ໃນໄລຍະຜ່ານມາ, ໃນເບື້ອງຕົ້ນ ຫວຽດນາມ ໄດ້ສ້າງລະບົບກອບກົດໝາຍ ແລະ ນະໂຍບາຍ ຕອບສະໜອງບັນດາຜົນປະໂຫຍດອັນແທດຈິງຂອງຊາວຫວຽດນາມ ອາໄສຢູ່ຕ່າງປະເທດ ເປັນຢ່າງດີກວ່າ, ສ້າງເງື່ອນໄຂເພື່ອໃຫ້ຊາວຫວຽດນາມ ອາໄສຢູ່ຕ່າງປະເທດມີຄວາມສະໜິດຕິດພັນກັບບ້ານເກີດເມືອງນອນກວ່າ, ສະແດງໃຫ້ເຫັນຈິດໃຈ “ຊາວຫວຽດນາມອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກປະຊາຄົມຊາວຫວຽດນາມ ໄດ້ ແລະ ແມ່ນແຫຼ່ງກຳລັງຂອງປະຊາຄົມຊາວຫວຽດນາມ”. ຫວຽດນາມ ໄດ້ກວດກາຄືນ, ປັບປຸງ, ເພີ່ມເຕີມ, ສ້າງບັນດາເອກະສານດ້ານກົດໝາຍສຳຄັນໃໝ່ ທີ່ກ່ຽວຂ້ອງເຖິງຊາວຫວຽດນາມ ອາໄສຢູ່ຕ່າງປະເທດຄື: ກົດໝາຍວ່າດ້ວຍສຳມະໂນພົນລະເມືອງ, ທີ່ດິນ, ເຮືອນຢູ່, ການລົງທຶນ, ວິສາຫະກິດ, ລັດຖະດຳລັດກ່ຽວກັບເງິນຕາຕ່າງປະເທດ, ບັນດາຂໍ້ກຳນົດກ່ຽວກັບການຢູ່ອາໄສ, ກັບເມືອບ້ານ… ຕາມທິດນັບມື້ນັບສະດວກສະບາຍໃຫ້ຊາວຫວຽດນາມ ອາໄສຢູ່ຕ່າງປະເທດກວ່າ. ບັນດານະໂຍບາຍທີ່ຕັ້ງໜ້າດັ່ງກ່າວໄດ້ປະກອບສ່ວນສ້າງເງື່ອນໄຂເພື່ອໃຫ້ປະຊາຄົມຊາວຫວຽດນາມອາໄສຢູ່ຕ່າງປະເທດ, ກ່ອນອື່ນໝົດແມ່ນຖັນແຖວປັນຍາຊົນ, ນັກວິທະຍາສາດ ແລະ ນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ປະກອບສ່ວນໃຫ້ປະເທດຊາດໃນຫຼາຍຂົງເຂດຄື: ການເມືອງ, ການຕ່າງປະເທດ, ເສດຖະກິດ, ວັດທະນະທຳ, ວິທະຍາສາດ - ເຕັກໂນໂລຊີ, ການສຶກສາ - ບຳລຸງສ້າງ… ມາຮອດປະຈຸບັນ, ນັບມື້ນັບມີນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ລົງທຶນກັບເມືອປະເທດ, ຂອບຂະໜາດຂອງບັນດາໂຄງການລົງທຶນນັບມື້ນັບໄດ້ຮັບການເປີດກວ້າງ ແລະ ແຫຼ່ງເງິນທີ່ຊາວຫວຽດນາມ ອາໄສຢູ່ຕ່າງປະເທດຝາກມານັບມື້ນັບເພີ່ມຂຶ້ນຢ່າງແຮງ. ສິ່ງດັ່ງກ່າວໄດ້ຢືນຢັນເຖິງການປະກອບສ່ວນຫຼາຍພໍສົມຄວນຂອງຊາວຫວຽດນາມ ອາໄສຢູ່ຕ່າງປະເທດທີ່ມີຕໍ່ປະເທດຊາດ. ນັກທຸລະກິດ ແທ່ງໂດ້, ພາຍຫຼັງດຳລົງຊີວິດ ແລະ ເຮັດວຽກຢູ່ລັດເຊຍ ໃນໄລຍະໜຶ່ງ, ປະຈຸບັນພວມລົງທຶນອະສັງຫາລິມະຊັບ ແລະ ກໍ່ສ້າງບັນດາກິດຈະກຳເຮືອນຕຶກຫຼາຍຊັ້ນ ຢູ່ນະຄອນໂຮ່ຈິມິນ ແລະ ຍາຈາງ ໃຫ້ຮູ້ວ່າ.
