(vovworld)- ຕໍ່ຫນ້າເລື່ອງຈີນຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍ ຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ໃນຊຸມມື້ຜ່ານມາ, ປະຊາຊົນຫວຽດນາມ ຢູ່ພາຍໃນ ແລະ ຕ່າງປະເທດ ໄດ້ສະແດງຄວາມສາມັກຄີ ຮຽກຮ້ອງຈີນ ຖອນຮ້ານເຈາະນ້ຳມັນອອກຈາກເຂດເສດຖະກິດຈຳເພາະຂອງຫວຽດນາມ ແລະ ຢຸດຕິບັນດາການກະທຳທີ່ຜິດພາດຢູ່ທະເລຕາເວັນອອກ. ຈາກບັນດາການໂຮມຊຸມນຸມມິດຕິງ, ການແຫ່ຂະບວນຄັດຄ້ານໂດຍສັນຕິພາບ, ບັນດາການກະທຳທີ່ແທ້ຈິງເພື່ອສະແດງນ້ຳໃຈຮັກຊາດ, ຕະຫລອດຮອດບັນດາວິທີລະດົມກຳລັງໃຈປະຊາຊົນ, ນັກຮົບຢູ່ເຂດໝູ່ເກາະທີ່ຫ່າງໄກ, ປະຊາຊົນແຕ່ລະຄົນ ພວມຮ່ວມແຮງຮ່ວມໃຈສ້າງກຸ່ມກ້ອນມະຫາສາມັກຄີ, ທັງໝົດລ້ວນແຕ່ມຸ່ງໄປເຖິງທະເລຕາເວັນອອກ, ອຸທິດສ່ວນຈົນສຸດຄວາມສາມາດຂອງຕົນເພື່ອປະເທດຊາດ, ເພ່ືອອະທິປະໄຕເຂດທະເລໝູ່ເກາະຂອງບ້ານເກີດເມືອງນອນ.
ກຳປັ່ນຈີນບຸກໂຈມຕີກຳປັ່ນຫວຽດນາມ
ພາບ:nguoiduatin.vn
|
ໃນເວລາ 2 ເດືອນຜ່ານມາ, ນັບແຕ່ເມື່ອຈີນຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ,ຍາມໃດຫວຽດນາມ ກໍສະແດງຄວາມລະງັບໃຈ, ສະແດງເຈດຕະນາດີ ແລະ ນຳໃຊ້ທຸກຮູບການເຈລະຈາເພື່ອຄັດຄ້ານ ແລະ ຮຽກຮ້ອງຈີນ ຖອນຮ້ານເຈາະນ້ຳມັນ ແລະ ບັນດາກຳປັ່ນຄຸ້ມຊູອອກຈາກເຂດເສດຖະກິດຈຳເພາະຂອງຫວຽດນາມ, ເຄົາລົບກົດໝາຍສາກົນ, ສົນທິສັນຍາ ສປຊ ກ່ຽວກັບກົດໝາຍທະເລປີ 1982. ເຖິງຢ່າງໃດກໍຕາມ, ຈີນ ພັດມີບັນດາຖອຍທຳນອງຕູ່ຫາຫວຽດນາມ ຕໍ່ປະຊາຄົມໂລກ, ມີການກະທຳບຸກໂຈມຕີບັນດາກຳປ່ັນປະຕິບັດກົດໝາຍຂອງຫວຽດນາມບົນທະເລຢ່າງລຽນຕິດ. ຍິ່ງກວ່າເວລາໃດໝົດ, ທົ່ວປວງຊົນຫວຽດນາມ ພວມສາມັກຄີກັນເປັນປືກຫນຶ່ງແຜ່ນດຽວ, ຕໍ່ສູ້ປົກປັກຮັກສາອະທິປະໄຕເຂດທະເລໝູ່ເກາະທີ່ສັກກະລະບູຊາຂອງປະເທດຊາດ.
