(vovworld)- ໃນຊຸມມື້ຕົ້ນເດືອນ 9/2013, ຫາງສຽງມີຄວາມຂັດໃຈຕໍ່ເລື່ອງຊາວຄຼິດຈຳນວນຫນ່ຶງຢູ່ຕາແສງ ງີເຟືອງ, ເມືອງງີໂລກ, ແຂວງ ເຫງ້ອານ ໄດ້ເຕົ້າໂຮມກັນ, ກີດຂວາງການເຄື່ອນໄຫວຂອງອົງການປົກຄອງທ້ອງຖິ່ນ, ໃຊ້ກຳລັງທຳຮ້າຍ ແລະ ກັກຂັງພະນັກງານ, ກໍຄວາມວຸນວາຍທຳລາຍຄວາມເປັນລະບຽບຮຽບຮ້ອຍທາງສັງຄົມ. ບັນດາອົງການທີ່ມີຫນ້າທີ່ຮັບຜິດຊອບພວມສືບສວນ ເຫດການດັ່ງກ່າວ ເພື່ອປັບໄຫມລົງໂທດຜູ້ກະທຳຜິດບົນຈິດໃຈເຄົາລົບກົດໝາຍ. ເຖິງຢ່າງໃດກໍຕາມ, ຫວນຄືນບັນດາການກະທຳເລີຍເຖືອດຂອງຊາວຄຼິດຈຳນວນຫນຶ່ງໄດ້ກໍ່ຄວາມເສຍຫາຍເຖິງຄວາມສາມັກຄີຂອງວົງຄະນາຍາດ ແລະ ການເຄົາລົບກົດລະບຽບກົດໝາຍຂອງລັດນັ້ນ ບັນດາປະຊາຊົນຖືສາສະຫນາກາໂຕລິກ, ພົນລະເມືອງສັດຈະທຳຮູ້ສຶກເສຍໃຈຕໍ່ເຫດການນັ້ນ.
ສະພາບກໍ່ຄວາມວຸ່ນວາຍຢູ່ຕາແສງ ງີເຟືອງ(ແຂວງເງ້ອານ)
ພາບ:baonghean,vn
|
ເຖິງວ່າຈະແມ່ນສາສະຫນາພຸດ, ສາສະຫນາກາໂຕລິກ, ສາສະຫນາອິດສະລາມແລະອື່ນໆ, ສາສະຫນາໃດກໍລ້ວນແຕ່ເປັນຫນ້າເຄົາລົບນັບຖື. ບັນດາຄຳສັ່ງສອນຂອງພະເຈົ້າເຢຊູ, ຂອງພະພຸດທະເຈົ້າຫລືອໍລະຫັນ ກໍລ້ວນແຕ່ຢາກໃຫ້ມະນຸດບໍ່ເຮັດສິ່ງຊົ່ວຮ້າຍ, ບໍ່ຍຸແຍ່ຜູ້ອື່ນເຮັດສິ່ງຊ່ົວຮ້າຍ, ຫລີກລ້ຽງໂທດກຳ, ຈຳກັດຄວາມໂລກມາກໂລພາ.
ບໍ່ມີຜູ້ໃດສາມາດອ້າງຊື່ສາສະຫນາເພື່ອເຮັດສິ່ງທີ່ຝືນກັບຫລັກສິນທຳ ເພາະວ່າ ຜູ້ເຊື່ອຖືສາສະຫນາທັງກໍເປັນພົນລະເມືອງຜູ້ຫນຶ່ງ ຕ້ອງດຳລົງຊີວິດ ແລະ ປະຕິບັດຕາມກົດໝາຍ. ນັ້ນແມ່ນຫລັກສິນທຳຂອງປະຊາຊົນ. ບໍ່ແມ່ນອຳນາດການປົກຄອງໃດວາງອອກ. ສະນັ້ນ ກົນໄກຮ້ອງທຸກ ແລະ ແກ້ໄຂຄວາມຮ້ອງທຸກແມ່ນສິດຊື່ງລັດຫວຽດນາມສະຫງວນໃຫ້ແກ່ພົນລະເມືອງເພື່ອສະແດງຄຳເຫັນ, ຄວາມມຸ້ງມາດປາດຖະຫນາຂອງຕົນ. ຖ້າຫາກປະຊາຊົນບໍ່ເຫັນດີເຫັນພ້ອມກັບຂໍ້ຕົກລົງເປີດການສືບສວນສອບສວນ, ກັກຂັງ ໂງວັນເຂີຍ ແລະ ຫງວຽນວັນຫາຍ ຍ້ອນມີການກະທຳຕັ້ງໃຈທຳຮ້າຍ ແລະທຳລາຍຄວາມເປັນລະບຽບຮຽບຮ້ອຍທາງສັງຄົມ, ເລື່ອງປະຕິເສດກໍຕ້ອງປະຕິບັດຖືກຕ້ອງກັບຂັ້ນຕອນຂອງກົດໝາຍ. ເລື່ອງເປີດການສືບສວນສອບສວນ 2 ບຸກຄົນດັ່ງກ່າວ ແມ່ນບາດກ້າວຫນຶ່ງໃນຂັ້ນຕອນຂອງການດຳເນີນຄະດີ. ສອງບຸກຄົນນີ້ ຖືກຕັດສິນລົງໂທດຫລືບໍ່ ແລະ ຢູ່ໃນລະດັບໃດຕ້ອງລໍຖ້າການຕັດສິນລົງໂທດຂອງສານ. ເລື່ອງສວຍໃຊ້ປະຊາຊົນເປັນຈຳນວນຫລວງຫລາຍເພື່ອກໍ່ຄວາມວຸນວາຍ, ບັງຄັບທ່ານປະທານຄະນະກຳມະການປະຊາຊົນຕາແສງ ງີເຟືອງ ຂຽນຄຳໝັ້ນສັນຍາທີ່ມີເນື້ອໃນ“ສະເຫນີຕຳຫລວດປ່ອຍຕົວ” ນັ້ນແມ່ນຄຳຮຽກຮ້ອງທີ່ໄຮ້ເຫດຜົນ. ເພາະວ່າ ການປ່ອຍຕົວຫລືບໍ່ປ່ອຍຕົວແມ່ນສິດອຳນາດຂອງອົງການປົກປ້ອງກົດໝາຍ ຫາກບໍ່ແມ່ນເລື່ອງຂອງອຳນາດການປົກຄອງທຸກຂັ້ນ, ເປັນຕົ້ນແມ່ນອຳນາດການປົກຄອງຂັ້ນຮາກຖານ.
