ປີ 2016, ຊຶ່ງເປັນຂີດໝາຍບາດກ້າວເດີນໃໝ່ໃນວຽກງານສ້າງຖັນແຖວພະນັກງານສະມາຊິກພັກກອມມູນິດຫວຽດນາມ. ນັ້ນແມ່ນ ພັກໄດ້ຜັນຂະຫຍາຍ ມະຕິກອງປະຊຸມສູນກາງພັກຄັ້ງທີ 4 ຊຸດທີ 12 ກ່ຽວກັບການ “ເພີ່ມທະວີວຽກງານກໍ່ສ້າງ, ປັບປຸງພັກ; ສະກັດກັ້ນ, ຍູ້ການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ, ບັນດາປະກົດການ “ ຜັນແປເອງ ” “ຫັນປ່ຽນເອງ” ຢູ່ພາຍໃນພັກໃຫ້ຖອຍໄປ ແລະ ຄຳສັ່ງ 05/ສ.ກ ກ່ຽວກັບການຍູ້ແຮງການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ບຸກຄະລິກກະພາບ ໂຮ່ຈິມິນ. ນີ້ແມ່ນບັນດາທັດສະນະ, ວິທີການແກ້ໄຂໃໝ່ໃນວຽກງານກໍ່ສ້າງ, ປັບປຸງພັກ ” .
ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ |
ດ້ວຍການຜັນຂະຫຍາຍປະຕິບັດມະຕິກອງປະຊຸມສູນກາງພັກຄັ້ງທີ 4 ຊຸດທີ 12 ແລະ ຄຳສັ່ງ 05/TW ໃນປີ 2016, ພັກກອມມູນິດຫວຽດນາມໄດ້ສະແດງໃຫ້ເຫັນຄວາມຕັດສິນໃຈປັບປຸງພັກໄປຄຽງຄູ່ກັບການປ່ຽນໃໝ່ການກໍ່ສ້າງພັກໃນໄລຍະພັດທະນາໃໝ່ຂອງປະເທດຊາດ. ນີ້ແມ່ນຄວາມຮຽກຮ້ອງຕ້ອງການໂດຍພາວະວິໄສ, ແມ່ນວຽກງານທົ່ວໄປ ແລະ ປະຕິບັດເປັນປະຈຳຂອງບໍ່ວ່າພັກປະຕິວັດທີ່ເປັນທຳໃດໆ ແລະ ຢູ່ບໍ່ວ່າໄລຍະໃດໆ.
ສຸມໃສ່ຕໍ່ສູ້ສະກັດກັ້ນ, ຍູ້ໄພເສື່ອມເສຍທາງດ້ານແນວຄິດໃຫ້ຖອຍໄປ.
ຈຸດໃໝ່ໃນມະຕິກອງປະຊຸມສູນກາງພັກຄັ້ງທີ 4 ຊຸດທີ 12 ແມ່ນໄດ້ຊີ້ອອກຢ່າງເປັນລະບົບກ່ຽວກັບບັນດາປະກົດການຂອງການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ, ບັນດາປະກົດການ “ ຜັນແປເອງ ” “ຫັນປ່ຽນເອງ” ຢູ່ພາຍໃນພັກ, ພ້ອມກັນນັ້ນ, ກໍເນັ້ນໜັກເຖິງບັນດາປະກົດການເປັນອັນຕະລາຍ ແລະ ຜົນຮ້າຍຍາກທີ່ຈະຄາດຄະເນໄວ້ລ່ວງໜ້າຂອງມັນ. ຕາມທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ແລ້ວ, ບັນດາເນື້ອໃນພື້ນຖານ, ແນວຄິດທີ່ເປັນແກ່ນສານຂອງມະຕິກໍແມ່ນວ່າ :
