(vovworld)- ວັນທີ 12/4, ການພົບປະເຈລະຈາກ່ຽວກັບສິດທິມະນຸດລະຫວ່າງ ຫວຽດນາມ - ອາເມລິກາ ຄັ້ງທີ 17 ຖືກດຳເນີນໄປຢູ່ ຮ່າໂນ້ຍ. ບັນດາການພົບປະເຈລະຈາຄັ້ງຕ່າງໆກ່ຽວກັບສິດທິມະນຸດກໍໄດ້ຖືກອົງການກ່ຽວຂ້ອງຂອງສອງປະເທດຈັດຂຶ້ນໃນຫລາຍປີຜ່ານມາ, ຈຸດປະສົງແມ່ນເພີ່ມທະວີຄວາມ ເຂົ້າໃຈກ່ຽວກັບສິດທິມະນຸດ, ປະກອບສ່ວນຊຸກຍູ້ການພົວພັນລະຫວ່າງ ຫວຽດນາມ ແລະ ອາເມລິກາ. ແຕ່ເປັນຫນ້າເສຍດາຍ ກ່ອນທີ່ດຳເນີນການພົບປະເຈລະຈາກ່ຽວກັບສິດທິມະນຸດຄັ້ງນີ້, ສະພາຕຳ່ອາເມລິກາ ໄດ້ເປີດວາລະອະພິປາຍ ດ້ວຍເຫດຜົນແມ່ນທາບທາມຄຳເຫັນສັງເກດການແບບເອກະລາດກ່ຽວກັບສະພາບຕົວຈິງ ແລະ ສຳເນົາເອກະສານສິດທິມະນຸດຢູ່ຫວຽດນາມ. ສິ່ງດັ່ງກ່າວຄ້າຍຄື “ບົດລະຄອນບໍ່ຄ່ອງແຄ້ວ” ຂອງອົງການ, ສ່ວນບຸກຄົນທີ່ບໍ່ມີເຈດຕະນາດີ, ນຳໃຊ້ຄັນຕະລະບັດ “ສິດທິມະນຸດ” ເພື່ອຕ້ານທຳລາຍຫວຽດນາມ.
ຖ້າຫາກຖືກກັບຈຸດປະສົງແມ່ນທາບທາມບັນດາຄຳເຫັນສັງເກດການແບບເອກະລາດກ່ຽວກັບບັນຫາສິດທິມະນຸດຢູ່ ຫວຽດນາມ, ຜູ້ເຂົ້າຮ່ວມວາລະອະພິປາຍໂດຍສະພາຕຳ່ອາເມລິກາຈັດຕັ້ງຂຶ້ນໃນວັນທີ 11/4/2013 ຢູ່ ວໍຊິງຕັນ ຕ້ອງແມ່ນບັນດານັກເຄື່ອນໄຫວ, ຜູ້ຕາງຫນ້າອົງການ, ສ່ວນບຸກຄົນທີ່ຕິດຕາມບັນຫາສິດທິມະນຸດມີຄວາມເຂົ້າໃຈ ແລະ ຄວາມຮັບຜິດຊອບ, ພິເສດຕ້ອງຮັບປະກັນລັກສະນະທ່ຽງຕົງ, ພາວະວິໄສ ແລະ ເອກະລາດ. ແຕ່ຄວາມຈິງແລ້ວທີ່ວາລະອະພິປາຍຄັ້ງນີ້ ຜູ້ເຂົ້າຮ່ວມແມ່ນຜູ້ເຄີຍມີການກະທຳຕ້ານທຳລາຍ, ເສກສັນປັ້ນແຕ່ງບັນຫາສິດທິມະນຸດຢູ່ຫວຽດນາມ, ພົ້ນເດັ່ນຄື: ຫວໍວັນອາຍ, ຜູ້ເຄີຍສົມຮູ້ຮ່ວມຄິດກັບພວກທີ່ມີຈຸດປະສົງດ້ານການເມືອງຢູ່ພາຍໃນປະເທດ ແລະ ພວກປະຕິການ, ສວຍໃຊ້ສາສະຫນາ, ປະຊາທິປະໄຕ ແລະ ສິດທິມະນຸດເພື່ອຍຸ້ແຍ່ຕ້ານທຳລາຍຫວຽດນາມ. ຫລື John Sifton ຜູ້ອຳນວຍການຂົນຂວາຍພາກພື້ນ ອາຊີ ຂຶ້ນກັບອົງການ Human Rights Watch ແມ່ນຜູ້ຍາມໃດກໍຕັ້ງໃຈໃສ່ຮ້າຍປ້າຍສີສະພາບສິດທິມະນຸດຢູ່ ຫວຽດນາມ ຈາກບັນດາຄະດີຊຶ່ງຝ່າຍໂຈດ, ຈຳເລີຍລ້ວນແຕ່ແມ່ນຜູ້ລະເມີດກົດໝາຍ. ນອກນັ້ນຍັງມີອີກຜູ້ຫນຶ່ງ ນັ້ນແມ່ນ ເຈີນຕຽນ ໄດ້ຮັບຖືວ່າ “ຜູ້ຖືກເຄະຮ້າຍຈາກສິດທິມະນຸດ”, ທີ່ຈິງແລ້ວແມ່ນຜູ້ມີການກະທຳລະເມີດກົດໝາຍ ແລະ ຖືກປັບໄຫມລົງໂທດຕາມການກຳນົດຂອງກົດໝາຍ ຫວຽດນາມໃນເຫດການກໍໍ່ຄວາມວຸ້ນວາຍຢູ່ ກົນເຢົາ ນະຄອນດາຫນັງ. ເປັນທີ່ຈະແຈ້ງແລ້ວວ່າ, ວາລະອະພິປາຍຂອງສະພາຕຳ່ອາເມລິກາ ບໍ່ສາມາດຮັບບັນດາຄຳເຫັນສັງເກດແບບເອກະລາດໄດ້, ເພາະວ່າ ບັນດາຜູ້ເຂົ້າຮ່ວມເຄີຍຕັ້ງໃຈເສກສັນປັ້ນແຕ່ງສະພາບຕົວຈິງກ່ຽວກັບສິດທິມະນຸດຢູ່ ຫວຽດນາມ.
ພາບປະກອບ:internet
|
ຍັງມີອີກບັນຫາຫນຶ່ງຕ້ອງເວົ້າເຖິງ ນັ້ນແມ່ນ ກຳມາທິການການຕ່າງປະເທດຂອງສະພາຕຳ່ ອາເມລິກາ ໄດ້ຈັດຕັ້ງອັນທີ່ເອີ້ນວ່າ “ວາລະອະພິປາຍ” ກ່ຽວກັບບັນຫາສິດທິມະນຸດຫວຽດນາມຫລາຍເທື່ອແລ້ວ. ສິ່ງດັ່ງກ່າວສະແດງໃຫ້ເຫັນລັກສະນະບໍ່ພາວະວິໄສກ່ຽວກັບບັນຫາສິດທິມະນຸດຂອງຫວຽດນາມ. ມັນສະແດງອອກຢູ່ບ່ອນວ່າ, ກ່ອນທີ່ດຳເນີນວາລະອະພິປາຍ, ທ່ານ Christ Smith ປະທານອະນຸກຳມະການສິດທິມະນຸດຂອງກຳມາທິການການຕ່າງປະເທດ, ສະພາຕຳ່ອາເມລິກາ ໃຫ້ຮູ້ວ່າ: “ວາລະອະພິປາຍ” ຈະເນັ້ນຫນັກເຖິງບັນດາການລະເມີດກ່ຽວກັບສິດທິມະນຸດ ຊື່ງຫວຽດນາມໄດ້ປະຕິບັດ, ພິເສດແມ່ນບັນດາສິດເສລິພາບໃນການເຊື່ອຖືສາດສະຫນາ ແລະ ເຊື້ອຊາດຜິວພັນ. ທ່ານ Smith ຍັງເວົ້າວ່າ: ຕົວພະຍານພິເສດ” ຈະສະຫນອງອັນທີ່ເອີ້ນວ່າ “ພະຍານຫລັກຖານທີ່ເກ້ຍກອ່ມ”ເພື່ອໃຫ້ກະຊວງການຕ່າງປະເທດອາເມລິກາຕັ້ງບັນຫາກ່ຽວກັບສິດທິມະນຸດຂອງຫວຽດນາມ ໃນການພົບປະເຈລະຈາກ່ຽວກັບສິດທິມະນຸດລະຫວ່າງ ຫວຽດນາມ ແລະ ອາເມລິກາດຳເນີນໄປໃນວັນທີ 12/4 ຢ່າງຂ້ຽວຂາດກວ່າ. ເປັນທີ່ຈະແຈ້ງແລ້ວວ່າ, ດ້ວຍຄວາມຕັ້ງໃຈທີ່ຫຍໍ້ທໍ້ຂອງຜູ້ເປັນປະທານດັ່ງກ່າວ, ວາລະອະພິປາຍບໍ່ແມ່ນເພື່ອຮັບເອົາຄຳເຫັນສັງເກດແບບເອກະລາດ ຄືດັ່ງໄດ້ປະກາດເທົ່ານັ້ນ ຫາກພຽງແຕ່ຢາກເພີ່ມຄວາມເອົາໃຈໃສ່ເຖິງສິດທິມະນຸດຂອງຫວຽດນາມ, ເພື່ອຈຸດປະສົງອື່ນ ບໍ່ນອກເຫນືອການນຳໃຊ້ຄັນຕະລະບັດສິດທິມະນຸດເພື່ອຮັບໃຊ້ກົນອຸບາຍຕ້ານທຳລາຍຫວຽດນາມ.
ສິດທິມະນຸດແມ່ນບັນຫາໃຫຍ່ທີ່ມີລັກສະນະວັດທະນະທຳມະນຸດ ແລະສັງຄົມເຊິ່ງ ຍາມໃດມະນຸດກໍມຸ້ງໄປເຖິງເພື່ອປະຕິບັດຢ່າງຄົບຖ້ວນກວ່າ. ໂດຍຮັບຮູ້ສິ່ງດັ່ງກ່າວຢ່າງຈະແຈ້ງ, ນັບແຕ່ໄລຍະ ການພົວພັນລະຫວ່າງອາເມລິກາ ແລະ ຫວຽດນາມ ກັບຄືນສູ່ຄວາມເປັນປົກກະຕິເມື່ອປີ 1995 ມາຮອດປະຈຸບັນ, ສອງປະເທດໄດ້ຈັດຕັ້ງການພົບປະເຈລະຈາເປັນ 16 ຄັ້ງ ແລະ ພວມດຳເນີນການພົບເຈລະຈາຄັ້ງທີ 17 ກ່ຽວກັບບັນຫາສິດທິມະນຸດ. ທີ່ການພົບປະເຈລະຈາຄັ້ງນີ້, ອາເມລິກາ ແລະ ຫວຽດນາມ ໄດ້ແລກປ່ຽນຢ່າງກົງໄປກົງມາກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈໃນຂົງເຂດສິດທິມະນຸດ, ປະຊາທິປະໄຕ. ບໍ່ພຽງແຕ່ຝ່າຍອາເມລິກາສະແດງການໃຫ້ບຸລິມະສິດກ່ຽວຂ້ອງເຖິງສິດທິມະນຸດຢູ່ຫວຽດນາມ ເທົ່ານັ້ນ ຫາກ ຫວຽດນາມກໍຍົກໃຫ້ເຫັນຄວາມວິຕົກກັງວົນກ່ຽວກັບບັນຫາສິດທິມະນຸດຢູ່ ອາເມລິກາ ອີກດ້ວຍ. ພົ້ນເດັ່ນຄືທີ່ການພົບປະເຈລະຈາກ່ຽວກັບສິດທິມະນຸດລະຫວ່າງ ຫວຽດນາມ ແລະ ອາເມລິກາ ຄັ້ງທີ 16 ຈັດຂຶ້ນເມື່ອວັນທີ 