(vovworld)- ໃນຊຸມມື້ກ່ອນນີ້ 40 ປີ, ທ່ານພົນເອກ ຫວໍງວຽນຢາບ, ຜູ້ບັນຊາການສູງສຸດກອງທັບປະຊາຊົນຫວຽດນາມ ໄດ້ສົ່ງໂທລະເລກດ່ວນ: “ບຸກໂຈມຕີໄວ, ບຸກໂຈມຕີໄວກວ່າອີກ, ອົງອາດ, ອົງອາດກວ່າອີກ, ຍາດແຍ່ງແຕ່ລະນາທີບຸກເຂົ້າສະຫນາມຮົບເພື່ອປົດປ່ອຍພາກໃຕ້ຫວຽດນາມ, ຕັດສິນໃຈສູ້ຮົບ ແລະ ຍາດເອົາຊະນະຢ່າງສົມບູນ.” ໂທລະເລກມີຄຸນຄ່າປະຫວັດສາດສຳຄັນໃນຈຸດເວລາກອ່ນທີ່ດຳເນີນບັ້ນຮົບ ໂຮ່ຈິມີນ ຄັ້ງປະຫວັດສາດ, ປົດປ່ອຍພາກໃຕ້ຫວຽດນາມຢ່າງສົມບູນ, ໂຮມປະເທດຊາດເປັນເອກະພາບ. ບົດຂຽນຂອງບັນນາທິການ ຫງວຽນຍູງ ດ້ວຍຫົວຂໍ້ວ່າ: “ຄຳສັ່ງລັບຂອງສິລະປະຍາດແຍ່ງກາລະໂອກາດ.
ກຳລັງທະຫານບຸກເຂົ້າປົດປ່ອຍໄຊງ່ອນ
ພາບເອກະສານ
|
ໂທລະເລກເມື່ອວັນທີ 7/4/1975 ດ້ວຍເນື້ອໃນທີ່ວ່າ: ບຸກໂຈມຕີໄວ, ບຸກໂຈມຕີໄວກວ່າອີກ, ອົງອາດ, ອົງອາດກວ່າອີກ, ຍາດແຍ່ງແຕ່ລະນາທີບຸກເຂົ້າສະຫນາມຮົບເພື່ອປົດປ່ອຍພາກໃຕ້ຫວຽດນາມ, ຕັດສິນໃຈສູ້ຮົບ ແລະ ຍາດເອົາຊະນະຢ່າງສົມບູນ.”.” ແມ່ນເຜີຍແຜ່ຢ່າງທັນທີເຖິງສະມາຊິກພັກ, ນັກຮົບ, ສານນີ້ຖືກສົ່ງຈາກ ສຳນັກບັນຊາບັ້ນຮົບ ຢູ່ ເຮືອນເລກທີ D67 ໃນບໍລິເວນກຳແພງເກົ່າ ຮ່າໂນ້ຍ. ໂດຍແມ່ນຜູ້ມີກຽດສົ່ງຄຳສັ່ງລັບປະຫວັດສາດໂດຍກົງ, ທ່ານ ຫງວຽນບາລີວ, ນັກຮົບຕີສາຍຂອງກອງພົນນ້ອຍ 25 ວິລະຊົນ ໃຫ້ຮູ້ວ່າ: ຕອນເຊົ້າວັນທີ 7/4/1975, ໃນຍາມປະຈຳການ, ຫົວຫນ້າກອງພັນໄດ້ຊາບຊືມວ່າ: ຕ້ອງຮັບປະກັນການຕິດຕໍ່ສື່ສານຢ່າງລຽນຕິດ, ຕ້ອງຮັບ ແລະ ສົ່ງໂທລະເລກຢ່າງວ່ອງໄວ, ກະທັດລັດ, ຊັດເຈນ. ສັນຍານດີ, ປະຕິບັດໄວ, ແກ້ກົດລັບ ຢ່າງຊັດເຈນ ພຽງໃນເວລາ 15 ນາທີ. ເຖິງຢ່າງໃດກໍຕາມ, ພາຍຫລັງມື້ປົດປ່ອຍພາກໃຕ້(30/4), ທ່ານຈຶ່ງຮູ້ໄດ້ວ່າ ຕົນເອງແມ່ນຜູ້ສົ່ງໂທລະເລກປະຫວັດສາດນັ້ນ.
