( vovworld ) – ກອງປະຊຸມຄັ້ງທີ 5 ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ສະຫລຸບ 4 ບັນຫາໃຫ່ຍຄື: ປັບປຸງ ແລະ ເພີ່ມເຕີມລັດຖະທຳມະນູນ, ນະໂຍບາຍກົດໝາຍກ່ຽວກັບທີ່ດິນ, ວຽກງານປ້ອງກັນ, ຕ້ານໄພສໍ້ລາດບັງຫຼວງ, ການຟູມເຟືອຍ ແລະ ບາງບັນຫາກ່ຽວກັບນະໂຍບາຍສັງຄົມ, ເງິນເດືອນແຕ່ນີ້ຮອດປີ 2020. ໃນວາລະອັດກອງປະຊຸມເມື່ອວັນທີ 15/5 ຢູ່ຮ່າໂນ້ຍ, ທ່ານເລຂາທິການໃຫ່ຍ Nguyen Phu Trong ໄດ້ມີບົດກ່າວປາໄສ, ເຮັດແຈ້ງ ແລະ ລວບລວມບັນດາໝາກຜົນສຳຄັນທີ່ກອງປະຊຸມບັນລຸໄດ້. ຕໍ່ໄປນີ້ແມ່ນບັນດາເນື້ອໃນຕົ້ນຕໍຂອງບົດກ່າວຄຳປາໄສດັ່ງກ່າວ.
ພັດທະນາປະເທດຊາດເປັນປະເທດອຸດສາຫະກຳໃນປີ 2020
(ພາບ:baoxaydung.com.vn)
ການສະຫລຸບ, ປັບປຸງ ແລະ ເພີ່ມເຕີມລັດຖະທຳມະນູນປີ 1992 ແມ່ນເນື້ອໃນໃຫ່ຍ, ສຳຄັນພິເສດຂອງກອງປະຊຸມຄັ້ງນີ້. ຕາມທ່ານເລຂາທິການໃຫ່ຍ Nguyen Phu Trong ແລ້ວ, ມາຮອດປະຈຸບັນ, ລັດຖະທຳມະນູນປີ 1992 ໄດ້ຜ່ານໄລຍະທາງແຫ່ງການນຳໃຊ້ 20 ປີແລ້ວ. ກອງປະຊຸມຄັ້ງທີ 11 ຂອງພັກໄດ້ຮັບຮອງເອົາໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມ; ມີຫຼາຍບັນຫາໃໝ່ໄດ້ວາງອອກ, ມີບັນດາຂໍ້ກຳນົດຂອງລັດຖະທຳມະນູນປີ 1992 ບໍ່ເໝາະສົມ. ສະນັ້ນ, ເລື່ອງປັບປຸງ ເພີ່ມເຕີມລັດຖະທຳມະນູນປີ 1992 ແມ່ນຄຳຮຽກຮ້ອງຢ່າງພາວະວິໄສ, ຈຳເປັນ. ທ່ານເລຂາທິການໃຫ່ຍ Nguyen Phu Trong ຊີ້ແຈ້ງວ່າ:
“ທີ່ກອງປະຊຸມຄັ້ງນີ້, ສູນກາງໄດ້ພິຈາລະນະ, ປຶກສາຫາລືບົດລາຍງານຂອງຄະນະກຳມະການຮຽບຮຽງຮ່າງລັດຖະທຳມະນູນສະບັບປັບປຸງ ເພີ່ມເຕີມ, ໄດ້ເຫັນດີກັບຫຼາຍເນື້ອໃນຂອງບົດລາຍງານ ແລະ ໃບຍື່ນສະເໜີໂດຍພື້ນຖານ. ພ້ອມກັນນັ້ນສືບຕໍ່ເນັ້ນໜັກ, ປັບປຸງ, ເພີ່ມເຕີມລັດຖະທຳມະນູນແມ່ນວຽກງານສຳຄັນພິເສດ, ສະດຸ້ງໄວ, ຕ້ອງມີທັດສະນະ ແລະ ມີວິໄສທັດຮອບດ້ານ, ສັດຈະວິພາກ, ລະອຽດ, ປະຫວັດສາດ, ມີວິທີປະຕິບັດຢ່າງມີວິທະຍາສາດ, ລະມັດລະວົງ, ຫລີກລ້ຽງຈີນຕະນາການທີ່ເຟີ້ຝັນ, ບ”ຕິດແທດກັບຕົວຈິງ. ບັນດາຂໍ້ສະເໜີປັບປຸງ ເພີ່ມເຕີມຕ້ອງອີງຕາມໝາກຜົນສະຫລຸບຕົວຈິງການປະຕິບັດລັດຖະທຳມະນູນປີ 1992 ແລະ ບັນດາປະມວນກົດໝາຍທີ່ກ່ຽວຂ້ອງຢ່າງເລິກເຊີ່ງ; ຊາບຊືມຄຳຮຽກຮ້ອງຫັນໂຄງການການເມືອງການສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມເປັນລະບຽບກົດໝາຍ ແລະ ມະຕິກອງປະຊຸມໃຫ່ຍຂອງພັກຄັ້ງທີ 11, ສືບຕໍ່ສືບທອດບັນດາຂໍ້ກຳນົດຂອງລັດຖະທຳມະນູນປີ 1992 ແລະ ລັດຖະທຳມະນູນສະບັບກ່ອນທີ່ຍັງເໝາະສົມ“.
ບັນດາຜູ້ແທນຢູ່ກອງປະຊຸມ
(ພາບ: nguyenphutrong.net)
ທ່ານເລຂາທິການໃຫ່ຍ Nguyen Phu Trong ກໍ່ເນັ້ນໜັກເຖິງບັນດາຄຳຮຽກຮ້ອງປັບປຸງລັດຖະທຳມະນູນກ່ຽວກັບລະບອບການເມືອງ, ເສດຖະກິດຢູ່ ຫວຽດນາມ. ຕາມນັ້ນແລ້ວ, ລະບອບປະຊາທິປະໄຕຢູ່ ຫວຽດນາມ ແມ່ນປະຊາທິປະໄຕສັງຄົມນິຍົມ. ລັດຫວຽດນາມ ແມ່ນແຫ່ງອຳນາດນິຕິບັນຍັດສັງຄົມນິຍົມ, ຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ພັກກອມມູນິດຫວຽດນາມ ແມ່ນກຳລັງຊີ້ນຳນຳພາລັດ ແລະ ສັງຄົມ. ຫວຽດນາມ ມີແຜນນະໂຍບາຍພັດທະນາເສດຖະກິດການຕະຫຼາດ ຕາມການກຳນົດທິດສັງຄົມນິຍົມດ້ວຍຫຼາຍຮູບການກຳມະສິດ, ຫຼາຍພາກສ່ວນເສດຖະກິດ, ຮູບການຈັດຕັ້ງດຳເນີນທຸລະກິດ ແລະ ຮູບການແຈກຢາຍ. ກ່ຽວກັບຂັ້ນຕອນການປັບປຸງລັດຖະທຳມະນູນ, ທ່ານເລຂາທິການໃຫ່ຍຮຽກຮ້ອງໃຫ້ປະຕິບັດຕາມເນື້ອໃນຈິດໃຈມະຕິສູນກາງພັກຄັ້ງທີ 2 ຊຸດທີ 11 ແລະ ມາດຕາທີ 147 ຂອງລັດຖະທຳມະນູນ ທີ່ພວມມີຜົນສັກສິດ, ຕ້ອງດຳເນີນຢ່າງແໜ້ນແຟ້ນ, ມີວິທະຍາສາດ, ຮັບປະກັນການເຂົ້າຮ່ວມຂອງບັນດາຜູ້ຊ່ຽວຊານ, ນັກວິທະຍາສາດ, ນັກຄຸ້ມຄອງ ແລະ ຈັດຕັ້ງການຮັບເອົາຄຳເຫັນຈາກປະຊາຊົນຢ່າງກ້ວາງຂວາງ ກ່ຽວກັບບັນດາເນື້ອໃນປັບປຸງ ເພື່ອໃຫ້ສະພາແຫ່ງຊາດມີພື້ນຖານຢ່າງຄົບຖ້ວນເພື່ອພິຈາລະນາ, ຕົກລົງ.
