(vovworld) -ການພົວພັນ ຫວຽດນາມ - ລາວ ແມ່ນການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານ, ໂດຍປະທານ ໂຮ່ຈີມິນ ແລະ ປະທານ ໄກສອນ ພົມວິຫານ ແລະ ປະທານສຸພານຸວົງ ເປັນຜູ້ກໍ່ຕັ້ງ ແລະ ການນຳລຸ້ນຕ່າງໆຂອງ 2 ພັກ, 2 ລັດ ແລະ ປະຊາຊົນ ຫວຽດນາມ ຮັກສາ ແລະ ເພີ່ມພຸນຄຸນສ້າງ. ໃນຊຸມປີຜ່ານມາ, ສອງຝ່າຍໄດ້ສືບທອດມູນເຊື້ອການພົວພັນອັນດີງາມຈາກລຸ້ນກ່ອນ, ເພີ່ມພຸນຄຸນສ້າງຢ່າງບໍ່ຢຸດຢັ້ງ, ພັດທະນາການພົວພັນກ່າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ, ປະກອບສ່ວນສຳຄັນເຂົ້າໃນຜົນສຳເລັດຂອງພາລະກິດປ່ຽນໃໝ່, ກໍ່ສ້າງ ແລະ ປົກປັກຮັກສາປະເທດຊາດຢູ່ແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ຢູ່ໃນໂລກ.
ທ່ານເລຂາທິການໃຫຍ່ ຫງວຽນຟູ໋ຈ້ອງ
|
ການພົວພັນລະຫວ່າງ ຫວຽດນາມ - ລາວ ສືບຕໍ່ໄດ້ຮັບການປັບປຸງ ແລະ ພັດທະນານັບມື້ນັບເລິກເຊິ່ງ, ກ້ວາງຂວາງ, ແທດຈິງ ແລະ ມີປະສິດທິຜົນ ໃນທຸກໆຂົງເຂດ. ສອງຝ່າຍໄດ້ຜັນຂະຫຍາຍປະຕິບັດບັນດາຂໍ້ຕົກລົງລະຫວ່າງການນຳຂັ້ນສູງ 2 ພັກ, 2 ລັດ, ບັນດາເນື້ອໃນໃນກອງປະຊຸມຄັ້ງທີ 38 ຂອງກຳມາທິການລະຫວ່າງລັດຖະບານ ກ່ຽວກັບການຮ່ວມມື ສອງຝ່າຍ ຫວຽດນາມ - ລາວ ແລະ ບັນລຸໄດ້ໝາກຜົນຕັ້ງໜ້າຫຼາຍຢ່າງ. ທ່ານ ຫງວຽນຮູຍຕັງ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ໃຫ້ຮູ້ວ່າ:
“2 ຝ່າຍໄດ້ສຳເລັດກິດຈະກຳຮຽບຮຽງປື້ມປະຫວັດສາດແຫ່ງສາຍພົວພັນແບບພິເສດ ຫວຽດນາມ - ລາວ (1930 – 2007). ນີ້ແມ່ນກິດຈະກຳທີ່ມີຄວາມໝາຍອັນໃຫຍ່ຫຼວງ, ເລິກເຊິ່ງກ່ຽວກັບປະຫວັດສາດ, ວິທະຍາສາດ, ການເມືອງ, ກອງທັບ ແລະ ສັງຄົມ, ສ່ອງແສງຢ່າງຊື່ຕົງ ແລະ ມີຊີວິດຊີວາກ່ຽວກັບການພົວພັນ ຫວຽດນາມ - ລາວ, ມີຄຸນຄ່າໃນວຽກງານໂຄສະນາ, ສຶກສາ ກ່ຽວກັບຄວາມຮັບຮູ້ດ້ານການເມືອງເພື່ອໃຫ້ລຸ້ນຫຼັງ ແລະ ເພື່ອນມິດສາກົນເຂົ້າໃຈແຈ້ງກ່ວາກ່ຽວກັບການພົວພັນສາມັກຄີແບບພິເສດນີ້.”