“ຄາວນັ້ນ ພວກຂ້າພະເຈົ້າພຽງແຕ່ກຳນົດປະຕິບັດສຳເລັດຫນ້າທີ່ຮັບປະກັນຕິດຕໍ່ສື່ສານໃນທຸກກໍລະນີ. ເພາະວ່າ ກາລະໂອກາດປົດປ່ອຍພາກໃຕ້ໄດ້ມາຮອດແລ້ວ ສະນັ້ນ ພວກຂ້າພະເຈົ້າພຽງແຕ່ຮູ້ໄດ້ວ່າຕ້ອງສົ່ງໂທລະເລກໂດຍໄວ. ໂທລະເລກໃດກໍສຳຄັນເໝືອນກັນ. ພາຍຫລັງມື້ປົດປ່ອຍພາກໃຕ້ ຂ້າພະເຈົ້າຈຶ່ງຮູ້ໄດ້ວ່າ ຕົນເອງ ໄດ້ສົ່ງໂທລະເລກຂອງທ່ານພົນເອກ ຫວໍງວຽນຢາບ ແລະ ຂ້າພະເຈົ້າຮູ້ສຶກເອກອ້າງທະນົງໃຈ ເມື່ອປະຕິບັດຫນ້າທີ່ປະຫວັດສາດທີ່ກອງທັບມອບໝາຍໃຫ້.”
ສຳລັບ ພົນຕີ ຄວດຢີຕຽນ, ອະດີດ ຫົວຫນ້າຫ້ອງການການຮົບກອງພົນໃຫຍ່ 3 ແມ່ນປີກໂຈມຕີຫນຶ່ງໃນບັ້ນຮົບປົດປ່ອຍພາກໃຕ້, ໂທລະເລກທີ່ສົ່ງເຖິງທ່ານນັ້ນແມ່ນ ຄຳສັ່ງບຸກໂຈມຕີຢ່າງຮີບດ່ວນ, ແມ່ນສານໃຫ້ຮູ້ວ່າ: ຕ້ອງຍາດແຍ່ງກາລະໂອກາດໂດຍໄວ. ໂດຍປະຕິບັດຄຳສັ່ງລັບ, ກອງພົນໃຫຍ່ໄດ້ ປົດປ່ອຍນະຄອນໂຮ່ຈິມີນ ໃນທັນທີ.
“ໂທລະເລກດັ່ງກ່າວໄດ້ສະແດງໃຫ້ເຫັນວ່າ ການຕໍ່ຕ້ານຕ້ານຈັກກະພັດອາມເລິກາກູ້ຊາດຂອງປະຊາຊົນ ຫວຽດນາມ ແມ່ນໄດ້ຮອດຈຸດເວລາແລ້ວ ຕ້ອງເຮັດແນວໃດເພື່ອປົດປ່ອຍພາກໃຕ້ຫວຽດນາມໂດຍໄວ, ສະນັ້ນ ຕ້ອງສຸມທຸກກຳລັງເພື່ອບຸກເຂົ້າ ໄຊງ່ອນ ປົດປ່ອຍພາກໃຕ້ຫວຽດນາມຢ່າງສົມບູນ.”
ພັນເອກ ຫງວຽນວັນຫື້ວ, ອະດີດທ່ານໝໍພົນລະພາກຫຼວງ ໄຕງວຽນ, ໃຫ້ຮູ້ວ່າສານບຸກໂຈມຕີຈະແຈ້ງ, ຂຸ້ນຂ້ຽວໄດ້ສ້າງຄວາມສະອອນໃຈ, ເພີ່ມແຫຼ່ງກຳລັງແຮງ, ເຮັດໃຫ້ທະຫານຄືທ່ານເຄື່ອນທັບໂດຍບໍ່ຮູ້ອິດບໍ່ຮູ້ເມື່ອຍເພື່ອບຸກເຂົ້າກອງບັນຊາການຂອງສັດຕູ.
“ຂ້າພະເຈົ້າຮູ້ສຶກພາກພູມໃຈທີ່ສຸດ, ຍ້ອນຫາກໍ່ຕີເອົາຊະນະຢູ່ບວນເມທວດ, ພວກຂ້າພະເຈົ້າໄດ້ສຸມຈິດສຸມໃຈປະຕິບັດໜ້າທີ່,ເຄື່ອນທັບຈາກບວນເມທວດ ລົງເຂດທົ່ງພຽງ ບຸກໂຈມຕີປົດປ່ອຍສະໜາມບິນຢູ່ຟານຣາງ, ແລ້ວບຸກເຂົ້າພາກໃຕ້“.
