ການປະຊຸມຂ່າວແນະນຳດຳລັດ 72
(ພາບ: nhandan.com.vn)
|
ຫວ່າງແລ້ວນີ້, ກະຊວງຖະແຫຼງຂ່າວ ແລະ ໂທລະຄົມຫວຽດນາມຫາກໍແນະນຳດຳລັດ 72 ດ້ວຍບັນດາຂໍ້ມາດຕາກ່ຽວກັບການຄຸ້ມຄອງ, ສະໜອງ, ນຳໃຊ້ການບໍລິການອິນເຕີເນັດຕາມທິດສ້າງສະພາບແວດລ້ອມແຫ່ງການດຳເນີນທຸລະກິດຍຸຕິທຳ, ກະຈ່າງແຈ້ງ, ຊຸກຍູ້ການພັດທະນາຂອງບັນດາປະເພດສື່ຂ່າວທາງເຄືອຂ່າຍອິນເຕີເນັດ ຊຶ່ງໄດ້ກົງກັນຂ້າມກັບບັນດາການຕຳໜິຕິຕຽນຂອງບາງອົງການ, ສ່ວນບຸກຄົນທີ່ຂາດເຈດຕະນາດີ ໂດຍຖືວ່າ ດຳລັດ 72 ເປັນການນາບຂູ່ຢ່າງຮ້າຍແຮງຄັ້ງໃໝ່ທີ່ມີຕໍ່ບັນດານັກຂ່າວທາງເຄືອຂ່າຍ ອິນເຕີເນັດ ກໍຄື blogger ຕ່່າງໆ.
ດຳລັດ 72 ລວມມີ 6 ພາກ, 46 ມາດຕາ ຊຶ່ງໄດ້ກຳນົດລະອຽດກ່ຽວກັບບໍລິການອິນເຕີເນັດ, ຊັບພະຍາກອນອິນເຕີເນັດ, ຫຼັກການຄຸ້ມຄອງ, ສະໜອງ, ນຳໃຊ້ຂໍ້ມູນຂ່າວສານທາງເຄືອຂ່າຍອິນເຕີເນັດ, ຄຸ້ມຄອງການສ້າງເວບໄຊ, ເຄືອຂ່າຍສັງຄົມ, ການສະໜອງການບໍລິການເນື້ອໃນຂໍ້ມູນຂ່າວສານທາງເຄືອຂ່າຍໂທລະຄົມ, ການສະໜອງການບໍລິການຫຼິ້ນເກັມທາງເຄືອຂ່າຍອິນເຕີເນັດ, ການຮັບປະກັນຄວາມປອດໄພດ້ານ ຂໍ້ມູນຂ່າວສານທາງເຄືອຂ່າຍອິນເຕີເນັດ. ດຳລັດ 72 ສ້າງເງື່ອນໄຂພັດທະນາບັນດາປະເພດສື່ຂ່າວທາງເຄືອຂ່າຍອິນເຕີເນັດໂດຍຜ່ານບັນດາມາດຕະການອອກໜັງສືອະນຸຍາດ ສ້າງ ເວບໄຊ, ເຄືອຂ່າຍສັງຄົມ, ຈົດທະບຽນສະໜອງບໍລິການ. ດຳລັດ 72 ຍັງກຳນົດຢ່າງຈະແຈ້ງກ່ຽວກັບສິດ ແລະ ພັນທະຂອງບັນດາອົງການຈັດຕັ້ງ, ວິສາຫະກິດ ສະໜອງການບໍລິການ ຂໍ້ມູນຂ່າວສານທາງເຄືອຂ່າຍອິນເຕີເນັດຂອງຜູ້ຊົມໃຊ້ການບໍລິການ ແລະ ເຕື້ອງເຖິງບັນຫາຄຸ້ມຄອງການສະໜອງ ຂໍ້ມູນຂ່າວສານສາທາລະນະຜ່ານຊາຍແດນບົນພື້ນຖານຮັບປະກັນກົດໝາຍຫວຽດນາມ, ທຳນຽມ ແລະ ບັນດາຄຳໝັ້ນສັນຍາສາກົນຊຶ່ງຫວຽດນາມໄດ້ເຂົ້າຮ່ວມ ຄືດັ່ງຄຳເວົ້າຂອງທ່ານຮອງລັດຖະມົນຕີກະຊວງຖະແຫຼງຂ່າວ ແລະ ໂທລະຄົມຫວຽດນາມ ເລນາມທັ້ງ ໄດ້ຢືນຢັນໃນການປະຊຸມຂ່າວແນະນຳດຳລັດ 72 ນີ້ວ່າ :
