(vovworld) - ຊາວ ຄຼິດ ຫວຽດນາມ ພວມຕ້ອນຮັບວັນບຸນ ຄຼິດສະມາດ ໃນຄວາມເບິກບານມ່ວນຊຶ່ນ ພ້ອມກັບວົງຄະນະຍາດສາສະຫນາ, ຊົນເຜົ່າຕ່າງໆ ຢູ່ ຫວຽດນາມ ປະຕິບັດບັນດາຫນ້າທີ່ສ້າງສາປະເທດຊາດ ໃຫ້ນັບມື້ນັບຮັ່ງມີ, ເຂັ້ມແຂງ..
ຕາມຄຸນພໍ່ ຟານຄັກຕື ຮອງປະທານທັງເປັນເລຂາທິການໃຫຍ່ຄະນະກຳມະການສາມັກຄີຄິດທະສາສະຫນາ ຫວຽດນາມ ແລ້ວ, ວັນທີ 5/6/1975 ສັງຄະນາຍົກ Phalo ຫງວຽນວັນບິ່ງ ໄດ້ສົ່ງຈົດໝາຍໃຫ້ບັນດາຄິດທະສາສະນິກະຊົນຢູ່ ນະຄອນ ໂຮ່ຈິມິນ ໂດຍຢືນຢັນວ່າ ຊາວຄຼິດ ຫວຽດນາມ ໄດ້ເລີ່ມຕົ້ນຫນ້າປະຫວັດສາດໃຫມ່, ດຳລົງຊີວິດຮ່ວມກັບປະຊາຊົນບັນດາເຜົ່າໃນປະເທດ ສັນຕິພາບ. ຈາກແນວຄິດຂອງສັງຄະນາຍົກໃນຄາວນັ້ນ ປີ 1980, ບັນດາສັງຄະລາດ ຫວຽດນາມ ໄດ້ຈັດກອງປະຊຸມເປັນຄັ້ງທຳອິດຢູ່ ຮ່າໂນ້ຍ ແລະ ໄດ້ອອກສານຮ່ວມ ດ້ວຍເນື້ອໃນຈິດໃຈ ແມ່ນ “ຢູ່ໃນສິນກິນໃນທຳເພື່ອຄວາມຜາສຸກຂອງຊາດ”. ຄຸນພໍ່ ຟານຄັກຕື ຊີ້ແຈງວ່າ:
“ຈົດໝາຍທີ່ມີຊື່ສຽງນີ້ມາຮອດປະຈຸບັນ ຍັງຄົງມີຄຸນຄ່າໃຫມ່ຢູ່, ແມ່ນຄວາມຮຽກຮ້ອງຕ້ອງການໃນສະເພາະຫນ້າ, ຮຽກຮ້ອງໃຫ້ຊາວ ຄຼິດ ຕ້ອງດຳລົງຊີວິດຮ່ວມກັບປະຊາຊົນທຸກຄົນ, ຮ່ວມມືກັບທຸກພາກສ່ວນໃນປະເທດຊາດ ແລະ ປະກອບສ່ວນເຂົ້າໃນການສ້າງສາປະເທດຊາດ. ແຕ່ລະມື້ ຊາວຄຼິດ ຕ້ອງຕິດພັນກັບຊົນຊາດ ແລະ ສະແດງໃຫ້ເຫັນຫນ້າທີ່ຄວາມຮັບຜິດຊອບຂອງພົນລະເມືອງ, ສະແດງໃຫ້ເຫັນແບບຢ່າງດີເດັ່ນໃນການອອກແຮງງານທຳການຜະລິດ, ການກຸສົນແກ່ສັງຄົມ, ຮັກແພງ ອຸ້ມຊູຊ່ວຍເຫລືອເຊິ່ງກັນ ແລະ ກັນ”
ໃນວິວັດທະນາການປ່ຽນແປງໃຫມ່ປະເທດຊາດ, ຍູ້ແຮງການຫັນປະເທດຊາດ ເປັນປະເທດອຸດສາຫະກຳ ແລະ ທັນສະໄຫມ ແລະ ເຊື່ອມໂຍງເຂົ້າກັບສາກົນ ແມ່ນເງື່ອນໄຂສະດວກເພື່ອໃຫ້ ຊາວຄຼິດ ຫວຽດນາມ ເສີມຂະຫຍາຍມູນເຊື້ອ “ຢູ່ໃນສິນກິນໃນທຳ”, ສາມັກຄີ ແລະ ຮ່ວມແຮງຮ່ວມໃຈກັບປະເທດຊາດ. ຍາມໃດຄະນະກຳມະການສາມັກຄີຄິດທະສາສະຫນາ ຫວຽດນາມ, ອົງການຜູ້ຕາງຫນ້າຊາວຄຼິດ ຫວຽດນາມ ກໍເສີມຂະຫຍາຍບົດບາດນຳຫນ້າໃນການຂົນຂວາຍປະຊາຊົນ ຊາວຄຼິດປະຕິບັດບັນດາແຜນນະໂຍບາຍ, ນະໂຍບາຍຂອງພັກ, ລັດ, ບັນດາຂະບວນການແຂ່ງຂັນຮັກຊາດເປັນຢ່າງດີ, ປະກອບສ່ວນສ້າງສາປະເທດຊາດ, ພັດທະນາເສດຖະກິດ ສັງຄົມ. ຄຸນພໍ່ ຟານຄັກຕື ຢືນຢັນວ່າ:
“ຍາມໃດປະຊາຊົນ ຊາວຄຼິດ ກໍສະແດງໃຫ້ເຫັນນ້ຳໃຈຮັກຊາດຂອງຕົນ. ການເຄື່ອນໄຫວພົ້ນເດັ່ນຂອງປະຊາຊົນ ຊາວຄຼິດ ແມ່ນການເຄື່ອນໄຫວກຸສົນສັງຄົມຄື: ຊ່ວຍເຫລືອຜູ້ທຸກຍາກ, ຜູ້ຢູ່ໂດດດຽວ, ຜູ້ຕິດເຊື້ອ HIV/AIDS, ເດັກນ້ອຍບໍ່ມີໂອກາດໄດ້ຮຽນຫນັງສື. ”
ນັບແຕ່ກ່ອນມາຮອດປະຈຸບັນ, ຍາມໃດ ພັກ, ລັດ ຫວຽດນາມ ກໍຮັບຮູ້ ແລະ ຕີລາຄາສູງບັນດາການປະກອບສ່ວນຢ່າງຕັ້ງຫນ້າຂອງປະຊາຊົນ ຊາວຄຼິດໃນກຸ່ມກ້ອນມະຫາສາມັກຄີທົ່ວປວງຊົນທັງຊາດ ພ້ອມທັງເອົາໃຈໃສ່ເບິ່ງແຍງຊີວິດການເປັນຢູ່ທຸກດ້ານຂອງປະຊາຊົນທີ່ເຊື່ອຖືສາສະຫນາຕ່າງໆ, ໃນນັ້ນ ມີປະຊາຊົນ ຊາວຄຼິດ. ດ້ວຍຄວາມເອົາໃຈໃສ່ນັ້ນ, ສາສະຫນາຄິຼດຢູ່ ຫວຽດນາມ ໄດ້ພັດທະນາຢ່າງສະດວກ ແລະ ກາຍເປັນຫນຶ່ງໃນຈຳນວນ 6 ສາສະຫນາທີ່ມີຈຳນວນຄິດທະສາສະນີກະຊົນ ຫລາຍກວ່າໝູ່ຢູ່ ຫວຽດນາມ ດ້ວຍກວ່າ 5,3 ລ້ານຄົນ, ໂບດ 6 ພັນກວ່າແຫ່ງ. ຊາວຄຼິດ ແລະ ປະຊາຊົນບັນດາເຜົ່າໄດ້ສາມັກຄີ, ສະຫນິດຕິດພັນຢ່າງແຫນ້ນແຟ້ນໃນຊີວິດການເປັນຢູ່, ໃນພາລະກິດສ້າງສາ ແລະ ປົກປັກຮັກສາປະເທດຊາດ, ພິເສດ ໃນໂອກາດວັນບຸນໃຫຍ່ຂອງແຕ່ລະສາສະຫນາ. ເນື່ອງໃນໂອກາດວັນບຸນຄຼິດສະມາດປີນີ້, ຄຸນພໍ່ ເຈີນແມ້ງເກື່ອງ ປະທານຄະນະກຳມະການສາມັກຄີຄິດທະສາສະຫນາ ແຂວງ ດັກລັກ ໃຫ້ຮູ້ວ່າ:
“ອຳນາດການປົກຄອງແຂວງກໍ່ໄດ້ລົງຢ້ຽມຢາມ ສຳນັກງານສັງຄະລາດກໍຄືໂບດໃຫຍ່, ເຂດຊາວຄຼິດ ຈຳນວນຫນຶ່ງ, ອຳນາດການປົກຄອງຮາກຖານຢູ່ ບັນດາທ້ອງຖິ່ນກໍໄປຢື້ຢາມຖາມຂ່າວພວກຂ້າພະເຈົ້າ. ສິ່ງດັ່ງກ່າວແມ່ນສະແດງໃຫ້ເຫັນອາລົມຈິດ ແລະ ສະຕິຄວາມຮັບຮູ້ຂອງພວກເຮົາແມ່ນເຮັດແນວໃດເພື່ອພັດທະນາກວ່າອີກ ໃນນັ້ນ ປະຊາຊົນຊາວຄຼິດ ກໍຄືປະຊາຊົນເຊື່ອຖືສາສະຫນາອື່ນ ນັບມື້ນັບມີສະຕິຄວາມຮັບຜິດຊອບເພື່ອໃຫ້ປະເທດຫວຽດນາມ ພັດທະນາ, ນັ້ນແມ່ນຄວາມຮຽກຮ້ອງຕ້ອງການຂອງການພັດທະນາ.”