ສາມັກຄີແມ່ນກຳລັງແຮງ-ບົດຮຽນຈາກອະດີດຕະການ
ເລື່ອງເສີມຂະຫຍາຍກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ ບໍ່ພຽງແຕ່ແມ່ນບົດຮຽນໃຫຍ່ສຳລັບໄຊຊະນະຂອງການຕໍ່ຕ້ານກູ້ຊາດຂອງປະຊາຊົນຫວຽດນາມກ່ອນນີ້ ຫາກຍັງຮັກສາຄຸນຄ່າເໝືອນເດີມໃນພາລະກິດສ້າງສາ ແລະ ປົກປັກຮັກສາປະເທດຊາດປະຈຸບັນ. ທ່ານ ຟ້າມເທຢວຽດ, ອະດີດປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຖືວ່າ: ປະຫວັດສາດຂອງຫວຽດນາມຜ່ານແຕ່ລະໄລຍະ ໄດ້ພິສູດໃຫ້ເຫັນຄວາມສາມັກຄີແມ່ນກຳລັງແຮງເພື່ອຊະນະທຸກສັດຕູຜູ້ຮຸກຮານ ບໍ່ວ່າ ໃນ ສະພາບການໃດ, ຄວາມອັນຕະລາຍຄືແນວໃດ.
“ຂ້າພະເຈົ້າຄິດວ່າ ພວກເຮົາຕ້ອງມີຈິດໃຈເດັດດ່ຽວນຳໃຊ້ກຳລັງແຮງຂອງປະຊາຊົນ, ຄວາມເປັນທຳເພື່ອຕໍ່ສູ້ຍາດເອົາຊະນະ. ຍາມໃດພວກເຮົາກໍໝູນໃຊ້ບົດຮຽນຂອງຄົນລຸ້ນກ່ອນ, ກຳລັງແຮງທົ່ວປວງຊົນທັງຊາດແມ່ນຄຳຕັດສິນຊີ້ຂາດ. ຂ້າພະເຈົ້າຖືວ່າ ຕ້ອງສືບຕໍ່ໝູນໃຊ້ກຳລັງແຮງຂອງປະຊາຊົນ, ບັນດາເຜົ່າ, ສາສະຫນາເພື່ອເຫັນດີເຫັນພ້ອມເປັນຈິດຫນຶ່ງໃຈດຽວ, ສະຫນັບສະຫນູນແຜນນະໂຍບາຍຂອງພັກ, ລັດ ປົກປັກຮັກສາອະທິປະໄຕຂອງປະເທດຊາດ.”
ເມື່ອມີຄວາມສາມັກຄີນຳກັນ, ປະຊາຊົນຫວຽດນາມ ຈະເຕົ້າໂຮມກຳລັງແຮງສັງລວມເພື່ອຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ປົກປັກຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ.
ກຳລັງແຮງມະຫາສາມັກຄີທົ່ວປວງຊົນທັງຊາດຕໍ່ຫນ້າສະພາບຄວາມເຄັ່ງຕຶງຢູ່ທະເລຕາເວັນອອກ
ຫວຽດນາມແມ່ນປະເທດ ຮັກຫອມສັນຕິພາບ ແຕ່ກໍບໍ່ປະໃຫ້ປະເທດໃດນາບຂູ່, ລ່ວງລ້ຳເຂດນ້ຳແດນດິນຂອງຕົນ. ຕໍ່ຫນ້າການລ່ວງລ້ຳເຂດນ່ານນ້ຳ, ເກາະຜິດ, ນາບຂູ່ຈາກຝ່າຍຈີນ, ຫວຽດນາມ ຍັງສືບຕໍ່ແຜນນະໂຍບາຍເຈລະຈາດ້ວຍຄວາມຈິງໃຈ. ແຕ່ ຖ້າຫາກຈີນສືບຕໍ່ ປີນຂັ້ນໄດ ດ້ວຍກຳລັງອາວຸດ, ປະຊາຊົນຫວຽດນາມ ຈະຮ່ວມແຮງຮ່ວມໃຈລຸກຂຶ້ນປົກປັກຮັກສາປະເທດຊາດຕົນ. ເຈດຈຳນົງນັ້ນໂດຍແມ່ນທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ:“ຍາມໃດພວກຂ້າພະເຈົ້າກໍຫວັງມີສັນຕິພາບ, ມິດຕະພາບ ແຕ່ບົນພື້ນຖານຮັບປະກັນເອກະລາດ, ເປັນເຈົ້າຕົນເອງ, ອະທິປະໄຕ, ຜຶນແຜ່ນດິນອັນຄົບຖ້ວນ ແລະ ບໍ່ຍອມແລກສິ່ງທີ່ສັກກະລະບູຊານີ້ເພື່ອຮັບເອົາສັນຕິພາບ, ມິດຕະພາບບໍ່ຈະແຈ້ງກໍຄືບໍ່ເອື່ອຍອີງຈາກຝ່າຍໃດ.”