 |
ໃນປີ 2016, ສອງຝ່າຍໄດ້ເພີ່ມທະວີການພົບປະລະຫວ່າງການນຳຂັ້ນສູງສອງພັກ, ສອງລັດ ພາຍໃຕ້ຫຼາຍຮູບການ, ສົມທົບກັນຢ່າງແໜ້ນແຟ້ນໃນບັນດາບັນຫາທີ່ມີລັກສະນະຍຸດທະສາດ ແລະ ກຳນົດທິດພົວພັນສັງລວມກໍ່ຄືແກ້ໄຂບັນດາບັນຫາຫຍຸ້ງຍາກ, ບັນດາຍັງຄົງຄ້າງຢ່າງທັນການ. ຈັດຕັ້ງບັນດາກອງປະຊຸມສຳມະນາ, ກອງປະຊຸມຫົວເລື່ອງສະເພາະ, ແລກປ່ຽນຂໍ້ມູນຂ່າວສານ, ທິດສະດີ ແລະ ບົດຮຽນຕົວຈິງໃນວິວັດການກຳນົດທິດແນວທາງ, ນະໂຍບາຍເປັນປະຈຳ. ພິເສດ, ທ້າຍເດືອນ 11 ຜ່ານມາ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ມີການຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການຕາມຄຳເຊື້ອເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດ ລາວ, ປະທານປະເທດລາວ ບຸນຍັງ ວໍລະຈິດ, ໃນການຢ້ຽມຢາມຄັ້ງນີ້, ເປັນຄັ້ງທຳອິດ, ທ່ານເລຂາທິການໃຫຍ່ ຫວຽດນາມ ມີການໂອ້ລົມກັບນັກສຶກສາ ມະຫາວິທະຍາໄລແຫ່ງຊາດ ລາວ. ໃນການໂອ້ລົມຂອງຕົນ, ທ່ານເລຂາທິການໃຫຍ່ ໄດ້ເນັ້ນໜັກເຖິງບົດບາດຂອງຊາວໜຸ່ມໃນພາລະກິດສ້າງສາປະເທດຊາດ, ເພີ່ມພຸນຄຸນສ້າງສາຍພົວພັນແບບພິເສດ ຫວຽດນາມ - ລາວ:
“ການນຳ 2 ສອງປະເທດໄດ້ມີຄວາມໄວ້ເນື້ອເຊື່ອໃຈຢ່າງເລິກເຊິ່ງຕໍ່ພວກເພື່ອນ, ເຊື່ອໝັ້ນວ່າລຸ້ນໜຸ່ມ 2 ປະເທດທັງປະຈຸບັນ ແລະ ອະນາຄົດຈະເພີ່ມທະວີການພົວພັນແລກປ່ຽນ, ຮ່ຳຮຽນເອົາບົດຮຽນ, ເຄົາລົບນັບຖື, ຮັກສາ ແລະ ສືບຕໍ່ເສີມຂະຫຍາຍຊັບສົມບັດອັນລ້ຳຄ່າຂອງການພົວພັນສັດຊື່ບໍລິສຸດຜຸດຜ່ອງ ຫວຽດນາມ - ລາວ, ປະກອບສ່ວນຢ່າງແທດຈິງເຂົ້າໃນພາລະກິດຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນ, ເຮັດໃຫ້ປະຫວັດສາດທີ່ສະຫງ່າລາສີຂອງການພົວພັນ 2 ພັກ, 2 ລັດ ແລະ ປະຊາຊົນ 2 ປະເທດນັບມື້ນັບເພີ່ມຂຶ້ນ. ຂ້າພະເຈົ້າເຊື່ອໝັ້ນວ່າ: ການອຸທິດສ່ວນທີ່ສຸດຈິດສຸດໃຈ ແລະ ການປະກອບສ່ວນອັນແທດຈິງຂອງພວກເພື່ອນໃຫ້ແກ່ການພົວພັນລະຫວ່າງ ຫວຽດນາມ - ລາວ ຈະກາຍເປັນໜ້າປະຫວັດສາດທີ່ອົງອາດກ້າຫານຂອງໄວໜຸ່ມແຫ່ງໄລຍະອັນຟົດຟື້ນໃນຊີວິດຂອງພວກເພື່ອນ”
ການຢ້ຽມຢາມຄັ້ງນີ້ຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ແມ່ນການຢ້ຽມຢາມຄັ້ງທຳອິດຂອງທ່ານພາຍຫຼັງກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ຈັດຕັ້ງເມື່ອເດືອນ 1/2016 ຜ່ານມາ. ທ່ານນາງ ສູນທອນ ໄຊຍະຈັກ, ກຳມະການສູນກາງພັກ ປະຊາຊົນປະຕິວັດ ລາວ, ຫົວໜ້າຄະນະພົວພັນຕ່າງປະເທດ ສູນກາງໄດ້ເນັ້ນໜັກວ່າ: ເລື່ອງເລືອກເຟັ້ນປະເທດລາວ ແມ່ນປະເທດທຳອິດໃນການໄປປະຕິບັດງານຢູ່ຕ່າງປະເທດນັ້ນແມ່ນການພິສູດໃຫ້ເຫັນພັກ, ລັດ ແລະ ປະຊາຊົນ ຫວຽດນາມ ຖືເປັນສຳຄັນການພົວພັນຮ່ວມມືລະຫວ່າງ ຫວຽດນາມ ແລະ ລາວ, ຢັ້ງຢືນການພົວພັນສະໜິດສະໜົມ, ເລິກເຊິ່ງຂອງນ້ຳໃຈສາມັກຄີແບບພິເສດ ຫວຽດນາມ ແລະ ລາວ, ການພົວພັນມີມາແຕ່ດົນນານ ແລະ ໄດ້ຮັບການທົດສອບຜ່ານໄລຍະເວລາ, ດ້ວຍເລືອດເນື້ອຂອງນັກຮົບປະຕິວັດຫຼາຍລຸ້ນຄົນ:
ສຽງທ່ານ ສູນທອນ
ສອງຝ່າຍໄດ້ແລກປ່ຽນແຜນນະໂຍບາຍ, ກຳນົດທິດ ແລະ ບັນດາເນື້ອໃນການຮ່ວມມື, ມາດຕະການໃຫຍ່ເພື່ອແນໃສ່ຍົກສູງຄຸນນະພາບ, ປະສິດທິຜົນການຮ່ວມມື ຫວຽດນາມ - ລາວ ໄລຍະ 2016 – 2020 ໃນທຸກໆຂົງເຂດຄື: ການເມືອງ, ການສຶກສາ, ວັດທະນະທຳ, ເສດຖະກິດ, ປ້ອງກັນຊາດ, ປ້ອງກັນຄວາມສະຫງົບ… ເພື່ອຍົກສູງການພົວພັນ ຫວຽດນາມ - ລາວ ໃຫ້ຂຶ້ນສູ່ລະດັບສູງໃໝ່ຖືກຕ້ອງຕາມການກຳນົດທິດຂອງການນຳ 2 ປະເທດ.