ການພົບປະບັນດາພັກກອມມູນິດ ແລະ ກຳມະກອນສາກົນເລີ່ມ ຈັດຕັ້ງແຕ່ປີ 1998, ຜ່ານ 18 ປີແຫ່ງການເຄື່ອນໄຫວ, ການພົບປະໄດ້ດຶງດູດການເຂົ້າຮ່ວມຂອງ 120 ກວ່າພັກກອມມູນິດ ແລະ ກຳມະກອນ ຈາກ 85 ປະເທດຢູ່ໃນໂລກ. ນີ້ແມ່ນເທື່ອທຳອິດທີ່ພັກກອມມູນິດ ຫວຽດນາມເປັນເຈົ້າພາບຈັດຕັ້ງການພົບປະນີ້. ນີ້ບໍ່ພຽງແຕ່ແມ່ນເວທີປາໄສເພື່ອໃຫ້ບັນດາພັກກອມມູນິດ ແລະ ກຳມະກອນແລກປ່ຽນຂໍ້ມູນຂ່າວສານ, ແບ່ງປັນບົດຮຽນ ແລະ ເພີ່ມທະວີການຮ່ວມມື, ສົມທົບກັນດຳເນີນງານເພື່ອພາລະກິດຕໍ່ສູ້ລວມເທົ່ານັ້ນ, ຫາກການພົບປະຄັ້ງນີ້ຍັງແມ່ນໂອກາດເພື່ອໃຫ້ ຫວຽດນາມ ແນະນຳບັນດາຜົນງານແຫ່ງການປ່ຽນໃໝ໋ຂອງຕົນ, ຢືນຢັນຄວາມຮັບຜິດຊອບຂອງ ຫວຽດນາມ ໃນຂະບວນການກອມມູນິດ ແລະ ກຳມະກອນສາກົນອີກດ້ວຍ.
ຫວຽດນາມ ໄດ້ຮັບການຕີລາຄາສູງຈາກບັນດາພັກສາກົນ
ບັນດາຜູ້ແທນເຂົ້າຮ່ວມການພົບປະລ້ວນແຕ່ສະແດງຄວາມນິຍົມນັບຖືຕໍ່ການຕໍ່ສູ້ປົດປ່ອຍຊາດ, ບັນດາຜົນງານໃນການປ່ຽນໃໝ່ ແລະ ການປະກອບສ່ວນຂອງ ຫວຽດນາມ ໃຫ້ຂະບວນການກອມມູນິດ ແລະ ກຳມະກອນສາກົນ.
ຜູ້ຕາງໜ້າບັນດາ ພັກກອມມູນິດ ແລະ ກຳມະກອນສາກົນ ລ້ວນແຕ່ຮັບຮູ້ໄດ້ການກະກຽມຢ່າງລອບຄອບຖີ່ຖ້ວນ ແລະ ການຕ້ອນຮັບຢ່າງອົບອຸ່ນສຸດຈິດສຸດໃຈຂອງພັກກອມມູນິດ ຫວຽດນາມ. ການພົບປະໄດ້ກາຍເປັນກົນໄກຂອງບັນດາພັກກອມມູນິດ ແລະ ກຳມະກອນສາກົນ. ດ້ວຍເລື່ອງເປັນເຈົ້າພາບຈັດຕັ້ງການພົບປະບັນດາພັກກອມມູນິດ ແລະ ກຳມະກອນສາກົນຄັ້ງທີ 18, ພັກກອມມູນິດ ຫວຽດນາມ ໄດ້ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂະບວນການກອມມູນິດ ແລະ ກຳມະກອນສາກົນ ແລະ ຖືເປັນສຳຄັນຂະບວນການກອມມູນິດ ແລະ ກຳມະກອນສາກົນທີ່ສຸດ. ທ່ານນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນກັບຕ່າງປະເທດສູນກາງພັກປະຊາຊົນ ປະຕິວັດລາວ, ຢືນຢັນວ່າ:
“ຫວຽດນາມ - ໂຮ່ຈີມິນ ແມ່ນປະໂຫຍກເຊິ່ງບັນດາພັກກອມມູນິດ ແລະ ກຳມະກອນສາກົນມີຄວາມນິຍົມນັບຖື. ບົດຮຽນຂອງພັກກອມມູນິດ ຫວຽດນາມ ແມ່ນບົດຮຽນອັນລ້ຳຄ່າສຳລັບພັກກອມມູນິດ ກຳມະກອນສາກົນ ແລະ ປະຊາຊົນໃນທົ່ວໂລກ, ບັນດາພັກທີ່ພວມຕໍ່ສູ້ເພື່ອສັນຕິພາບ, ເອກະລາດແຫ່ງຊາດ, ສັງຄົມນິຍົມ “.