ການກະທຳຜິດພາດຂອງຈີນ ໄດ້ເຮັດໃຫ້ປະຊາຊົນຫວຽດນາມ ຂັດໃຈ. ມາດຕະການແກ້ໄຂຂອງລັດກໍຄືປະຕິກິລິຍາຂອງປະຊາຊົນຕໍ່ຫນ້າເກາະຜິດຂອງຈີນຢູູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ຍາມໃດກໍສະແດງໃຫ້ເຫັນນ້ຳໃຈຮັກຊາດ, ສາມັກຄີ ແລະ ເຫັນດີເຫັນພ້ອມຂອງຊາດ ໄດ້ຮັບການຮັກສາຢ່າງໝັ້ນຄົງ. ຢູ່ພາຍໃນປະເທດ, ຄຳຢື້ຢາມຖາມຂ່າວ, ເຄື່ອງຂອງ, ຂອງຂວັນຂອງປະຊາຊົນຢູ່ເຂດດິນຕໍ່ແຜ່ນກໍໄດ້ສົ່ງເຖິງພະນັກງານພວມ ປົກປັກຮັກສາອະທິປະໄຕທີ່ສັກກະລະບູຊາຂອງປະເທດຊາດໃນທຸກ ວັນແລະຄືນ.
ບໍ່ພຽງແຕ່ປະຊາຊົນພາຍໃນປະເທດເທົ່ານັ້ນ ຫາກຊາວຫວຽດນາມອາໄສຢູ່ຕ່າງປະເທດ ກໍໄດ້ສະແດງຄວາມສາມັກຄີ, ມຸ່ງໄປເຖິງເຂດທະເລໝູ່ເກາະອີກດ້ວຍ. ຢູ່ຫລາຍປະເທດ, ປະຊາຄົມຊາວຫວຽດນາມໄດ້ຈັດງານໂຮມຊຸມນຸມມິດຕິງ, ແຫ່ຂະບວນຄັດຄ້ານຈີນ.