“ ພ້ອມກັບການສ້າງບັນດາໜ້າທີ່, ມາດຕະການແກ້ໄຂກ່ຽວກັບການກໍ່ສ້າງພັກເປັນລະອຽດຊຶ່ງກອງປະຊຸມໃຫຍ່ຄັ້ງທີ 12 ຂອງພັກໄດ້ວາງອອກນັ້ນ, ມະຕິກອງປະຊຸມສູນກາງພັກຄັ້ງທີ 4 ໄດ້ຍົກອອກ 4 ໝວດມາດຕະການເພື່ອສືບຕໍ່ປະຕິບັດມະຕິກອງປະຊຸມສູນກາງພັກຄັ້ງທີ 4 ຊຸດທີ 11, ໃນນັ້ນເລັ່ງໃສ່ການຕໍ່ສູ້ສະກັດກັ້ນ, ຍູ້ການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ, ບັນດາປະກົດການ “ ຜັນແປເອງ ” “ຫັນປ່ຽນເອງ” ຢູ່ພາຍໃນພັກໃຫ້ຖອຍໄປ. ມະຕິຍັງເນັ້ນໜັກເນື້ອໃນໃໝ່ອີກປະການໜຶ່ງ, ນັ້ນແມ່ນການກໍ່ສ້າງພັກກ່ຽວກັບຄຸນສົມບັດຕິດພັນກັບການຍູ້ແຮງການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ບຸກຄະລິກກະພາບ ໂຮ່ຈິມິນ ”
ໃນຕົວຈິງແລ້ວ, ມະຕິກອງປະຊຸມສູນກາງພັກຄັ້ງທີ 4 ຊຸດທີ 12 ກໍມີບັນດາວິທີການໃໝ່, ເຂັ້ມແຂງ, ຂ້ຽວຂາດເຊັ່ນ: ການປ່ຽນແປງໃໝ່ ແລະ ບັງຄັບໃຫ້ຕ້ອງຮຽນທິດສະດີການເມືອງໃນຄະນະພັກຂັ້ນຕ່າງໆ; ສະມາຊິກພັກໝັ້ນໝາຍຝຶກຝົນຫຼໍ່ຫຼອມ, ຮັກສາຄຸນນະທາດ, ຄຸນສົມບັດ, ວິຖີຊີວິດ, ບໍ່ທໍ້ຖອຍ,“ ຜັນແປເອງ ” “ຫັນປ່ຽນເອງ” ; ເພີີ່ມທະວີລະບຽບວິໄນພາຍໃນພັກ, ເຊີດຊູກົດໝາຍຂອງລັດ; ເປັນເອກະພາບທາງດ້ານນະໂຍບາຍ ແລະ ລະບຽບວິໄນໃນລະຫວ່າງພັກ ແລະ ລັດ; ເພີ່ມສິດອຳນາດ, ຄວາມຮັບຜິດຊອບຂອງຜູ້ນຳໜ້າເພື່ອແກ້ໄຂສຳລັບພະນັກງານທີ່ຂຶ້ນກັບສິດອຳນາດຂອງຕົນ; ເພີ່ມທະວີການຕິດຕາມກວດກາຂອງປະຊາຊົນໃນການກໍ່ສ້າງພັກ. ໃນປີ 2016, ການຜັນຂະຫຍາຍປະຕິບັດມະຕິກອງປະຊຸມສູນກາງພັກຄັ້ງທີ 4 ຊຸດທີ 12 ໄດ້ຮັບການປະຕິບັດຢ່າງຄົບຊຸດດ້ວນຍບັນດາມະຕິອື່ນໆຂອງສູນກາງພັກ, ຂອງສະພາແຫ່ງຊາດ ແລະ ຂອງລັດຖະບານເພື່ອຍູ້ແຮງການພັດທະນາເສດຖະກິດສັງຄົມ, ຮັກສາການປ້ອງກັນຊາດ ປ້ອງກັນຄວາມສະຫງົບ, ເປີດກ້ວາງການພົວພັນກັບພາຍນອກ, ສ້າງສະພາບການເປັນປົກກະຕິ, ສ້າງຄວາມເຊື່ອໝັ້ນໃນພັກ ແລະ ປະຊາຊົນ.
