ຍັງມີເວລາບໍ່ເທົາໃດມື້, ກອງປະຊຸມສັນຕິພາບສາກົນຈະຖືກຈັດຂຶ້ນຢູ່ເຊີແນວ ປະເທດສະວິດ ຕາມຂໍ້ລິເລີ່ມຂອງລັດເຊຍ ແລະ ອາເມລິກາ ເພື່ອແນໃສ່ຢຸດຕິວິກິດການທີ່ແກ່ຍາວຢູ່ຊີຣີ. ເຖິງວ່າບໍ່ທັນໄດ້ດຳເນີນໄປກໍ່ຕາມແຕ່ມີຫຼາຍສັນຍານສະແດງໃຫ້ເຫັນວ່າ ໝາກຜົນຂອງກອງປະຊຸມຄັ້ງນີ້ ອາດຈະບໍ່ສົມກັບຄວາມລໍຄອຍ, ນັບທັງຄວາມເຫັນດີເຫັນພ້ອມຂອງສັງຄົມ ແລະ ຂໍ້ຂັດແຍ້ງພາຍໃນຂອງປະເທດຕາເວັນອອກກາງນີ້.
(ພາບປະກອບ: phaply.net.vn)
ໃນຕະຫຼອດ 2 ປີຜ່ານມາ, ຍາມໃດ, ຊີຣີ ກໍ່ແມ່ນແຫ່ງທີ່ດຶງດູດຄວາມສົນໃຈຈາກຫາງສຽງ ແລະ ໃນຊຸມມື້ມໍ່ໆມານີ້, ຊີຣີ ຍິ່ງໄດ້ຮັບຄວາມສົນໃຈກ່ວາອີກ. ໃນກອງປະຊຸມເຊີແນວ ຄັ້ງຈະມາເຖິງນີ້, ປະຊາຄົມໂລກມີຄວາມຫວັງວ່າຈະຊອກເຫັນມາດຕະການຢຸດຕິການປະທະກັນອັນນອງເລືອດໃນ 2 ກ່ວາປີທີ່ຜ່ານມາຢູ່ປະເທດນີ້. ຈຸດປະສົງຕົ້ນຕໍຂອງກອງປະຊຸມ ນັ້ນແມ່ນຢາກໃຫ້ຜູ້ຕາງໜ້າຂອງລັດຖະບານ ແລະ ຝ່າຍຄ້ານຊີຣີ ພ້ອມກັນເຈລະຈາເພື່ອບັນລຸໄດ້ມາດຕະການຮອບດ້ານທີ່ສຸດ, ຫລີກເວັ້ນການກໍ່ຄວາມເສຍຕື່ມອີກຫາຍໃຫ້ສາມັນຊົນ. ບັນດາການເຄື່ອນໄຫວທາງການທູດພວມດຳເນີນໄປຢ່າງລຽນຕິດເພື່ອຫວັງເປີດຊ່ອງທາງໃຫ້ແກ່ເຈລະຈາ, ຢຸດຕິສະພາບການໃຊ້ຄວາມຮຸນແຮງ ດ້ວຍທຸກຮູບການໂດຍທັນທີ່.
ກ່ອນນີ້ 1 ປີ, ໃນເດືອນ 6/2012, ຢູ່ເຊີແນວ ກໍ່ໄດ້ຈັດກອງປະຊຸມສາກົນກ່ຽວກັບຊີຣີ ແຕ່ຜົນງານທີ່ບັນລຸໄດ້ບໍ່ຫຼາຍປານໃດ. ກອງປະຊຸມໄດ້ສະໜັບສະໜູນການສ້າງຕັ້ງລັດຖະບານຂ້າມຜ່ານແຕ່ບໍ່ບັນລຸໄດ້ຂໍ້ຕົກລົງລະອຽດສະບັບໃດໆ ເຮັດໃຫ້ 1 ປີຜ່ານມາວິກິດການການເມືອງຢູ່ຊີຣີ ນັບມື້ນັບຮ້າຍແຮງຍິ່ງຂຶ້ນ.