“ຂ້າພະເຈົ້າກໍ່ຢາກປະກອບສ່ວນໃດສ່ວນໜຶ່ງຂອງຕົນເພື່ອພັດທະນານະຄອນໂຮ່ຈິນມິນ, ຂ້າພະເຈົ້າຢາກປະກອບສ່ວນໃນຂົງເຂດກໍ່ສ້າງ, ເພື່ອໃຫ້ຊ່ວຍປະເທດມີການປ່ຽນແປງຍິ່ງໄວ້ກໍ່ຍິ່ງດີ”.
ບໍ່ພຽງແຕ່ປະກອບສ່ວນດ້ານເສດຖະກິດເທົ່ານັ້ນ, ບັນດາການປະກອບສ່ວນດ້ານພູມປັນຍາ ແລະ ເຫື່ອແຮງຂອງຊາວຫວຽດນາມ ອາໄສຢູ່ຕ່າງປະເທດ ກໍແມ່ນແຫຼ່ງກຳລັງທີ່ສຳຄັນ ປະກອບສ່ວນຮັບໃຊ້ພາລະກິດພັດທະນາປະເທດຊາດ. ນັບມື້ນັບມີປັນຍາຊົນ, ນັກວິທະຍາສາດຫຼາຍຄົນ ກັບເມືອປະເທດເພື່ອເຮັດວຽກ, ປະກອບຄຳເຫັນໃຫ້ແກ່ປະເທດຊາດໃນບັນດາບັນຫາຮີບດ່ວນຄື: ປະຕິຮູບດ້ານການສຶກສາ, ສາທາລະນະສຸກ, ການສ້າງໂຄງປະກອບເສດຖະກິດຄືນໃໝ່, ພະລັງງານສະອາດ… ຄາດວ່າ, ແຕ່ລະປີມີນັກຊ່ຽວຊານຊາວຫວຽດນາມ ອາໄສຢູ່ຕ່າງປະເທດປະມານ 300 ເທື່ອຄົນ ກັບເມືອປະເທດ, ໃນນັ້ນ 55% ເມືອເຮັດວຽກຢູ່ບັນດາອົງການຂອງລັດ ແລະ 45% ເຮັດວຽກຢູ່ບັນດາອົງການສຶກສາ ແລະ ຄົ້ນຄວ້າໃນບັນດາຂົງເຂດວິທະຍາສາດພື້ນຖານ. ທ່ານສາດສະດາຈານ ເລວັນເກື່ອງ, ມະຫາວິທະຍາໄລ ປາຣີ 1, ຫົວໜ້າສູນວິທະຍາສາດຝລັ່ງ, ມີຄວາມຄົ້ນຄິດຫຼາຍກ່ຽວກັບພາລະກິດສຶກສາຂອງລັດຫວຽດນາມ.