ບັນດາຜູ້ແທນສາກົນລ້ວນແຕ່ສະແດງຄວາມນິຍົມນັບຖືຕໍ່ການຕໍ່ສູ້ປົດປ່ອຍຊາດ, ບັນດາຜົນງານແຫ່ງການປ່ຽນໃໝ່ ແລະ ການປະກອບສ່ວນຂອງ ຫວຽດນາມໃຫ້ຂະບວນການກອມມູນິດ ແລະ ກຳມະກອນສາກົນ. ທ່ານ Shelby Richarson, ພັກກອມມູນິດ ອາເມລິກາ, ແບ່ງປັນວ່າ:
“ບັນດາຜົນສຳເລັດຂອງພັກກອມມູນິດ ຫວຽດນາມ ໄດ້ສ້າງເປັນກຳລັງໃຈໃຫ້ບັນດາພັກກອມມູນິດຢູ່ໃນໂລກ. ນັ້ນແມ່ນພະຍານຫຼັກຖານທີ່ມີຊີວິດຊີວາກ່ຽວກັບບັນດາຜົນງານປະທັບໃຈທີ່ ຫວຽດນາມ ບັນລຸໄດ້ໃນສະພາບການຕ້ອງຜ່ານຜ່າຄວາມຫຍຸ້ງຍາກຫຼາຍຢ່າງ“.
ສົມທົບກັນດຳເນີນງານເພື່ອພາລະກິດຕໍ່ສູ້ລວມ
ການພົບປະບັນດາພັກກອມມູນິດ ແລະ ກຳມະກອນສາກົນຄັ້ງທີ 18 ໄດ້ວາງອອກບັນດາເນື້ອໃນແທດຈິງທີ່ສຸດ, ຕອບສະໜອງຄວາມຮຽກຮ້ອງຕ້ອງການຂອງບັນດາພັກກອມມູນິດ ແລະ ກຳມະກອນສາກົນຕ່າງໆໃນປະຈຸບັນ, ໃນນັ້ນມີເລື່ອງແລກປ່ຽນຄວາມເຫັນກ່ຽວກັບສະພາບການສາກົນ, ກ່ຽວກັບທິດສະດີ ແລະ ພຶດຕິກຳຕົວຈິງ, ຍຸດໂທບາຍຕໍ່ສູ້ຂອງພັກກອມມູນິດໃນສະພາບພວມມີການຜັນແປຫຼາຍຢ່າງຄືປະຈຸບັນ.
ການພົບປະຄັ້ງນີ້ກໍ່ໄດ້ວາງຄາດໝາຍ, ໃນສະພາບການປະຈຸບັນຕ້ອງເຮັດແນວໃດເພື່ອສາມາດປ່ຽນໃໝ່ບັນດາກົນໄກສົມທົບກັນ ແລະ ບັນດາການກະທຳລວມລະຫວ່າງພັກຕ່າງໆ. ທ່ານ ເຈິ່ນດັກເລີ້ຍ, ຮອງຫົວໜ້າຄະນະພົວພັນກັບຕ່າງປະເທດສູນກາງພັກກອມມູນິດ ຫວຽດນາມ ຖືວ່າ, ໃນສະພາບວິກິດການທົ່ວໂລກ