(vovworld)- ທີ່ວາລະປະຊຸມໃນວັນທີ 17/7, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫລວງໄດ້ຍົກໃຫ້ເຫັນບັນດາຫນ້າທີ່ລະອຽດໃນການປ້ອງກັນ, ຕ້ານການສໍ້ລາດບັງຫລວງແຕ່ນີ້ຮອດທ້າຍປີ. ຫລັງຈາກນັ້ນມື້ຫນຶ່ງ, ກຳມາທິການຍຸຕິທຳຂອງສະພາແຫ່ງຊາດກໍໄດ້ດຳເນີນວາລະອະພິປາຍການຄົ້ນພົບ ແລະ ປັບໄຫມລົງໂທດການກະທຳສໍ້ລາດບັງຫລວງແມ່ນຂຶ້ນກັບຄວາມຮັບຜິດຊອບຂອງບັນດາອົງການແຫ່ງລັດ. ບັນດາວາລະປະຊຸມດັ່ງກ່າວສະແດງໃຫ້ເຫັນຄວາມຕັດສິນໃຈໃນການປ້ອງກັນ, ຕ້ານການສໍ້ລາດບັງຫລວງຂອງທຸກຂັ້ນ, ຍູ້ອາດຊະຍາກຳນີ້ໃຫ້ຖອຍໄປເທື່ອລະກ້າວ.
ຕາມການສະຖິຕິໃຫ້ເຫັນວ່າ: ໃນ 6 ເດືອນຕົ້ນປີ, ວຽກງານປ້ອງກັນ ແລະ ຕ້ານການສໍ້ລາດບັງຫລວງບັນລຸໝາກຜົນຕັ້ງຫນ້າ, ໃນນັ້ນ ຕ້ອງເວົ້າເຖິງການສ້າງຕັ້ງ, ປັບປຸງກ່ຽວກັບການຈັດຕັ້ງ, ການເຄື່ອນໄຫວຂອງຄະນະຊີ້ນຳສູນກາງກ່ຽວກັບການ ປ້ອງກັນ ແລະ ຕ້ານການສໍ້ລາດບັງຫລວງ, ຄະນະວຽກງານການເມືອງພາຍໃນສູນກາງ ແລະ ຄະນະວຽກງານການເມືອງພາຍໃນຄະນະພັກແຂວງ, ຄະນະພັກນະຄອນ. ໝາກຜົນການກວດກາວິຊາສະເພາະກ່ຽວກັບການຄຸ້ມຄອງ, ນຳໃຊ້ທີ່ດິນ, ລົງທຶນກໍ່ສ້າງພື້ນຖານໂຄງລ່າງ, ຄຸ້ມຄອງ ແລະ ນຳໃຊ້ງົບປະມານແຫ່ງລັດໃຫ້ເຫັນວ່າ: ໄດ້ຄົ້ນພົບກໍລະນີລະເມີດກວ່າ 12.000 ຕື້ດົ່ງ, ສະເຫນີເກັບລາຍຮັບງົບປະມານໃຫ້ໄດ້ເກືອບ 5000 ຕື້ດົ່ງ. ບັນດາອົງການຕຸລາການກໍ່ໄດ້ອອກຄຳສັ່ງເປີດການສືບສວນສອບສວນ 116 ກໍລະນີ ດ້ວຍຜູ້ຕ້ອງຫາ 266 ຄົນທີ່ມີການກະທຳຜິດສໍ້ລາດບັງຫລວງ.