“ຂ້າພະເຈົ້າເອົາໃຈໃສ່ເຖິງຂົງເຂດ ເຮັດຄືແນວໃນເພື່ອບຳລຸງສ້າງພວກນ້ອງໃນຂະແໜງເສດຖະກິດວິທະຍາ ທີ່ມີລະດັບສາກົນ. ວຽກງານດັ່ງກ່າວນອນໃນກຳມືຂອງພວກເຮົາ. ຮູບການກໍ່ສ້າງພະແນກເສດຖະກິດມີຄຸນນະພາບສູງນັ້ນແມ່ນຮູບການຮ່ຳຮຽນຢູ່ຕ່າງປະເທດຢູ່ກັບທີ, ປະຢັດເງິນ, ທີ່ 2 ແມ່ນບໍ່ເກີດສະພາບປັນຍາຊົນຍ້າຍໄປເຮັດວຽກຢູ່ຕ່າງປະເທດ, ທີ່ 3 ແມ່ນດຶງດູດປັນຍາຊົນຈາກຕ່າງປະເທດກັບເມືອ”.
ຕາມທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ແລ້ວ, ເພື່ອສືບຕໍ່ລະດົບຊາວຫວຽດນາມ ອາໄສຢູ່ຕ່າງປະເທດປະກອບສ່ວນໃຫ້ແກ່ປະເທດຊາດ, ລັດຖະບານຫວຽດນາມ ສືບຕໍ່ຄົ້ນຄວ້າບັນດານະໂຍບາຍ, ມາດຕະການຢ່າງລະອຽດ, ເພື່ອຮັບປະກັນພື້ນຖານນິຕິກຳໃຫ້ຊາວຫວຽດນາມ ອາໄສຢູ່ຕ່າງປະເທດກັບເມືອສ້າງສາບ້ານເກີດເມືອງນອນ.
“ເລື່ອງຂົນຂວາຍຊາວຫວຽດນາມ ອາໄສຢູ່ຕ່າງປະເທດມຸ່ງຫາບ້ານເກີດເມືອງນອນ ແມ່ນມີຄວາມໝາຍສຳຄັນທີ່ສຸດ. ຊາວຫວຽດນາມ ອາໄສຢູ່ຕ່າງປະເທດມີພູນປັນຍາ, ມີຄວາມສາມາດ 80% ຈຳນວນຊາວຫວຽດນາມ ບັນລຸຜົນສຳເລັດຢູ່ຕ່າງປະເທດ ແມ່ນອາໄສຢູ່ບັນດາປະເທດພັດທະນາ, ນັ້ນແມ່ນແຫຼ່ງກຳລັງ. ລັດຖະບານກໍມີແຜນນະໂຍບາຍຂົນຂວາຍ, ດຶງດູດຊາວຫວຽດນາມ ທີ່ມີພູມປັນຍາ, ມີບົດຮຽນເຂົ້າຮ່ວມພາລະກິດສ້າງສາປະເທດຊາດ, ໂດຍສະເພາະແມ່ນໃນວິວັດທະນາການເຫັນເປັນປະເທດອຸດສາຫະກຳ ແລະ ທັນສະໄໝ”.
ວຽກງານກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໄດ້ຮັບການຜັນຂະຫຍາຍນັບມື້ນັບອຸດົມສົມບູນ, ດ້ວຍຫຼາຍຮູບການ ໄດ້ສ້າງບັນດາເວທີປາໄສຢ່າງກວ້າງຂວາງເພື່ອປະກອບຄຳເຫັນໃຫ້ແກ່ການສ້າງສາປະເທດຊາດ, ປະກອບສ່ວນເພີ່ມທະວີຄວາມສະໜິດຕິດພັນອາລົມຈິດຕໍ່ບ້ານເກີດເມືອງນອນຂອງປະຊາຄົມ. ບັນດາບ້າດກ້າວບຸກທະລຸໃນນະໂຍບາຍ ແລະ ວຽກງານກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໄດ້ປະກອບສ່ວນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ເສີມຂະຫຍາຍແຫຼ່ງກຳລັງຈາກຊາວຫວຽດນາມ ອາໄສຢູ່ຕ່າງປະເທດ ທີ່ປະກອບສ່ວນໃຫ້ພາລະກິດສ້າງສາ ແລະ ປົກປັກຮັກສາປະເທດຊາດ.