ຮອງສາສະດາຈານ, ດຣ ເຈິ່ນງອກລອງ, ອະດີດຮອງຫົວໜ້າສະຖາບັນປະຫວັດສາດການທະຫານຫວຽດນາມ, ໄຈ້ແຍກວ່າ: ພາຍຫຼັງບັ້ນຮົບ ໄຕງວຽນ. ກົມການເມືອງ, ຄະນະບໍລິຫານງານສູນກາງພັກ ແລະ ຜູ້ປະຈຳການຄະນະພັກການທະຫານສູນກາງ ຕົກລົງຫັນການບຸກໂຈມຕີຍຸດທະສາດເປັນການບຸກໂຈມຕີຍຸດທະສາດຂະໜາດໃຫຍ່. ຈາກຈຸດໝາຍໃນເບື້ອງຕົ້ນແມ່ນປົດປ່ອຍພາກໃຕ້ໃນໄລຍະ 2 ປີ, ຄື 1975-1976, ໄດ້ຖອນລົງປົດປ່ອຍໃນປີ 1975. ພິເສດ, ພາຍຫຼັງໄຊຊະນະຂອງບັນຮົບ ຈິທຽນ - ເຫວ໋ ແລະ ດ່ານັ້ງ, ກອງທັບສາທາລະນະລັດຫວຽດນາມ ໄດ້້ຕົກເຂົ້າສູ່ສະພາບແຕກທະລາຍດ້ານຍຸດທະສາດ, ນີ້ແມ່ນໂອກາດທີ່ດີເພື່ອພວກເຮົາປົດປ່ອຍພາກໃຕ້. ວັນທີ 31/3, ກົມການເມືອງຕົກລົງດຳເນີນການບຸກໂຈມຕີຂະໜາດໃຫຍ່ເພື່ອປົດປ່ອຍພາກໃຕ້. ເປັນອັນວ່າຈາກການກຳນົດປົດປ່ອຍພາກໃຕ້ໃນປີ 1975, ກົມການເມືອງໄດ້ຕົກລົງຖອນເວລາໃຫ້ສັ້ນລົງ, ນັ້ນແມ່ນປົດປ່ອຍພາກໃຕ້ກ່ອນລະດູຝົນ, ໂດຍລະອຽດແມ່ນໃນເດືອນ 4/1975. ເມື່ອມີໂອກາດແລ້ວ, ສານດັ່ງກ່າວແມ່ນຄຳສັ່ງທີ່ຖືກກາລະເພື່ອໃຫ້ທະຫານທຸກປີກໃນສະໜາມຮົບປິດລ້ອມ ແລະ ບຸກເຂົ້າກອງບັນຊາການຂອງສັດຕູ. ຮອງສາສະດາຈານ, ດຣ ເຈິ່ນງອກລອງ ໄຈ້ແຍກວ່າ:
“ຖ້າບໍ່ກຳໄດ້ໂອກາດ ແລະ ປະໃຫ້ພາດໂອກາດ, ສັດຕູຈະມີເງື່ອນໄຂປັບປຸງກຳລັງ, ຈັດວາງຍຸດທະສາດ, ເວລານັ້ນສົງຄາມຈະຖືກແກ່ຍາວ. ຍິ່ງກວ່ານັ້ນ, ສົງຄາມຫວຽດນາມໄດ້້ຫັນເປັນສົງຄາມສາກົນ, ດັ່ງນັ້ນປະເທດຕ່າງໆ ຈຶ່ງຄອບງຳສົງຄາມນີ້ຫຼາຍທີ່ສຸດ. ຖ້າບໍ່ຍາດແຍ່ງກາລະໂອກາດແມ່ນຍາກທີ່ຈະປົດປ່ອຍພາກໃຕ້ຢ່າງສົມບຸນໃນເດືອນ 4 ໄດ້“.
ຄຳສັ່ງ “ບຸກໂຈມຕີໄວ, ບຸກໂຈມຈີໄວກວ່າອີກ, ອົງອາດ, ອົງອາດກວ່າອີກ, ຍາດແຍ່ງແຕ່ລະນາທີບຸກເຂົ້າສະໜາມຮົບປົດປ່ອຍພາກໃຕ້, ຕັດສິນໃຈສູ້ຮົບເພື່ອຍາດເອົາໄຊຊະນະຢ່າງສົມບຸນ“ ເຊິ່ງພົນເອກ, ຜູ້ບັນຊາການໃຫຍ່ ຫວໍງວຽນຢາບ, ຕາງໜ້າຜູ້ປະຈຳການຄະນະພັກການທະຫານສູນກາງປະກາດນັ້ນ, ມີຄຸນຄ່າປະຫວັດສາດ. ສານດັ່ງກ່າວສະແດງໃຫ້ເຫັນວ່າກົມການເມືອງຄະນະບໍລິຫານງານສູນກາງພັກກອມມູນິດຫວຽດນາມ ແລະ ຄະນະພັກການທະຫານສູນກາງໄດ້ກຳແໜ້ນກາລະໂອກາດ, ມີວິໄສທັດຍຸດທະສາດ, ເປີດຊ່ອງທາງໃຫ້ມະຫາໄຊໃນລະດູບານໃໝ່ 1975, ປົດປ່ອຍພາກໃຕ້ຢ່າງສົມບຸນ, ໂຮມປະເທດຊາດເປັນເອກະພາບ.