10/11/2011 ຢູ່ ວໍຊິງຕັນ, ຫວຽດນາມ ໄດ້ຍົກໃຫ້ເຫັນຂໍ້ຄົງຄ້າງໃນຂົງເຂດປົກປ້ອງ ແລະ ຊຸກຍູ້ສິດ ແລະ ຄວາມເສລີຂອງອາເມລິກາຢ່າງກົງໄປກົງມາ, ພິເສດໃນການທໍລະມານ ແລະ ການປະພຶດທາລຸນນັກໂທດ, ບັນຫາຈຳແນກເຊື້ອຊາດຜິວພັນ ແລະ ຈຳແນກການປະພຶດຕໍ່ສຳລັບກຸ່ມຊາວສ່ວນຫນ້ອຍ ແລະ ເຂົ້າອາໄສຢູ່ ອາເມລິກາ. ການພົບປະເຈລະຈາທັງໝົດກ່ຽວກັບສິດທິມະນຸດລະຫວ່າງ ຫວຽດນາມ ແລະ ອາເມລິກາ ນັບແຕ່ກ່ອນມາຮອດປະຈຸບັນ ໄດ້ດຳເນີນໃນບັນຍາກາດກົງໄປກົງມາ, ເປີດເຜີຍ, ສະເຫມີພາບ ແລະ ເຄົາລົບເຊິ່ງກັນ ແລະກັນ, ເພື່ອຮັດແຄບຊ່ອງຫວ່າງບັນດາຄວາມບໍ່ລົງລອຍກັນ, ເພ່ີມຄວາມເຂົ້າໃຈກ່ຽວກັບບັນຫາສິດທິມະນຸດຢູ່ແຕ່ລະປະເທດ.
ຫວຽດນາມ ບັນລຸຜົນງານໃຫຍ່ກ່ຽວກັບການຮັບປະກັນສິດ ແລະ ຜົນປະໂຫຍດຂອງເດັກ
ພາບ:internet
|
ເປັນອັນວ່າ, ການພົບເຈລະຈາແມ່ນມີຄວາມຈຳເປັນ ແລະ ນັບແຕ່ກ່ອນມາຮອດປະຈຸບັນ ຍາມໃດກໍແມ່ນບັນຫາຕົ້ນຕໍໃນການຮັດແຄບຊ່ອງຫວ່າງຄວາມແຕກຕ່າງກັນກ່ຽວກັບສິດທິມະນຸດລະຫວ່າງ ຫວຽດນາມ ແລະ ອາເມລິກາ ຊື່ງໄດ້ຮັບການປະຕິບັດຢ່າງເຂັ້ມງວດຈາກອົງການກ່ຽວຂອ້ງສອງປະເທດໃນຫລາຍປີຜ່ານມາ, ເພື່ອກ້າວໄປເຖິງການສ້າງຂອບເຂດການພົວພັນ “ຄູ່ຮ່ວມມືສ້າງສັນ, ມິດຕະພາບ ແລະ ການຮ່ວມມືຫລາຍດ້ານບົນພື້ນຖານສະເຫມີພາບ, ເຄົາລົບເຊິ່ງກັນ ແລະ ກັນ, ຕ່າງຝ່າຍຕ່າງມີຜົນປະໂຫຍດລະຫວ່າງ ຫວຽດນາມ ແລະ ອາເມລິກາ. ສະນັ້ນ ເຖິງວ່າບັນດາອົງການ, ສ່ວນບຸກຄົນມີເຈດຕະນາບໍ່ດີກັບຫວຽດນາມໄດ້ຕັ້ງໃຈເສກສັນປັ້ນແຕ່ງບັນຫາສິດທິມະນຸດຂອງຫວຽດນາມຄືແນວໃດກໍຕາມ ຍາກທີ່ຈະປ່ຽນແປງການພົບປະເຈລະຈາທີ່ສອດຄ່ອງກັບຜົນປະໂຫຍດຂອງສອງປະເທດ ແລະ ປະຊາຊົນສອງປະເທດ ຫວຽດນາມ ແລະ ອາເມລິກາ ໄດ້.