ວາປະປະຊຸມຄັ້ງທີ 3ຄະນະຊີ້ນຳສູນກາງກ່ຽວກັບການປ້ອງກັນ,
ຕ້ານການສໍ້ລາດບັງຫລວງ
ພາບ:internet
|
ທ່ານຮີ່ງຟອງແຈງ, ຫົວຫນ້າອົງການກວດກາລັດຖະບານ ໄດ້ຮັບຮູ້ວ່າ: ການສໍ້ລາດບັງຫລວງຢູ່ບາງຂົງເຂດຄຸ້ມຄອງລັດໄດ້ຖືກຈຳກັດເທື່ອລະກ້າວ ແຕ່ມີບາງຂົງເຂດຄື: ສິນເຊື່ອ, ທະນາຄານ, ຄຸ້ມຄອງ ແລະ ນຳໃຊ້ທີ່ດິນ, ການລົງທຶນກໍ່ສ້າງ, ຄຸ້ມຄອງ, ນຳໃຊ້ຊັບສິນຂອງລັດຍັງເກີດກໍລະນີສໍ້ລາດບັງຫລວງດ້ວຍການກະທຳເລີກແລບ, ສັບສົນກວ່າ. ວຽກງານຄົ້ນພົບ ແລະ ປັບໄຫມລົງໂທດການກະທຳສໍ້ລາດບັງຫລວງຍັງຖືກຈຳກັດ, ຫຍູ້ງຍາກ, ຂາດຂໍ້ກຳນົດກ່ຽວກັບບັນດາມາດຕະການຮັບປະກັນການປະຕິບັດບັນດາຂໍ້ຕົກລົງ, ການສະຫລຸບຂອງອົງການກວດກາ.
ຈາກສະພາບຕົວຈິງດັ່ງກ່າວຮຽກຮ້ອງໃຫ້ມີບັນດາມາດຕະການລະອຽດກວ່າ ເພື່ອປະຕິບັດຈຸດໝາຍປ້ອງກັນແລະຕ້ານການສໍ້ລາດບັງຫລວງ ຊື່ງພັກ, ລັດໄດ້ວາງອອກ. ຕາມນັ້ນແລ້ວ, ໃນ 6 ເດືອນທ້າຍປີ, ຄະນະຊິ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ເຫັນດີ ສຸມໃສ່ປະຕິບັດ 8 ຫນ້າທີ່ຈຸດສຸມ. ໃນນັ້ນ ຈະສືບຕໍ່ຊີ້ນຳການສ້າງສຳເລັດລະບອບລະບຽບການກ່ຽວກັບການປ້ອງກັນ, ຕ້ານການສໍ້ລາດບັງຫລວງ, ຮີບເຮັ່ງສ້າງບັນດາຂໍ້ກຳນົດກ່ຽວກັບຄວາມຮັບຜິດຊອບອະພິປາຍຂອງອົງການລັດໃນການປະຕິບັດຫນ້າທີ່, ສິດອຳນາດທີ່ໄດ້ຮັບການມອບໝາຍ, ປະກາດໃຫ້ແຜນຮ່າງເພີ່ມທະວີການປະຕິບັດ, ກວດກາການແຈ້ງຊັບສິນ; ແຜນຮ່າງກວດກາລາຍຮັບຂອງຜູ້ມີຖານະຕຳແຫນ່ງ, ສິດອຳນາດ. ການຜັນຂະຫຍາຍແຜນການກວດກາ, ຕິດຕາມກວດກາ, ອອກຄຳສັ່ງເປີດການສືບສວນສອບສວນ, ສັ່ງຟ້ອງຂຶ້ນສານດຳເນີນຄະດີ, ພິພາກສາຄະດີສໍ້ລາດບັງຫລວງທີ່ສັບສົນຫລືຫາງສຽງສັງຄົມມີຄວາມສົນໃຈເປັນພິເສດກໍໄດ້ຮັບການເຕື້ອງເຖິງ. ຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ໄດ້ສ້າງຕັ້ງ 7 ຄະນະປະຕິບັດວຽກງານກວດກາ, ຕິດຕາມກວດກາບາງຂະແຫນງການ,ທ້ອງຖິ່ນ. ເມື່ອເວົ້າເຖິງຫນ້າທີ່ນີ້, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູຈ້ອງ, ຫົວຫນ້າຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ໄດ້ເນັ້ນຫນັກວ່າ:
“ຄະນະວຽກງານການເມືອງພາຍໃນສູນກາງແມ່ນອົງການທີ່ຮັບຜິດຊອບເຊີນບັນດາອົງການກ່ຽວຂ້ອງ, ຫົວຫນ້າຂະແຫນງການຕ່າງໆມາປຶກສາຫາລືນຳກັນເພື່ອແກ້ໄຂບັນດາບັນຫາຍັງມີທັດສະນະແຕກຕ່າງກັນ, ຂໍ້ຕິດຂັດ. ”
ຄວາມຈິງໃຫ້ເຫັນວ່າ: ສາຍເຫດທີ່ພາໃຫ້ການຄົ້ນພົບ ແລະ ປັບໄຫມລົງໂທດການກະທຳສໍ້ລາດບັງຫລວງຂອງບັນດາອົງການບໍລິຫານແຫ່ງລັດຍັງປະສົບກັບຄວາມຫຍູ້ງຍາກ ຍ້ອນກົນໄກ, ນະໂຍບາຍ, ກົດໝາຍກ່ຽວກັບການປ້ອງກັນ, ຕ້ານການສໍ້ລາດບັງຫລວງບໍ່ທັນຄົບຊຸດ. ທະນາຍຄວາມ ຫງວຽນວັນເຫົ້າ, ຮອງປະທານສະມາຄົມທະນາຍຄວາມນະຄອນ ໂຮ່ຈິມີນ ສະເຫນີວ່າ:
“ເພື່ອຈຳກັດສະພາບການສໍ້ລາດບັງຫລວງ ແລະ ການສະແຫວງຫາຜົນປະໂຫຍດຂອງກຸ່ມບຸກຄົນ, ລັດຕ້ອງກວດກາບັນດາລະບຽບການບໍລິຫານທີ່ອາດຈະພາໄປເຖິງເກີດກຸ່ມບຸກຄົນສະແຫວງຫາຜົນປະໂຫຍດສ່ວນຕົນຢ່າງແຫນ້ນແຟ້ນ, ຈາກນັ້ນ ປັບປຸງ, ເພີ່ມເຕີມໃຫ້ເໝາະສົມກັບສະພາບຕົວຈິງ. ທີສອງ ຕ້ອງມີກົນໄກກວດກາສິດອຳນາດສຳລັບບັນດາຜູ້ທີ່ໄດ້ຮັບການມອບໝາຍສິດອຳນາດເພື່ອຫລີກລ້ຽງການເຕົ້າໂຮມບັນດາກຸ່ມບຸກຄົນສະແຫວງຫາຜົນປະໂຫຍດ. ການນຳຂັ້ນສູງຕ້ອງກວດກາ, ຕິດຕາມກວດກາຂັ້ນລຸ່ມເປັນປະຈຳ, ຄວນເພີ່ມທະວີຄວາມເປີດເຜີຍກະຈ່າງແຈ້ງບັນດາລະບຽບການບໍລິຫານ ສ້າງເງື່ອນໄຂໃຫ້ແກ່ປະຊາຊົນ,ວິສາຫະກິດ ຕິດຕາມກວດກາຫນ້າທ່ີ, ວຽກງານລັດຖະການຂອງຕົນໃນຂອບເຂດພະນັກງານລັດຖະກອນ.”
ວຽກງານປ້ອງກັນ ແລະ ຕ້ານການສໍ້ລາດບັງຫລວງ ແມ່ນຫນ້າທີ່ຍາວນານ ແລະ ສັບສົນ. ຊຸກຍູ້ການປະຕິບັດບັນດາຈຸດໝາຍຕ້ານການສໍ້ລາດບັງຫລວງເທື່ອລະກ້າວ ບໍ່ພຽງແຕ່ປະກອບສ່ວນພັດທະນາເສດຖະກິດ, ສັງຄົມເທົ່ານັ້ນ ຫາກຍັງປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ບັນດາຄວາມມານະພະຍາຍາມຕ້ານການສໍ້ລາດຫລວງຂອງອົງການແຫ່ງລັດອີກດ້ວຍ.