ປະທານາທິບໍດີຊີຣີ Bashar al Assad
(ພາບ: giaoduc.net.vn)
ເຖິງວ່າໄດ້ພ້ອມກັນເຂົ້າຮ່ວມກອງປະຊຸມຄັ້ງຈະມາເຖິງນີ້ກໍ່ຕາມ ແຕ່ສອງປະເທດມະຫາອຳນາດຄືລັດເຊຍ ແລະ ອາເມລິກາ ຍັງມີຄວາມຂັດແຍ້ງກັນຢູ່. ອາເມລິກາ ສືບຕໍ່ຕຳນິຕິຕຽນລັດເຊຍ ທີ່ໄດ້ສະໜອງລູກສອນໄຟໃຫ້ແກ່ປະທານາທິບໍດີຊີຣີ Bashar al Assad. ໃນຂະນະນັ້ນ, ຍາມໃດ, ລັດເຊຍ ກໍ່ເນັ້ນໜັກວ່າອີຣານ ແມ່ນປະເທດໜູນຫຼັງຕົ້າຕໍໃຫ້ແກ່ ປະທານາທິບໍດີຊີຣີ Bashar al Assad ຕ້ອງເຂົ້າຮ່ວມກອງປະຊຸມຄັ້ງນີ້. ແຕ່ກົງກັນຂ້າມ, ຝະລັ່ງ ພັດເດັດດ່ຽວຄັດຄ້ານການເຂົ້າຮ່ວມກອງປະຊຸມ ຖ້າຫາກວ່າມີການເຂົ້າຮ່ວມຂອງເຕເຮຣານ. ພ້ອມດຽວກັນນັ້ນ, ລັດເຊຍ, ຈີນ ແລະ ບາງປະເທດອື່ນກໍ່ເດັດດ່ຽວສະກັດກັ້ນການແຊກແຊງດ້ານການທະຫານແຕ່ພາຍນອກເຂົ້າຊີຣີ. ສ່ວນຢູ່ພາຍໃນປະເທດຊີຣີ, ເຖິງວ່າ, ກຳລັງຝ່າຍຄ້ານຊີຣີ ໄດ້ຕົກລົງຈະເຂົ້າຮ່ວມກອງປະຊຸມຄັ້ງນີ້ກໍ່ຕາມ ແຕ່ຝ່າຍນີ້ພັດຢືນຢັນວ່າ: ປະທານາທິບໍດີຊີຣີ Bashar al Assad ຕ້ອງລາອອກຈາກຕຳແໜ່ງ. ນັບແຕ່ກ່ອນມາຮອດປະຈຸບັນ, ປະທານາທິບໍດີຊີຣີ Bashar al Assad ຍາມໃດກໍ່ເດັດດ່ຽວບໍ່ລາອອກຈາກຕຳແໜ່ງກ່ອນການເລືອກຕັ້ງ ແລະ ປະເທດຕ່າງໆ ບໍ່ມີສິດແຊກແຊງເຂົ້າບັນຫາການເມືອງຂອງປະເທດນີ້. ປະທານາທິບໍດີຊີຣີ Bashar al Assad ຍັງໄດ້ຮັບການໜູນຫຼັງຢ່າງແຮງຈາກອົງການ Hezbolla, ການນຳອົງການນີ້, ທ່ານ Hassan Narallah ຢືນຢັນຈະໃຊ້ກຳລັງແຮງທັງໝົດເພື່ອກູ້ເອົາລະບອບຂອງປະທານາທິບໍດີຊີຣີ Bashar al Assad. ອີກຢ່າງໜຶ່ງ, ປະຈຸບັນ, ມີນັກຮົບປະມານ 3000-4000 ຄົນທີ່ຂຶ້ນກັບຂະບວນການປະກອບອາວຸດຂອງຊາວອິດຊະລາມນິກາຍຊີອະ ຢູ່ລີບັງ ພວມດຳເນີນການສູ້ຮົບຄຽງຄ້າງບັນດານັກຮົບຂອງລະບອບປະທານາທິບໍດີ Bashar al Assad ຢູ່ຊີຣີ. ໃນຂະນະນັ້ນ, ໃນການກະທຳທີ່ອັນຕະລາຍທີ່ສຸດ, ວັນທີ 27/5, ສະຫະພາບເອີລົບ ໄດ້ຮັບຮອງເອົາມະຕິສະບັບໜຶ່ງກ່ຽວກັບການລົບລ້າງຄຳສັ່ງຂວ້ຳບາດອາວຸດທີ່ມີຕໍ່ຝ່າຍຄ້ານຊີຣີ, ຜ່ານນັ້ນ, ໄດ້ຝາກສານທີ່ແຂງແຮງໄປຍັງລະບອບຂອງປະທານາທິບໍດີຊີຣີ Bashar al Assad ວ່າ: ທ່ານ Bashar al Assad ຈະບໍ່ມີການເລືອກເຟັ້ນອື່ນ ນອກຈາກການລາອອກຈາກຕຳແໜ່ງ. ໃນສະພາບການທີ່ແຕ່ລະພາກສ່ວນເຂົ້າຮ່ວມມີຄວາມບໍ່ລົງລອຍກັນຄືແນວນັ້ນ ຈະບໍສາມາດຮັບປະກັນໄດ້ວ່າ: ກອງປະຊຸມຄັ້ງນີ້ຢູ່ເຊີແນວ ຈະປະສົບຜົນສຳເລັດໄດ້.
ປະຕິກິລິຍາຂອງຝ່າຍຕ່າງໆທີ່ກ່ຽວຂ້ອງ ຕໍ່ສະພາບການຢູ່ຊີຣີ ໃນປະຈຸບັນ ແມ່ນສັນຍານຕົວຈິງສະແດງໃຫ້ເຫັນວ່າ: ວິກິດການນີ້ ແຕກຕ່າງກັນ ກັບການປະທະກັນຄັ້ງອື່ນໆ ຍ້ອນວ່າ: ບັນດາປະເທດມະຫາອຳນາດໃນໂລກ ແລະ ພາກພື້ນ ໄດ້ທຳການແຊກແຊງຢ່າງເລິກເຊິ່ງເຂົ້າຊີຣີ. ສຳລັບຊີຣີ ແລ້ວ, ດ້ວຍທີ່ຕັ້ງພູມຊາດ ແລະ ຜົນສະທ້ອນທີ່ນັບມື້ນັບສັບສົນວຸ້ນວາຍ ແລະ ອາດຈະສວມບົດບາດສຳຄັນ ໃນການປ່ຽນແປງທົ່ວພາກພື້ນຕາເວັນອອກກາງ ພາຍຫຼັງກອງປະຊຸມສາກົນຄັ້ງນີ້. ຍາມໃດທີ່ຝ່າຍຕ່າງໆຢູ່ຊີຣີ ມີການຮ່ວມແຮງຮ່ວມໃຈ ແລະ ປະຊາຄົມໂລກມີຄວາມເຫັນດີເຫັນພ້ອມນັ້ນ, ຄວາມຫວັງກ່ຽວກັບສັນຕິພາບຢູ່ປະເທດຕາເວັນອອກກາງນີ້ຈຶ່ງຈະປະກົດຜົນເປັນຈິງໄດ້. ແຕ່ສິ່ງດັ່ງກ່າວຍາກທີ່ຈະປະຕິບັດໄດ້ໃນສະພາບການໃນປະຈຸບັນ./.