ການນຳນະຄອນ ຮ່າໂນ້ຍ ອວຍພອນຍົດຖາບັນດາສັກເນື່ອງໃນໂອກາດ
ວັນບຸນຄຼິດສະມາດ 2012
ພາບ:internet
|
ພ້ອມກັບວິວັດທະນາການປ່ຽນໃຫມ່ປະເທດຊາດຢ່າງຮອບດ້ານ, ການສ້າງລັດຖະບັນຍັດກ່ຽວກັບ
ການເຊື່ອຖືສາສະຫນາ ດ້ວຍເນື້ອໃນຈິດໃຈ “ ປະຊາຊົນເຊື່ອຖືສາສະຫນາຕ່າງໆ ແມ່ນພາກສ່ວນສຳຄັນຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ”, ຕອບສະຫນອງບັນດາຄວາມມຸ່ງມາດປາດຖະຫນາອັນຊອບທຳຂອງ ສາສະຫນາຕ່າງໆ, ສ້າງຄວາມເບິກບານມ່ວນຊື່ນໃນໝູ່ຍົດຖາບັນດາສັກ ແລະ ປະຊາຊົນເຊື່ອຖືສາສະຫນາຕ່າງໆ, ໃນນັ້ນ ມີປະຊາຊົນ ຊາວຄຼິດ. ການເຄື່ອນໄຫວເຫລື້ອມໃສສາສະຫນາຂອງປະຊາຊົນ ຊາວຄຼິດ ໄດ້ປະຕິບັດເປັນປົກກະຕິຕາມຂໍ້ກຳນົດຂອງກົດໝາຍ. ປະຊາຊົນ ຊາວຄຼິດ ນັບມື້ນັບມີຄວາມອຸ່ນອ່ຽນໃຈ, ມີຄວາມເຊື່ອໝັ້ນ ແລະ ຫ້າວຫັນປະຕິບັດບັນດານະໂຍບາຍ, ກົດໝາຍຂອງລັດ ແລະ ປະຕິບັດບັນດາຂະບວນການແຂ່ງຂັນຮັກຊາດຢ່າງມີປະສິດທິຜົນ, ປະກອບສ່ວນເຂົ້າໃນກິດຈະການປ່ຽນແປງໃຫມ່ປະເທດຊາດ, ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ສ້າງສາ ແລະ ປົກປັກຮັກສາປະເທດຊາດ. ບັນດາການເຄື່ອນໄຫວອຸດົມສົມບູນ, ເປັນຫລາຍຮູບຫລາຍແບບ ແລະ ໝາກຜົນອັນແທດຈິງດັ່ງກ່າວຂອງປະຊາຊົນ ຊາວຄຼິດ ໃນບັ້ນຂົນຂວາຍ “ທົ່ວປວງຊົນສາມັກຄີສ້າງຊີວິດວັດທະນະທຳ ຢູ່ເຂດຊຸມຊົນ” ແລະ ຂະບວນການແຂ່ງຂັນຮັກຊາດ ແມ່ນສະແດງໃຫ້ເຫັນຈິດໃຈ ຢູ່ໃນສິນກິນໃນທຳ ຢ່າງມີຊີວິດຊີວາ, ຮ່ວມແຮງຮ່ວມໃຈພ້ອມກັບປະເທດຊາດຂອງ ປະຊາຊົນ ຊາວຄຼິດ.