“ ເມື່ອສ້າງດຳລັດ 72, ພວກຂ້າພະເຈົ້າຕ້ອງຮັບປະກັນແນວໃດ ເພື່ອໃຫ້ບັນດາຂໍ້ກຳນົດໃນກົດໝາຍ ສ້າງເງື່ອນໄຂຊຸກຍູ້, ພົວພັນແລກປ່ຽນ, ຮ່ວມມືເສດຖະກິດ, ກໍຄືການຄ້າເອເລັກໂຕນິກ. ພວກຂ້າພະເຈົ້າຕ້ອງຕິດຕາມບັນດາ ບັນດາຄຳໝັ້ນສັນຍາສາກົນຊຶ່ງຫວຽດນາມໄດ້ລົງນາມ, ເຂົ້າຮ່ວມໃນມໍ່ມານີ້, ພີເສດແມ່ນໃນອົງການ WTO, ບັນດາສັນຍາ 2 ຝ່າຍ, ຫຼາຍຝ່າຍອື່ນໆຊຶ່ງຫວຽດນາມໄດ້ເຂົ້າຮ່ວມເພື່ອທາບທາມ, ຮັບປະກັນກອບກົດໝາຍຫວຽກນາມກ່ຽວກັບ ອິນເຕີເນັດ ໃຫ້ທັງສອດຄ່ອງກັບເງື່ອນໄຂຕົວຈິງຂອງຫວຽດນາມ, ທັງຕອບສະໜອງຕາມກົດໝາຍສາກົນຊຶ່ງຫວຽດນາມໄດ້ເຂົ້າຮ່ວມ ”
ເນື້ອໃນດຳລັດ 72 ແມ່ນເຊັ່ນນັ້ນ, ຄິດວ່າໄດ້ຈະແຈ້ງທີ່ສຸດແລ້ວ. ແຕ່ໃນຈຸດເວລາກ່ອນ ແລະ ພາຍຫຼັງທີ່ດຳລັດ 72 ໄດ້ຮັບການປະກາດຈາກລັດຖະບານ, ຄະນະກຳມະການປົກປ້ອງສິດເປັນມະນຸດຫວຽດນາມທີ່ມີສຳນັກງານຕັ້ງຢູ່ຝະລັ່ງ ແລະ ອົງການ Committee to Protect journalists ທີ່ມີສຳນັກງານຕັ້ງຢູ່ອາເມລິກາ ໄດ້ເສັກສັ້ນປັ້ນແຕ່ງບິດເບື່ອນຄວາມຈິງກ່ຽວກັບເສລີພາບທາງສື່ມວນຊົນຫວຽດນາມ, ຊຶ່ງໄດ້ຖືວ່າ ດຳລັດ 72 “ ແນໃສ່ເສລີພາບທາງເຄືອຂ່າຍອິນເຕີເນັດ ” , ທັງເປັນການນາບຂູ່ຢ່າງຮ້າຍແຮງຄັ້ງໃໝ່ທີ່ມີຕໍ່ບັນດານັກຂ່າວທາງເຄືອຂ່າຍ ອິນເຕີເນັດກໍຄື blogger ຕ່່າງໆ” . ອາດຈະຢືນຢັນໄດ້ວ່າ : ດຳລັດ 72 ບໍ່ມີປະໂຫຍກໃດ, ສັບໃດທີ່ສະແດງໃຫ້ເຫັນການເກືອດຫ້າມບັນດາສ່ວນບຸກຄົນນຳໃຊ້ເຄືອຂ່າຍສັງຄົມເພື່ອແບ່ງປັນ ແລະ ລວບລວມຂໍ້ມູນຂ່າວສານ, ເພາະສະນັ້ນ, ດຳລັດນີ້ບໍ່ເປັນ “ ການນາບຂູ່ທີ່ມີຕໍ່ບັນດານັກຂ່າວທາງເຄືອຂ່າຍ ອິນເຕີເນັດ ກໍຄື blogger ຕ່່າງໆ ” . ຕາມດຳລັດນີ້, ບັນດາສ່ວນບຸກຄົນມີສິດແບ່ງຂໍ້ມູນຂ່າວທາງ ເຄືອຂ່າຍສັງຄົມ. ພຽງແຕ່ມີຈຸດໜຶ່ງທີ່ຕ່າງເກົ່າ, ນັ້ນແມ່ນແທນທີ່ຄັດສະເໜີຂໍ້ມູນຂ່າວສານທັງໝົດນັ້ນ, ບັນດາສ່ວນບຸກຄົນມີສິດຄັດສະເໜີຂໍ້ມູນຂ່າວສ່ວນໜຶ່ງຊຶ່ງຕິດພ້ອມກັບ ລະຫັດ Link ຕົ້ນສະບັບຂອງຂໍ້ມູນຂ່າວເພື່ອໃຫ້ຜູ້ອື່ນຢາກຊອກຮູ້ຂ່າວຄາວຢ່າງຄົບຖ້ວນ, ກໍສາມາດເຂົ້າລະຫັດ Link ນັ້ນ. ຈຸດປະສົງຂອງຂໍ້ກຳນົດດັ່ງກ່າວ ແມ່ນເພື່ອປົກປ້ອງສິດຊັບສິນທາງປັນຍາ, ລິຂະສິດກ່ຽວກັບຂໍ້ມູນຂ່າວຂອງບັນດາອົງການສື່ມວນຊົນ ເພາະໃນຕົວຈິງໄດ້ໃຫ້ເຫັນວ່າ ມີອົງການສື່ມວນຊົນຫຼາຍແຫ່ງມີຄວາມຮ້ອນເຮັ່ງທີ່ສຸດຕໍ່ໄພອັນຕະລາຍ ແຕະຕ້ອງເຖິງ ລິຂະສິດຂໍ້ມູນຂ່າວ, ລິຂະສິດຂອງຜູ້ແຕ່ງຂ່າວທາງເຄືອຂ່າຍສັງຄົມ.