ທ່ານ ຫງວຽນຟູບີງ, ອະດີດລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ, ປະທານສະມາຄົມຕິດຕໍ່ພົວພັນກັບຊາວຫວຽດນາມອາໄສຢູ່ຕ່າງປະເທດ ໃຫ້ຮູ້ວ່າ: ຊາວຫວຽດນາມຢູ່ຕ່າງປະເທດຫລາຍຄົນ ຍັງຊອກຫາເກັບຮັກສາບັນດາເອກະສານເພ່ືອພິສູດ ເລື່ອງຈີນ ໄດ້ທວງເອົາເຂດນ້ຳແດນດິນທີ່ຜິດພາດ. ພິເສດ ປັນຍາຊົນຊື່ງແມ່ນຊາວຫວຽດນາມອາໄສຢູ່ຕ່າງປະເທດຫລາຍຄົນ ຍັງຍົກອອກຄຳໄຈ້ແຍກ, ຂໍ້ອ້າງຊັດເຈນ, ຢືນຢັນອະທິປະໄຕສຳລັບໝູ່ເກາະຮ່ວາງຊາ ແລະ ເຈື່ອງຊາຂອງຫວຽດນາມ ໃນບັນດາເວທີປາໄສສາກົນ. ຍ້ອນມີບັນດາການກະທຳຂອງປະຊາຄົມຊາວຫວຽດນາມ ຊື່ງເຮັດໃຫ້ປະຊາຊົນໂລກເຂົ້າໃຈຄວາມເປັນທຳ, ນ້ຳໃຈສາມັກຄີຢ່າງແຫນ້ນແຟ້ນຂອງປະຊາຊົນຫວຽດນາມເພື່ອປົກປັກຮັກສາສັນຕິພາບ. ທ່ານ ຫງວຽນຟູບີງ ໃຫ້ຮູ້ວ່າ:
“ເມື່ອເຂດນ້ຳແດນດິນຂອງປະເທດຊາດຖືກລ່ວງລ້ຳ ປະຊາຊົນຫວຽດນາມລ້ວນແຕ່ສາມັກຄີເປັນປືກຫນຶ່ງແຜ່ນດຽວ. ຂ້າພະເຈົ້າເຫັນວ່າ ນັ້ນແມ່ນສິ່ງສຳຄັນ ແລະ ໃນອະນາຄົດ ຖ້າພວກເຮົາເສີມຂະຫຍາຍຈິດໃຈນັ້ນ ປະຊາຊົນຫວຽດນາມຈະເຂົ້າຮ່ວມຫລາຍກວ່າ. ພວກຂ້າພະເຈົ້າຮຽກຮ້ອງປະຊາຊົນຫວຽດນາມ ເພື່ອຈຸດໝາຍລວມແມ່ນປົກປັກຮັກສາອະທິປະໄຕເຂດທະເລໝູ່ເກາະຂອງປະເທດຊາດ.”
ຄວາມຈິງໃຫ້ເຫັນວ່າ ຄວາມສາມັກຄີ ຍາມໃດກໍແມ່ນບົດຮຽນໃຫຍ່ໃນທຸກໄລຍະ. ໃນການຕໍ່ສູ້ປົກປັກຮັກສາປະເທດຊາດ, ກຳລັງແຮງມະຫາສາມັກຄີທົ່ວປວງຊົນທັງຊາດ ແມ່ນອາວຸດແຫລມຄົມເພື່ອໃຫ້ປະຊາຊົນຫວຽດນາມຕ້ານ ແລະ ຕີຊະນະສັດຕຸທຸກໂຕ, ສ່ວນໃນພາລະກິດສ້າງສາສັນຕິພາບ, ຄວາມສາມັກຄີໄດ້ຜູກມັດທົ່ວປວງຊົນເຂົ້າກັນ, ຮ່ວມແຮງຮ່ວມໃຈເປັນຈິດຫນຶ່ງໃນດຽວເພື່ອພັດທະນາເສດຖະກິດສັງຄົມ, ສ້າງສາປະເທດຊາດໃຫ້ຮັ່ງມີເຂັ້ມແຂງ. ມູນເຊື້ອສາມັກຄີ ຍັງຊ່ວຍປະເທດຫວຽດນາມ ເປັນເຈົ້າການ ແລະ ຕັ້ງຫນ້າເປີດກວ້າງການພົວພັນກັບສາກົນ, ເພື່ອໃຫ້ປະຊາຊົນໂລກ ເຂົ້າໃຈເຖິງຄວາມເປັນທຳ, ຄວາມສາມັກຄີຢ່າງແຫນ້ນແຟ້ນກັບປະຊາຊົນຫວຽດນາມ ພ້ອມກັນປົກປັກຮັກສາສັນຕິພາບ, ຍຸຕິທຳກໍຄືບັນດາຄຸນຄ່າອັນສູງສົ່ງຂອງມວນມະນຸດ.