ກ່ຽວກັບນະໂຍບາຍ, ກົດໝາຍທີ່ດິນ, ທ່ານເລຂາທິການໃຫ່ຍ Nguyen Phu Trong ໃຫ້ຮູ້ວ່າ: ກອງປະຊຸມສືບຕໍ່ຢືນຢັນວ່າ ທິ່ດິນແມ່ນກຳມະສິດທົ່ວປວງຊົນ ໂດຍລັດເປັນຜູ້ຕາງໜ້າເຈົ້າຂອງກຳມະສິດ ແລະ ຄຸ້ມຄອງຢ່າງເປັນເອກະພາບ. ພ້ອມກັນນັ້ນໄດ້ກຳນົດຢ່າງຈະແຈ້ງ, ລະອຽດກ່ຽວກັບບັນດາສິດຂອງຜູ້ຕາງໜ້າເຈົ້າຂອງກຳມະສິດ ແລະ ສິດຄຸ້ມຄອງຢ່າງເປັນເອກະພາບຂອງລັດ. ຈຸດໃໝ່ໃນກອງປະຊຸມຄັ້ງນີ້ ແມ່ນທາງສູນກາງໄດ້ຮັບຮູ້ຢ່າງຈະແຈ້ງກ່ວາ ແລະ ກຳນົດລະອຽດຄວາມແຕກຕ່າງລະຫວ່າງສິດກຳມະສິດທີ່ດິນ ແລະ ສິດນຳໃຊ້ທີ່ດິນ; ສິດ ແລະ ຄວາມຮັບຜິດຊອບຂອງລັດກັບສິດ ແລະ ພັນທະຂອງຜູ້ນຳໃຊ້ທີ່ດິນ ສຳລັບດິນແຕ່ລະປະເພດ. ທ່ານເລຂາທິການໃຫ່ຍ Nguyen Phu Trong ເນັ້ນໜັກວ່າ:
“ຕ້ອງຮີບເຮັ່ງຄົ້ນຄ້ວາປັບປຸງ ແລະ ເພີ່ມເຕີມກົດໝາຍວ່າດ້ວຍທີ່ດິນ ແລະ ສ້າງສຳເລັດກົດໝາຍວ່າດ້ວຍທີ່ດິນ ເພື່ອແກ້ໄຂບັນດາຂໍ້ຈຳກັດ, ຈຸດອ່ອນທີ່ຍັງຄົງຄ້າງໃນປະຈຸບັນໂດຍໄວ, ຕອບສະໜອງຄຳຮຽກຮ້ອງໃນການຈັດແບ່ງທີ່ດິນຢ່າງເໝາະສົມ, ນຳໃຊ້ທີ່ດິນຖືກຕ້ອງຕາມຈຸດປະສົງ, ປະຢັດ ແລະ ມີປະສິດທິຜົນ, ຮັບປະກັນຜົນປະໂຫຍດໃນສະເພາະໜ້າ ແລະ ຍາວນານ, ຮັກສາສິ່ງແວດລ້ອມຊີວະພາບ. ຍົກສູງຄຸນນະພາບ ແລະ ຮັກສາທີ່ດິນກະສິກຳ, ຄ້ຳປະກັນສະບຽງອາຫານແຫ່ງຊາດ, ຮັກສາສະຖຽນລະພາບດ້ານການເມືອງ, ສັງຄົມ ແລະ ພັດທະນາ ແບບຍືນຍົງ. ພັດທະນາຕະຫຼາດອະສັງຫາລິມະຊັບ ຢ່າງໂປ່ໃສ, ໃນນັ້ນ ມີສິດນຳໃຊ້ທີ່ດິນ, ຮັບປະກັນລະຫວ່າງຜົນປະໂຫຍດຂອງລັດ, ປະຊາຊົນ ແລະ ນັກລົງທຶນຢ່າງກົມກຽວ“
(ພາບ:tuanvietnam.vietnamnet.vn)
ກ່ຽວກັບວຽກງານປ້ອງກັນ ແລະ ຕ້ານໄພສໍ້ລາດບັງຫຼວງ, ທ່ານເລຂາທິການໃຫ່ຍ Nguyen Phu Trong ຢືນຢັນວ່າ ສະພາບໄພສໍ້ລາດບັງຫຼວງ, ຟູມເຟືອຍຍັງໜັກໜ່ວງຊື່ງ ສະແດງອອກ ນັບມື້ນັບແຍບຍົນ, ສັບສົນກ່ວາ ຊື່ງໄດ້ກໍ່ໃຫ້ເກີດຄວາມບໍ່ພໍໃຈໃນສັງຄົມ ແລະ ແມ່ນການທ້າທາຍໃຫ່ຍຫຼວງທີ່ມີຕໍ່ບົດບາດການນຳພາຂອງພັກ ແລະ ການຄຸ້ມຄອງຂອງລັດ. ພາຍຫຼັງໄດ້ຊີ້ອອກບັນດາຂໍ້ຈຳກັດ, ຄວາມອ່ອນດ້ອຍໃນຂົງເຂດນີ້, ທ່ານເລຂາທິການໃຫ່ຍ Nguyen Phu Trong ຮຽກຮ້ອງວ່າ:
