຍ ສເກົາຫລີ ຖືວ່າ ຍ້ອນລູດຈະຫລວດນ້ຳຂອງພຽງຢາງ ກໍ່ຂຶ້ນ. ເຖິງຢ່າງໃດກໍຕາມ, ຫລັງຈາກນັ້ນ ບັ້ນຮົບນີ້ຖືກຍົກເລີກ ຍ້ອນ ສປປ ເກົາຫລີ ຖະແຫລງວ່າ ຖ້າຫາກ ສເກົາຫລີ ເຊື່ອມຕໍ່ລະບົບໂທລະໂຄ່ງ, ກອງທັບ ສປປ ເກົາຫລີ ຈະຍິງທຳລາຍ. ປະຈຸບັນ ບໍ່ທັນຮູ້ຈະແຈ້ງວ່າ ບັ້ນຮົບໂຄສະນາດ້ວຍໂທລະໂຄ່ງລຽບຕາມຊາຍແດນຄັ້ງນີ້ ຈະແກ່ຍາວເທົ່າໃດມື້ ແຕ່ເປັນທີ່ຈະແຈ້ງແລ້ວວ່າ ມັນເຮັດໃຫ້ການພົວພັນທີ່ເຄີຍເຄັ່ງຕຶງລະຫວ່າງ ສປປ ເກົາຫລີ ແລະ ສເກົາຫລີ ຊົ່ວຮ້າຍລົງ.
ທ້າຍອາທິດກ່ອນ ສປປ ເກົາຫລີ ຖະແຫລງວ່າ ຈະດັດປັບເວລາມາດຖານຊ້າກວ່າ 30 ນາທີເມື່ອທຽບໃສ່ເວລາມາດຖານ ຊື່ງ ສປປ ເກົາຫລີ ແລະ ສເກົາຫລີ ພວມນຳໃຊ້ ເລີ່ມແຕ່ວັນທີ 15/8 ຈະມາເຖິງ ເນື່ອງໃນໂອກາດ ສະຫລີມສະຫລອງ 70 ປີ ແຫ່ງວັນ ແຫລມເກົາຫລີ ໄດ້ຮັບການປົດປ່ອຍ, ຊື່ງແມ່ນວັນບຸນໃຫຍ່ຂອງ ສເກົາຫລີ ແລະ ສປປ ເກົາຫລີ. ປະຕິກິລິຍາຕໍ່ການກະທຳນີ້, ທ່ານນາງປະທານາທິບໍດີ ສເກົາຫລີ Park Geun Hye ກ່າວເຕືອນວ່າ ຂໍ້ຕົກລົງ ດັດປັບເວລາຕາມລຳພຽງຝ່າຍດຽວ ຂອງ ສປປ ເກົາຫລີ ອາດຈະເຮັດໃຫ້ບັນດາຄວາມບໍ່ລົງລອຍກັນລະຫວ່າ ສປປ ເກົາຫລີ ແລະ ສເກົາຫລີ ເພີ່ມຂຶ້ນ, ກົງກັນຂ້າມ ຄວາມມານະພະຍາຍາມມຸ່ງໄປເຖິງການຮ່ວມມືລະຫວ່າງ ສປປ ເກົາຫລີ ແລະ ສເກົາຫລີ ແລະ ພາລະກິດທ້ອນໂຮມ ສປປ ເກົາຫລີ ແລະ ສເກົາຫລີ ເປັນເອກະພາບ.