ຖືການຮ່ຳຮຽນຕາມແນວຄິດ, ຄຸນສົມບັດ, ບຸກຄະລິກກະພາບ ໂຮ່ຈິມິນແມ່ນວຽກງານປະຈຳ
ຄຳສັ່ງ 05 ກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ບຸກຄະລິກກະພາບ ໂຮ່ຈິມິນ ໂດຍກົມການເມືອງສູນກາງພັກປະກາດໃຊ້ໃນປີ 2016 ນັ້ນ, ແມ່ນມີຄວາມແຕກຕ່າງ, ມີການປ່ຽນໃໝ່ເມື່ອທຽບໃສ່ຄຳສັ່ງ 03 ຂອງກົມການເມືອງສູນກາງພັກກ່ຽວກັບການສືບຕໍ່ຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານໂຮ່ຈິມິນ ຊຶ່ງເປີດກ້ວາງຂອບເຂດການຮ່ຳຮຽນ ແລະ ປະຕິບັດຢ່າງຮອບດ້ານ, ຈາກແນວຄິດ, ຄຸນສົມບັດຕະຫຼອດຮອດບຸກຄະລິກກະພາບ ໂຮ່ຈິມິນ. ການຜັນຂະຫຍາຍຄຳສັ່ງ 05 ເພື່ອແນໃສ່ສ້າງການຫັນປ່ຽນຢ່າງແຂງແຮງກ່ຽວກັບການຮັບຮູ້ ແລະ ການກະທຳພາຍໃນພັກ, ລະບົບການເມືອງ ແລະ ປະຊາຊົນ; ສະກັດກັ້ນ ແລະ ຍູ້ການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ, ບັນດາປະກົດການ “ ຜັນແປເອງ ” “ຫັນປ່ຽນເອງ” ຢູ່ພາຍໃນພັກໃຫ້ຖອຍໄປ. ກ່ຽວກັບການຜັນຂະຫຍາຍຄຳສັ່ງນີ້, ທ່ານ ດິງເທ້ຮິງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກໄດ້ຊີ້ວ່າ :
“ ນຳການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ບຸກຄະລິກກະພາບ ໂຮ່ຈິມິນເຂົ້າໃນໂຄງການ, ແຜນການດຳເນີນງານປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ, ມະຕິຂອງຄະນະພັກ ແລະ ເນື້ອໃນການດຳເນີນຊີວິດປະຈຳຂອງໜ່ວຍພັກ, ຕິດພັນກັບບັ້ນຂົນຂວາຍ, ບັນດາຂະບວນການແຂ່ງຂັນຮັກຊາດ ກັບການປະຕິບັດໜ້າທີ່ການເມືອງ ແລະ ແກ້ໄຂບັນດາບັນຫາທີ່ເຄັ່ງຮ້ອນຢູ່ແຕ່ລະທ້ອງຖິ່ນ, ອົງການສຳນັກງານ; ຕິດພັນກັບການກໍ່ສ້າງ ແລະ ພັດທະນາດ້ານວັດທະນະທຳ, ຊາວຫວຽດນາມ, ສ້າງລະບົບຄຸນຄ່າວັດທະນະທຳ ແລະ ລະບົບຄຸນຄ່າມາດຖານຂອງຊາວຫວຽດນາມໃນໄລຍະໃໝ່ ”
ໃນເງື່ອນໄຂໃໝ່ຂອງໄລຍະປະເທດຊາດເຊື້ອມໂຍງເຂົ້າກັບສາກົນ, ພັກກອມມູນິດຫວຽດນາມໄດ້ຜັນຂະຫຍາຍບັນດາທັດສະນະ ແລະ ວິທີການໃໝ່, ເດັດດ່ຽວຕໍ່ສູ້ກັບບັນດາປະກົດການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດເພື່ອຜູກພັນກັບປະຊາຊົນຢ່າງສະໜິດແໜ້ນແໜ້ນ, ສົໃກັບເປັນບົດບາດນຳພາປະເທດຊາດ.