ບໍ່ພຽງແຕ່ຜູ້ມີຄວາມຮູ້, ມີຄວາມຄິດ ຫາກບັນດາປະຊາຊົນທ່ີເຂົ້າຮ່ວມເຫດການດັ່ງກ່າວເມື່ອເບິ່ງຄືນບັນດາຮູບພາບການກະທຳຂອງຕົນເອງທີ່ຖືກລົງພິມໃນຫນັງສືພິມ, ຫລືແຜ່ພາບທາງໂທລະພາບ ກໍລ້ວນແຕ່່ຮູ້ສຶກກະວົນກະວາຍ.
ໂດຍສືບທອດຄຳສັ່ງສອນຂອງບັນດາສາສະຫນາ ທີ່ວ່າ“ຢູ່ໃນສິນກິນໃນທຳ”,, ກົດໝາຍຫວຽດນາມ ກໍເຕັມໄປດ້ວຍລັກສະນະວັດທະນະທຳມະນຸດ ເມື່ອເຊີດຊູຄວາມຮັກແພງຂອງມະນຸດ, ລັກສະນະມຸ້ງໄປເຖິງສິ່ງທີ່ດີງາມ, ຄວາມເຫັນດີເຫັນພ້ອມເພ່ືອສ້າງສັງຄົມໃຫ້ດີງາມກວ່າ.
ປະຕິບັດຕາມກົດໝາຍ ກໍແມ່ນການເຄື່ອນໄຫວທາງສາສະຫນາເພື່ອໃຫ້ມະນຸດຫລີກລ້ຽງການກະທຳຜິດ, ໂທດກຳ, ມຸ່ງໄປເຖິງສິ່ງທີ່ດີງາມ, ເຮັດໃຫ້ຫລັກສິນທຳ ຢູ່ໃນສິນກິນໃນທຳ ຍິ່ງມີຄວາມໝາຍ. ການກະທຳທີ່ຂາດຄວາມຄິດ, ຕາມການຍຸແຍ່ຂອງພວກຄົນບໍ່ດີ, ລະເມີດກົດໝາຍ ນັ້ນບໍ່ແມ່ນຈິດໃຈຂອງສາສະຫນາ.
ດຳລົງຊີວິດ ແລະ ເຮັດວຽກຕາມລັດຖະທຳມະນູນ ແລະ ກົດໝາຍ ແມ່ນດຳລົງຊີວິດເພ່ືອສາສະຫນາ ເພື່ອຊີວິດ ແມ່ນຄວາປອງດອງລະຫວ່າງຜູ້ທີ່ເຊື່ອຖືສາສະຫນາກັບຜູ້ທີ່ມີຄວາມຮັບຜິດຊອບຕໍ່ສັງຄົມ. ທຸກການກະທຳລະເມີດກົດໝາຍຂອງບໍ່ວ່າຜູ້ໃດລ້ວນແຕ່ຖືກກົດໝາຍຕັດສິນລົງໂທດຢ່າງຍຸຕິທຳ .
ທຸກການພິພາດລ້ວນແຕ່ສາມາດແກ້ໄຂໄດ້, ທຸກການກະທຳຜິດສາມາດໄດ້ຮັບການອະນຸໂລມ. ເພາະ ຊາດຫວຽດນາມ ມີມູນເຊື້ອວັດທະນະທຳມະນຸດອະນຸໂລມໃຫ້ຜູ້ທີ່ກັບໃຈກິນແຫນງ. ກຳລັງແຮງທີ່ລົ້ນເຫລືອຂອງປະເທດ ຫວຽດນາມ ນັ້ນແມ່ນນ້ຳໃຈສາມັກຄີ. ແຕ່ຄວາມສາມັກຄີບໍ່ແມ່ນການເຫັນດີປົກປິດບັນດາການກະທຳທີ່ຜິດພາດ.
ພຶກຕິກຳຕົວຈິງໃຫ້ເຫັນສັດຈະທຳວ່າ: ຄຽງຄູ່ກັບຄວາມໄວ້ເນື້ອເຊື່ອໃຈສາສະຫນາ, ຄວາມໄວ້ເນື້ອເຊື່ອໃຈຕໍ່ກົດໝາຍກໍແມ່ນຄວາມຮັບຜິດຊອບຂອງພົນລະເມືອງແຕ່ລະຄົນ.