ການເຈລະຈາລະຫວ່າງ ສປປ ເກົາຫລີ ແລະ ສເກົາຫລີ ອາດຈະຫຍຸ້ງຍາກຂຶ້ນຕື່ມ
ມາຮອດປະຈຸບັນ, ສປປ ເກົາຫລີ ບໍ່ທັນມີສັນຍານເພື່ອດຳເນີນ ຈັດຕັ້ງການເຈລະຈາລະຫວ່າງ ສປປ ເກົາຫລີ ແລະ ສເກົາຫລີ. ກ່ອນຫນ້ານັ້ນ ວັນທີ 5/8, ສເກົາຫລີ ໄດ້ສົ່ງຈົດໝາຍໃນນາມ ລັດຖະມົນຕີວ່າການກະຊວງທ້ອນໂຮມຊາດ ຂອງ ສເກົາຫລີ ເຖິງຄະນະແນວໂຮມເອກະພາບຂອງ ສປປ ເກົາຫລີ ສະເຫນີ ຈັດຕັ້ງການເຈລະຈາຂັ້ນສູງ ລະຫວ່າງເຈົ້າຫນ້າທີ່ຂອງ ສປປ ເກົາຫລີ ແລະ ສເກົາຫລີ ເພື່ອປຶກສາຫາລືບັນດາບັນຫາທີ່ຕ່າງຝ່າຍຕ່າງມີຄວາມສົນໃຈຢ່າງຮອບດ້ານ. ເຖິງຢ່າງໃດກໍຕາມ, ຝ່າຍ ສປປ ເກົາຫລີ ບໍ່ທັນໄດ້ຮັບຈົດໝາຍສະບັບດັ່ງກ່າວ ດ້ວຍສາຍເຫດບໍ່ທັນໄດ້ຮັບຄຳສັ່ງຈາກຄະນະການນຳ.
ກ່ອນນີ້ ລັດຖະບານ ສເກົາຫລີ ໄດ້ສະແດງຄວາມປາດຖະຫນາວ່າ ສາຍພົວພັນລະຫວ່າງ ສປປ ເກົາຫລີ ແລະ ສເກົາຫລີ ຈະໄດ້ຮັບການປັບປຸງໃນອະນຄົດໃກ້ໆນີ້ ພ້ອມທັງຖະແຫລງຈະຕັ້ງຫນ້າຫນູນຊ່ວຍບັນດາການພົວພັນແລກປ່ຽນລະຫວ່າງ ສປປ ເກົາຫລີ ແລະ ສເກົາຫລີ ໃນບັນດາຂົງເຂດຄື: ວັດທະນະທຳ, ກິລາ. ອາທິດກ່ອນ, ທ່ານນາງ Lee Hee ho ພັນລະຍາຂອງອະດີດປະທານາທິບໍດີ ສເກົາຫລີ Kim Dae Jung ໄດ້ໄປຢ້ຽມຢາມໂຮງໝໍເດັກ ແລະ ປະສູດ ກໍຄືສູນລ້ຽງດູຜູ້ອາຍຸສູງ ແລະ ສູນລ້ຽງດູເດັກກຳພ້າ ຢູ່ ພຽງຢາງ, ມອບວັດຖຸອຸປະກອນ ແລະ ຢຸກຢາໃຫ້ເດັກ ສປປ ເກົາຫລີ. ທ່ານນາງ ປະທານາທິບໍດີ ສເກົາຫລີ Park Geun hye ກໍເລັ່ງລັດ ສປປ ເກົາຫລີ ເຂົ້າຮ່ວມໂຄງການກໍ່ສ້າງເສັ້ນທາງລົດໄຟລະຫວ່າງ ສປປ ເກົາຫລີ ແລະ ສເກົາຫລີ ໄປຍັງ ເອີລົບ ຜ່ານເສັ້ນທາງລົດໄຟເຊື່ອມຕໍ່ ແຊກບີ ຂອງລັດເຊຍ. ໃນຂະນະນັ້ນ ມີ 87% ໃນຈຳນວນ ບໍລິສັດ 500 ແຫ່ງຂອງ ສເກົາຫລີ ຖືກຖາມ ໄດ້ສະແດງຄວາມສົນໃຈຕໍ່ຄວາມສາມາດດຳເນີນທຸລະກິດຢູ່ ສປປ ເກົາຫລີ ພາຍຫລັງ ສປປ ເກົາຫລີ ແລະ ສເກົາຫລີ ທ້ອນໂຮມເປັນເອກະພາບ. ແຕ່ບັນດາຄວາມເຄັ່ງຕຶງຫລ້າສຸດຢູ່ແຫລມເກົາຫລີ ແນ່ນອນວ່າ ຈະເຮັດໃຫ້ບັນດາການເຄື່ອນໄຫວພົບພັນແລກປ່ຽນ ແລະ ຮ່ວມມືດັ່ງກ່າວ ຖືກໂຈະໄວ້.