“ທາງສູນກາງເນັ້ນໜັກວ່າ ຕ້ອງເດັດດ່ຽວ ແລະ ຍູ້ແຮງໜ້າທີ່ຕໍ່ສູ້ປ້ອງກັນ ຕ້ານໄພສໍ້ລາດບັງຫຼວງ, ການຟູມເຟືອຍຕາມເນື້ອໃນຈິດໃຈມະຕິກອງປະຊຸມໃຫ່ຍຄັ້ງທີ 11 ຂອງພັກ ແລະ ມະຕິສູນກາງພັກຄັ້ງທີ 4 ຊຸດທີ 11 . ສືບຕໍ່ຊາບຊືມ, ປະຕິບັດບັນດາທັດສະນະ, ແນວຄິດການຊີ້ນຳນຳພາ ແລະ ບັນດາໜ້າທີ່, ມາດຕະການຂອງມະຕິສູນກາງພັກຄັ້ງທີ 10 ຊຸດທີ 3 ຢ່າງເຂັ້ມງວດ ຕິດພັນກັບການປະຕິບັດມະຕິສູນກາງພັກຄັ້ງທີ 4 ຊຸດທີ 11. ຖືການປ້ອງກັນ ແລະ ຕ້ານໄພສໍ້ລາດບັງຫຼວງ, ການຟູມເຟືອຍເປັນສຳຄັນ. ຍົກສູງບົດບາດ, ຄວາມຮັບຜິດຊອບຂອງອົງຄະນະພັກຂັ້ນຕ່າງໆ, ອຳນາດການປົກຄອງ ແລະ ຜູ້ນຳໜ້າ; ເພີ່ມເຕີມ ສ້າງສຳເລັດກົນໄກ, ນະໂຍບາຍ, ກົດໝາຍກ່ຽວກັບການຄຸ້ມຄອງເສດຖະກິດ ສັງຄົມ; ເປີດກ້ວາງປະຊາທິປະໄຕ; ເປີດເຜີຍ, ປອດໃສ; ເສີມຂະຫຍາຍບົດບາດຕິດຕາມກວດກາຂອງສະພາແຫ່ງຊາດ, ສະພາປະຊາຊົນ, ແນວໂຮມປະເທດຊາດ, ປະຊາຊົນ ແລະ ຫາງສຽງ“
ຕາມທ່ານເລຂາທິການໃຫ່ຍ Nguyen Phu Trong ແລ້ວ, ຄະນະບໍລິຫານງານສູນກາງພັກ ໄດ້ຕົກລົງແຜນນະໂຍບາຍສ້າງຕັ້ງຄະນະຊີ້ນຳສູນກາງກ່ຽວກັບການປ້ອງກັນ ຕ້ານໄພສໍ້ລາດບັງຫຼວງ ສັງກັດກົມການເມືອງ; ສ້າງຄະນະຮັບຜິດຊອບວຽກງານການເມືອງພາຍໃນສູນກາງຄືນໃໝ່, ທັງປະຕິບັດພາລະໜ້າທີ່ເປັນຄະນະພັກ, ທັງແມ່ນອົງການປະຈຳຂອງຄະນະຊີ້ນຳສູນກາງກ່ຽວກັບການປ້ອງກັນ ຕ້ານໄພສໍ້ລາດບັງຫຼວງ.
ສຳລັບບາງບັນຫາກ່ຽວກັບນະໂຍບາຍສັງຄົມ ແລະ ເງິນເດືອນແຕ່ນີ້ຮອດປີ 2020, ທ່ານເລຂາທິການໃຫ່ຍ Nguyen Phu Trong ຮຽກຮ້ອງໃຫ້ຕ້ອງຊາບຊືມບັນດາທັດສະນະ, ແນວຄິດຊີ້ນຳຂອງພັກຢ່າງເຂັ້ມງວດ, ຖືວ່າ ວຽກງານປັບປຸງ, ຍົກສູງຊີວິດດ້ານວັດຖຸ ແລະ ຈິດໃຈໃຫ້ແກ່ຜູ້ມີຄຸນງາມຄວາມດີ ແລະ ຮັບປະກັນຊີວິດສັງຄົມ ແມ່ນໜ້າທີ່ເປັນປະຈຳ, ສຳຄັນ. ຄຽງຄູ່ກັນນັ້ນ, ຕ້ອງຮີບເຮັ່ງຄົ້ນຄ້ວາສ້າງແຜນຮ່າງປະຕິຮູບລະບອບເງິນເດືອນ ໃນໄລຍະ 2013-2020 ພ້ອມກັບບັນດາແຜນຮ່າງທີ່ກ່ຽວຂ້ອງ, ສ້າງບາດກ້າວບຸກທະລຸໃນການສ້າງແຫຼ່ງງົບປະມານ, ຮັບປະກັນໃຫ້ການປະຕິຮູບເງິນເດືອນບັນລຸໄດ້ໝາກຜົນດີສຸດ.