ດຳລັດ 72 ຍັງເພີ່ມທະວີການຮັບປະກັນຄວາມປອດໄພ ແລະ ຄວາມໝັ້ນຄົງດ້ານຂໍ້ມູນຂ່າວສານທາງເຄືອຂ່າຍ ອິນເຕີເນັດ ກໍແມ່ນສິ່ງທີ່ສຳຄັນ. ເພາະວ່າ ການຄຸ້ມຄອງທີ່ໄປຄຽງຄູ່ກັບການສ້າງເງື່ອນໄຂເພື່ອໃຫ້ ອິນເຕີເນັດ ພັດທະນາ ກໍແມ່ນສິ່ງທີ່ຫວຽດນາມ ກໍຄືທຸກໆປະເທດນຳໃຊ້ ອິນເຕີເນັດນັ້ນ, ກໍລ້ວນແຕ່ປະຕິບັດ. ການຄຸ້ມຄອງຄວາມປອດໄພ ແລະ ຄວາມໝັ້ນຄົງດ້ານຂໍ້ມູນຂ່າວສານທາງເຄືອຂ່າຍ ອິນເຕີເນັດ ຂອງຫວຽດນາມ ກໍສອດຄ່ອງກັບທຳນຽມສາກົນ ແລະ ສະພາບຕົວຈິງຢູ່ຫວຽດນາມຢ່າງສິ້ນເຊິ່ງ. ກ່ຽວກັບສິ່ງນີ້, ທ່ານຮອງລັດຖະມົນຕີກະຊວງຖະແຫຼງຂ່າວ ແລະ ໂທລະຄົມຫວຽດນາມ ເລນາມທັ້ງ ຢືນຢັນວ່າ :
“ ເພື່ອຕໍ່ສູ້ກັບບັນດາເນື້ອໃນຂໍ້ມູນຂ່າວທີ່ຜິດພາດ, ລະເມີດກົດໝາຍທາງເຄືອຂ່າຍ ອິນເຕີເນັດນັ້ນ, ບໍ່ພຽງແຕ່ນຳໃຊມາດຕະການບໍລິຫານ: ເຕັກນິກ ຫຼື ເສດຖະກິດເທົ່ານັ້ນ, ຫາກຕ້ອງນຳໃຊ້ບັນດາມາດຕະການທີ່ສຳຄັນຄື ປະຊາຄົມບັນດາອົງການສື່ມວນຊົນທາງເຄືອຂ່າຍ ອິນເຕີເນັດ ຂອງພວກເຮົາ ຕ້ອງເຮັດແນວໃດສະໜອງໄດ້ຫຼາຍຂໍ້ມູນຂ່າວຢ່າງເປັນທາງການ, ມີຄວາມຊັດເຈນ. ທັງນີ້ກໍສາມາດຍູ້ບັນດາຂໍ້ມູນຂ່າວທີ່ຜິດພາດ, ເສື່ອມຊາມໃຫ້ຖອຍໄປ ”
ໃນສະພາບທີ່ ອິນເຕີເນັດ ສືບຕໍ່ພັດທະນາຕາມທິດເປີດປະຕູແກ່ງແຍ້ງ ແລະ ເຊື່ອມໂຍງເຂົ້າກັບສາກົນ, ກໍເຊັ່ນດຽວກັນບັນດາປະເທດໃນໂລກ, ຫວຽດນາມຕ້ອງຄຸ້ມຄອງ,ສະໜອງ, ນຳໃຊ້ການບໍລິການ ອິນເຕີເນັດ ແລະ ເນື້ອໃນຂໍ້ມູນຂ່າວ ສານທາງ ອິນເຕີເນັດ. ການ ສະໜອງ, ນຳໃຊ້ອິນເຕີເນັດຢູ່ຫວຽດນາມ ຕ້ອງຮັບປະກັນມາດຖານດ້ານຄຸນສົມບັດ, ວັດທະນະທຳ, ຄວາມສະຫງົບແຫ່ງຊາດ, ປະຕິບັດຕາມລະບຽບກົດໝາຍຫວຽດນາມ ແລະ ສາກົນ, ຄືບັນດາຂໍ້ກຳນົດຂອງ ດຳລັດ 72 ແມ່ນສິ່ງທີ່ເປັນໜ້າປະຕິບັດເພື່ອສະກັດກັ້ນບັນດາດ້ານຫຼັງຂອງ ອິນເຕີເນັດ ທີ່ອາດຈະກໍ່ໃຫ້ເກີດຜົນພາຍຫຼັງ ກໍຄືຜົນຮ້າຍທີ່ບໍ່ອາດຄາດຄະເນໄວ້ລວງໜ້າຕໍ່ສັງຄົມ.